पोखरा, ०५ वैशाख ।

कुनै पनि साङ्गीतिक प्रस्तुति दिँदा गीतकार, सङ्गीतकार र गायकरगायिका गरी तीनै पक्षको नाम भन्नुपर्ने माग सरोकारवालाहरूले गरेका छन् । शनिवार पोखरामा गीतकार प्रतिष्ठान, नेपालद्वारा आयोजित ‘नेपाली गीतरसङ्गीतमा रचनाकार, सङ्गीतकार र गायकरगायिकाको भूमिका’ विषयक अन्तरक्रियामा सो कुरामा जोड दिइएको हो ।

प्रतिष्ठानका अध्यक्ष अनुराग अधिकारीले अवधारणापत्र प्रस्तुत गर्दै पोखरामा क्रियाशील साङ्गीतिक संस्थाका प्रतिनिधि, गायकरगायिका, सङ्गीतकार र गीतकारहरूसँग छलफल गरेर अवधारणापत्र तयार पारिएको जानकारी दिए ।

सातओटा बुँदामा प्रस्तुत गरिएको अवधारणापत्रमा एउटा सुन्दर साङ्गीतिक उत्पादनका लागि सबैको उत्तिकै भूमिका हुने भन्दै जुनसुकै रियालिटी सो, प्रतियोगिता वा साङ्गीतिक कार्यक्रममा गीतकारले रेकर्ड भएका गीत वाचन गर्दा सङ्गीतकार र गायकरगायिकाको नाम उच्चारण गर्ने, गायकरगायिकाले गीतकार र सङ्गीतकारको नाम उच्चारण गर्ने र सङ्गीतकारले गीतकार र गायकरगायिकाको नाम उच्चारण गर्ने परम्परा अवलम्बन गर्नपर्नेमा जोड दिइएको छ । नृत्य प्रस्तुत गर्दासमेत उद्‍घोषक वा आयोजकका तर्फबाट गीतकार, सङ्गीतकार र गायकरगायिकाको नाम उद्‍घोष गर्नुपर्ने माग सो अवधारणापत्रमा गरिएको छ ।

अवधारणापत्रमा गीतको समीक्षा गर्दा गीतकारको भावना बुझी गीतका शब्द र मर्मअनुरूप गर्न, समाजमा अपाच्य हुने खालका शब्दहरूको प्रयोग गरी गीत गीतकारले नलेख्न, रोयल्टी सम्बन्धित व्यक्तिको बैङ्क खातामा उपलब्ध गराउन, प्रतिलिपि अधिकारको ख्याल गर्न र प्रविधिको सदुपयोग गरी स्रष्टाको अस्तित्व रक्षा गर्न पनि आग्रह गरिएको छ ।

प्रतिष्ठानका अध्यक्ष अनुराग अधिकारीको अध्यक्षतामा भएको कार्यक्रममा प्रस्तुत अवधारणापत्रप्रति सहमति जनाउँदै नेपाल सङ्गीत तथा नाट्य प्रज्ञा प्रतिष्ठानका पूर्वकुलपति सरुभक्तले विशेष गरी सञ्चार माध्यमहरूलाई स्रष्टाको नाम उच्चारण गर्ने कुरामा सचेत हुन आग्रह गरे । स्रष्टाले आफ्नो अस्तित्वको खोजी गरेको बताउँदै सरुभक्तले रोयल्टीलाई व्यवस्थित बनाउने कुरामा सरकारको ध्यानाकर्षण गराए ।

वरिष्ठ लोकगायिका हरिदेवी कोइरालाले प्रतिलिपि अधिकारका विषयमा सबै एकजुट र सचेत हुनुपर्नेमा जोड दिइन् । आफ्ना गीतहरू अरूकै नाममा रेकर्ड हुने र गीत प्रस्तुत गर्दा नामसमेत उच्चारण नगर्दा दुःख लाग्ने गरेको अनुभव सुनाउँदै कोइरालाले आगामी दिनमा यस्तो अवस्थामा सुधार गर्न सबै पक्ष मिलेर लाग्नुपर्ने बताइन् ।

