काठमाडौं ।
दार्चुलामा झोलुङ्गे पुलको उद्घाटन गरेर काठमाडौं फर्किएका श्रम संस्कृति पार्टीका अध्यक्ष हर्क साम्पाङले आफूहरूले उठाएको पैसा एक रुपैयाँ पनि दुरुपयोग नभएको बताएका छन् ।उनले लोकतन्त्रमा कसैको मुख थुन्न नहुने भन्दै आफूहरूको अभियान जारी रहने बताए। उनले आफूहरूले उठाएको सहयोगको सबै हिसाब पारदर्शी भएको जिकिर गरे।
क्यूआर पार्टी भन्नेहरूलाई उनले , ‘त्यो भन्ने मान्छेले पनि सहयोग गरेको देखाओस् न। हावामा एक रुपैयाँ सहयोग गरेको छैन त्यसै भनेर हुन्छ। अब भन्दा सहयोग गरेको स्क्रिनसट राखेर देखाओस् न।’
उनले विरोध गर्ने अधिकार लोकतन्त्रमा सबैलाई हुने भएपनि प्रमाणसहित गर्नुपर्ने बताए। कसैले बिना प्रमाण आरोप लगाउन नमिल्ने उनको उनको भनाइ छ।
कास्की।
कृषि, वन तथा वातावरण मन्त्रालयले बर्डफ्लुबाट प्रभावित किसानलाई क्षतिपूर्ति उपलब्ध गराउन पशुसेवा विभागलाई रु ५० करोड निकासा गरेको छ ।मन्त्रालयले बर्डफ्लु पुष्टि भएका ११ जिल्लामा नष्ट गरिएका पन्छी, अण्डा तथा दानाको क्षतिपूर्ति वितरणका लागि उक्त रकम विभागलाई उपलब्ध गराएको हो । बर्डफ्लुबाट आर्थिक नोक्सानी बेहोरेका किसानलाई राहतस्वरुप क्षतिपूर्ति वितरण गर्न विभागले मन्त्रालयसँग रकम माग गरेको थियो ।
विभागका अनुसार बर्डफ्लु सङ्क्रमण देखिएका काठमाडौँ, ललितपुर, भक्तपुर, काभ्रेपलाञ्चोक, झापा, मोरङ, सुनसरी, महोत्तरी, बारा, चितवन र नवलपरासीमा करिब सात लाख पन्छी, ११ लाख अण्डा र तीन लाख किलो दाना नष्ट गरिएको थियो । यसबाट रु ७० करोड बराबरको क्षति भएको थियो ।
बर्डफ्लु रोग नियन्त्रण (चौथो संशोधन) २०७४ अनुसार प्रमाणित क्षतिको विवरणका आधारमा नष्ट गरिएका पन्छी, पन्छीजन्य पदार्थ तथा पन्छी उत्पादन सामग्रीको मूल्याङ्कन गरी सम्बन्धित धनीलाई क्षतिको ७५ प्रतिशतसम्म क्षतिपूर्ति उपलब्ध गराउने व्यवस्था छ ।
गत चैतदेखि देशको पूर्वी क्षेत्रबाट फैलिन सुरु भएको बर्डफ्लु सङ्क्रमण हाल ११ जिल्लामा देखिएको छ । भा
कास्की।
नेकपा एमालेका पूर्वप्रतिनिधि सभा सदस्य लक्ष्मी महतो कोइरी जलेश्वर कारागार चलान भएका छन्।बिहीबार साँझ गौशाला नगरपालिका ५, एमाले पार्टी कार्यालय अगाडिबाट पक्राउ परेका महतोलाई जिल्ला प्रहरी कार्यालयले महोत्तरी जिल्ला अदालतमा पेश गरेपछि अदालतले कैद भुक्तानका लागि कारागार पठाइएको प्रहरी प्रवक्ता प्रहरी नायव उपरीक्षक पन्चलाल गोलेले बताए।
मधेस आन्दोलनको क्रममा सशस्त्र प्रहरीका असई थमन बिकको हत्या प्रकरणमा उच्च अदालत जनकपुरले महतोलाई दोषी ठहर गर्दै पाँच वर्षको कैद फैसला सुनाएपछि प्रहरीले त्यसको भोलिपल्ट पक्राउ गरेको थियो।
काठमाडौं ।
स्वास्थ्य बिमा बोर्डले चालु आर्थिक वर्षको विभिन्न मितिमा सेवा प्रदायक स्वास्थ्य संस्थाहरूलाई कुल २३ अर्ब ४४ करोड दुई लाख ९८ हजार १७६ रुपैयाँ भुक्तानी गरेको छ ।
