२०८३ मंसिर १ सोमबार
२०८३ मंसिर १ सोमबार

काठमाडौँ , प्रधानमन्त्री केपी शर्मा ओलीले चिनियाँ राष्ट्रपति सी चिनफिङसँग लिपुलेकलाई व्यापारिक मार्ग बनाउने भारतको सहमतिका विषयमा आपत्ति जनाएका छन् । परराष्ट्र मन्त्रालयका अमृत राईका अनुसार, शनिबार दिउँसो भएको भेटवार्ताका क्रममा प्रधानमन्त्री ओलीले उक्त भू–भागबारे भएको सहमतिको बारेमा प्रधानमन्त्री ओलीले स्पष्ट रुपमा आपत्ति जनाएका छन् ‘नेपाली भूमि लिपुलेकलाई व्यापारिक मार्ग बनाउने विषयमा चीन र भारतबीच भएको सहमतिका विषयमा मैले राष्ट्रपति सीसँग स्पष्ट रूपमा आपत्ति रहेको कुरा राखेको छु,’ प्रधानमन्त्री ओलीको भनाइ उद्धृत गर्दै राईले भने, ‘सन् १८१६ को सुगौली सन्धिबमोजिम महाकालीपूर्वका भूभागहरू सार्वभौम मुलुक नेपालका भएको स्पष्ट छ ।

यस मामिलामा चीनले नेपाललाई सहयोग गर्नेछ भन्ने हाम्रो विश्वास रहेको छ ।’भेटका अवसरमा दुई देशबीचको मित्रवत सम्बन्ध र सहकार्यका विविध क्षेत्रमा कुराकानी भई सम्बन्ध र सहकार्य अभिवृद्धि गर्न दुवै देशका संयन्त्र अग्रसर हुने निधो गरेको पनि राईले जानकारी गराएका छन् । एससिओ शिखर सम्मेलनमा भाग लिन २३ सदस्यीय नेपाली प्रतिनिधिमण्डलको नेतृत्व गर्दै प्रधानमन्त्री चीन गएका हुन् । प्रधानमन्त्री ओलीले सेप्टेम्बर ३ मा बेइजिङमा आयोजना हुने ८०औँ वार्षिकोत्सवका स्मृति कार्यक्रममा सहभागिता जनाउनुहुने भ्रमणको कार्यतालिकामा उल्लेख छ ।

 

 

पोखरा महानगरपालिका वडा नं ५ ले सार्वजनिक सुनुवाइ कार्यक्रम सम्पन्न गरेको छ। स्थानीय सरकार र नागरिकहरूका बिचमा दोहोरो संवाद स्थापित गर्दै विकास प्रक्रियामा नागरिकहरूको रचनात्मक प्रतिनिधित्व सहित सुशासन, पारदर्शिता र जबाफदेहिता गर्ने उद्देश्य अनुरूप शुक्रवार सार्वजनिक सुनुवाइ कार्यक्रम सम्पन्न गरिएको हो ।  

कार्यक्रममा वडाध्यक्ष विष्णुप्रसाद बरालले दीर्घकालीन रूपमा सकारात्मक प्रभाव पार्ने महत्त्वपूर्ण योजनाहरूलाई अगाडि बढाइरहेको बताए। उनले पोखरा महानगरपालिकामा वडा नं ५ खेलकुदमा परिचित वडा भएको बताउँदै खेल पूर्वाधारलाई अगाडि बढाउने लक्ष्य अनुरूप यस आर्थिक वर्षमा मालेपाटन खेलमैदानमा बनिरहेको मिनी कभर्ड हल सम्पन्न गर्नका लागि पहिलो प्राथमिकता दिएर बजेट व्यवस्थापन गरिएको बताए। सहरी स्वास्थ्य केन्द्रलाई अझ व्यवस्थित र सु-सम्पन्न बनाउँदै थप उपचार तथा ल्याब सेवा राख्दै धेरै भन्दा धेरै नागरिकलाई सेवा दिनको लागि तयारी गरिएको उनले जानकारी दिए। बरालले निर्माणाधिन अवस्थामा रहेका दुई वटा पुललाई यो वर्ष सम्पन्न गर्ने उद्देश्य अनुरूप महानगरबाट टेन्डर आह्वान गरी बजेट व्यवस्थापन गरिएको बताए। 

