२०८३ मंसिर १ सोमबार
२०८३ मंसिर १ सोमबार

पोखरा, ०१ चैत्त ।

एउटै विद्यालयमा करिब ३५ वर्ष बिताएका महेन्द्र माध्यमिक विद्यालय, घार्मीका प्रधानाध्यापक बासुदेव पौडेलको सम्मानसहित विदाई गरिएको छ। पौडेलको शुरुको नियुक्ती नै सोही विद्यालयमा भएको निमित्त प्रधानाध्यापक नन्दराज दाहालले जानकारी दिए ।

उमेर हदका कारण अनिवार्य अवकाश पाएका पौडेलको विद्यालयमा आयोजित एक कार्यक्रमका बीच विदाई गरिएको हो। वि सं। २०४८ साल साउनमा अंग्रेजी शिक्षकका रूपमा प्रवेश गरेका पौडेल सोही वर्ष विद्यालयको प्रधानाध्यापकमा नियुक्त भई निरन्तर रूपमा ३५ वर्ष विद्यालयको शैक्षिक तथा भौतिक विकासमा लागेका थिए।

लामो समय विद्यालयको शैक्षिक तथा प्रशासनिक नेतृत्व समालेका पौडेललाई विद्यालयसहित विद्यार्थीहरुले विदाई गर्दै उनको योगदानको स्मरण गरे । प्रअ पौडेललाई विद्यालय व्यवस्थापन समितिका अध्यक्ष बैकुण्ठ पौडेल,विद्यालयका संस्थापक अध्यक्ष महेश्वर पौडेल, शिक्षक अभिभावक संघका पुर्व अध्यक्ष होमनाथ आचार्य, निमित्त प्रधानाध्यापक नन्दराज दाहालले सम्मानपत्र र दोशल्लाले सम्मान गरे ।

कार्यक्रममा विद्यालय व्यवस्थापन समितिका अध्यक्ष पौडेलले विद्यालय स्थापना र शैक्षिक गुणस्तर वृद्धीमा उहाँको भुमिका महत्वपुर्ण रहेको बताए । उनले विद्यालयका लागि उहाँको मार्गदर्शन सधैं आवश्यक रहने बताए ।संस्थापक अध्यक्ष महेश्वर पौडेलले विद्यालय स्थापनकालिन समयको स्मरण गर्दै प्रअ पौडेलको कार्यकुशलताले नै विद्यालय यस स्थानमा आईपुगेको बताए ।

निमित्त प्रधानाध्यापक दाहालले उहाँकै कार्यकालमा विद्यालयले शैक्षिक र भौतिक विकासमा फड्को मारेको बताउँदै, आगामी दिनमा निरन्तर सुझाव र सल्लाह दिन आग्रह गरे ।सम्मानित प्रअ बासुदेव पौडेलले विद्यालय र विद्यार्थीको सम्मानले आफुलाई थप जिम्मेवार बनाएको बताउँदै, आफु विद्यालयमा नरहे पनि यहाँको समग्र विकासमा निरन्तर लाग्ने र बाँकी काम पुरा गरेरै छाड्ने प्रतिबद्धता जनाए ।

विद्यालय व्यवस्थापन समितिका अध्यक्ष बैकुण्ठ पौडेलको अध्यक्षतामा भएको कार्यक्रममा शिक्षक अभिभावक संघका पुर्व अध्यक्ष होमनाथ आचार्य , शिक्षासेवी एवं पौडेलका दाजु कृष्णप्रसाद पौडेल,शिक्षक रत्ना विश्वकर्मा,समाजसेवी रमेश विश्वकर्मा विद्यार्थी हिमानी पौडेललगायतले अवकास पछिको जीवन पनि शैक्षिक र समाज सुधारको क्षेत्रमा लाग्न सुझाव दिए ।