बोर्डले आज प्रेस विज्ञप्ति जारी गर्दै उक्त भुक्तानीसँगै २०८२ साल मंसिर मसान्तसम्म बोर्डमा आबद्ध सम्पूर्ण सेवा प्रदायक स्वास्थ्य संस्थाहरूको दाबी बक्यौता फरफारक भएको जानकारी दिएको हो ।२०८२ मंसिरपछिका दाबी भुक्तानीका लागि आवश्यक बजेट व्यवस्थापन तथा दिगो वित्तीय स्रोत सुनिश्चितताका लागि सम्बन्धित निकायहरूसँग निरन्तर समन्वय र पहल भइरहेको बोर्डले जनाएको छ ।
बोर्डले सम्पूर्ण सेवा प्रदायक स्वास्थ्य संस्थाहरूलाई बिमित सेवाग्राहीहरूको उपचार सेवामा कुनै पनि प्रकारको अवरोध वा कठिनाइ सिर्जना नगरी निर्धारित मापदण्ड बमोजिम गुणस्तरीय स्वास्थ्य सेवा उपलब्ध गराइदिन आग्रह गरेको छ ।
कंचनपुर।
कञ्चनपुरका पत्रकार खेम भण्डारी पक्राउ परेका छन्।कञ्चनपुर जिल्ला अदालतको फैसला कार्यान्वयनका क्रममा जिल्ला प्रहरी कार्यालयको टोलीले उनलाई बिहीबार बिहान भीमदत्त नगरपालिका–१८ कटानबाट नियन्त्रणमा लिएको हो।
कञ्चनपुर जिल्ला अदालतले १ जेठ २०८२ मा निर्मला पन्त बलात्कार तथा हत्या प्रकरणसँग जोडिएको एक गाली बेइज्जती मुद्दामा भण्डारीलाई दोषी ठहर गरेको थियो।
जिल्ला अदालतका न्यायाधीश राजेन्द्रसिंह भण्डारीको इजलासले उनलाई उक्त कसुरमा एक महिना कैद सजाय सुनाएको थियो।कैदका साथै उनलाई १० हजार रुपैयाँ जरिवाना र एक लाख रुपैयाँ क्षतिपूर्ति तिराउने फैसला समेत अदालतले गरेको थियो।
यो मुद्दा निर्मला पन्त प्रकरणसँग जोडिएको छ। उक्त घटनामा तथ्यहीन रूपमा आफ्नो नाम जोडेर समाचार लेखेको भन्दै कञ्चनपुरका तत्कालीन प्रहरी उपरीक्षक (एसपी) दिल्लीराज बिष्टका छोरा किरण बिष्टले भण्डारी विरुद्ध मुद्दा दायर गरेका थिए।मुद्दा दायर गर्ने किरण बिष्ट स्वयं पनि पत्रकार हुन् र उनी राष्ट्रिय समाचार समितिमा कार्यरत छन्।
२०७५ साउन १० गते साथीको घरमा पढ्न जान्छु भनी निस्केकी भीमदत्त नगरपालिकाकी निर्मला पन्त भोलिपल्ट निम्बुखेडा खोला किनारको उखुबारीमा मृत अवस्थामा फेला परेकी थिइन्।
पोखरा महानगरपालिका वडा नं. २१ का वडा सदस्य तथा सार्वजनिक लेखा समिती संयोजक झपट बहादुर रानाभाटले आफूहरुको कार्यकालको समीक्षा गर्दै निर्वाचित भएदेखि नै मुस्कानसहितको सेवा प्रवाहलाई प्राथमिकतामा राखेर काम गरेको बताउनुभएको छ ।
वडाले आयोजना गरेको आर्थिक वर्ष २०८२-०८३ को सार्वजनिक सुनुवाई कार्यक्रमलाई सम्वोधन गर्दै रानाभाटले सेवाग्राही, ज्येष्ठ नागरिक, फरक क्षमता भएका व्यक्ति, उत्पीडित तथा लक्षित समुदायलाई केन्द्रमा राखेर वडा कार्यालयका सेवा सञ्चालन गरिरहेको उल्लेख गर्नुभयो। वडावासीले जनप्रतिनिधिहरूको कामको मूल्याङ्कन गरिरहेको भन्दै आफूहरू पनि त्रुटिरहित नभएको स्वीकार गर्दै भएका कमी–कमजोरीलाई सुधार गर्दै अघि बढ्ने प्रतिबद्धता व्यक्त गर्नुभयो।