बस्ती विकास र राजमार्ग चौडा बनेसँगै वडा नं ५ मा दुर्घटनाको चुनौती थपिएको भन्दै दुर्घटना न्यूनीकरणका लागि वडाले विशेष प्राथमिकताका साथ कार्यक्रमहरू ल्याइने बताए। वडाको कार्य प्रगतिका बारेमा वृत्त चित्र समेत प्रस्तुत गरिएको कार्यक्रममा उपस्थित वडावासीले सेवा प्रवाह, विकास निर्माण, साङ्गठनिक सुशासन, पारदर्शिता तथा जबाफदेहिता, ढल, नाला तथा पानीको निकास, सरसफाइ, सार्वजनिक सम्पत्तिको संरक्षण तथा सदुपयोग, नागरिकको स्वास्थ्य, सुरक्षा र शिक्षा लगायत समुन्नत वडा निर्माणका आधारहरूका विषयमा गुनासा तथा सुझावहरू राखेका थिए। 

१९ जना नागरिकबाट प्रस्तुत जिज्ञासालाई स्पष्ट पार्दै वडाध्यक्ष बरालले आफूहरू पारदर्शिताको सवालमा सधैँ सचेत रहेको भन्दै कार्यालय समयमा जति बेलै नागरिकले आएर हिसाब हेर्न सक्ने बताए। उनले समग्रमा वडा नं ५ लाई हरियाली वडा, चौतारी नै चौतारी भएको वडा र व्यवस्थित मानव विकास भएको समृद्ध वडा निर्माणमा लागिपरेको भन्दै यसका लागि वडावासीलाई सहयोग गर्न आग्रह गरे । आफ्नो टोलमा सरसफाइ गर्न स्वयम टोलवासीको पनि जिम्मेवारी रहने भन्दै चौपाया, कुकुर जस्ता जनावरहरू जथाभाबी सडकमा नछोड्न तथा घरभित्रको फोहोर पानी नाला तथा सडकमा नफाली घरभित्रै व्यवस्थित गर्न वडा अध्यक्ष बरालले आग्रह गरे । 

सार्वजनिक सुनुवाइ कार्यक्रममा वडा सचिव लक्ष्मण शर्माले वार्षिक प्रगति प्रतिवेदन प्रस्तुत गरेका थिए। 

वाराही सञ्चार प्रालिको सहजीकरणमा सम्पन्न भएको सार्वजनिक सुनुवाइ कार्यक्रमको सञ्चालन पत्रकार उमा आले र माधव पराजुलीले गरेका थिए। 

पोखरा, १२ भदौ ।

पोखराको पुरानो टुँडिखेलमा जारी तेस्रो संस्करणको ऐतिहासिक टँुडिखेल तीज महोत्सव २०८२ अन्र्तगत शुक्रबार राजु परियार र ज्योती मगरले दर्शक नचाउने भएका छन् ।

“हाम्रो सँस्कृति हाम्रो पहिचान लोपोन्मुख सस्कृति जोगाउने हाम्रो अभियान” भन्ने नाराका साथ नेपाली महिलाहरुको महान पर्व हरितालिका तीजको अवसर पारि पोखरा महानगरपालिका वडा नम्बर १ टुँडिखेलस्थित इन्द्रेणी एकिकृत विकास केन्द्रको आयोजना र विद्युतीय सवारी निर्माता कम्पनी बीवाईडीकोे मुख्य प्रायोजनमा जारी महोत्सवमा दैनिक रुपमा विभिन्न राष्ट्रिय तथा स्थानीय कलाकारहरुको प्रस्तुती जारी रहेको छ ।

कलाकारहरुको प्रस्तुती अन्तगत शुक्रबार राजु परियार र ज्योती मगर सगै चोलेन्द्र पौडेल, शिवहरी ढुङ्गाना, शिव पौडेल, कृष्ण भट्टराई, कमला गैरे, शान्ति बर्देबा सञ्जिव सिंह राना लगायतका कलाकारले आ आफनो प्रस्तुती मार्फत दर्शक नचाउने सगै पोखराको पुरानो टँुडिखेल घन्काउने भएका आयोजक केन्द्रका अध्यक्ष भानुभक्त अधिकारीले जानकारी दिए ।

जारी महोत्सवमा बिहीबार रोजिना परियार, तारापति सुवेदी, रामजी पौडेल, नवराज अधिकारी, तुलसा जिसी, पार्वती गुरुङ, गगन गुरुङ लगायतका कालाकारहरुले आ आफनो प्रस्तुती राखेका थिए ।

महोत्सव अन्र्तगत आयोजना गरिएको एकल नृत्य प्रतियोगिता, छेलोहान्ने प्रतियोगिता, ढिकी जातो प्रतियोगिता र तिज गित प्रतियोगिता भने सम्पन्न भएका छन् ।

१० दिने महोत्सवमा दैनिक उपभोग्य, कृर्षि, हस्तकला, बैक तथा वित्तिय सस्था, लत्ता कपडा सगै अन्य विभिन्न गरि एक सय ५० व्यापारिकस्टलहरु, रेष्टुरेन्टका स्टल, वाल उद्यान रहेका छन् ।