सो अवसरमा शिक्षक विद्यार्थी र अभिभावकले पौडेल र उनकी जीवनसंगीनी सोही विद्यालयकी शिक्षक कमला घिमिरेलाई फुल माला र मायाको चिनोसहित सम्मान गरेका थिए ।प्रअ पौडेल कै कार्यकालमा विद्यालयले तत्कालिन प्रवेशिका परीक्षमा जिल्लाकै उत्कृष्ट विद्यालयको रुपमा सम्मानित समेत भएको थियो भने शैक्षिक विकास र भौतिक निर्माणमा ठुलो उपलब्धि हासिल गरेको छ ।

यसैबिच सोही विद्यालयका कक्षा ९ का विद्यार्थीले एस ई ईको तयारी गरिरहेका विद्यार्थीलाई पनि परीक्षा सफलताको शुभकामनासहित विदाई गरेका छन् ।

पोखरा, ०१ चैत ।

पर्यटनको राजधानि पोखरामा यही चैत २८ गते रात्रि दौड प्रतियोगिता–२०८३ को आयोजना हुने भएको छ । नयाँ वर्ष २०८३ को पूर्व सन्ध्यामा पोखरा महानगरपालिका वडा नम्बर ९ को समन्वयमा पोखरामा पहिलो पटक उक्त रात्रि दौड प्रतियोगिता सञ्चालन हुन लागेको हो ।

प्रतियोगितामा खुलातर्फ प्रथम हुनेलाई १५ हजार, द्वितीय हुनेलाई १० हजार र तृतीय हुनेलाई पाँच हजार रुपैयाँ नगद, मेडल तथा प्रमाणपत्र प्रदान गरिने जनाइएको छ । त्यस्तै महिला, विद्यार्थी (यू–१६) र विदेशी सहभागीका लागि छुट्टाछुट्टै विधाका विजेतालाईसमेत प्रोत्साहन पुरस्कार प्रदान गरिने भएको छ ।

खेल पर्यटनका माध्यमबाट पोखराको पर्वद्धनका लागि क्रियाशील रहेका दुई संस्था पोखरा क्लिक र पोखरा पर्वद्धन केन्द्रको संयुक्त आयोजनामा उक्त दौड प्रतियोगिता सञ्चालन हुन लागेको प्रतियोगिताका संयोजक दीननाथ बरालले बताउनु भयो ।

पोखरा क्लिकले यसअघि पुम्दी–भुम्दी पर्वतीय दौड प्रतियोगिताका दुई संस्करण सफलतापूर्वक सम्पन्न गरिसकेको छ । अङ्ग्रेजी नयाँ वर्षलाई लक्षित पर्यटन पवद्र्धनात्मक कार्यक्रमका तुलनामा नेपाली नयाँ वर्षमा सो प्रकृतिका कार्यक्रम कम हुँदै आएकाले “जाग्छ पोखरा, दौडाउँछ पोखरा” भन्ने अवधारणामा रात्रि दौड आयोजना गर्न लागिएको पोखरा प्रवद्र्धन केन्द्रका उपाध्यक्ष असफल गौतम बताउँछन् ।

पाँच किलोमिटर दूरीको उक्त दौड बाराही घाटबाट सुरु भई लेकसाइड, पोखराका प्रमुख नगरी क्षेत्र, न्यूरोड, महेन्द्रपुल हुँदै झण्डा पार्क (फल्चा) मा पुगेर सम्पन्न हुनेछ । रात्रिकालीन दौडमार्फत् पोखराको पर्यटन, सांस्कृतिक सौन्दर्य र खेलकुद गतिविधिलाई एकैसाथ प्रवद्र्धन गरी पर्यटकीय राजधानी पोखरालाई खेल पर्यटनको प्रमुख गन्तव्यका रूपमा स्थापित गर्ने लक्ष्य आयोजक संस्थाको रहेको ।

