काठमाण्डौँ, ०८ फागुन ।
नेकपा एमालेको युवा दस्ता ‘नेशनल भोलिन्टियर फोर्स’ ले आफ्नो पार्टीको झण्डा जलाउने रास्वपा कार्यकर्तामाथि कारबाही माग गरेको छ । प्रमुख कमाण्डर पुष्पराज श्रेष्ठले आज विज्ञप्ति जारी गर्दै झण्डा जलाउनेमाथि तत्काल कारबाही नभए सशक्त प्रतिवादमा उत्रिने चेतावनी दिएका छन् ।
विज्ञप्तिमा भनिएको छ, ‘राज्यले यो घटनालाई नजरअन्दाज गर्छ र अपराधिक मानसिकता बोकेको जत्थालाई तत्काल कारबाहीको दायरामा ल्याएन भने नेशनल भोलिन्टियर फोर्स अन्याय, अराजकता र चरित्रहत्याविरुद्ध सशक्त रुपमा उभिनेछ ।’
फोर्सले लोकतन्त्रको नाममा अराजकता मच्याउने, अन्य दलको मानमर्दन गर्ने, उच्च नेतृत्वमाथि आधारहीन आरोप लगाउने, गालीगलौज गर्ने र चरित्रहत्या गर्ने कार्य कुनै पनि हालतमा स्वीकार्य नहुने पनि स्पष्ट पारेको छ ।
‘राजनीतिक असहमति विचार र बहसबाट व्यक्त गर्न, आगो र अराजकताबाट होइन । झण्डा जलाउने, उत्तेजना फैलाउने र द्धेष भड्काउने कार्य लोकतान्त्रिक होइन, अराजक मानसिकताको प्रतीक हो । यस्तो प्रवृत्तिले राजनीतिक संस्कारलाई ध्वस्त पार्ने मात्र होइन, सामाजिक सद्भावसमेत बिगार्ने खतरा पैदा गर्दछ भन्ने बेहोस भिडलाई जानकारी नहुनसक्छ,’ विज्ञप्तिमा उल्लेख छ ।
निर्वाचन बिथोल्ने यस्ता कार्यप्रति राज्य संयन्त्र मौन बसेमा कानूनप्रतिको जनविश्वासमा गम्भीर संकट पैदा हुने फोर्सको ठहर छ ।
काठमाडौं, ०८ फागुन ।
राष्ट्रिय स्वतन्त्र पार्टी ९रास्वपा०ले आगामी फागुन ९ गते रुपन्देहीको भैरहवा र १० गते पोखरामा आयोजना गर्ने भनेको प्रदेशस्तरीय चुनावी सभा स्थगित गरेको छ। रुपन्देही(३ का चुनावी कमान्डर नारायणप्रसाद भण्डारीका अनुसार पार्टी केन्द्रबाट तत्कालका लागि कार्यक्रम रोक्न निर्देशन आएपछि सभा स्थगित गरिएको हो।
सभाका लागि पत्रकार सम्मेलन, प्रचारप्रसार र मञ्च निर्माणको तयारीसमेत भइरहेको थियो। पार्टी केन्द्रीय कार्यालयले प्रदेश समितिलाई पठाएको पत्रमा ‘संगठनात्मक प्राथमिकता निर्धारण तथा रणनीतिक व्यवस्थापन’ का कारण सभा स्थगित गरिएको उल्लेख छ।
यद्यपि, बिहीबार दाङमा रास्वपा समर्थकले एमालेको झण्डा जलाएको घटनापछि उत्पन्न परिस्थितिका कारण सभा रोकिएको हो। उक्त घटनाप्रति एमाले कार्यकर्ताहरू आक्रोशित छन् भने झण्डा जलाउनेलाई कारबाहीको माग गरेका छन्।
काठमाडौं, ०८ फागुन ।
राष्ट्रिय सभाका अध्यक्ष नारायणप्रसाद दाहालले नयाँ संसद भवन निर्माणको गति बढाउन निर्देशन दिनुभएको छ । भवन निर्माणको पछिल्लो अवस्थाबारे जानकारी दिँदै उहाँले आगामी अधिवेशन नयाँ भवनमै सञ्चालन गर्ने गरी काम सक्न निर्देशन दिनुभएको हो । अध्यक्ष दाहालले भवन निर्माणको स्तर र गति अपेक्षाअनुसार नभएको उल्लेख गर्दै निर्माणको तिब्रता नदेखिएको स्पष्ट पार्नुभयो । यद्यपि, पछिल्लो समय केही प्रगति भएको उहाँको भनाइ छ ।