ऐतिहासिक टँुडिखेलको संरक्षण, परम्परागत नेपाली कला संस्कृतीको संरक्षण, महिला दिदी–बहिनीहरुद्वारा उत्पादित वस्तुहरुको प्रदर्शनी, नृत्य र संगीत मार्फत महिला सशक्तिकरणमा टेवा पुर्याउने, तीजलाई भड्किला नभई मौलिक तीजको रुपमा विकास गर्ने, लोपउन्मुख संस्कृतिको जगेर्ना, अन्तरनिहित प्रतिभाको लागि स्थान र वातावरण उपलब्ध गराउने, सस्कृतिक, खेलकुद तथा ज्ञानवद्र्धक एवम् मनोरञ्जनात्मक कार्यक्रम संचालन, आन्तरिक तथा बाह्य पर्यटन प्रवद्र्धना टेवा पुर्याउने, इन्द्रेणी एकेडेमीमा रहेका बालबालिकाहरुको समग्र स्तर उन्नति गर्ने, निर्माण सम्पन्न इन्द्रेणी आवाशिय क्रियाकर्म भवनलाईलाई सुविधासम्पन्न बनाउने, शव यात्रा वाहन सञ्चालन गर्ने लगायतका उदेश्य सहित महोत्सव आयोजना गरिएको अध्यक्ष अधिकारीले जानकारी दिए ।

महोत्सव सम्पन्न गर्न टुर्बोग वियरले सह प्रायोजन सगै गृहलक्ष्मी ग्यास, कर्मा ईन्टरनेश्नल ईम्पोल्यमेन्ट प्रालि काठमाण्डौले उप प्रायोजन गर्ने भएका छन् । यसै गरि बाल्ट्रा होम एप्लिकेसन, राष्ट्रिय वाणिज्य बैक र सालिको इन्स्यूरेन्सले प्रायोजन, राष्ट्रिय माध्यमिक विद्यालयले विशेष सहयोग, सामाजिक विकास यूवा तथा खेलकुद मन्त्रालय गण्डकी प्रदेश, पर्यटन तथा उद्योग मन्त्रालय गण्डकी प्रदेश, पोखरा महानगरपालिका, माछापुच्छे गाउँपालिका, अन्नपूर्ण गाउँपालिका र पोखरा १, २, ३ वडा कार्यालयले प्रवद्धन गर्ने महोत्सव सम्पन्न गर्न गण्डकी मेडिकल कलेज, लेकसिटी पानी, कम्प्लिट गार्डेन न्युरोड पोखरा, गरिमा विकाश बैंक, गौतम स्याङ्गजा सुन चाँदी पसल चिप्लेढुङ्गा, प्रतिभा माध्यमिक बिद्यालय, पराजुली आयल स्टोस पोखरा १, कुवँर हार्डवयर, लान्दुक पेट्रोलियम प्रा.लि, पोखरा इन्टरनेट, निचि वेवि चिप्लेढुङ्गाले सहयोग गरेका छन् ।

 

पोखरा, १२ भदौँ ।

नेपाल सरकारले ल्याउन लागेको संघीय शिक्षा ऐनको विरोधमा निजी तथा आवासीय विद्यालयले कास्कीमा बिहीबार कोण सभा गरेको छ ।प्याव्सन, एन प्याव्सन, हिसानमा कास्कीले जिल्ला प्रशाशन कार्यालय कास्की अगाडि कोण सभा आयोजना गरेको हो ।

संघीय शिक्षा ऐनमा ल्याउन लागिएको निजी तथा आवासीय विद्यालयलाई गैर नाफा मूलक बनाउने र पूर्ण छात्रवृत्तिलाई हटाउन माग गर्दै कास्कीका निजी तथा आवसीय विद्यालयले कोण सभाको आयोजना गरेका हुन् ।

कोण सभामा बोल्दै प्याव्सन कास्कीका अध्यक्ष षडानन्द गौतमले असहमतिका वुदाँ नसच्याएमा कडा रुपमामा आन्दोलनमा उत्रिने चेतावनी दिए । ‘हामीले शान्तिपूर्ण रुपमा आन्दोलनमा उत्रिएर आफ्ना माग पुरा गर्न सकारलाई आग्रह गरेका छौ’ उनले भने, ‘शान्तिपूर्ण आन्दोलनलाई मार्फत हाम्रा माग पुरा नभए कडा आन्दोलन गर्न बाध्य हुने छौं ।’

