२०८३ मंसिर १ सोमबार
२०८३ मंसिर १ सोमबार

पोखरा, २९ फागुन ।

व्यवसायीको समस्यको उपचार खोज्ने उद्देश्यले पोखरामा उद्यम क्लिनिक संचालनमा आएको छ । पोखरा महानगरपालिकाअन्तर्गत रहेको व्यवसाय प्रवद्र्धन केन्द्रले नेपालमै पहिलोपटक यस्तो क्लिनिक संचालनमा ल्याएको हो ।

पोखरा उद्योग वाणिज्य संघको आयोजनामा शुक्रबार क्लिनिकमार्फत् व्यवसायीहरुका समस्या समाधानको पहलको थालनीसमेत भएको अध्यक्ष गोकर्ण कार्कीले जानकारी दिए । संघका अध्यक्ष कार्कीका अनुसार व्यवसायीका समस्या समाधानका निम्ति पोखरा रिसर्च सेण्टरसँग पनि सहकार्य भएको छ । पोखरा रिसर्च सेण्टरमा आवद्ध विज्ञहरुले व्यवसायीका समस्या सुन्नेमात्र हैन, त्यसको समाधानका निम्ति व्यवहारिक, कानूनी, व्यवस्थापकीयलगायतका सल्लाह दिने छन् । आवश्यक परेको खण्डमा पूँजीका निम्ति पहलकदमी पनि लिइने छ ।

‘समस्याको निदान गर्ने र नयाँ सम्भावनाको खोजी गर्ने उद्देश्यले सुरु गरिएको यो क्लिनिक व्यवसायीको हितमा समर्पित छ,’पोखरा उद्योग वाणिज्य संघका अध्यक्ष कार्कीले भने,‘म व्यवसायीहरुलाई आफ्ना समस्या निर्धक्क सुनाउन,सहयोग लिन र आफ्नो व्यवसाय सफल बनाउन आग्रह गर्दछु ।’

संघकी महासचिव शोभा गौतमका अनुसार सुरुको क्लिनिकमा ३ जना व्यवसायीहरुले लिखित रुपले नै आफ्ना समस्या राखेका थिए भने झण्डै एक दर्जन व्यवसायीहरुले मौखिक रुपमा आफ्ना समस्या सुनाएका थिए । व्यसायीका समस्याको विभिन्न पक्षबारे पोखरा रिसर्च सेण्टरका कार्यकारी निर्देश सुजन रेग्मी, अनुसन्धानकर्ता श्रीकृष्णध्वज बस्नेनसहितको टिकले अध्ययन गर्नेछ । पोखरा उद्योग वाणिज्य संघसँगको सहकार्यमा ती समस्याको निदान खोजिने छ ।

कार्यक्रममा बोल्दै व्यवसाय प्रवद्र्धन केन्द्रका प्रमुख नवराज अधिकारीले उद्यमशिलता विकासका निम्ति सहकार्य जरुरी भएको धारणा राखे ।

 

पोखरा, २९ फागुन ।

११६ औं अन्तराष्ट्रिय श्रमिक महिला दिवसको अवसर पारी पर्यटन व्यवसायी महिला संघ (टेवान) पोखराले समाजिक विकास, युवा तथा खेलकुद मन्त्रालयको सहयोगमा आज पोखरामा महिलालाई लक्षित गरी मेनोपज सचेतना तथा अन्तरक्रिया कार्यक्रम सम्पन्न गरेको छ ।

कास्की मोडेल हस्पिटलको प्राविधिक सहयोग रहेको कार्यक्रममा पोखरा महानरपालिका वडा नं ६ बैदामस्थित महिला सञ्जाल अन्तर्गत १८ वटै आमा समूहका प्रतिनिधि लगायत ९० जना पर्यटन व्यवसायी महिलाहरूको सहभागिता थियो । यस अघि कार्यक्रमको उद्घाटन गर्दै बरिष्ठ स्त्रीरोग विशेषज्ञ प्रा.डा.चण्डिका पण्डितले मेनोपज सचेतना सम्बन्धमा विभिन्न विषय बारे जानकारी गराउनुभयो ।