सदन चलाउने बेलासम्म यसलाई बनाउनुपर्छ भन्ने स्पिडका साथ धेरै पटक निर्देशन दिइसकेको बताउनु भयो । उहाँले केही दिन अघि मात्रै शहरी विकास मन्त्रालयका सचिव र सम्बन्धित पक्षलाई आफ्नै कार्यकक्षमा बोलाएर निर्देशन दिएको जानकारी दिनुभयो ।
अध्यक्ष दाहालकाअनुसार सम्पूर्ण भवन परिसरका सबै काम तत्कालै नसकिए पनि कम्तीमा प्रतिनिधि सभा र राष्ट्रिय सभा सञ्चालन हुने हलहरू तयार हुनुपर्नेछ । निर्वाचन पछिको सदन नयाँ भवनमै चलाउने लक्ष्यका साथ सरकार र निर्माण पक्षलाई दबाब दिइएको उहाँको भनाइ छ ।
उहाँले भन्नुभयो, ‘अब पहिलो कुरा त बनेको त हामी सबैले हेरिहाल्यौँ कति बन्यो भन्ने कुरा । हामीलाई जुन स्पिडबाट जुन स्तरबाट यो बन्नुपथ्र्यो भन्ने लागिराख्या छ त्यो स्तरबाट अझै स्पिड आइसकेको छैन । किनभने अब करिवकरिव सदन चल्ने कुरा त निधो नै भइसक्यो । अब दुई—चार दिन तलमाथि होला नत्र भने अब सदन चल्ने स्थितिलाई इलेक्शन भएपछिको स्थिति ।
अब त्यो सदन चलाउने बेलासम्म यसलाई बनाउनुपर्छ भन्ने स्पिडका साथ हामीले पहिले देख्न धेरै पटक निर्देशन दिइयो । अब अहिले लास्ट पटक आएर दिएको निर्देशनअनुसार अलिकति काममा प्रगति भएको त पाइएकै छ । उहाँहरूसँग अहिले कुरा गर्दाखेरि पनि हामी दिन्छौँ भनेको बेलामा हामी दिन्छौँ भन्ने खालको कुरा प्रतिवद्धता भनौँ न जाहेर गर्नुभएको छ ।
त्यति मात्र होइन, योभन्दा अलि अगाडि दस दिन अगाडि होला मेरो आफ्नै कार्यकक्षमा शहरी विकास मन्त्रालयको सचिवहरु अनि यहाँका सबैलाई बोलाएर सम्बन्धित पक्षलाई बोलाएर पनि त्यहाँ अलिअलि कडै निर्देशन दिएको हो । अब त्यही कुरा यहाँ भन्न त मिलेन। तर धेरै ढङ्गले हामीले कोशिस ग¥यौं । हाम्रो आफ्नो ठाउँबाट पनि पहल गरिराखेका छौँ र उहाँहरु पनि अहिले लागिराखेकै स्पिडमा देखिन्छ । त्यसले गर्दा अब आशा गरौँ कम्तीमा संसद चलाउने ढङ्गले उहाँहरूले हाम्रो हातमा दिनुहुन्छ ।
दिनुपर्छ, दिनुहुन्छ मात्रै होइन दिनैपर्छ । अब यो स्पिड हो, अब त्यही स्पिडमा उहाँहरूले काम गर्छु भन्नुभएको हुनाले अब त्यही सबैले अपेक्षा गरौँ । त्यही अनुसार यसलाई तर अब कतिपय अरु बाहिरका काम, फिनिसिङका काम, अरु अरु अवयवहरु छन् नि यहाँ त फेरि सदन भनेको त हल मात्रै त होइन ।