एन प्याव्सन कास्कीका अध्यक्ष हेमन्त अधिकारीले सरकारले ल्याउन लागेको संघीय शिक्षा ऐनले निजी तथा आवसीय विद्यालयका सञ्चालकलाई हतोत्साईत बनाउने काम गरेको बताए ।

‘आफ्ना सम्पूर्ण जग्गा जमिन घर धितो राखेर विद्यालय सञ्चालन गरेका छौ’ उनले भने ‘जिवनको पुरै समयमा शिक्षा सेवामा खटिदै गर्दा नेपाल सरकरबाट सम्मान पाउनुको साटो उल्टै हतोत्साईत गर्ने काम भएको छ । तुरुन्त यो ऐन सच्च्याउन नेपाल सरकारसँग हामी जोडदार माग गर्दछौ ।’

हिसान कास्कीका अध्यक्ष दिवाकर जैसीले संघीय शिक्षा ऐन नसच्याए सम्म आन्दोलन नरोकीने बताए । प्याव्सन कास्कीका सचिव सुरेन्द्रमान सिंह भण्डारीले पहिलो चरणको आन्दोलन सकिएको बताउँदै आज केन्द्रबाट दोस्रो चरणको आन्दोलनको घोषण हुने जानकारी दिए । कोण सभा लगत्तै संयुक्त संघर्ष समितिले जिल्ला प्रशाशन कार्यालय कास्कीका मार्फत प्रधानमन्त्रीलाई ज्ञापन पत्र वुझाएका थिए ।

पूर्ण छात्रा वृत्ति भन्ने शब्द हटाइनु पर्ने, विद्यालयहरूमा उत्पादन नहुने सामाग्रीहरू जस्तै पोसाक, स्टेशनरी, शैक्षिक सामाग्री, खाना, खाजा प्रावधान खारेज गर्नुपर्ने, कम्पनी ऐन अनुसार दर्ता भई सञ्चालनमा रहेका विद्यालयहरूलाई गैर नाफामुलक बनाउँदै लगिने भन्ने प्रावधान हटाइनुपर्ने माग निजी तथा आवासीय विद्यालयको रहेको छ ।

त्यसै गरी छात्रवृत्ति वितरणको अधिकार सम्बन्धित विद्यालयमा रहनुपर्ने, पालिका प्रतिनिधिको सहभागितामा एक पारदर्शी समिति गठन गरी वितरण गर्ने सकिने व्यवस्था गरिनुपर्ने, छात्रवृत्ति सम्बन्धी ऐन २०२१ को दफा ३(क), नियमावली २०६० को नियम १०(क) मा ४५ प्रतिशत आरक्षण छात्रवृत्ति सम्बन्धी व्यवस्था तथा केही नेपाल ऐन संशोधन गर्ने ऐन २०७७ ले ११ वटा विश्वविद्यालयमा कक्षा ६ देखि १० सम्म सामुदायिक विद्यालयमा अध्ययन गरेका विद्यार्थीले मात्र उच्च शिक्षा तथा सिटीइभिटी कार्यक्रम अन्तर्गत अध्ययन गर्न पाउने व्यवस्था भएको विभेदकारी उल्लेखित ऐन नियमका दफाहरू खारेज गरिनुपर्ने माग राखेका छन् ।

 

 

पोखरा १२ भदौ ।

लायन्स इन्टरनेसनल डिस्ट्रिक्ट ३२५ जे नेपाल अन्तर्गतका दुई क्लब पोखरा सिर्जना चौतारी र पोखरा फेवा बेगनास चौतारी समायोजन भएका छन् । सन् २०१२ सालमा स्थापना भएको सिर्जना चौतारीको स्पोन्सरमा सन् २०१६ मा स्थापना भएको फेवा बेगनास चौतारी ‘मदर क्लब’मा मर्ज भएपछि सिर्जना चौतारीको सदस्य सङ्ख्या ५४ पुगेको छ ।

 सिर्जना चौतारीले बिहीबार एक कार्यक्रमको आयोजना गरेर समायोजन भइ आएका सदस्यहरूलाई स्वागत गरेको छ । लायन्स क्लब अफ पोखरा सिर्जना चौतारीका वर्ष २०२५/२०२६ का अध्यक्ष जनकराज पराजुलीको अध्यक्षता कार्यक्रम भएको थियो । 