विम्बकवि तथा गीतकार रमेश श्रेष्ठले पहिचानको लडाइँमा स्रष्टाले जित्नुपर्ने बताए । स्रष्टाबिना सिर्जना नहुने भन्दै उनले कसैले पनि स्रष्टाप्रति दुर्भावना राख्न नहुने भनाइ राखे । त्रिवेणी सङ्गीतालयका प्रबन्ध निर्देशक तथा सङ्गीत प्रशिक्षक नवराज बरालले गीतकार, सङ्गीतकार र गायकरगायिकाबिचको छलफल र भेटघाटले नै असल सङ्गीत उत्पादन हुने बताए । उनले आपसमा सल्लाह गरेर काम गर्नुपर्नेमा जोड दिए ।

गण्डकी प्रज्ञा प्रतिष्ठानका निवर्तमान कुलपति सूर्य खड्का ‘बिखर्ची’ ले अवधारणापत्रप्रति सहमति जनाउँदै एकले अर्काको अस्तित्व स्विकार्नुपर्ने बताए । गायक कर्णदासले देशविदेशमा साङ्गीतिक प्रस्तुति राख्दा गीतसँग सम्बद्ध सबैको नाम उच्चारण गर्नुपर्ने बताए । अर्का गायक रामभक्त जोजिजूले अवधारणापत्रमा प्रस्तुत विचारहरू हुबहु लागू गर्नुपर्ने बताए ।

गायक विनोद बानियाले विगतमा गीतकार मात्र पीडित हुने गरेकामा हाल गायकरगायिका र सङ्गीतकारसमेत पीडित हुने गरेको बताउँदै सबैले सहकार्य गरेमा सबैलाई न्याय हुने बताए । प्रविधिलाई बेवास्ता वा गाली गरेर होइन, सहकार्य गरेर अगि बढ्नुको विकल्प नरहेको बनियाको धारणा थियो ।

कार्यक्रममा अन्तर्राष्ट्रिय नेपाली साहित्य समाज, गण्डकी प्रदेशका अध्यक्ष देवेन्द्र केसी ‘देवु’, गुरुङ चलचित्रका नायक ताराबहादुर गुरुङलगायतले पनि अवधारणापत्रमा आएका बुँदाहरू सान्दर्भिक भएको धारणा राखे ।

सो अवसरमा प्रतिष्ठानद्वारा प्रकाशित भित्तेपात्रो पनि विमोचन गरिएको थियो भने २४ जना नयाँ आजीवन सदस्यलाई सदस्यता वितरण गरिएको थियो ।प्रतिष्ठानका उपाध्यक्ष लाल कार्की ‘अञ्जान’ को स्वागतमा भएको कार्यक्रमको सञ्चालन सचिव रुपिन्द्र प्रभावीले गरेका थिए ।

पोखरा, ०५ वैशाख ।

पोखरा १९ घार्मीमा रहेका कृषकलाई मौरी घार वितरण गरिएको छ । स्थानीय घार्मी कृषि, वातावरण तथा पर्यटन सहकारीले आफ्ना सेयर सदस्य कृषकहरुलाई कृषि ज्ञान केन्द्र कास्कीको अनुदानमा ५० वटा घार मौरी वितरण गरेको हो ।

शनिवार आयोजित कार्यक्रममा कृषि ज्ञान केन्द्र कास्कीका कार्यालय प्रमुख सुदिप खतिवडा, सहकारी अध्यक्ष पोषराज पौडेल तथा कृषि उपसमिति संयोजक माधव प्रसाद पौडेलले कृषकहरुलाई मौरी घार हस्तान्तरण गरे । कार्यक्रममा बोल्दै केन्द्रका प्रमुख खतिवडाले घार्मी गाउँ मौरी पालनका लागि उपयुक्त क्षेत्र रहेको बताउँदै, सहकारी संस्थाको पहलमा यस क्षेत्रलाई मौरी पालन अनुदानका लागि छनोट गरिएको बताए । उनले कृषकहरुलाई लगनशील भई कार्य गरि आफ्नो व्यवसाय वृद्धि गर्न सुझाव दिए ।