यहाँ हलकै समस्या पहिलो टड्कारो भएर अलि हल हल भन्या हो तर सदन चलाउनको लागि त सम्पूर्ण अवयवहरु चाहियो नि त। अब त्यो अब त्यो तत्कालै दिने देखिँदैन । तर कम्तीमा संसद चलाउनेसम्म प्रतिनिधि सभा राष्ट्रिय सभा चलाउने सम्म दिनुभयो भने त्यसैलाई धन्यवाद ठान्नुपर्छ ।’
नयाँ संसद भवन निर्माणमा भइरहेको ढिलाइप्रति चासो व्यक्त गर्दै अध्यक्ष दाहालले फिनिसिङ र अन्य प्राविधिक पक्षहरूमा पनि ध्यान दिन आग्रह गर्नुभएको छ । आगामी अधिवेशनसम्म मुख्य हलहरू हस्तान्तरण हुनेमा उहाँले आशा व्यक्त गर्नुभएको छ ।
काठमाण्डौँ, ०८ फागुन ।
निर्वाचन आयोगले प्रतिनिधिसभा सदस्यका उम्मेदवारहरूलाई निर्वाचन प्रयोजनका लागि बैंक खाता खोल्ने काममा ढिलाइ नगर्न ताकेता गरेको छ। शुक्रबार ९फागुन ८० आयोजित नियमित पत्रकार सम्मेलनमा आयोगले निर्वाचन प्रचार–प्रसारसम्बन्धी सम्पूर्ण खर्च अनिवार्य रूपमा सोही खाताबाट गर्नुपर्ने व्यवस्था भएकाले बाँकी रहेका उम्मेदवारलाई तत्काल खाता खोल्न सचेत गराएको हो।
आयोगकी सहायक प्रवक्ता सीता पुन श्रीसले सार्वजनिक बिदाका कारण खाता खोल्ने प्रक्रियामा केही असहजता हुनसक्ने देखिएको उल्लेख गर्दै अब ढिलाइ नगर्न आग्रह गरिएको बताइन्। उनले उम्मेदवारलाई खाता खोल्ने प्रक्रियामा सहजीकरण गर्न बैंक तथा वित्तीय संस्थाहरूलाई पनि आयोगले निर्देशन दिइसकेको जानकारी दिइन्।
निर्वाचन आयोगले जारी गरेको निर्वाचन आचारसंहितामा चुनावी खर्च पारदर्शी बनाउन प्रत्येक उम्मेदवारले छुट्टै बैंक खाता खोल्नुपर्ने र सबै खर्च सोही खातामार्फत गर्नुपर्ने व्यवस्था गरिएको छ। आयोगले आचारसंहिता कार्यान्वयनमा कडाइ गर्ने संकेतसमेत दिएको छ।
पोखरा, ०७ फागुन ।
जावलाखेल युथ क्लब २५औँ आहा रारा पोखरा गोल्डकपको फाइनलमा पुगेको छ । विहिबार सम्पन्न दोस्रो सेमिफाइनलमा जावलाखेल युथ क्लबले उज्बेकिस्तानको एभिए फुटबल क्लबलाई १( ० गोल अन्तरले पराजित गर्दै फाइनलमा पुगेको हो ।
जावलाखेलको जितमा खेलको ५२औं मिनेटमा एभिएका खुसान जानीजानोभले गरेको आत्मघाती गोल खेलको निर्णायक गोल बनेको थियो । दुवै टोलीले आक्रामक खेल प्रदर्शन गरे पनि एभिए क्लबले बराबरी गोल फर्काउन सकेन ।
यस जितसँगै जावलाखेलले उपाधि नजिक पुगेको छ। अब उपाधिका लागि जावलाखेलले सहारा क्लबसँग प्रतिस्पर्धा गर्नेछ । फाइनल खेल यही शनिबार फागुन ९ गते ९२१ फेब्रुअरी० आयोजना हुने आयोजकले जनाएको छ ।
पोखरा, ०७ फागुन ।
नेपाली कांग्रेस कास्की क्षेत्र नम्बर १ ले मतदाताहरूको सुझाव संकलनलाई तीव्र पारेको छ। कांग्रेसका उम्मेदवार तिलक रानाभाटले क्षेत्र नम्बर १ को विकासका लागि के कस्तो योजनाहरू अगाडि बढाउने र आफूले चुनाव जिते पश्चात संसदमा राख्ने योजनाहरूको बारेमा पनि तथ्याङ्क सङ्कलन गर्दै मतदाताहरूसँग भेटघाट गरेका छन्।