कार्यक्रममा सिर्जना चौतारीका संस्थापक अध्यक्ष बालकृष्ण बराल, फेवा बेगनास चौतारीका संस्थापक अध्यक्ष सन्तोष घिमिरे, दुवै क्लबका पूर्व अध्यक्षहरू जित बहादुर थापा गोपाल, जीवन गोर्खाली, टङ्क ढकाल, महेश्वर रिमाल, राजु बराल, विधान गौतम, राजाराम पौडेल, उमापति ढकाल, टिका बहादुर लम्साल, चित्र गुरुङ, द्वितीय उपाध्यक्ष रमेश अधिकारी, तृतीय उपाध्यक्ष कृष्णप्रसाद आचार्य, सह कोषाध्यक्ष राजेश ढुंगाना लगायतले दुई क्लब समायोजन भएर कार्य गर्दा काम प्रभावकारी हुने विश्वास गरेका थिए । 

दुवै क्लबले विगतमा निर्माण गरेको साखलाई कायम राख्दै डिस्ट्रिक्टको अब्बल क्लबको रुपमा स्थापित गर्दै गतिविधि सञ्चालन गर्ने प्रतिवद्धता जनाएका छन् । सिर्जना चौतारीका सचिव खगेश्वर पौडेलले सञ्चालन गरेको कार्यक्रममा स्वागत प्रथम उपाध्यक्ष शान्ति सिग्देलले गरेकी थिइन ।

 

पोखरा, १२ भदौ।
 
नेपाल खेलकुद पत्रकार मञ्च गण्डकीको सातौं साधारण सभा भदौ २६ गते हुने भएको छ । मञ्चको बिहीबार बसेको २१ औं बैठकले साधारण सभा सम्बन्धी निर्णय गरेको मञ्चका अध्यक्ष मानबहादुर घर्ती (एमबि आस्था) ले जानकारी दिए ।

सोही कार्यक्रममा मञ्चले आयोजना गरेको नवौं पोखरा स्पोर्ट्स अवार्डको समीक्षा र आयव्यय सार्वजनिक गरिने अध्यक्ष आस्थाले खुलाए । यसका अलावा खेल पत्रकारको क्षमता अभिवृद्धिका  लागि भदौ २७ गते तालिम समेत आयोजना हुँनेछ ।

गण्डकी प्रदेशका सम्पूर्ण खेलकुद पत्रकारको साझा संस्थाको रुपमा रहेको  मञ्चमा  हाल ७४ जना पत्रकार आवद्ध छन् ।
नेपाल खेलकुद पत्रकार मञ्च गण्डकी २०७५ सालमा केशव पाठक नेतृत्वको तदर्थ समितिले दर्ता गरी प्रदेश संरचनामा लगेको थियो । २०५८ सालमा पोखराका खेल पत्रकारहरु संगठित भई रामकृष्ण ज्ञवाली संस्थापक अध्यक्ष रहेको मञ्च कास्कीको विस्तारित रुपमा यहाँसम्म आइपुगेको हो ।

 
 

पोखरा, १२ भदौ।

गण्डकी प्रदेशका प्रमुख डिल्लीराज भट्ट समक्ष गण्डकीका मुख्य न्यायाधिवक्ताको कार्यालयले प्रतिवेदन पेश गरेको छ  । मुख्य न्यायाधिवक्ता चिरञ्जीवी शर्मा पौडेलले कार्यालयको आर्थिक वर्ष २०८१/०८२ को वार्षिक प्रतिवेदन बिहीबार एक कार्यक्रमका बीच हस्तान्तरण गर्नुभएको हो ।

प्रदेश प्रमुख भट्टले मुख्य न्यायाधिवक्ता मुख्यमन्त्रीका कानुनी सल्लाहकार रहेकाले प्रदेश सरकारको न्यायिक कामकारबाही नै मुख्य न्यायाधिवक्ताको प्रमुख दायित्व रहने उल्लेख गर्नुभयो । ‘प्रदेश सरकारलाई कानुनी सल्लाहका साथै न्यायिक कामकारबाहीमा सहायता प्रदान गर्ने जिम्मेवारी मुख्य न्याधिवक्ताको हो ।’ भट्टले भन्नुभयो ।

संवैधानिक व्यवस्था अनुरुप प्राप्त जिम्मेवारीअनुसार कार्यालयले आफ्ना कार्य सम्पादन गर्दै आएको विश्वास व्यक्त गर्नुहुँदै उहाँले कार्यालयले संघीयताका तहगत स्पष्टताका विषयमा नागरिक छलफल चलाउने, स्थानीय न्यायिक समितिको क्षमता अभिवृद्धिका लागि तालिम प्रशिक्षण लगायतमा जोड दिन ध्यानाकर्षण गराउनुभयो ।

