१३ भदौ ,पोखरा।
वडा प्रहरी कार्यालय बगरबाट खटिएको प्रहरी टोलीले लागूऔषध सहित एक जनालाई पक्राउ गरेको छ। लागूऔषध कारोबार भई रहेको भन्ने सूचनाको आधारमा पोखरा महानगरपालिका वडा नं.०१ धोबीगौडा बस्ने बिराज रजक लाई पक्राउ गरेको छ।उनि बस्ने घर को कोठाबाट लुकाई छिपाई राखेको अबस्थामा लागूऔषध गाँजा जस्तो देखीने पदार्थ ५ किलो ७५० ग्राम र सोही बाकसमा NITRAZEPAM TABLET IP 10mg NITRAVET-10) नाम उल्लेख भएको २१ चक्की लागुऔषध बरामद गरेको छ। निजलाई पक्राउ गरी सम्मानित कास्की जिल्ला अदालतबाट लागूऔषध सम्बन्धी मुद्दामा १० दिन म्याद थप गरी अनुसन्धान प्रकृया अगाडी बढायको जिल्ला प्रहरी कार्यालय कास्कीले जानकारी दियको छ।