टेवान पोखराका अध्यक्ष शोभा न्यौपाने पाण्डेले टेवानले पर्यटन प्रवद्र्धनसँगै क्षमता अभिबृद्धि, स्वास्थ्य सेचतना लगायतका विषयमा समय समयमा विभिन्न किसिमका कार्यक्रम गर्दै आएको बताउनुभयो । पोखरा पर्यटन परिषद्का अध्यक्ष तारानाथ पहारीले पर्यटन प्रवद्र्धन लगायत सामाजिक उत्तरदायित्वका क्षेत्रमा टेवानले खेल्दै आएको भूमिकाको प्रशंसा गर्नुुभयो ।

टेवानका अध्यक्ष शोभा न्यौपाने पाण्डेकोे सभापतित्व एवम् महासचिव शोभा अधिकारी पौडेलले सञ्चालन गर्नुुभएको कार्यक्रमको संयोजक सुधा सुवेदी बराल रहनुुभएको थियो । कार्यक्रममा नेपाल पत्रकार महासंघ गण्डकी प्रदेशका अध्यक्ष रमेश पौडेल, जनस्वास्थ्यकर्मी जिता बराल, महिला सञ्जाल बैदामका अध्यक्ष बबिता मल्ल लगायतले बोल्नुुभएको थियो ।

कार्यक्रमका अवसरमा सहभागीको सामान्य स्वास्थ्य परीक्षण सहित सुुगर, प्रेसर लगायतको निशुल्क परीक्षणको व्यवस्था मिलाइएको थियो भने टेवान र कास्की मोडल हस्पिटलबीच टेवानका सदस्यले लिन सक्ने सेवा सम्बन्धमा सम्झौतापत्रमा हस्ताक्षर गरिएको थियो ।

पोखरा, २९ फागुन ।

लायन्स अन्तर्राष्ट्रिय डिस्ट्रिक्ट ३२५ जे नेपाल को चौथो डिस्ट्रिक कन्भेन्सनको तयारी शुरु भएको छ । लायन्स क्लब अफ पोखरा अन्नपूर्णको आयोजनामा पोखरास्थित पोखरा इभेन्ट सेन्टरमा यही चैत्र २१ गते शनिबार आयोजना हुने कार्यक्रमका कार्यक्रम संयोजक तथा कन्भेनर सूर्य बराल जानकारी दिनुभयो ।

अधिवेशनलाई व्यवस्थित र प्रभावकारी रूपमा सञ्चालन गर्न ४१ वटा उपसमिति गठन गरिएको छ। गण्डकी प्रदेशका विभिन्न लायन्स तथा लियो क्लबका प्रतिनिधि र सदस्यहरूको व्यापक सहभागितासहित कार्यक्रम सम्पन्न गर्ने तयारी भइरहेको आयोजकले जनाएको छ। अधिवेशनको तयारीका क्रममा हालै सबै समितिका संयोजकहरूको बैठक आयोजना गरिएको थियो। उक्त बैठकमा पूर्व डिस्ट्रिक गभर्नर ध्रुब श्रेष्ठ ले विभिन्न समितिका संयोजकहरूलाई आफ्नो जिम्मेवारी, समन्वय र व्यवस्थापनका विषयमा विस्तृत जानकारी तथा निर्देशन दिनुभएको थियो ।

उक्त अधिवेशनका लागि गठन गरिएका उपसमितिका संयोजकहरूमा रुद्र बहादुर घले (वित्तीय व्यवस्थापन), पुजन राजभण्डारी शाक्य (पुरस्कार व्यवस्थापन), अर्चना प्रधान (सचिवालय व्यवस्थापन), बिमला श्रेष्ठ (स्मारिका प्रकाशन), शारदा पराजुली (दर्ता व्यवस्थापन), सञ्जय मल्ल (मिडिया ), इन्दिरा बराल (होटल व्यवस्थापन) र महेश श्रेष्ठ (खाना व्यवस्थापन) रहनुभएको छ ।

त्यसैगरी निर्मला श्रेष्ठ (मन्च तथा सम्मान ), सबी शेरचन (स्वागत तथा आतिथ्य व्यवस्थापन), बालकृष्ण बराल (बगैँचा तथा फूलद्वार व्यवस्थापन), बालकृष्ण शर्मा (क्लब व्यवस्थापन), सिता केसी (सभा कक्ष व्यवस्थापन), चिनु गुरुङ (समूह व्यवस्थापन), अर्चना कर्माचार्य (लायन्स अन्तर्राष्ट्रिय समन्वय) र राजु श्रेष्ठ (झाँकी तथा परेड व्यवस्थापन) संयोजक रहनुभएको छ।