कार्यक्रममा मुख्य न्यायाधिवक्ता शर्माले वार्षिक रुपमा प्रतिवेदन पेश गर्नुपर्ने कानुनी प्रावधान अनुसार गत आर्थिक वर्षमा सम्पादन गरिएका कार्यहरुको संक्षिप्त विवरण पनि प्रस्तुत गर्नुभयो । मुख्य न्यायाधिवक्ताको कार्यालयबाट प्रदेश सरकारको प्रतिनिधि भई प्रतिरक्षा गरिएका मुद्दा, लिखित रुपमा राय माग भई आएका विषय, राय सुझावसहित पठाइएका नीति, ऐन नियम आदि विषय प्रतिवेदनमा समेटिएको उहाँले जानकारी गराउनुभयो ।

मुख्य न्यायाधिवक्ता शर्माले कार्यालयले प्रदेश सरकारलाई विभिन्न विधेयकहरुमा निर्माणमा सहयोग गरेको र कार्यालय शुन्य बेरुजुको प्रयासमा रहेको उल्लेख गर्नुभयो ।

नेपालको संविधानको धारा १६० मा प्रत्येक प्रदेशमा एक मुख्य न्यायाधिवक्ता रहने संवैधानिक व्यवस्था रहेको छ । मुख्य न्यायाधिवक्ताको काम, कर्तव्य र अधिकार तथा सेवाका शर्त सम्बन्धी ऐन, २०७५ को दफा ११ ले मुख्य न्यायधिवक्ताले प्रत्येक वर्ष आफूले सम्पादन गरेको कामको वार्षिक प्रतिवेदन तयार गरी प्रदेश प्रमुख समक्ष पेश गर्नुपर्ने व्यवस्था गरेको छ । उक्त प्रतिवेदन प्रदेश सभा समक्ष पेश गर्न प्रदेश प्रमुख कार्यालयबाट मुख्यमन्त्री कार्यालयलाई पठाउनेछ ।

कार्यालयले वर्ष भरिमा संवैधानिक एवं कानूनी विषयमा दिएको राय सल्लाहको संक्षिप्त विवरण, प्रदेश सरकार बादी वा प्रतिवादी भई दायर भएका मुद्दा मामिलामा प्रतिरक्षा गरिएको संक्षिप्त विवरण, मुद्दा मामिलामा गरिनुपर्ने सुधारको विवरण लगायत प्रतिवेदनमा उल्लेख गर्दछ ।

“कुमामोतो नेपाली समाज तथा आसो फुटबाल क्लब द्वारा तीज बीसेस विभिन्न कार्यक्रमको आयोजना” 

– रामचन्द्र राई

हरितालिका तीज पर्व २०८२ को शुभकामना आदान–प्रदान तथा दर खाने कार्यक्रम अन्तर्गत, कुमामोतो नेपाली समाजद्वारा आयोजित अनलाइन तीज गीत/नृत्य प्रतियोगितामा सिर्जना नगरकोटी पहिलो भएकी छिन् । त्यस्तै, संस्कृति मगर र अन्सुमा परियारको जोडी दोस्रो स्थानमा, र आशा बलाल तेस्रो स्थानमा रहन सफल भए ।

विजेता सहभागीहरूलाई क्रमशः २० हजार, १५ हजार, र १० हजार जापानी येन नगद पुरस्कार, होक्काइडो “घी”, र प्रमाणपत्रसहित सम्मान गरिएको थियो । समाजकी महिला उपाध्यक्ष रूपा नेपाली सांस्कृतिक संयोजक रहने गरी, निर्णायक मण्डलमा सल्लाहकार सुरेन्द्र डंगोल र नायिका रागिनी खड्गी समेतको सहभागिता थिए ।

निर्णायक सुरेन्द्र डंगोलका अनुसार प्रतियोगिताको परिणाम दर्शकको भोट र निर्णायकको अङ्कको आधारमा तय गरिएको थियो । कुमामोतोस्थित स्पाइस आरोमा रेस्टुरेन्टमा सम्पन्न उक्त कार्यक्रममा प्रमुख अतिथि प्रा. डा. हरिदेवकोटाले विजेता तथा सहभागीहरूलाई बधाई दिँदै भने: “मञ्च ठूलो होस् वा सानो, त्यसको सम्मान गर्नैपर्छ । तपाईं आज सामान्य कलाकार होला, तर कुनै दिन देश चिनाउने कलाकार बन्ने सम्भावना हरेकमा हुन्छ । धैर्यता र अनुशासनसाथ कर्म गर्न कहिल्यै नछोड्नुहोस्।”

त्यस्तै, अर्का अतिथि कवि तथा कलाकार मञ्जुल मितेरीले भावनात्मक शैलीमा सन्देश दिँदै सहभागीहरूलाई प्रोत्साहित गरे । यसपटकको प्रतियोगिताको प्रथम पुरस्कार एनआरएनए जापानका अध्यक्ष सुभास लामिछाने, दोस्रो पुरस्कार स्पाइस आरोमा रेस्टुरेन्ट, र तेस्रो पुरस्कार आसो फुटबल क्लबले प्रायोजन गरेका थिए ।