उसले अब भने सरकार नेपाली कांग्रेसको नेतृत्वमा बन्ने हुँदा संविधान संशोधन गर्दै विकास निर्माणमा भएका कानुनका बाधाहरूलाई हटाउँदै लैजाने प्रतिबद्धता समेत मतदाताहरूलाई गरेका छन्।
पहिलो चरणको सचिवालय उद्घाटन तथा मतदाता भेटघाट कार्यक्रमलाई सम्पन्न गर्दै प्रारम्भिक चरणको रिपोर्ट तयार गरेर अब तथ्याङ्कमा आधारित विकास योजना अगाडि बढाउने उम्मेदवार तिलक रानाभाटले बताएका छन्।
साथै नेपाली कांग्रेस कास्की १ मा चुनाव प्रचारप्रसार अन्तर्गत नेपाल तरुण दल नेपाल विद्यार्थी सङ्घ नेपाल महिला सङ्घ लगायतका भात्री संगठनहरुलाई सक्रिय बनाउँदै सबै मतदाताहरू को प्रयास गर्ने समेत कार्यक्रम रहेको चुनाव परिचालन समितिका संयोजक एवं क्षेत्रीय सभापति राजेन्द्रमणि लामिछानेले बताएका छन्।
पोखरा, ०७ फागुन ।
यूकेमा रहेका सचित गुरुङको १९ औं जन्मदिनको अवसरमा उनका बाबा चन्द्रबहादुर र आमा शान्ता गुरुङले नेपाल फोटो पत्रकार संघ (एनपिजेए), कास्कीलाई आर्थिक सहयोग गरेका छन् ।
छोराको जन्मदिनमा गुरुङ दम्पतीले एनपिजेए कास्कीले सञ्चालन गरेको ‘फोटो पत्रकार अक्षयकोष’ मा २५ हजार रुपैयाँ सहयोग गरेका हुन् । सहारा क्लब पोखराले सञ्चालन गरेको आरा रारा पोखरा गोल्डकपमा सहभागी भएको समयमा सचितका बाबा चन्द्रबहादुर गुरुङले नेपाल फोटो पत्रकार संघ, कास्कीका सचिव धनबहादुर गुरुङलाई उक्त रकम हस्तान्तरण गरेका हुन् ।
कोल्मा बहाकोट समाज यूकेका अध्यक्ष, सहारा यूकेका सल्लाहकार र सहारा क्लब, पोखराका सदस्य समेत रहेका गुरुङ आहारारा पोखरा गोल्डकपका लागि नेपाल आएका हुन् । नेपाल आएको समयमा उनले विभिन्न ठाउँमा सामाजिक सेवा पनि गरिरहेका छन् ।
सहयोग ग्रहण पछि एनपिजेए कास्कीका सचिव गुरुङले अक्षयकोष दातालाई धन्यवाद दिदैं यस्तै सहयोगले कोषको लक्ष्य पूरा गर्न मद्दत पुग्ने बताए । उक्त रकम फोटो पत्रकारहरुको वृत्तिविकासमा खर्च गरिने उनको भनाइ थियो ।
छोरा सचितको जन्मदिनको अवसरमा गुरुङ दम्पतिले पोखरा छोरेपाटनमा रहेको मानव सेवा आश्रममा २५ हजार ५ सय रुपैयाँ नगद र बेलुकाको खानासहित खाद्यान्न सहयोग गरिसकेका छन् । साथै, सहारा क्लब, पोखराले सञ्चालन गरेको सहारा एकेडेमीमा रहेका बालकहरुलाई पनि बेलुकाको खाना र खाद्यान्न सहयोग उपलब्ध गराएका थिए ।
चन्द्रबहादुर र शान्ता गुरुङ दम्पतीले यूकेमा गोर्खा हिल क्यास एण्ड क्यारी सञ्चालन गरिरहेका छन् । सचित अहिले यूकेमै सिभिल इन्जिनियरिङ पढिरहेका छन् ।
पोखरा, ०७ फागुन ।