यसैगरी दिपेन्द्र कोइराला (सवारी साधन सजावट), शिव श्रेष्ठ (यातायात व्यवस्थापन), फणीन्द्र प्रसाद लामिछाने (सवारी पार्किङ व्यवस्थापन), कृष्ण बहादुर अधिकारी (पूर्व गभर्नर व्यवस्थापन), दुर्गा प्रसाद पौडेल (भिडियो तथा फोटोग्राफी व्यवस्थापन), सुदिप ओझा (प्रचार–प्रसार व्यवस्थापन), सोनाम साङ्पो (मुख्य अतिथि व्यवस्थापन) र तुम्ला श्रेष्ठ (मूल्याङ्कन व्यवस्थापन) संयोजक रहनुभएको छ ।

त्यस्तै मोहन बाबु खड्का (संस्कृति तथा मनोरञ्जन व्यवस्थापन), शोभा गौतम (सामाजिक कार्यक्रम व्यवस्थापन), राजेन्द्र बहादुर कार्की (प्रदर्शनी स्टल व्यवस्थापन), उषा गौतम (स्वास्थ्य व्यवस्थापन), कोकी मल्ल (कार्यक्रम उद्घाटन व्यवस्थापन), मिता कायस्थ (बस्ने स्थान व्यवस्थापन), बलराम बादल (पिउने पानी व्यवस्थापन) र कल्पना थापा (दर्ता व्यवस्थापन) संयोजक रहनुभएको छ।

यसैगरी विष्णु तिमिल्सिना (विद्युत व्यवस्थापन), घनश्याम ढुंगाना (संगीत व्यवस्थापन), परमेश्वर बस्ताकोटी (सरसफाइ तथा स्वच्छता व्यवस्थापन), कृष्ण परियार (लियो दर्ता), सहनशील पौडेल (लियो सभा कक्ष व्यवस्थापन), आशिष थापा (लियो स्वागत तथा आतिथ्य), धन बहादुर थापा (लियो खाना व्यवस्थापन), केनुका थापा (लायन–लियो निर्वाचन व्यवस्थापन) तथा दुर्गा जोजिजु (लियो व्यवस्थापन) संयोजक रहनुभएको छ ।

कार्यक्रमका कन्भेनर सूर्य बरालले अधिवेशनको तयारी शुरु भएको जानकारी दिँदै गण्डकी प्रदेशका लायन्स तथा लियो सदस्यहरूको उल्लेखनीय सहभागितासहित कार्यक्रमलाई भव्य र सफल बनाउने तयारी भइरहेको बताउनुभयो। पूर्व डिस्ट्रिक गभर्नर ध्रुब श्रेष्ठले संयोजकहरूको बैठकमा सबै समितिले आपसी समन्वय, जिम्मेवारी र सक्रियताका साथ काम गरे अधिवेशन सफल हुने विश्वास व्यक्त गर्नुभयो। उहाँले लायन्सको सेवा, नेतृत्व र सहकार्यको भावनालाई अझ सुदृढ बनाउन यस्ता अधिवेशन महत्वपूर्ण हुने बताउनुभयो। उक्त अधिवेशनमा गण्डकी प्रदेशका विभिन्न लायन्स तथा लियो क्लबका प्रतिनिधि, पदाधिकारी तथा सदस्यहरूको उल्लेखनीय सहभागिता रहने आयोजकले जनाएको छ।

पोखरा, २९ फागुन ।

आफैले रचना गरेका सिर्जना आफ्नै अभिभावकलाई सुनाउन पाउँदा पोखराको हिल प्वाईन्ट स्कुलका विद्यार्थी मख्ख परेका छन् । पोखरा १२ माटेपानीमा रहेको हिल प्वाईन्ट स्कुलले विद्यार्थीको फरक क्षमता विकास गर्ने उद्धेश्यले संचालन गरेको पठन संस्कृति अभियान मार्फत विद्यार्थीले साहित्यका बिभिन्न विधाको लेखन प्रशिक्षण लिएका थिए ।

