१६ भदौ ,पोखरा।
सिटिवान टेलिभिजनले आयोजना गरेको तेस्रो संस्करणको खुला तीज गित प्रतियोगीताोमा मेट्रोपोलिटान एकेडेमी प्रथम हुन सफल भयको छ ।प्रतियोगीतामा सहभागी ४८ टीमलाई पछि पार्दै मेट्रोपोलिटान प्रथम भयको हो । प्रतियोगीतामा दित्तिय पुरस्कार देविस्थान भजन महिला समूह पोखरा २५ हेम्जाले प्राप्त गर्यो , त्यस्तै तृतीय पुरस्कार राष्ट्रिय मावी पोखरा १ बगरले हात पारे भने सान्त्वना पुरस्कार सक्षम अभियान नेपाल समुहले हात पार्यो । विजेताहरुले क्रमशः रु पचास हजार, तीस हजार २० हजार र १० हजार प्राप्त गरे । प्रतियोगीतामा उत्कृष्ट शब्द कमल जोशी आमा समुह, उत्कृष्ट भेषभुषा भिजन एकेडेमी नवलपरासीको टिम तथा उत्कृष्ट नृत्य सफल उद्द्यमशील महिला समूहले हात पारे । उनीहरुले जनहि ५ हजारको साथमा प्रमाणपत्र प्राप्त गरे ।
सहभागी समुहहरुले महिला शसक्तिकरण, महिला हिसां, पर्यटन प्रवर्धन, बैदेशिक रोजगार, उधमशिलता, तथा लागु पदार्थ दुव्र्यसनी, शिक्षा जस्ता सामाजिक विषयमा गीत गाएका थिए । गण्डकी प्रज्ञा प्रतिष्ठानको सभाहलमा शनिवार सम्पन्न कार्यक्रमको उद्घाटन सत्रका प्रमुख अतिथि गण्डकी प्रदेशका सामाजिक विकास तथा स्वास्थ्य मन्त्री विन्दु कुमार थापाले प्रदेश सरकार सांस्कृतिक गतिविधिको संरक्षणमा लाग्ने भन्दै सद्भाव पुर्ण रुपमा हरितालाीका तिज मनाउन सवैलाई आग्रहृ गरेका थिए । उनले संस्कृतिलाई समाजमा व्याप्त असमानता, बेथिति र विविध समस्याहरुबारे आवाज उठाउने उद्देश्यले आयोजना गरिएको तीज गीत प्रतियोगिता उदाहरणीय रहेको बताए ।
प्रतियोगीतामा निर्णायकहरुमा विवि अनुरागी, सिता केसी र शंकर विरही गुरुङ रहेका थिए । कार्यक्रममा रमाइलो तिज प्रतियोगीता सँगै दर्पण मोहीले सहभागी टोलीलाई दर खुवाएको थियो । यस्तै मणिपाल शिक्षण अस्पतालले स्वास्थ्य शिविर सञ्चालन गरेको थियो । अन्य व्यवसायिक प्रतिष्ठानहरुले स्टलहरुसमेत लगाएका थिए । प्रतियोगीताको समापन सत्रका प्रमुख अथिति गण्डकी प्रदेश सभा सदस्य प्रकाश बरालले तीजलाई सभ्य रुपमा मनाउनुपर्ने बताए । उनले तीजको अवसरमा आएका विभिन्न विकृतिहरुलाई नारीशक्तिले हटाउन सहयोग गर्नुपर्ने बताए ।
प्रतियोगीताको टाईटल स्पोन्सर राष्ट्रिय वाणिज्य बैँक रहेको थियो । त्यस्तै मुख्य प्रायोजक ए ए सी ईट्टा उद्योग प्रा।लि, काठमाण्डौ, उप –प्रायोजक गरिमा बिकास बैकं लिमिटेड र कृषि बिकास बैकं लिमिटेड, सह – प्रायोजक एसियन थाई फुड्स प्रिती चाउचाउ र हिम श्री फुड्स प्रा।लिको रारा चाउचाउ, प्रायोजकहरु कर्माचार्य विस्कुटको उत्पादन क्रन्च क्रिमि फेफर चक्लेट, एस एण्ड एस डेरीको दर्पण मोही, मगंलदिप अगरबती, ट्रु ड्रमा, ट्रु मी,ट्रु स्कीन, कर्माचार्य बेक्स एण्ड फुड्स प्रा।लिको डाइजेस्टीभ बिस्कुट रहेको थियो । प्रतियोगीताका लागि विशेष सहयोगी संस्थाहरुमा गण्डकी प्रज्ञा प्रतिष्ठान, पोखरा महानगरपालिका रहेको थियो।
प्रतियोगीताको समापन समारोहमा सिटीवान टेलिभीजनका अध्यक्ष पवनकुमार प्रजापतीले सिटिवान टेलिभिजनले प्रत्येक वर्ष तीज गीत प्रतियोगीता गर्दै आएको बताउँदै समाजमा भईरहेका घटना परिघटनाको सन्देश घरघरमा पुर्याउनुका साथै संस्कृति संरक्षणमा जोड दिदै आएको बताए ।
टेलिभिजनका अध्यक्ष पवन प्रजापतिको अध्क्षयतामा सम्पन्न भएको कार्यक्रमको संचालन टेलिभिजनका प्रवन्द्ध निर्देशक अनिशा श्रेष्ठ, बजार व्यस्थापक सरला त्रिपाठी भण्डारी, टेक्निसिएन तथा कार्यक्रम सञ्चालिका रीमा शाही ठकुरी र आशामाया मगरले संयुक्त रुपमा सञ्चालन गरेका थिए ।