रानाभाटले आफ्नो कार्यकालमा भौतिक पूर्वाधार निर्माण, शिक्षा क्षेत्रमा सुधार, कृषिको आधुनिकीकरण, लक्षित समुदायको सशक्तीकरण तथा खानेपानी व्यवस्थापनलगायतका क्षेत्रमा उल्लेखनीय काम गरिएको दाबी गर्नुभयो। यी उपलब्धि सबै राजनीतिक दल र स्थानीय समुदायको सहयोगका कारण सम्भव भएको उहाँको भनाइ थियो।
उहाँका अनुसार वडा नं. २१ ले घर अभिलेखीकरण बाहेक पनि एक करोड तीन लाख रुपैयाँभन्दा बढी राजस्व संकलन गर्न सफल भएको बताउनुभयो। संकलित राजस्व जनताकै सहयोग र सहभागिताबाट सम्भव भएको भन्दै उनले त्यसका लागि वडावासीप्रति आभार व्यक्त गर्नुभयो।
कार्यकालको अन्तिम चरणमा पुगेको उल्लेख गर्दै रानाभाटले नागरिकबाट प्राप्त सुझाव, सल्लाह र आलोचनालाई मार्गनिर्देशनका रूपमा ग्रहण गर्दै आगामी दिनमा अझ जिम्मेवार ढंगले काम गर्ने प्रतिबद्धता समेत व्यक्त गर्नुभयो।
काठमाडौं ।
नेपाल यातायात व्यवसायी राष्ट्रिय महासङ्घले गए रातिदेखि पेट्रोलियम पदार्थको मूल्य घटेसँगै स्वचालित प्रणालीअनुरुप भाडा समायोजन गर्न सरकारसँग माग गरेको छ ।आयल निगमले बुधबार बिहानदेखि लागू हुनेगरी पेट्रोलमा प्रतिलिटर रु २०, डिजेल/मट्टितेलमा प्रतिलिटर रु ३० ले मूल्य घटाएको थियो ।
महासङ्घका अध्यक्ष पुण्यप्रसाद सिटौलाले स्वचालित प्रणालीबमोजिम भाडा समायोजन गरिदिन सरकारलाई अनुरोध गरेका हुन् ।
महासङ्घका अध्यक्ष सिटौलाले सार्वजनिक यातायातको भाडा निर्धारण गर्दा इन्धनको मूल्यमात्र नभएर सवारीसाधनको सञ्चालन खर्च, मर्मतसम्भार, बीमा, श्रमिकको पारिश्रमिक, अतिरिक्त पाटपूर्जाको मूल्य, बैंकिङ लागत तथा समग्र आर्थिक सूचकलाई वैज्ञानिक आधारमा मूल्याङ्कन हुनुपर्ने बताए ।
काठमाडौं ।
जारी विश्वकपमा मेक्सिकन टोलीले ऐतिहासिक जित दर्ता गर्दै अर्को चरणमा प्रवेश गरेको खुसीयाली मनाउने क्रममा मेक्सिको सिटीमा दुःखद घटना भएको छ । खुसियाली मनाउने क्रममा भिडमा च्यापिएर कम्तीमा दुई जनाको मृत्यु भएको स्थानीय सरकारले पुष्टि गरेको द गार्जियनले उल्लेख गरेको छ ।
मेक्सिको सिटीको स्वास्थ्य मन्त्रालयका अनुसार ज्यान गुमाउनेमा एक १९ वर्षीया युवती र एक ४४ वर्षीय पुरुष रहेका छन् । उनीहरूको अत्यधिक भीडमा च्यापिएर वा निसास्सिएर मृत्यु भएको हो । स्थानीय सञ्चारमाध्यमहरूले तेस्रो व्यक्तिको पनि मृत्यु भएको समाचार प्रसारण गरे पनि सरकारी अधिकारीहरूले भने त्यसको आधिकारिक पुष्टि गरिसकेका छैनन् ।
आज बिहान मेक्सिकोले इक्वेडरलाई पराजित गर्दै सन् १९८६ पछि विश्वकपको नकआउट चरणमा पहिलोपटक जित दर्ता गरेपछि समर्थकमा खुसीयाली छाएको थियो । सह(आयोजक मेक्सिको अन्तिम १६ मा पुगेको ऐतिहासिक उपलब्धिको उत्सव मनाउन समर्थकहरू सडकमा उर्लिएका थिए ।
नगर सरकारको अनुमान अनुसार मेक्सिको सिटीका सडकहरूमा १० लाखभन्दा बढी मानिसहरू विजय उत्सव मनाउन भेला भएका थिए।
काठमाडौं ।