सहकारी अध्यक्ष पोषराज पौडेलले सहकारीले स्थानीय कृषकहरुको समस्या, आवश्यकता र अवधारणालाई सम्बोधन गर्दै निरन्तर अघि बढिरहेको र भविष्यमा पनि यस्ता खालका कृषक लक्षित योजनाहरु ल्याउने बताए । सो अवसरमा सक्षम बि फर्मका निर्देशक रमेश पौडेलले कृषकहरुलाई मौरी पालन सम्बन्धी विभिन्न विषयमा प्रशिक्षण दिएका थिए ।

सहकारीका उपाध्यक्ष प्रदीपराज पौडेलले स्वागत मन्तव्य राखेको कार्यक्रमको संचालन सचिव राजकुमार पौडेलले गरेका थिए । हावापानी र भौगोलिक अवस्थाका कारण उक्त क्षेत्र मौरी पालनका लागि उपयुक्त रहेको बताईएको छ ।

पोखरा, ०५ वैशाख ।

पाँचौँ मनुश्रीरभिग्नजित राष्ट्रिय जुनियर टेनिस प्रतियोगिता शनिबारबाट पोखरा रंगशालास्थित टेनिस सेन्टरमा शुरू भएको छ । प्रतियोगिताको पलिहो दिन यू–९ गर्ल्सतर्फ मिलिवाना लावत र भानी राजभण्डारीले फाइनलमा स्थान बनाएका छन् ।

कास्की जिल्ला टेनिस संघको आयोजनामा शुरू भएको प्रतियाृगितामा यू–१८ ब्वाइज तर्फ सेमीफाइनल समिकरण पुरा भएको प्रतियोगिताका टुर्नामेन्ट डाइरेक्टर कुमार अधिकारीले जानकारी दिएका छन् । सो उमेर सुमहमा दर्शिल श्रैष्ठ र स्पन्दन उदास तथा शास्वत बज्रचार्य र सुरेन्द्र बिकले सेमीफाइनलमा स्थान पक्का गरे । यस अघी भएको खेलमा दर्शिलले संगम मगरलाई ६–०, ६–० को सोझो सेटमा पराजित गर्दा शास्वतले सन्दिप विकलाई ६–०, ५–७ र ६–० को सेटमा पराजित गरे ।

यता स्पन्दनले अभिषेक विकलाई ६–०, ६–० को सोझो सेटमा हराउँदा सुरेन्द्र भने वाई पाएर सेमीफाइनलमा स्थान बनाएका छन् । यता यू–१६ गर्ल्सतर्फ ऐरा खत्री र शाल्भी शेरचन तथा आरुषी शेरचन र सोराह थापाले सेमीफाइनमा स्थान पक्का गरेका छन् ।

बैशाख ८ गते सम्म सञ्चालन हुने प्रतियोगिताको एक कार्यक्रमका बीच नेपाल टेनिस संघका उपाध्यक्ष बिनोद कायस्थ र केन्द्रिय सदस्य विष्णु बहादुर थापाले संयुक्त रुपमा उद्घाटन गरे । सो अवसरमा उपाध्यक्ष कायस्थले यो प्रतियोगिताले यूवा खेलाडीमा उत्साह जगाएको बताउँदै अब पोखरामा वार्षिक ५ वटा जुनियर प्रतियोगिता आयोजना गर्ने गरी तयारी भइरहेको बताए ।

कास्की जिल्ला टेनिस संघका निर्वतमान अध्यक्ष एवं प्रतियोगिताका संयोजक लोक बहादुर गुरूङको अध्यक्षतामा भएको कार्यक्रममा नेपाल नं १ टेनिस खेलाडी प्रदिप खड्काले समेत आफ्ना भनाई राखेका थिए ।

