सप्तरी ,४ कार्तिक।
सप्तरीको कञ्चनरुप नगरपालिकाको बरमझियामा बस दुर्घटना हुँदा एक जनाको मृत्यु भएको छ । दुर्घटनामा अन्य २६ जना घाइते भएका छन् ।
कञ्चनपुरस्थित इलाका प्रहरी कार्यालयका अनुसार, आइतबार बिहान भएको बस दुर्घटनामा परेर उदयपुरकी २१ वर्षीया मैया राईको घटनास्थलमै मृत्यु भएको हो । दुर्घटनामा गम्भीर घाइते भएका आठ जनालाई उपचारका लागि विराटनगर पठाइएको छ । घाइते अन्य १८ जनाको उपचार स्थानीय धर्मेश्वर अस्पतालमा भइरहेको प्रहरीले जनाएको छ । उदयपुरको गाईघाटबाट काँकडभिट्टाका लागि छुटेको बस विपरीत दिशाबाट आएको मोटरसाइकललाई जोगाउन खोज्दा दुर्घटनामा परेको थियो ।