स्थानीय व्यवसाय र पर्यटन क्षेत्रलाई सक्रिय बनाउँदै नयाँ वर्षको अवसरमा युवा र सर्वसाधारणलाई खेलकुद गतिविधिमा सहभागी गराउने लक्ष्य रहेको उक्त प्रतियोगिता सञ्चालनका लागि पोखरा महानगरपालिका, वडा कार्यालय, सुरक्षा निकाय तथा पर्यटन र खेलकुदसँग सम्बन्धित विभिन्न संघ–संस्थासँग सहकार्य गरिने भएको केन्द्र्रका सचिव सागर सुनारले जानकारी दिनुभयो ।

सम्पूर्ण सरोकारवालाको सहकार्यमा पोखरा रात्रि दौड प्रतियोगिता–२०८३ लाई सुरक्षित, आकर्षक र सफल रूपमा सम्पन्न गर्न प्रतियोगितामा धावकहरूको सुरक्षा, स्वास्थ्य सेवा र ट्राफिक व्यवस्थापनलाई विशेष प्राथमिकता दिइनेसमेत जनाइएको छ ।

 

पोखरा, ०१ चैत्त ।

पोखरामा खेलकुद पत्रकारको क्षमता अभिबृद्धिका लागि दुईदिने खेलकुद पत्रकारिता तालिम सम्पन्न भएको छ । नेपाल खेलकुद पत्रकार मञ्च गण्डकीको आयोजना तथा प्रेस रजिष्ट्रारको कार्यालय गण्डकी प्रदेशको सहयोगमा तालिमको आयोजना भएको हो । पोखरामा रहेर काम गरिरहेका पत्रकारहरूलाई विभिन्न विधाका खेलका रिपोर्टिङ कसरी गर्ने र कस्ता नियम छन् भन्ने बारेमा प्रशिक्षण दिइएको थियो ।

विशेष गरि खेलकुदको क्षेत्रमा कलम चलाउन मद्दत पुग्ने लक्ष्यका साथ तालिमको आयोजना गरिएको हो ।दुईदिने तालिममा राष्ट्रिय खेल भलिबलका प्रशिक्षक राजन पौडेल, क्रिकेटका अन्तर्राष्ट्रिय अम्पायर दुर्गानाथ सुवेदी, गल्फ विधामा जिवाराम गुरुङ्ग, मार्शलआर्ट विधामा प्रशिक्षक सुवास खड्का र फुटबल विधामा प्रशिक्षक हिमेश रत्न बज्राचार्यले प्रशिक्षण दिएका थिए ।

तालिमको समापनका अवसरमा नेपाल पत्रकार महासंघ कास्कीका अध्यक्ष माधव बरालले तालिमले विभिन्न सञ्चार माध्यममा कार्यरत पत्रकारहरूको क्षमता वृद्धि सँगै लेखन शैलीमा निखार ल्याउने बताए । तालिममा ६५ जना पत्रकारको सहभागिता रहेको थियो ।

तालिमपश्चात् प्रमुख प्रशिक्षक दुर्गानाथ सुवेदीले खेलाडीहरूको उत्साह सँगै उनीहरूको लगनशीलता र मेहनतलाई देखाउने माध्यम नै खेल पत्रकार रहेको बताए । उनले खेलका नियम र सिस्टमलाई राम्रोसँग बुझेर प्रसारण गर्नका लागि यस तालिमले महत्त्वपूर्ण भूमिका खेलेको सुनाए ।

गण्डकी प्रदेशमा रहेर खेल्ने खेलाडी, खेल प्रशिक्षक, खेलकुदका संघ संस्था र सरोकारवालाहरूका लागि यस्ता तालिमले खेलकुदको विकाससँगै खेल पर्यटनको प्रवद्र्धनमा महत्त्वपूर्ण योगदान दिने उनले बताए । यस्तै पत्रकार कमल पौडेल (अथक) ले प्रत्यक्ष खेल भइरहेकै ठाउँमा समेत पुगेर तालिम लिने अवसर पाएकोमा खुसी व्यक्त गर्दै तालिमले लेखन शैलीमा निखार आउने र खेलकुदका समाचार बनाउँदा हुने समस्यामा कमी आउने बताए ।

