१३ भदौ ,पोखरा।
जिल्ला प्रहरी कार्यालय कास्कीले पोखरा महानगरपालिका वडा न ४ गैह्रापाटनमा संचालनमा रहेको प्राइम बहुउद्देश्यीय सहकारी संस्थाको रकम हिनामिना प्रकरणमा संचालक समितिका पदाधिकारी दिपा कोइरालालाई पक्राउ गरेको छ।
सहकारीका निक्षेपकर्ताको बचत रकम फिर्ता नगरेको, सहकारीको रकम हिनामिना, अपचलन एवं ठगी गरेको सम्बन्धमा सहकारी रजिष्ट्रारको कार्यालय पोखराको पत्र जाहेरीअनुसार सहकारी ठगी कसुरमा उनलाई पक्राउ गरिएको हो ।
उनलाई पक्राउ गरी कास्की जिल्ला अदालतमा पेस गरिएको जिल्ला प्रहरी कार्यालय कास्कीका प्रहरी नायब उपरीक्षक वसन्तकुमार शर्माले जानकारी दिएका छन्।