नेकपा एमालेका प्रचार प्रसार तथा प्रकाशन विभाग प्रमुख नीरज आचार्यले सत्तारुढ सत्तारुढ राष्ट्रिय स्वतन्त्र पार्टी रास्वपाको नेतृत्वले बालबालिकालाई पार्टी सदस्यता दिनु देशको संविधान, कानुन र अन्तर्राष्ट्रिय अभिसन्धि विपरीत भएको टिप्पणी गरेका छन् ।
उनले नेपालको संविधान, राजनीतिक दलसम्बन्धी ऐन र अन्तर्राष्ट्रिय अभिसन्धिले १८ वर्षमुनिका नाबालकलाई पार्टी सदस्य बनाउन पूर्ण निषेध गरेको भन्दै ‘बाल कार्यकर्ता’ उत्पादन नगर्न भनेका हुन् । अरुलाई अर्ती दिने, आफू नसच्चिने प्रवृत्तिले सत्तारुढ राष्ट्रिय स्वतन्त्र पार्टी रास्वपा नेतृत्व ग्रस्त छ । हालै सम्पन्न महाधिवेशनका दस्तावेज अध्ययन गर्दा उनीहरुको राजनीतिक दिवालियापन प्रष्ट भएको हो ।
महाधिवेशनमा महामन्त्री कवीन्द्र बुर्लाकोटीले पेश गरेको सांगठानिक प्रतिवेदनमा प्रस्तुत तथ्यांकले कानुनकै धज्जी उडाएको देखियो। पार्टीका कुल ५,२३,४६५ सदस्यमध्ये ३५,२५७ जना त १८ वर्षमुनिका बालबालिका मात्रै रहेछन् ।उक्त पार्टीका नेताहरुले बुझ्नुपर्ने कुरा हो कि, चकलेट र सदस्यता फारम उस्तै होइन ।
संख्या ठूलो देखाउने होडबाजीमा बालबालिकाको भविष्यसँग खेलवाड गरिनु हुँदैन । घण्टी बजाउनुस्, तर देशको कानुनको परिधिभित्र बसेर। बालबालिकालाई राजनीति होइन, राम्रो शिक्षा र संस्कार दिनुस् ।
पोखरा। पोखरा महानगरपालिका वडा नं. २१ द्वारा आयोजित आर्थिक वर्ष २०८२/८३ को सार्वजनिक सुनुवाइ कार्यक्रम सम्पन्न भएको छ। स्थानीय सरकार र नागरिकबीच दोहोरो संवाद स्थापित गर्दै विकास प्रक्रियामा नागरिकको रचनात्मक सहभागिता, जवाफदेहिता तथा पारदर्शिता प्रवर्द्धन गर्ने उद्देश्यले कार्यक्रम आयोजना गरिएको हो।
सार्वजनिक सुनुवाइ कार्यक्रममा जनप्रतिनिधि, स्थानीय बासिन्दा, राजनीतिक दलका प्रतिनिधि, स्वास्थ्यकर्मी, शिक्षक, विद्यार्थी, कर्मचारी, टोल विकास संस्थाका पदाधिकारी तथा विभिन्न संघसंस्थाका प्रतिनिधिसहित करिब १५० जनाको सहभागिता रहेको थियो।
कार्यक्रममा सहभागीहरूले दैनिक सेवा प्रवाह, विकास निर्माण, स्वास्थ्य सेवा तथा त्यसको सुधार, साङ्गठनिक सुशासन, पारदर्शिता र जवाफदेहिता, सडक, ढल, नाला तथा पानी निकास व्यवस्थापन, सार्वजनिक सम्पत्तिको संरक्षण र सदुपयोग, पर्यटकीय स्थलको स्तरवृद्धिलगायत समुन्नत वडा निर्माणसँग सम्बन्धित विषयमा प्रश्न, गुनासा तथा सुझाव प्रस्तुत गरेका थिए।
सहभागीहरूले उठाएका प्रश्न तथा जिज्ञासाको जवाफ दिँदै सम्बन्धित कर्मचारी तथा वडा अध्यक्ष दिपक प्रसाद सुवेदीले आर्थिक वर्षका लागि विनियोजित बजेट, योजना तथा कार्यक्रमहरूको प्राथमिकता र आगामी कार्ययोजनाबारे जानकारी गराउनु भएको थियो ।
सो अवसरमा वडा अध्यक्ष सुवेदीले आफ्नो वडाले महानगरले दिएको लक्ष्यअनुसारको राजस्व संकलन गर्न सफल भएको भए पनि महानगरबाट आवश्यक रकम प्राप्त हुन नसक्दा अझै ४ करोडभन्दा बढी रकम भुक्तानी गर्न बाँकी रहेको जानकारी दिनुभयो। सीमित बजेटमा असीमित आवश्यकता पूरा गर्नुपर्ने चुनौती रहेको उल्लेख गर्दै उहाँले समृद्ध वडा निर्माणका लागि वडा कार्यालय निरन्तर प्रयासरत रहेको बताउनुभयो।