दर्शन बचत तथा ऋण सहकारी संस्था लिमिटेडले आफ्नो स्थापना दिवस र प्रजातन्त्र दिवसको अवसर पारेर निःशुल्क दन्त शिविर सम्पन्न भएको छ । सहकारीले फागुन ७ गते कास्कीको माछापुच्छ्रे गाउँपालिका वडा नं। ४, लाहाचोकमा निःशुल्क दन्त शिविर सम्पन्न गरेको छ ।
नेपाल ठकुरी संगम परिवार कास्कीका अध्यक्ष याम बहादुर हमालले मुखको स्वास्थ्य समग्र शरीरकै दर्पण हो, तर धेरै मानिसहरूले चेतना र पहुँचको अभावमा आफ्नो दाँतको समस्या लुकाएर राखेका हुन सक्छन् तर उपचार आवश्यक भएकोले समयमा उपचार गर्न सम्पुर्णलाई अनुरोध गर्नुभयो ।
माछापुच्छ्रे गाउँपालिका वडा नं। ४ का वडाध्यक्ष मधुसुदन अधिकारीले विशेषगरी लाहाचोकका बासिन्दालाई लक्षित गर्दै यो शिविर आयोजना गरेकोमा धन्यवाद व्यक्त गर्दै यो शिविरले मुखका रोग न्यूनीकरण गर्न र स्थानीय समुदायमा स्वास्थ्यप्रति सचेतना बढाउन महत्वपूर्ण भूमिका खेल्ने विश्वास व्यक्त गर्नुभयो ।
निट डेन्टल केयर, महेन्द्रपुलको प्राविधिक सहयोगमा उक्त शिविर भएको हो । सहकारीका अध्यक्ष राजाराम शाहीले स्थानियको सहकार्यमा गाउँमा सहकारीले निःशुल्क दन्त शिविर गरेको बताउदैं यस्ता गतिविधिलाई निरन्तरता दिने बताउनुभयो । उहाँले गाउँघरमै विशेषज्ञ सेवा र्पुयाउने उद्देश्यले आयोजना गरिएको यस शिविरमा दाँत तथा मुख सम्बन्धी विभिन्न समस्याहरूको निःशुल्क परीक्षण र परामर्श प्रदान गरिएको बताउनुभयो ।
शिविर सयोंजक ज्योती हमालले शिविरमा १५३ जनाले सेवा लिएको जानकारी दिदै निःशुल्क औषधी तथा टुथपेष्ट, ब्रस लगायतका सामानहरु वितरण गरिएको जानकारी दिनुभयो । निट डेन्टल केयर, महेन्द्रपुलका प्रबन्ध निर्देशक बिरेन रानामगरले शिविरमा आएका दन्त रोगीहरुमा प्रायः गिजा पाक्ने, गिजा सुनिने, दाँत टुक्रा परेका समस्याहरु देखा परेको बताउनुभयो । उहाँले शिविरमा आएका दन्त रोगीहरुलाई निट डेन्टल केयरमा दर्ता निःशुल्क र विशेषज्ञ सेवामा १० प्रतिशत र साधारण चेकजाँचमा १५ प्रतिशत छुट दिने जनाउनुभयो ।
शाहीका अनुसार सहकारीले केवल बचत तथा ऋणको कारोबार मात्र नगरी सामाजिक उत्तरदायित्व अन्तर्गत मानवीय सेवाका कार्यलाई पनि उत्तिकै प्राथमिकता दिँदै आएको छ । सहकारीले हरेक वर्ष आफ्नो वार्षिक क्यालेन्डरमै समावेश गरेर यस्ता स्वास्थ्य तथा सामाजिक कार्यक्रमहरू निरन्तर सञ्चालन गर्दै आएको उहाँले बताउनुभयो ।
शिविरमा डेन्टल हाईजेनिष्ट रबिन्द्र कुमार पौडेलले दाँत परीक्षण गर्ने, सफा गर्ने विधि सिकाउने र परामर्शका आधारमा आवश्यक औषधीहरू समेत उपलब्ध गराएको बताउनुभयो । विषेशगरी सामाजिक उत्तरदायित्वको क्षेत्रमा दर्शन सहकारीले गरेको आफ्नो प्रतिबद्धतालाई निरन्तरता दिँदै आएको छ ।