प्रतियोगितामा यू–८, यू–९, यू–१०, यू–१२, यू–१४, यू–१६ र यू–१८ उमेर समूहका ब्वाइज तथा गर्ल्सतर्फ सिंगल्स र डबल्स गरी कुल १६ इभेन्टमा प्रतिस्पर्धा शुरू भएको हो । प्रतियोगितामा कास्कीका १५ जना खेलाडीसहित करिब ९० खेलाडीको सहभागिता रहेको छ ।

प्रतियोगिताको मुख्य प्रायोजन कुमार मोहनबहादुर शाहीले गरेका छन् । उनले आफ्ना नाति–नातिनीको नाममा यस प्रतियोगितालाई विगत पाँच वर्ष देखि प्रायोजन गर्दै हुन् ।

प्रतियोगितामा पोखरासहित काठमाडौं, चितवन र बुटवलका खेलाडीहरुको सहभागिता रहेको छ ।

पोखरा, ०५ वैशाख ।

सहारा क्लब पोखराले पोखरा स्पोर्टसअवार्डलाई प्रदान गर्दै आएको सहयोगलाई १० औं संस्करणमा समेत निरन्तरता दिनेभएको छ । पोखरा स्पोर्टस अवार्डको उदीयमान खेलाडी विद्याको अवार्डको पुरस्कारराशीमा गर्दै आएको सहयोगलाई निरन्तरता दिने भएको हो ।

नेपाल खेलकुद पत्रकार मञ्चगण्डकीको आयोजना र रारा तयारी चाउचाउको मुख्य प्रायोजनमा आगामी बैशाख १८ गतेपोखराको ईभेन्ट सेन्टरमा १० औं संस्करणको पोखरा स्पोर्टस अवार्ड हुदै छ । शुक्रबार सहारा क्लबका अध्यक्ष केशब बहादुर थापार नेपाल खेलकुद पत्रकार मञ्च गण्डकीका अध्यक्ष एमबी आस्था बीच सम्झौता पत्रमा हस्ताक्षरभएको छ । सो अवसरमा वोल्दै सहारा क्लबका अध्यक्ष केशब बहादुर थापाले पोखरा स्पोर्टसअवार्डमा प्रदान गर्दै आइरहेको उदीयमान खेलाडी विद्यालाई प्रदान गरिने पुरस्कार १०औं संस्करणमा समेत निरन्तरता दिने बताए ।

नेपाल खेलकुद पत्रकार मञ्चले खेलाडीहरुकोप्रोत्साहनका लागि आयोजना गर्न लागेको अवार्ड कार्यक्रममा सुरुवाती चरण देखिनै सहाराक्लबले सहकार्य गर्दै आइरहेको र आगामी दिनमा पनि त्यसलाई निरन्तरता दिने प्रतिवद्धताब्यक्त गरे । नेपाल खेलकुद पत्रकार मञ्च गण्डकीका अध्यक्ष एमबी आस्थाले सहारा क्लब आफैमापोखरेली फुटवलको इतिहाँसको साछी भएकाले पोखरा स्पोर्टस अवार्ड संगा जोडिएर कामगर्न पाउँदा खुसी लागेको बताए ।

आगामी वैशाख १८ गते पोखरा इभेन्ट सेन्टरमाआयोजना हुने १० औं संस्करणको पोखरा स्पोर्टस अवार्डमा विभिन्न आठ विधामा अवार्डप्रदान गरिदै छ । जसमा लाइफटाईम एचिभमेन्ट अवार्ड, वर्ष उत्कृष्ट प्रशिक्षक, वर्षउत्कृष्ट खेलाडी पुरुष, वर्ष उत्कृष्ट महिला, वर्ष उदियमान खेलाडी, वर्ष उत्कृष्ट खेलसंघ संस्था, पिपुल्स च्वाइस अवार्ड र वर्ष उत्कृष्ट खेल पत्रकार रहेका छन ।