मञ्चका अध्यक्ष मान बहादुर घर्ति (एमबि आस्था) ले दुईदिनसम्म सञ्चालन भएको तालिमबाट केही न केही नयाँ ज्ञान प्राप्त भएको विश्वास व्यक्त गरे । उनले आगामी दिनमा खेलकुद सम्बन्धी समाचार उत्पादन तथा प्रसारणमा सहजता ल्याउने चर्चा गर्दै तालिमका प्रशिक्षक तथा सहभागीहरूलाई धन्यवाद ज्ञापन गरे । प्रशिक्षार्थीहरुलाई खेलकुद पत्रकार मञ्च गण्डकीका अध्यक्ष एमबि आस्था, नेपाल पत्रकार महासंघ कास्कीका अध्यक्ष माधव बराल, मञ्चका सल्लाहकार सुरज श्रेष्ठ, पूर्व अध्यक्ष प्रेम नारायण न्यौपाने, उपाध्यक्ष राजाराम पौडेल संगै प्रशिक्षकहरु दुर्गानाथ सुवेदी, हिमेश रत्न बज्राचार्य, सुबास खड्का लगायतले प्रमाणपत्र प्रदान गरेका थिए ।

तालिमको समापन कार्यक्रम नेपाल खेलकुद पत्रकार मञ्च गण्डकीका महासचिव परशुराम शर्माले सञ्चालन गरेका थिए ।

पोखरा, ०१ चैत ।

आलु गाउँका रूपमा ख्याति कमाएको कास्कीको हेमजामा १४ औँ राष्ट्रिय हेमजा आलु महोत्सव हुने भएको छ । आगामी चैत २७ गतदेखि वैशाख ५ गतेसम्म सुन्दर ठाउँ हेमजा जाउँ, आलुका स्वादिष्ट परिकार खाऊँ, आलु एक परिकार अनेक भन्ने मूल नाराका साथ महोत्सवको आयोजना हुने भएको छ । महोत्सव पोखरा २५ हेमजाको विष्णु पादुका खेलमैदान हेमजामा हुने छ ।

शनिवार आयोजित आम भेलाले वसन्त कुमार श्रेष्ठको संयोजकत्वमा मूल आयोजक समिति गठन गरेको छ ।समिति सहसंयोजकमा मिना कुँवर महासचिवमा विकल थापा, सचिवमा विपिन पौडेल तथा कोषाध्यक्षमा डम्बरबहादुर कुँवर रहनु भएको छ ।

भेलाले विभिन्न उपसमिति पनि गठन गरेको छ । अर्थ सङ्कलन उपसमिति संयोजकमा राजेन्द्र तिम्सिना, स्टल रेस्टुरेन्ट उपसमिति संयोजकमा कुमार श्रेष्ठ, आमा समूह परिचालन उपसमिति संयोजकमा अप्सरा तिम्सिना, अतिथि सत्कार उपसमिति संयोजकमा पार्वती थापा, सांस्कृतिक उपसमिति संयोजकमा सुशील श्रेष्ठ, सुरक्षा व्यवस्थापन उपसमितिको संयोजकको जिम्मेवारी इन्द्र थापालाई दिइएको छ ।

भेलाले प्रचारप्रसार उपसमितिमा निराजन अधिकारी ,पानी बिजुली उपसमिति संयोजकमा केशव गिरी, यातायात तथा पार्किङ उपसमिति संयोजकमा भुवन क्षेत्री, बैङ्क तथा वित्तीय सङ्घसंस्था समन्वय उपसमिति संयोजकमा कृष्ण पौडेल, स्वयंसेवक परिचालनमा सागर कुँवर, झाँकी र्‍याली व्यवस्थापनमा उमा भुर्तेल पौडेल, कृषि परिचालन उपसमिति अर्जुन कार्की, कृषि प्रविधि कृष्ण तिम्सिना र सरसफाइ परिचालन तर्फ सुर्य थापाले जिम्मेवारी पाउनु भएको छ ।