सोही प्रशिक्षणमा सहभागी कक्षा ४ र ५ का विद्यार्थीले रचना गरेका सिर्जना शुक्रबार विद्यालयमा आयोजित ज्ञान सिर्जना उत्सव कार्यक्रममा प्रस्तुत गरिएको छ । विद्यालयका उत्कृष्ट विद्यार्थी प्रत्युस अधिकारीलाई नै सभाध्यक्ष बनाएर गरिएको कार्यक्रममा रोबोटिक्स कक्षामा सहभागि ३७ जना विद्यार्थीले आफुले रचना गरेका कथा, कविता, निबन्ध लगायतका साहित्यीक सिर्जना प्रस्तुत गरेका हुन् ।

अभिभावक अभिमुखीकरण कार्यक्रममा प्रशिक्षक रवि किरणले वालवालिकाको अध्ययनशीलता र सीप विकासका लागि अभिभावकको भुमिकाको विषयमा प्रशिक्षण दिएको नेपाली विभाग प्रमुख भावना लामिछानेले जानकारी दिईन् । त्यस्तै विद्यालयले पठन पाठनका अलावा संचालन गरेको राबोटिक्स शिक्षाका विषयमा आईएनजि स्कील एकेडेमीका प्रतिनिधी रसिला श्रेष्ठले जानकारी दिएकी थिईन् ।

सोही अवसरमा युकेजीका ३० जना विद्यार्थी पनि दिक्षित भएका छन् । उनीहरुलाई कार्यक्रमका प्रमुख अतिथी पोखरा १२ का वडाध्यक्ष सन्तोष बास्तोला र विद्यालयका संस्थापक प्राचार्य दिवाकर जैंसीले दिक्षित गरे । यसअघि कार्यक्रमको उद्घाटन गर्दै वडाध्यक्ष बास्तोलाले विद्याथीको शैक्षिक तथा मानसिक विकासका लागि पढाईका अलावा अन्य क्रियाकलाप पनि महत्वपुर्ण हुने बताए । विद्यालयका संस्थापक प्राचार्य दिवाकर जैंसीले विद्यार्थीको शैक्षिक विकासका लागि विद्यालय प्रतिबद्ध रहेको बताउँदै, हेटौंडा एनोभेसन सेण्टरको सहकार्यमा विद्यार्थी केन्द्रित विभिन्न क्रियाकलाप संचालन गरेको बताए । अभिभावक संगीता भट्टराईले विद्यालयले गरेको शैक्षिक उन्नयनप्रति खुशी व्यक्त गरिन् ।

शिक्षक शोभा बरालले स्वागत गरेको कार्यक्रमको संचालन नेपाली विभाग प्रमुख भावना लामिछानेले गरेकी थिईन् । कार्यक्रममा विद्यार्थीले गणित शिक्षाका प्राविधिक ज्ञानका विविध स्टल राखेका थिए ।

पोखरा, २९ फागुन ।

कलाकार महेश त्रिपाठीलाई उनको जन्म गाउँ कास्कीकोटमा भव्य सम्मान गरीएको छ । त्रिपाठीको पछिल्लो प्रर्दशन भएको चलचत्रि परानले बक्स अफिसमा ठुलो सफलता प्राप्त गरेको थियो । परानले देश विदेशमा सामाजीक परिवेशको वारेमा धेरैको मनसम्म छोएको चलचित्र हो । परानमा महेश त्रिपाठी र निर शाहाका संवादहरुमा निकै दर्शकहरु रोएका थिए  ।

 झिङगे दाउ २ चलचित्र छायँनकन सकेर गाउँ फर्कीएका महेशलाई स्थानीयले सम्मान गरेका हुन । पोखरा २४ कास्कीकोटलाई देश तथा विदेशमा चिनाउन सफल भएको भन्दै स्थानीय मितेरी आमासमुहको आयोजनामा गाउँमा सम्मान गरेका हुन् ।  लामो समय देखी कलाकारितामा लागेका महेशलाई हल्कारा फिल्मबाट उत्कृष्ठ अभिनेताको अन्तराष्टीय अवार्ड समेत प्राप्त गरेका थिए भने केही समय अगाडी वेलायतमा आयोजना भएको फिल्म अवार्ड कार्यक्रम चलचित्र लाज शरणम्बाट जुरी अवार्ड पाएका थिए ।