पोखरा स्पोर्टसअवार्डमा पिपुुल्स च्वाइस अवार्डका लागि गुरुङ गहना घर प्रालिले स्कुटर प्रायोजन गरेको छ। अवार्डका लागि गण्डकी प्रदेश सरकार,प्रदेशखेलकुद परिषद् गण्डकी, पोखरा महानगरपालिका, राष्ट्रिय खेलकुद परिषद काठमाण्डौ,केल्मी नेपाल, नेपाल खेलकुद पत्रकार मञ्च काठमाण्डौ, होटल क्राउन प्लाजा काठमाण्डौ, फोर स्टार डिलक्स हेरिटेज टेम्पल बेल बुटिक होटल एण्ड स्पा पोखरा लेकसाईड, जिल्ला खेलकुदबिकास समिति कास्की, बुल्स मेन क्लबका संस्थापक इश्वर गुरुङ ९हङकङ०, रुपा गाउँपालिका,मादी गाउँपालिका, अन्नपूर्ण गाउँपालिका र माछापुच्छ«े गाउँपालिकाको विशेषसहयोग रहेको छ ।

त्यसैगरी सहयोगीहरुमा सहारा क्लब, टाइगर ग्रुप अफ पोखरा, तमु धिँयुके, मञ्चका पूर्व अध्यक्ष प्रेम नारायण न्यौपाने, पत्रकार महासंघ जापानकापूर्व अध्यक्ष तथा मञ्चका पूर्व अध्यक्ष मोहन घले, विनोद गुरुङ, जापानबाट युवराज गुरुङ, निशानरानामगर, रमेश कुमार गुरुङ, पूर्व राष्ट्रिय खेलाडी बसन्त गौचन, किरण थापाअष्टे«ेलिया र राइनो हस्पिटालिटी एण्ड होटल म्यानेजमेन्ट प्रालि ९राइनो क्याफे एण्डशवार्मा स्टेशन०, शिद्धार्थ पाण्डे कम्प्युटर सेन्टर न्युरोड, पोखरा रहेका छन । अन्यसहयोगी संघ संस्थाको सहयोग आउने क्रम जारी रहेको छ ।

पोखरा, ०५ वैशाख ।

स्वास्थ्य तथा जनसंख्या मन्त्रालयले सरकारले लागू गरेको शनिबार र आइतबारको दुई दिने सार्वजनिक बिदाको समयमा पनि अस्पतालका आकस्मिक र अन्तरंग सेवाहरुलाई २४ सै घण्टा सुचारु राख्न निर्देशन दिएको छ। मन्त्रालयले आइतबारका दिन अस्पतालमा हुने पूर्व(निर्धारित शल्यक्रिया लगायतका सेवाहरुलाई बिरामीको सहजता हेरेर फेरि समय मिलाउन समेत अस्पतालहरुलाई भनेको छ।

नेपाल सरकार मन्त्रिपरिषद्को निर्णय अनुसार २०७८ चैत २२ गते राजपत्रमा प्रकाशित सूचना बमोजिम दुई दिन सार्वजनिक बिदा दिने व्यवस्था लागू भएको सन्दर्भमा मन्त्रालयले यस्तो स्पष्ट पारेको हो। स्वास्थ्यकर्मीहरुको मनोबल र हितलाई ध्यानमा राख्दै बिरामीको निरन्तर हेरचाह सुनिश्चित गर्न सरकारको दुई दिने बिदाको नीति अनुरुप आइतबारका पूर्व(निर्धारित शल्यक्रिया ‘ओटी’ लगायतलाई रिसेड्युल गरी अन्तरंग र आकस्मिक सेवाहरु सधैँझैँ २४ सै घण्टा सुचारु रहने जानकारी मन्त्रालयले गराएको छ।