२०६६ सालदेखि वार्षिक रूपमा उक्त महोत्सव आयोजना गरिँदै आएको छ । महोत्सवको पहिलो संस्करण स्थानीय बहुउद्देश्यीय किसान सहकारी संस्थाले, दोस्रो संस्करण तत्कालीन हेमजा गाविसले तथा तेस्रो संस्करणदेखि लगातार विष्णु पादुका क्लबले आयोजना गर्दै आएको छ ।

पोखरा, ०१ चैत ।

पोखरा महानगरपालिकाले चैत १ गतेदेखि दैनिक रूपमा फोहोर उठाउने भएको छ । र फोहोर उठाउने क्रममा कुनै पनि अवरोध सृजना नगर्न पोखरा महानगरपालिकाका मेयर धनराज आचार्यले आग्रह गरेकाछन ।

” चैत १ गतेदेखि पोखराको फोहोर दैनिक रुपमा उठ्ने भएको छ ।” मेयर आचार्यले भने ,” यति कुनै अवरोध भएमा, प्रशासनको सहयोग लिएर भएपनि पोखराको फोहोर उठाउछौ । “

पोखरा महानगरपालिकाले फोहोर उठाउने क्रममा केही स्थानीयले अवरोध गरेपछि, जिल्ला प्रहरी कार्यालय कास्कीले उनीहरूलाई नियन्त्रणमा लिएको थियो।

उनीहरूलाई फोहोर उठाउने क्रममा फेरि अवरोध नगर्ने सर्तमा छोडिएको छ। तर, फेरि फोहोर उठाउने क्रममा अवरोध गरेमा, जिल्ला प्रहरी कार्यालय कास्कीले कडा भन्दा कडा कारबाही गर्ने जानकारी दिएको छ।

काठमाडौं, ०१ चैत ।

अख्तियार दुरुपयोग अनुसन्धान आयोगले घुस लिएको आरोपमा सहसचिव झलकराम अधिकारीविरुद्ध भ्रष्टाचार र सम्पत्ति शुद्धिकरणको मुद्दा दायर गरेको छ । अधिकारी राजस्व अनुसन्धान विभागको महानिर्देशक भएका बेला ७० लाख रुपैंया घुस लिएको अख्तियारको आरोप छ । त्यो रकम जग्गा खरिद र ऋण तिर्न प्रयोग भएको अख्तियारको दावी हो ।

एच।के। इन्टरप्राइजेज भन्ने कम्पनीविरुद्ध राजस्व चुहावट गरेको आरोपमा विभागमा उजुरी परेको थियो । त्यसपछि मुद्दाबाट जोगिन उक्त कम्पनीका सञ्चालक श्रीकृष्ण श्रेष्ठले ७० लाख रुपैंया दिएको भेटिएको अख्तियारको दावी हो ।

अख्तियारले विशेष अदालतमा पेश गरेको विवरण अनुसार, घटना साउन, २०७९ सालको हो । साढे पाँच महिना मात्रै महानिर्देशक बनेका उनी १ असार, २०७९ देखि १६ कार्तिक, २०७९ सम्म राजस्व अनुसन्धान विभागमा थिए । अख्तियारको दावी अनुसार, महानिर्देशक भएको एक महिनामै उनले घुस लिएका थिए ।

अख्तियारले उनीमाथि घुस लिएको आरोपमा भ्रष्टाचारका साथै गैरकानुनी रुपमा सम्पत्ति जोडेको आरोपमा सम्पत्ति शुद्धीकरणको मुद्दा दायर गरेको छ ।