होक्काइडो “घी” र Yehey Remit सह–प्रायोजकका रूपमा थिए। येहे रेमिट द्वारा सञ्चालित लक्की ड्रमार्फत विभिन्न सहभागीहरूले २० हजार येन बराबरको नगद पुरस्कार र होक्काइडो “घी” जितेका थिए । कुमामोतो नेपाली समाजका अध्यक्ष रोशन भट्टराईले जापानमा नेपाली समुदायको संख्यामा तीव्र वृद्धि भइरहेकाले समस्याहरू समाधान गर्न समाज र संगठनहरूको भूमिका अत्यावश्यक रहेको बताए । उनले भने : “हामी फुटेर होइन, जुटेर मात्रै समाधान सम्भव हुन्छ, एनआरएनए जापान र नेपाली दूतावाससँग सहकार्य गर्न हामी तत्पर छौं ।”

तीज पर्वकै सन्दर्भमा कुमामोतोमा सक्रिय आसो फुटबल क्लबले लोटस इन्डो नेपाली रेस्टुरेन्टमा दर खाने तथा शुभकामना आदान–प्रदान कार्यक्रमको आयोजना गरेको थियो । कार्यक्रमका प्रमुख अतिथि समाजका अध्यक्ष रोशन भट्टराईले खेलकुद र समाज बीचको सम्बन्धको चर्चा गर्दै क्लबसँग सहकार्य गर्न सधैं इच्छुक रहेको बताए ।

एनआरएनए क्युसुका सह–संयोजक पवन अधिकारीले सांस्कृतिक तथा सामाजिक पर्वहरूलाई मिलेर मनाएझैं, साझा समस्या समाधानमा पनि समाज र क्लबले महत्वपूर्ण भूमिका खेलेको बताए । त्यस्तै, एनआरएनए क्युसु सदस्य बद्री सापकोटा र सुजन कटुवालले पनि शुभकामना मन्तव्य राखेका थिए ।

क्लबका म्यानेजर बिपिन घलेले बिदेशमा रहेपनि खेल क्षेत्रमार्फत देश र समाजलाई चिनाउन मद्दत मिलेको बताए ।क्लब संयोजक मदन गुरुङले चाडपर्व र रीतिरिवाजलाई जहाँ गएपनि सम्मानपूर्वक सम्झनु आवश्यक रहेको भन्दै, भावनात्मक एकताको सन्देश दिन कार्यक्रम आयोजना गरिएको बताए ।

काठमाडौं । सरकारले फेसबुकसहितका सामाजिक सञ्जाललाई ७ दिनभित्र सूचीकरण हुन समय दिने निर्णय गरेको छ ।

भदौ ९ गते बसेको मन्त्रिपरिषद बैठकले सामाजिक सञ्जालको प्रयोगलाई व्यवस्थित गर्न कडाइ गर्ने निर्णय गरेको हो ।

सामाजिक सञ्जालको प्रयोगलाई व्यवस्थित गर्ने निर्देशिका २०८० र सर्वोच्च अदालतको आदेश अनुसार सामाजिक सञ्जाललाई जवाफदेही बनाउने निर्णय सरकारले गरेको हो । यसका लागि सात दिनको समय दिएर सञ्चार तथा सूचना प्रविधि मन्त्रालयमा सूचीकरण हुन आह्वान गरिने भएको छ ।
तोकिएको समयभित्र सूचीकरण नहुने वा सम्पर्कमा नआउने सामाजिक सञ्जाललाई नेपालभित्र नचल्ने गरी निष्क्रिय बनाउने निर्णय सरकारले गरेको छ । यसका लागि सञ्चार मन्त्रालयमार्फत नेपाल दूरसञ्चार प्राधिकरणलाई निर्देशन दिने निर्णय मन्त्रिपरिषद् बैठकले गरेको छ ।

उमा आलेमगर
पोखरा, ११ भदौँ ।

हरेक वर्ष विश्वभर विश्व ताल दिवस मनाइन्छ। यसको उद्देश्य पानीका प्राकृतिक स्रोतहरूमध्ये ताल र पोखरीको महत्वबारे चेतना फैलाउनु हो । सभ्यता निर्माणदेखि नै ताल, पोखरी र जलाशयहरू केवल पानीका भण्डार मात्र होइनन्, सांस्कृतिक, सामाजिक र आध्यात्मिक सम्पदाका रूपमा स्थापित छन् ।