बिदाका दिनहरुमा बिरामीले कुनै सास्ती भोग्न नपरोस् भनी अस्पतालहरुले सम्भव भएसम्मका सेवा प्रदान गर्नुपर्ने निर्देशनमा उल्लेख छ। मन्त्रालयले स्वास्थ्य मन्त्रालयको ‘अस्पताल सुधार कार्यविधि, २०७८’ को पूर्ण पालना गर्दै आगामी दिनमा संगठन तथा व्यवस्थापन ‘ओ एन्ड एम’ सर्भे सम्पन्न भएपछि स्वास्थ्य सेवालाई थप सुदृढ र परिमार्जन गर्दै लैजाने प्रतिबद्धता समेत व्यक्त गरेको छ। यो व्यवस्थाले बिदाको दिनमा पनि नागरिकहरुले स्वास्थ्य सेवाबाट वञ्चित हुनु नपर्ने र अस्पतालको सेवा प्रवाहमा प्रभावकारिता आउने विश्वास मन्त्रालयले लिएको छ।

काठमाडौँ, ०५ वैशाख ।

नेकपा एमालेको ११ औं महाधिवेशनमा युवा क्लष्टरका प्रतिनिधिहरुले पार्टी पुनर्गठनलाई विषयान्तर गरेर एकताको कुरा नगर्न नेतृत्वलाई चेतावनी दिएका छन् । पार्टी पुनर्गठन अभियानसम्बद्ध युवा संघका उपमहासचिव उपेन्द्र शाहीसहितका युवा नेताले त्यस्तो चेतावनी दिएका हुन् ।

फागुन २१ को निर्वाचनमा भएको लज्जास्पद पराजयले देशभरका नेता, कार्यकर्ता र शुभेच्छुकलाई स्तब्ध बनाएको भन्दै उनीहरूद्वारा जारी विज्ञप्तिमा भनिएको छ । उनीहरूले पार्टी नेतृत्वलाई रूपान्तरण, पुनर्गठन र पुनर्जागरणको मागलाई गम्भीरतापूर्वक लिन र केन्द्रीय कमिटीमार्फत त्यसलाई यथाशीघ्र सम्बोधन गर्ने गरी अगाडि बढ्न जोडदार आग्रह गरेका छन् ।

प्रेस विज्ञप्तिको पूर्णपाठ
मितिः २०८३र०१र०५
भर्खरै सम्पन्न आम निर्वाचनमा नेकपा ९एमाले० ले व्यहोर्नु परेको लज्जास्पद पराजयले देशभरका नेता, कार्यकर्ता र शुभेच्छुकहरूलाई स्तब्ध बनाएको छ । यो हार केवल प्राविधिक पराजय मात्र नभई पार्टीको विद्यमान नीति, कार्यशैली र नेतृत्वमाथि जनताले गरेको गम्भीर अविश्वास र प्रश्न पनि हो । यतिबेला आम कार्यकर्ता र युवा पंक्तिले पार्टीको समग्र रूपान्तरण, पुनर्गठन र पुनर्जागरणको अपेक्षा गरिरहेका
छन् ।
यस ऐतिहासिक घडीमा पार्टी विधानको मर्म र व्यवस्था अनुसार पार्टीभित्रैबाट उठिरहेको आवाजलाई तत्काल सम्बोधन गर्नपर्छ भन्ने हामी युवाहरूको दृढ मान्यता छ र यसका निमित्त हाम्रो पहल जारी रहेको सबैमा जानकारी गराउन चाहन्छौं ।
तर, पछिल्लो केही दिनदेखि पार्टीभित्र हुनुपर्ने वास्तविक रूपान्तरण र पुनर्गठनको बहसलाई ओझेलमा पार्ने प्रयास भइरहेका छन् । नेतृत्वले गरेका गल्ती – कमजोरीहरूलाई ढाकछोप गर्न र मूल एजेन्डाबाट ध्यान मोड्नका लागि जुन प्रकारको “बेमौसमी कम्युनिष्ट एकता” को बहस चलाइएको छ, त्यसले पार्टीलाई अझ रक्षात्मक बनाउने निश्चित छ । यस्तो प्रयासले पार्टीभित्र विद्यमान मूल समस्याहरूलाई ओझेलमा पार्ने, कार्यशैलीगत र संगठनात्मक कमजोरीहरूलाई समाधान नगर्ने स्पष्ट नै छ । पार्टीलाई जनताको वास्तविक भावना, विशेषगरी युवापुस्ताको आकांक्षा र आवाजसँग जोड्नु आजको अपरिहार्य आवश्यकता हो । यही आधारमा मात्रै पार्टीले आफ्नो ऐतिहासिक भूमिकालाई पुनः स्थापित गर्न सक्छ ।
त्यसैले, हामी कुनै पनि प्रकारको असामयिक र दुराशययुक्त पार्टी एकीकरणको प्रयासप्रति असहमति व्यक्त गर्दै त्यस्ता गतिविधिहरूको कडा शब्दमा विरोध गर्दछौं । हामी पार्टी नेतृत्वलाई रूपान्तरण, पुनर्गठन र पुनर्जागरणको मागलाई गम्भीरतापूर्वक लिन र केन्द्रीय कमिटीमार्फत त्यसलाई यथासिघ्र सम्बोधन गर्नेगरि अगाडि बढ्न जोडदार आग्रह गर्दछौं । अन्त्यमा, वैधानिक ढंगले पार्टीलाई समयानुकूल रूपान्तरण, पुनर्गठन र पुनर्जागरण गर्न हाम्रो अभियानलाई निरन्तरता दिने प्रतिबद्धता पुनः दोहोर्याउँदछौँ ।