महेश अभिनीत चलिचत्र ३६ को आकडा , क का की की , झिङगे दाउ २ प्रर्दशनको तयारीमा रहेका छन् भने अहिले उनी सिरजरा चलचित्रको े सुटिङमा लागेका छन् । सम्मान कार्यक्रममा स्थानीय आमा समुह, युवा क्लवरुको उपस्थीती रहेको थियो । सम्मानले गाउँ प्रतिको माया अझै प्रगाड र धेरै समय पछि गाउँमा सबैसगँ भलाकुसारी गर्न पाउदा खुसी लागेको त्रिपाठीले बताए ।

मितेरी आमा समुहकी अध्क्षय जेनीशा परियारले अभिनयको माध्यमबाट समाज र राष्टको लागी त्रिपाठीले पुयाएको योग्दानको प्रशंसा गर्दै अझ  कास्कीकोटको। नाम विश्व सम्म चिनाउदा आफुहरुलाई पनि ठुलो खुसी मिलेको भन्दै आगामी दिनहरुमा पनि अझै प्रगीत हुदै गएको देख्न आफुहरुले चाहेको बताइन् । 

पोखरा, २९ फागुन ।

राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले नेकपा एमालेका अध्यक्ष केपी शर्मा ओलीका बुबा मोहनप्रसाद ओलीको निधनमा श्रद्धाञ्जली दिएका छन्। आज साँझ सामाजिक सञ्जालमा लेख्दै बालेनले एमाले अध्यक्ष ओलीका बुबाप्रति श्रद्धाञ्जली दिएका हुन्।

शुक्रबार ओलीका बुबा मोहनप्रसादको ९७औं वर्षको उमेरमा निधन भएको हो।

पोखरा, २८ फागनु ।

गण्डकी प्रदेश सरकारका सामाजिक विकास, युवा तथा खेलकुद मन्त्री विन्दुकुमार थापाले प्रधानमन्त्री कप गण्डकी प्रदेश पुरुष एकदिवसीय छनोट प्रतियोगिताले प्रदेशका प्रतिभाशाली क्रिकेट खेलाडीहरूलाई राष्ट्रिय स्तरमा पुग्ने महत्वपूर्ण अवसर प्रदान गर्ने बताएका छन्।

गण्डकी प्रदेश क्रिकेट संघद्वारा विहिबार आयोजना गरिएको प्रधानमन्त्री कप गण्डकी प्रदेश पुरुष एक दिवसीय छनोट प्रतियोगिताको उद्घाटन कार्यक्रममा बोल्दै उनले खेलकुद केवल प्रतिस्पर्धाको माध्यम मात्र नभई अनुशासन, एकता, स्वास्थ्य र राष्ट्रिय गौरवसँग जोडिएको महत्वपूर्ण क्षेत्र भएको बताए। मन्त्री थापाले क्रिकेट आज नेपाली युवाहरूको सबैभन्दा लोकप्रिय खेलको रूपमा स्थापित भइसकेको उल्लेख गर्दै यसले युवाहरूमा ऊर्जा, आत्मविश्वास र सकारात्मक सोच विकास गर्न महत्वपूर्ण भूमिका खेलेको उल्लेख गरे ।

उनले यस्ता प्रतियोगिताहरूले प्रदेशभित्र रहेका प्रतिभाहरूलाई आफ्नो क्षमता प्रदर्शन गर्ने अवसर प्रदान गर्नुका साथै राष्ट्रिय टिमसम्म पुग्ने आधार तयार गर्ने बताए। गण्डकी प्रदेशमा रहेका प्रतिभाशाली खेलाडीहरूको पहिचान गरी उनीहरूलाई राष्ट्रिय स्तरसम्म पु¥याउन यस प्रकारका छनोट प्रतियोगिताहरू अत्यन्त आवश्यक रहेको भनाई उनको छ ।
मन्त्री थापाले गण्डकी प्रदेश सरकार खेलकुद क्षेत्रको विकास, खेल पूर्वाधार विस्तार, खेलाडीहरूको क्षमता अभिवृद्धि तथा खेल संस्कृतिको प्रवद्र्धनका लागि प्रतिबद्ध रहेको पनि स्पष्ट पारे। प्रदेशका विभिन्न स्थानमा खेल मैदान निर्माण, प्रशिक्षण कार्यक्रम सञ्चालन तथा विभिन्न प्रतियोगिताहरू आयोजना गर्दै युवाहरूलाई खेलकुदतर्फ आकर्षित गर्ने प्रयास निरन्तर भइरहेको उनले सुनाए ।