काठमाडौं, ०१ चैत ।

सरकारले राष्ट्रिय सभा सदस्यमा गृहमन्त्री ओमप्रकाश अर्याललाई नियुक्त गर्न राष्ट्रपतिसमक्ष सिफारिस गर्ने निर्णय गरेको छ ।आइतबार बसेको मन्त्रिपरिषद् बैठकले अर्याललाई राष्ट्रिय सभा सदस्यमा नियुक्त गर्न राष्ट्रपति रामचन्द्र पौडेलसमक्ष सिफारिस गर्ने निर्णय भएको हो ।

राष्ट्रिय सभामा राष्ट्रपतिबाट मनोनीत हुने एक सदस्यको संख्या रिक्त छ । उक्त ठाउँमा अर्याललाई नियुक्त गर्न सिफारिस गरिएको हो । बैठकले २३ र २४ भदौमा भएको घटना ९जेन(जी विद्रोह० जाँचबुझ गर्न गठित गौरीबहादुर कार्की नेतृत्वको आयोगको प्रतिवेदन ग्रहण गर्ने निर्णय गरेको छ ।

पूर्वन्यायाधीश कार्की नेतृत्वको आयोगले अध्ययनपछि सरकारलाई प्रतिवेदन बुझाएको थियो ।

पोखरा, २९ फागुन ।

खेल पत्रकारहरूको क्षमता अभिवृद्धि गर्ने उद्देश्यले दुईदिने खेलकुद पत्रकारिता तालिम शुक्रबारदेखि पोखरामा सुरु भएको छ । नेपाल खेलकुद पत्रकार मञ्च गण्डकी को आयोजना र प्रेस रजिष्ट्रारको कार्यालय गण्डकी प्रदेशको सहयोगमा सञ्चालन भएको तालिमको उद्घाटन गण्डकी प्रदेशकी प्रेस रजिष्ट्रार विमला भण्डारीले गर्नुभयो ।

उद्घाटन समारोहमा बोल्दै रजिष्ट्रार भण्डारीले खेलकुद पत्रकारिता तालिमले गण्डकी प्रदेशमा भइरहेका खेल गतिविधि र समग्र खेलकुद विकासमा महत्वपूर्ण योगदान पुग्ने बताउनुभयो । उहाँले यस्तो तालिमले खेलकुदसँगै खेल पर्यटन प्रवद्र्धनमा पनि सहयोग पुग्ने धारणा राख्नुभया ।

कार्यक्रममा नेपाल पत्रकार महासंघ कास्कीका अध्यक्ष माधव बरालले खेलकुद पत्रकारिता तालिमले खेल समाचारको लेखन शैली सुधार गर्न सहयोग पुग्ने बताउनुभयो ।

मञ्चका अध्यक्ष मानबहादुर घर्ति मगरले पछिल्लो समय पोखरा खेलकुदको केन्द्रका रूपमा विकास हुँदै गएको उल्लेख गर्दै खेलकुदसम्बन्धी समाचार लेखनलाई सशक्त बनाउन तालिम आयोजना गरिएको बताउनुभयो ।

शनिवार सम्म सञ्चालन हुने तालिममा भलिबल, क्रिकेट, मार्सलआर्ट, गल्फ र फुटबल विषयमा प्रशिक्षण दिइनेछ । पहिलो दिन शुक्रबार तालिममा भलिबलमा प्रशिक्षक राजन पौडेल, क्रिकेटमा दुर्गानाथ सुबेदी र गल्फमा जीवा गुरुङ ले प्रशिक्षण दिनुभएको थियोे ।

मञ्चका उपाध्यक्ष राजाराम पौडेलको स्वागत मन्तव्यबाट सुरु भएको कार्यक्रम मञ्चका महासचिव परशुराम शर्माले सञ्चालन गर्नुभएको थियोे । तालिममा कास्की जिल्लाका विभिन्न सञ्चार माध्यममा कार्यरत ६५ जना पत्रकार सहभागी छन ।

तालिमको दोस्रो दिन मार्सलआर्र्टका प्रशिक्षक शुभाष खड्का, फुटबलमा हिमेश बज्राचार्य र क्रिकेट तर्फ पोखरा रंगशालाको मैदानमा प्रत्यक्ष अभ्याससहित प्रशिक्षण दिइने आयोजकले जनाएको छ ।