अभियानको तर्फबाट प्रतिनिधिमूलक महाधिवेशन प्रतिनिधिहरू स्
१० सुजन लामा, कोशी प्रदेश
२० अमित कुमार यादव, मधेश प्रदेश
३० डा। सुजन कडरिया, बागमती प्रदेश
४० ज्ञानभक्त डंगोल, राजधानी प्रदेश
९५० मोहन भट्टराई, गण्डकी प्रदेश
६० मेनका पछाई, कर्णाली प्रदेश
७० कमल जोशी
८० सन्देश ढकाल, लुम्बिनी प्रदेश
९० हरिश पन्त, सुदूरपश्चिम प्रदेश

१०० उपेन्द्र शाही

पोखरा, ०५ वैशाख ।

छैटौँ टाइगर कप अन्तर्राष्ट्रिय आमन्त्रित क्लब च्याम्पियनसिप महिला तथा तथा पुरुष भलिबल प्रतियोगिता २०८२ को आय–व्यय सार्वजनिक गरिएको छ । टाइगर ग्रुप अफ पोखरा नेपालले शनिबार पोखरामा पत्रकार सम्मेलन गरी आय–व्यय सार्वजनिक गरेको हो ।

गत माघ ९ देखि १७ गतेसम्म पोखरा रगंशालामा आयोजना गरिएको प्रतियोगिताबाट रु १ करोड ६० लाख ७ हजार ७ सय २५ रुपैयाँ आम्दानी भएको छ । जसमध्ये रु १ करोड ३७ लाख ४२ हजार ६ सय १९ खर्च भएको र कुल २२ लाख ६५ हजार १ सय ६ रुपैयाँ बचत भएको आयोजक संस्थाका अध्यक्ष नारायण प्रसाद शर्माले जानकारी दिए । कुल आम्दानी मध्ये टिकट संकलनबाट रु ५९ लाख ४९ हजार २८२ रुपैयाँ आम्दानी भएको अध्यक्ष शर्माले बताए ।

त्यसैगरी स्वदेश तथा विदेश एवं संघ संस्थाहरुको सहयोगबाट रु ४८ लाख ४३ हजार २८२, मुख्य प्रायोजकबाट रु ३० लाख, प्रदेश खेलकुद परिषद गण्डकीबाट रु १० लाख र पोखरा महानगर पालिकाले रु १० लाख, टिम प्रवेश शुल्कबाट १ लाख ३५ हजार र सिजनल टिकटबाट रु ८० हजार प्राप्त भएको आयोजकले जनाएको छ । टाइगर कपको यो आम्दनी विगतका संस्करणहरु भन्दा बढि हो । संस्थाले गत वर्ष करिब २० हजार बचत गरेको थियो ।