गण्डकी प्रदेश क्रिकेट संघका अध्यक्ष संजय कान्त सिग्देलले गण्डकी प्रादेशिक क्रिकेट संघ क्रिकेटको विकासका लागि सक्रिय रहेको बताए । नेपाली क्रिकेट खेलाडीहरु विश्वकपमा नै पुग्नु सुखद भएको भनाई उनको छ । क्रिकेटको स्तरोन्नतिका लागि सरकारबाट बजेटको राम्रो व्यवस्थापन हुन सके भविष्य राम्रो भएको उनले बताए ।

पोखरा, २८ फागुन ।

नेपाल पत्रकार महासंघको आयोजना र पोखरा महानगरपालिका सामाजिक विकास महाशाखाको सहयोगमा महिला संवाद कार्यक्रम सम्पन्न भएको छ । “महिला र बालबालिकाको लागि अधिकार, न्याय र कार्यसहितको अवसर” भन्ने मुल नाराका साथ मनाइएको ११६ औं अन्तर्राष्ट्रिय श्रमिक महिला दिवसको अवसरमा उक्त कार्यक्रम आयोजना गरिएको हो ।

कार्यक्रममा आफ्नो प्रस्तुतिकरण राख्दै कोपिला नेपालका कार्यकारी निर्देशक विना शिलवालले अबको युगमा छोरीलाई संरक्षण सहितको होइन प्रगतिशील मायाको आवश्यक रहेको बताउनुभयो । महिलालाई समान अधिकार र पहुचका लागि वंशिय र अंशिय अधिकारका लागि बनेका नीति नियमलाई प्रभावकारी कार्यान्वयनमा ल्याउनु पर्नेमा जोड दिनु पर्ने औल्याउनु भयो ।

कार्यक्रमको उद्घाटन गर्दै पोखरा महानगरपालिकाका उप प्रमुख मञ्जुदेवी गुरुङले कानुनमा नै महिलाको अधिकार र सहभागिता सुनिश्चत भई सकेको अवस्थामा अव महिलालाई कानुनको बारेमा शिक्षा र आर्थिक रुपमा माथि उठ्न आवश्यक रहेको बताउनुभयो । उहाँले महानगरपालिकाले न्यायमा पहुँच वढाउन महिला पुरुष समसचेतना कार्यक्रम सहित आर्थिक शशिक्तकरणका लागि उपप्रमुख संग महिला कार्यक्रम संचालन गरेको बताउनु भयो ।

गण्डकी प्रदेशका प्रेस राजिष्टार बिमला भण्डारीले हरेक क्षेत्रका महिलाको आन्दोलनले नै महिलालाई अधिकार दिलाएको बताउदै आवाज उठाउन छोड्न नहुने बताउनुभयो । राष्ट्रिय मानव अधिकार आयोग गण्डकी प्रदेशका प्रमुख नितु गर्र्तौलाले महिलाहरुले आफ्नो शिक्षित र संक्षम बनाउदै लागे अर्थपुर्ण सहभागिता सुनिश्चित हुदै जाने बताउनु भयो।

पोखरा उद्योग वाणिज्य संघका महासचिव शोभा गौतमले महिला महिला विचको एकता र उद्यमशिलताको विकासलेनै महिलाका हक र अधिकार प्राप्त हुने बताउनु भयो । कार्यक्रममा नेपाल पत्रकार महासंघ गण्डकी प्रदेशका महासचिव जमुना वर्षा शर्मा,  टेवान गण्डकीका अध्यक्ष शोभा पाण्डे, गैह्र सरकारी संस्था महासंघ कास्कीका अध्यक्ष इन्दिरा पौडेल, इन्सेक गण्डकीका संयोजक गणेश भण्डारी लगाएतले आफ्नो धारण राखे ।

नेपाल पत्रकार महासंघ कास्कीका अध्यक्ष माधव बरालको अध्यक्षता सम्पन्न कार्यक्रममा स्वागत उपाध्यक्ष माधव रेग्मी र संचालन महिला उपाध्यक्ष एवम् कार्यक्रम संयोजक कञ्चन थापाले गर्नुभएको थियो ।