नेपालजस्तो हिमाल, पहाड र तराईले भरिएको देशमा तालहरूको विशेष महत्व छ । यहाँका हिमनदीबाट बनेका ताल, भूगर्भीय प्रक्रियाबाट बनेका पोखरी र मानव निर्मित जलाशयहरू हाम्रो जीवन, संस्कृति र पहिचानसँग प्रत्यक्ष जोडिएका छन् ।

तालहरूको महत्व

तालहरू केवल पानीका भण्डार होइनन्, जीवन चक्रका संवाहक हुन् ।

पानीको स्रोत ः खानेपानी, सिँचाइ र अन्य प्रयोजनका लागि तालले जीवनदायिनी जल प्रदान गर्छन् ।

जैविक विविधता ः विभिन्न प्रजातिका माछा, चराचुरुङ्गी, जलजन्तु र जलवनस्पतिहरू तालमा आश्रित हुन्छन् ।

जलवायु सन्तुलन ः तालहरूले तापक्रम नियन्त्रण गर्छन्, हावामा आद्र्रता बढाउँछन् र प्रदूषण न्यून पार्छन् ।

सांस्कृतिक महत्व ः रारा, फेवाताल वा गोसाइँकुण्डजस्ता तालहरू प्राकृतिक सुन्दरता मात्र होइन, धार्मिक आस्था र सांस्कृतिक सम्पदासँग पनि गाँसिएका छन् ।

पर्यटन र अर्थतन्त्र ः तालहरूले देशलाई अन्तर्राष्ट्रिय स्तरमा चिनाउन, पर्यटक आकर्षित गर्न र स्थानीय समुदायलाई आम्दानी दिलाउन सहयोग गरेका छन् ।

तालहरूमाथि बढ्दो संकट

तर विडम्बना के छ भने, आज ती अमूल्य सम्पदाहरू अस्तित्व संकटमा परेका छन् ।

प्रदूषण र फोहोर ः प्लास्टिक, रासायनिक पदार्थ र घरेलु फोहोरको थुप्रो तालमा पुगेर पानी प्रदूषित भइरहेको छ ।

अतिक्रमण र शहरीकरण ः ताल वरिपरिका जमिन द्रुत शहरीकरण र अनियन्त्रित निर्माणका कारण संकुचित हुँदै गएका छन् ।

जलवायु परिवर्तन ः बढ्दो तापक्रम, हिमनदीको पग्लन र असामान्य वर्षाले तालहरूको स्तर घटाइरहेका छन् ।

मानव लापरबाही ः संरक्षणमा बेवास्ता गर्ने, ताललाई केवल दृश्य सौन्दर्यको रूपमा मात्र उपयोग गर्ने प्रवृत्तिले संकट अझै गहिरो बनाएको छ ।

नेपालमै पनि पोखराको फेवातालमा बढ्दो प्रदूषण, मुगुको रारा तालमा घट्दो पानीको स्तर वा काठमाडौं उपत्यकाका पुराना पोखरीहरूको अस्तित्व संकटमा पर्नु यस्तै उदाहरण हुन् ।

संरक्षणका उपाय

ताल संरक्षण केवल सरकारी निकायको जिम्मेवारी मात्र होइन, सम्पूर्ण समाजको साझा कर्तव्य हो।

ताल वरिपरिको वातावरण सफा राख्ने र फोहोर व्यवस्थापन गर्ने ।

सामुदायिक सहभागितामा संरक्षण समिति गठन गर्ने ।

विद्यालयदेखि विश्वविद्यालयसम्म ताल संरक्षणबारे शिक्षा दिने ।

ताल संरक्षणसम्बन्धी नीति कडाइका साथ कार्यान्वयन गर्ने ।

जिम्मेवार पर्यटन प्रवद्र्धन गर्ने र ‘इको–टुरिजम’लाई प्राथमिकता दिने ।

वैज्ञानिक अध्ययन र प्रविधिमूलक उपाय प्रयोग गर्ने ।

निष्कर्ष

ताल हाम्रो जीवन, संस्कृति र भविष्यसँग गाँसिएको सम्पदा हो। हरेक तालमा एउटा जीवनको कथा लुकेको छ—रारा तालको नीलो गहिराइमा नेपालको पहिचान छ, फेवातालमा माछापुच्छ्रे हिमालको प्रतिबिम्ब छ, गोसाइँकुण्डमा लाखौँ भक्तजनको आस्था छ ।

विश्व ताल दिवस ले हामीलाई सम्झाउँछ—ताल केवल पानीको थुप्रो होइन, प्रकृतिको आत्मा हो ।

ताल जोगाउनु भनेको पानी जोगाउनु, जैविक विविधता जोगाउनु, संस्कृति जोगाउनु र अन्ततः भविष्य जोगाउनु हो ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।