यसै प्रतिबद्धतालाई सार्थकता दिन सहकारीले विभिन्न समयमा शैक्षिक सामग्री वितरणदेखि लिएर स्वास्थ्य सम्बन्धी शिविरहरू सञ्चालन गर्नुका साथै जनचेतना अभिवृद्धि गर्ने जस्ता कार्यक्रमहरू सञ्चालन गरी पोखरा र वरिपरिका समुदायमा आफ्नो सामाजिक पहिचान दृढ गर्दै समेत आएको छ ।
पोखरा, ०७ फागुन ।
नेपाल कम्युनिष्ट पार्टी ९एमाले० का तर्फबाट कास्की क्षेत्र नम्बर २ का प्रतिनिधि सभा उम्मेदवार रश्मि आचार्यले संसदमा गएर केवल कुनामा बसेर ताली बजाउने सांसद नभई विकास र राष्ट्रिय मुद्दामा उत्कृष्ट भूमिका खेल्ने सांसद बन्ने प्रतिबद्धता व्यक्त गरेका छन् । उनले संसदमा गनिने र परिणाममुखी काम गर्ने सांसदका रूपमा आफूलाई स्थापित गर्ने लक्ष्य रहेको उल्लेख गरे ।
पोखरा जेसिसले आयोजना गरेको ककस प्रत्यक्ष संवादमा बोल्दै उम्मेदवार आचार्यले कास्की क्षेत्र नम्बर २ मात्र नभई समग्र कास्कीको विकासका लागि संसदभित्र सकृय र प्रभावकारी भूमिका खेल्ने बताएका हुन् । आचार्यले विशेषगरी पर्यटन प्रवद्र्धनमा धेरै कानुनी जटिलता रहेको भन्दै ती समस्या समाधान गर्न संसदमा सशक्त आवाज उठाउने अठोट गरे । उनले भने—‘पर्यटन कास्कीको मुख्य आधार हो, तर कानुनी र नीतिगत जटिलताका कारण अपेक्षित विकास हुन सकेको छैन, यी जटिलता हटाउन संसदमा पहल गर्नेछु ।’
फोहोर व्यवस्थापन स्थानीय तहको कार्यक्षेत्रभित्र पर्ने विषय भए पनि त्यससँग सम्बन्धित नीतिगत पक्षहरू संसदमा उठाउने उनको भनाई थियो । उनले महानगरले कार्यान्वयन गर्ने काममा नीति र कानुनको माध्यमबाट सहजीकरण गर्ने प्रतिबद्धता व्यक्त गरे । आचार्यले स्वर्गीय नेता रविन्द्र अधिकारीको समृद्ध नेपालको सपना आफ्नो मार्गदर्शन भएको उल्लेख गरे ।
उनको सम्मान गर्दै उनकै आधारमा नयाँ विकासको खाका कोर्ने उनले बताए । ‘उहाँले देखाएको विकासको मार्गलाई निरन्तरता दिँदै नयाँ योजना र कार्यक्रम अघि बढाउनेछु , ’ उनले भने । शिक्षा क्षेत्रमा आफूले गरेका योगदानबारे उल्लेख गर्दै आचार्यले पृथ्वीनारायण क्याम्पसमा स्वतन्त्र विद्यार्थी युनियन ९स्ववियु० सभापति हुँदा बीएलएलबी, बीएससी र बीबीए जस्ता कार्यक्रम ल्याउन पहल गरेको बताए । सार्वजनिक शिक्षाको गुणस्तर वृद्धि र सशक्तीकरणका लागि परिणाममुखी काम गरेको अनुभवले संसदमा पनि प्रभावकारी भूमिका खेल्न मद्दत गर्ने उनको विश्वास छ ।
उम्मेदवार आचार्यले समग्र कास्कीको विकास, शिक्षा सुधार, पर्यटन प्रवद्र्धन र राष्ट्रिय मुद्दामा स्पष्ट दृष्टिकोणसहित संसदमा सक्रिय र जिम्मेवार भूमिका निर्वाह गर्ने प्रतिबद्धता दोहोर्याए ।