पोखरा, २८ फागनु ।

बैवाहिक जीवनको पच्चिस बर्ष पुरा भएको अवसरलाई मानव सेवामा रुपान्तरण गर्दै यहाँका एक जना सञ्चारकर्मीले पोखरा वृद्धाश्रममा आश्रित जेष्ठ नागरिकको लागि भोजनको व्यवस्था गरेका छन् । नेपाल टेलिभिजन पोखरा समाचार दाता गिरिधारी पोखरेलले आप्mनो वैवाहिक बर्षगाँठ वृद्धाश्रमका बुवाआमासंग मनाएका हुन ।

सामान्यतया यस्ता खुशीका क्षण तारे होटल वा औपचारिक कार्यक्रम मार्पmत मनाइने प्रचलन बढि रहेको वर्तमान अवस्थामा शर्माले त्यस्तो फजुलखर्च कटाएर समाजका असहाय र विपन्न जेष्ठ नागरिकसंग खुशी साट्ने निर्णय गरेको बताए । श्रीमती लक्ष्मी, छोरा सुमित र छोरी समृद्धि पोखरेल तथा दाजु ऋषिराम पोखरेलले आश्रममा आश्रित जेष्ठ नागरिकलाई खानाको व्यवस्था गरेका थिए ।

समाजका विपन्न्न एवम् असहाय जेष्ठ नागरिकको पालनपोषण गर्ने मुख्यलक्ष्यका साथ २०५२ सालमा स्थापना भएको आश्रममा हाल सेवक सेवीका सहित४५ जनारहेको पोखरा वृद्धाश्रमका अध्यक्ष कुशुमकेशव पराजुलीले जानकारी दिए ।
प्रत्येक महिनाचार लाख ५० हजारभन्दा बढी खर्च हुने गरेको बताउँदै उनले भने ‘पछिल्लो समय वैवाहिक एवम् जन्मोत्सव जस्ता खुशीका क्षण तथा पित्रीको सम्झनामा दाताहरुले सहयोग गर्दै आउनु भएको छ ।’

उनका अनुसार व्यक्तिगत खुशीलाई समाजसेवासंग जोड्दै गरिएको यस्तो कार्यले वृद्धाश्रम सञ्चालनमा महत्वपूर्ण सहयोग पुगेको बताउँदै खानाको लागि १५ हजार रुपैया आश्रमले लिने गरिएको छ । हाल आश्रममा ४५ जना विपन्न तथा असहाय जेष्ठ नागरिक आश्रित छन् ।

पोखरा, २८ फागनु ।

पोखराको पृथ्वीचोकमा पुस्तक बिक्री गरिरहेको अवस्थामा डा. महावीर पुनमाथि अभद्र व्यवहार गर्ने एक व्यक्तिलाई कास्की प्रहरीले पक्राउ गरेको छ । जिल्ला प्रहरी कार्यालय कास्कीका अनुसार पोखरा महानगरपालिका वडा नम्बर १३ बाँझापाटन बस्ने ४३ वर्षका विकास गुरुङलाई बिहीबार पक्राउ गरिएको हो ।

गएको फागुन २५ गते पोखरा महानगरपालिका वडा नम्बर ९ पृथ्वीचोकमा महाबिर पुन र उनको टोली ‘ महावीर पुन’ नामक पुस्तक बिक्री गरिरहेका थिए । सोही समयमा एक अपरिचित व्यक्तिले पुनमाथि अभद्र व्यवहार गरेका थिए । उक्त घटनाको भिडियो सामाजिक सञ्जालमा सार्वजनिक भएपछि प्रहरीले सूक्ष्म अनुसन्धान र खोजतलास अगाडि बढाएको थियो ।

प्रहरीका अनुसार पक्राउ परेका व्यक्तिको आपराधिक पृष्ठभूमि समेत देखिएको छ । जिल्ला प्रहरी कार्यालय कास्कीका सूचना अधिकारी एवं प्रहरी नायब उपरीक्षक हरी बहादुर बस्नेतले गुरुङ यसअघि ३ पटक लागूऔषध मुद्धामा सजाय पाएको देखिएको बताए ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।