१६ भदौ,पोखरा।
वडा प्रहरी कार्यालय रामबजार कास्कीबाट खटिएको प्रहरी टोलीले पोखरा महानगरपालिका वडा नं.१० ईन्द्रमार्ग बस्ने अनिश गुरुङलाई पक्राउ गरेको छ। उनको कोठामा लुकाई छिपाई राखेको लागू औषध डाईजापाम २३ एम्पुल, फेनेरागन ४१ एम्पुल, नुर्फिन ३३ एम्पुल र ब्रुफिन २२ एम्पुल गरी जम्मा ११९ एम्पुल, नाईट्रोभ्याट ३० चक्की, लागू औषध गाँजा जस्तो देखीने पदार्थ ९७० ग्राम र डिजिटल तराजु १ थान बरामद गरेको छ। गुरुङलाई पक्राउ गरी कास्की जिल्ला अदालतबाट लागू औषध सम्बन्धी मुद्दामा पन्ध्र दिन म्याद थप गरी अनुसन्धान प्रकृया अगाडी बढाईएको छ ।