यस्तै, पोखरा महानगरपालिका वडा नं. २१ का वडा सदस्य तथा सार्वजनिक लेखा समिती संयोजक झपट बहादुर रानाभाटले आफूहरुको कार्यकालको समीक्षा गर्दै निर्वाचित भएदेखि नै मुस्कानसहितको सेवा प्रवाहलाई प्राथमिकतामा राखेर काम गरेको बताउनुभएको छ ।
वडाले आयोजना गरेको आर्थिक वर्ष २०८२-०८३ को सार्वजनिक सुनुवाई कार्यक्रमलाई सम्वोधन गर्दै रानाभाटले सेवाग्राही, ज्येष्ठ नागरिक, फरक क्षमता भएका व्यक्ति, उत्पीडित तथा लक्षित समुदायलाई केन्द्रमा राखेर वडा कार्यालयका सेवा सञ्चालन गरिरहेको उल्लेख गर्नुभयो। वडावासीले जनप्रतिनिधिहरूको कामको मूल्याङ्कन गरिरहेको भन्दै आफूहरू पनि त्रुटिरहित नभएको स्वीकार गर्दै भएका कमी–कमजोरीलाई सुधार गर्दै अघि बढ्ने प्रतिबद्धता व्यक्त गर्नुभयो।
रानाभाटले आफ्नो कार्यकालमा भौतिक पूर्वाधार निर्माण, शिक्षा क्षेत्रमा सुधार, कृषिको आधुनिकीकरण, लक्षित समुदायको सशक्तीकरण तथा खानेपानी व्यवस्थापनलगायतका क्षेत्रमा उल्लेखनीय काम गरिएको दाबी गर्नुभयो। यी उपलब्धि सबै राजनीतिक दल र स्थानीय समुदायको सहयोगका कारण सम्भव भएको उहाँको भनाइ थियो।
उहाँका अनुसार वडा नं. २१ ले घर अभिलेखीकरण बाहेक पनि एक करोड तीन लाख रुपैयाँभन्दा बढी राजस्व संकलन गर्न सफल भएको बताउनुभयो। संकलित राजस्व जनताकै सहयोग र सहभागिताबाट सम्भव भएको भन्दै उनले त्यसका लागि वडावासीप्रति आभार व्यक्त गर्नुभयो।
कार्यकालको अन्तिम चरणमा पुगेको उल्लेख गर्दै रानाभाटले नागरिकबाट प्राप्त सुझाव, सल्लाह र आलोचनालाई मार्गनिर्देशनका रूपमा ग्रहण गर्दै आगामी दिनमा अझ जिम्मेवार ढंगले काम गर्ने प्रतिबद्धता समेत व्यक्त गर्नुभयो।
कार्यक्रममा वडाको वार्षिक प्रगति प्रतिवेदन प्रस्तुत गर्दै वडा सचिव कृष्ण प्रसाद शर्माले चालु आर्थिक वर्षमा सेवा प्रवाहलाई नियमित, चुस्त र दुरुस्त रूपमा सञ्चालन गरिएको जानकारी दिनुभयो। उहाँका अनुसार कार्यालयले हालसम्म अनलाइनबाहेक ७८ वटा पत्र दर्ता गरेको छ भने विभिन्न प्रकृतिका ४ हजार ९३४ वटा पत्र चलानी गरेको छ।
वडा कार्यालयले नियमित रूपमा वडा समितिको बैठक सञ्चालन गर्दै आएको र हालसम्म ३५ वटा बैठक सम्पन्न भई ११३ वटा विभिन्न विषयमा निर्णय गरिएको जानकारी पनि उहाँले दिनुभयो।
सेवा प्रवाहतर्फ नागरिकता, नाता प्रमाणित, घरबाटो, चार किल्ला, योजना सम्बन्धी, छात्रवृत्ति सम्बन्धी, नामसारी, अविवाहितलगायत विभिन्न प्रकृतिका गरी कुल ४ हजार ९३४ वटा सिफारिस प्रदान गरिएको वडा सचिव शर्माले जानकारी दिनुभयो।
वाराही सञ्चार प्रा.लि.ले सहजीकरण गरेको सार्वजनिक सुनुवाइ कार्यक्रमको सञ्चालन माधव पराजुलीले गर्नुभएको थियो।