पोखरा, २९ फागुन ।

मदिरा व्यवसायी समिति, कास्कीको भवन शिलान्यास भएको छ । पोखरा महानगरपालिका वडानम्बर १७ मदगौँडामा भवनको शिलान्यास गरिएको हो । मदिरा व्यवसायी महासंघका अध्यक्ष सोनामा शेर्पाले एक कार्यक्रमकाबिच भवनको शिलान्यास गरेका हुन् ।

करिब ४ आना क्षेत्रफलमा २ तले भवन निर्माण हुने समितिका प्रथाम उपाध्यक्ष एवं भवन निर्माण समितिका संयोजक राधाकृष्ण देवकोटाले जानकारी दिए । निवर्तमान अध्यक्ष सुर्यराज घिमिरे नेतृत्वको समितिले उक्त जग्गा खरिद गरेको थियो ।

भवनको उद्याटन गदैँ महासंघका अध्यक्ष शेर्पाले संस्था संचालनका लागि आफ्नै भवन निर्माण थालेकोमा कास्की शाखालाई धन्यवाद व्यक्त गरे । भवन निर्माण गर्नु कार्यालय संचालन गर्नुमात्र नभएर यसले संस्थालाई जिवन्त बनाराख्ने शेर्पाले बताए ।

सो अवसरमा अध्यक्ष शेर्पाले भवन निर्माणको लागि महासंघको तर्फबाट २ लाख १ हजार १११ रुपौयाको चेक मदिरा व्यवसायी समिति, कास्कीका अध्यक्ष कृष्णबहादुर भाटलाई हस्तान्तरण गरे । अन्य जिल्ला शाखा र सदस्यहरुले पनि भवन निर्माणमा सहयोग गर्न उनले आग्रह गरे ।

शिलान्यस कर्याक्रममा महासंघका सचिव यमबहादुर गुरुङले पनि भवन निर्माणमा २५ हजार ९ सय ५० रुपैया बराबरको चेक भाटलाई हस्तान्तरण गरका थिए ।

मदिरा व्यवसायी समिति, कास्कीका अध्यक्ष भाटले सबैको साझा प्रयास र सपना पूरा हुने दिशातर्फ एउटा महत्वपूर्ण कदम भएको बताए । भवन निर्माणको शिलान्यास हुनु केवल एउटा निर्माण कार्य मात्र होइन, यो कास्कीका सम्पूर्ण मदिरा व्यवसायीहरूको एकता, विश्वास र भविष्यको प्रतीक पनि, भाटले भने । यो भवन बैठक, छलफल, योजना निर्माण र व्यवसायीहरूको साझा घर बन्नेछ भन्ने विश्वास लिएको छु ।

जग्गा खरिददेखी शिलान्यासँसम्म ल्याउन सहयोग गर्नुहुने सम्पूर्ण अग्रज, सल्लाहकार, सदस्य तथा सहयोगीहातहरू प्रति अध्यक्ष भाटले आभार व्यक्त गदैँ भवन निर्माण कार्यलाई सफल बनाउन सबै व्यवसायीको सहयोग, साथ र एकता आवश्यक रहेको छ ।

शिलान्यास कार्यक्रममा समितिका पूर्व अध्यक्ष एवं महासंघका सल्लाहकार तारानाथ ढुङ्गाना, महासंघका महासचिव गोबिन्द बराल र सचिव यमबहादुर गुरुङ, मदिरा व्यवसायी समिति गण्डकीका अध्यक्ष गोबिन्द बहादुर केसी, समितिका पदाधिकारी तथा सदस्यहरुको उपस्थिति रहेको थियो ।