‘बृहत एकता सहित चुनाबमा होमिएका छौुं,– एमाले केन्द्रिय सदस्य कृष्ण थापा
‘कास्की २ अर्को अग्रगामी छलाङको लागि तयार छ’–एमाले केन्द्रिय सदस्य प्रभा कोइराला
पोखरा, ०७ फागुन ।
नेकपा ९एमाले० का केन्द्रिय सदस्य तथा कास्की इन्चार्ज कृष्ण थापाले आफुहरू बृहत एकता सहित निर्वाचनमा होमिएकोले सबैजना सुक्ष्मरूपले निर्वाचनको तयारीमा जुट्न आग्रह गरेका छन् । पार्टीको नीति र कार्यदिशा मुताविक कास्की २ का जनताले प्रभावशाली बौद्धिक युवा उम्मेदवार उठाएको बताउँदै उनले पोखराको व्यवस्थित विकासमा रश्मि आचार्यको जित अपरिहार्य भएको जिकिर गरे ।
एमाले नेता थापाले एमाले कास्की २ का उम्मेदवार रश्मि आचार्यको मतदाता साक्षात्कार कार्यक्रमको पोखरा १६ मा शुभारम्भ गर्दै उक्त कुरा बताएका हुन् । उनले देश र जनताको सेवा तथा पार्टीको नीति निर्णयमा सधैं आफूहरु प्रतिबद्ध रहेको बताए । बजारमा फैलाइएका निराधार हल्लाहरूले एमाले कमजोर नहुने उनले उल्लेख गरे ।
सो अवसरमा उम्मेदवार रश्मि आचार्यले माटोको कसम खाएर आफू राजनीतीमा सेवा भावले उत्प्रेरित भएर लागेको बताए । जनहित र विकास बाहेक आफ्नो कुनै स्वार्थ नरहेको उनको भनाई छ । ‘कार्ययोजना र कार्यान्वयनको प्रष्ट खाका प्रतिबद्धता पत्र मार्फत सार्वजनिक गरेको छु ।’ उनले भने—‘अब विकास र समविकास सँगसँगै एकसाथ गर्नुपर्नेछ । यस कार्यका लागि तपाईहरुको साथ र सहयोगले नै मेरो जीत सम्भव छ ।’
त्यसैगरि एमाले केन्द्रिय सदस्य प्रभा कोइरालाले आम युवा र कास्कीको भरोसाको उम्मेदवार आचार्य पाउनु गौरवको विषय भएको बताईन् । श्रमजीवी महिला, युवा र श्रमिकहरूका पक्षमा प्रष्ट विचार दिन सक्ने उम्मेदवार आचार्य भएको जिकिर गर्दै उनले कास्की २ अर्को अग्रगामी छलाङको लागि तयार भएको उल्लेख गरिन् । समानुपातिक उम्मेदवार दिपक पौडेलले समन्यायिक विकास र सबै क्षेत्रको सन्तुलित विकासको अवधारणा तयार पार्ने पार्टी एमाले भएको हुँदा ढुक्कसँग एमालेलाई जिताउन आग्रह गरे ।
एमालेका वरिष्ठ नेता सोमनाथ अधिकारी प्यासीले कास्की २ ले चम्किलो सूर्य झन तेजिलो बनाउने भन्दै देश र जनताका लागि काम गर्ने उर्जावान उम्मेदवार आचार्य नै जनताको रोजाईमा रहनेमा आफू विश्वस्त भएको उल्लेख गरे । सो पार्टीका निवर्तमान प्रदेश कमिटी सदस्य तेजनारायण अधिकारी, पोखरा महानगर कमिटी अध्यक्ष जीवनप्रसाद आचार्य सहित उल्लेख्य नेता कार्यकर्ताको सहभागिता रहेको थियो ।
जनताको घरदैलो अभियानमा रहेका आचार्यलाई जिताउन स्थानीयहरू उत्साहका साथ लागि परेको एमाले पोखरा १६ का वडा कमिटि अध्यक्ष यमनकाजी गुरुङले जानकारी दिए ।