पोखरा, २९ फागुन ।

खाना पकाउने ९एलपी ० ग्यास बिक्रेता संघ कास्कीले ७।१ किलोग्रामको ग्यासमात्र बजारमा पठाउने नेपाल आयल निगमको निर्णय अव्यवहारिक भएकाले सच्याउन माग गरेको छ । संघले आधामात्र भरिएको ग्यास सिलिण्डर बजारमा पठाउने निर्णय उद्योगी,बितरक र उपभोक्ताको हित प्रतिकूल रहेको जिकिर पनि गरेको छ ।

एलपी ग्यास बिक्रेता संघ कास्कीका अध्यक्ष नारायणदत्त दाहालद्वारा शुक्रबार जारी विज्ञप्तिमा यो निर्णयले ज्ञास आपूर्तिको चक्र बिथोलिने र कास्की बाहिर रहेका उद्योगहरुले ग्यास नै नपठाउने सम्भावना रहेको पनि औंल्याएको छ । विज्ञप्तिका अनुसार कास्कीमा ग्यास उत्पादन गर्ने दुईवटा कम्पनीमात्र रहेका छन् । ती कम्पनीको उत्पादनलेमात्र बजारको माग पूरा गर्दैन । लागत बढ्दा बाहिरका कम्पनीहरुले आपूर्ति गर्न समस्या उत्पन्न हुन्छ ।

विज्ञप्तिमा भनिएको छ,‘सिलिण्डर आधा भरिएको होस् वा १४।२ किलोग्राम नै किन नहोस्, ढुवानीर लोड–अनलोडमा लाग्ने खर्च उत्ति नै हुन्छ । आधा भरिएको ग्यास बजारमा पठाउँदा कम्पनीको उत्पादन लागत स्वतः बढ्छ । लागत बढ्दा भौगोलिक रुपले टाढा रहेका क्षेत्रमा कम्पनीहरुले ग्यासको आपूर्ति गर्दा थप घाटा व्यहोर्नुपर्छ । लोड–अपलोडमा हुने खर्चको भार हामीजस्ता व्यवसायीको काँधमा आउँछ । घाटाको व्यवसाय गर्नु उद्योगी÷व्यवसायीको धर्म हैन र उसले त्यस्तो घाटा धान्न पनि सक्दैन । लागत बढी हुँदा कास्कीकै हकमा जिल्ला बाहिरका २० वटा कम्पनीहरुले एपली ग्यास आपूर्ति गरिदिएनन् भने समस्या झन चर्कन्छ ।’नेपाल आयल निगमले ७।१ किलोग्राम अर्थात् साविकमा उपलब्ध सिलिण्डरको आधामात्रै ग्यास बिक्री गर्ने निर्णयप्रति एलपी ग्यास बिक्रेता संघ कास्कीको गम्भीर ध्यानाकर्षण भएको छ ।

एलपी ग्यास बिक्रेता संघ कास्कीले आधा भरिएको सिलिण्डर बजारमा पठाउने निर्णय तत्काल सच्याउँदै पूर्ण तौलको सिलिण्डर बजारमा पठाउन,आपूर्ति प्रणालीलाई चुस्त तुल्याउन र संकटकै बीचमा पनि वैकल्पिक माध्यमबाट देशमा थप इन्धन आपूर्तिको पहलकदमी गर्न सरकारसँग माग पनि गरेको छ ।

संघले नेपालले इन्धन संकट व्यहोरेको यो पहिलोपटक नभएको स्मरण गर्दै भण्डारण क्षमता बृद्धिको लागि सरकारको ध्यानाकर्षणमात्र गराएको छैन, उपभोक्तालाई बढी ग्यास भण्डारण नगर्न आग्रह पनि गरेको छ । विज्ञप्तिमा भनिएको छ,‘यो व्यवसायमा संलग्न एलपी ग्यास बिक्रेताहरुलाई अनावश्यक दबाब र मानहानी हुने कार्य नगर्न÷नगराउन एवं आवश्यक सुरक्षा प्रदान गर्न थानीय प्रशासनसँग अनुरोधसमेत गर्दछ ।’

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।