पत्रकार सम्मेलनमा बोल्दै अध्यक्ष शर्माले बचत भएको रकम सामजिक विकास एवं खेलकुद क्षेत्रको विकासका लागि सहयोग गर्ने प्रतिवद्धता जनाए । उनले भने–“टाइगर कपमार्फत भलिबल विकासमा सहयोग पुगेको छ भन्ने विश्वास लिएका छौं । यहाँहरुको सबैको सहयोगले प्रतियोगिता भव्य रुपमा सम्पन्न गर्न भूमिका खेलेको छ । म स्वदेश तथा विदेशबाट सहयोगी संस्था तथा मित्रहरुलाई पुनः एक पटक यहाँहरु मार्फत आभार व्यक्त गर्दछु ।”

अध्यक्ष शर्माले प्रतियोगिताको सफल आयोजनले पोखरालाई खेल पर्यटनको गन्तव्यका रूपमा थप स्थापित गर्न मद्दत पुगेको उल्लेख गर्दै आगामी दिनमा अझ स्तरीय, प्रभावकारी तथा उत्कृष्ट अन्तर्राष्ट्रिय क्लबहरुको सहभागितामा प्रतियोगिता आयोजना गर्ने प्रतिबद्धता जनाए । सस्थाका सचिव डिवी नेपालीले सस्थाले गरेका क्रियाकलापको बारेमा चर्चा गरेका थिए । भने छैटौँ टाइगर कप भलिबल प्रतियोगिताको सफल आयोजनमा विश्व भलिबल संघहरुको अन्तर्राष्ट्रिय छाता संस्था एफआइभिबीले समेत प्रशंसा गरेको थियो ।

सो अवसरमा प्रदेश खेलकुद परिषद गण्डकीको संयोजकमा मनोनयन भएका हरिप्रसाद पराजुली, जिल्ला खेलकुद कास्कीको कोषाध्यक्षमा मनोनित आशिष थापा र गण्डकी प्रदेश भलिबल संघको उपाध्यक्षमा मनोनित विरेन्द्र खडकालाई सम्मान गरिएको थियो ।

छैटौँ एनसेल टाइगर कप राष्ट्रिय तथा अन्तर्राष्ट्रिय भलिबल प्रतियोगिताको उपाधि गण्डकी प्रदेश भलिबल संघले पुरुषतर्फको उपाधि जितेको थियो भने महिलातर्फ डायमण्ड यूथ स्पोर्ट्स क्लबले उपाधि जितेको थियो ।

काठमाडौं ।
चिनियाँ दूतावासले नेपालका जेनजी युवाहरुलाई लक्षित गरी युवा अग्रणी कार्यक्रम सञ्चालन गर्ने भएको छ ।

‘चाइनिज एम्बेसी युथ पायोनियर प्रोग्राम सीएनवाईपी भनिने यस कार्यक्रमको उद्देश्य नेतृत्व विकास, सामाजिक तथा आर्थिक रूपान्तरणमा युवाको भूमिका विस्तार र चीन–नेपालबीच आपसी समझदारी तथा सहकार्य सुदृढ गर्नु हो ।

काठमाडौंस्थित चिनियाँ दूतावासले विज्ञप्ति जारी गरेर दिएको जानकारी अनुसार यस कार्यक्रममार्फत सहभागीहरूलाई नेतृत्व तालिम, नीति तथा सामाजिक मुद्दामा छलफल, कार्यशाला तथा अध्ययन भ्रमणमा सहभागी गराइनेछ । साथै छनोट भएका युवालाई चीन भ्रमणको अवसर पनि प्रदान गरिने छ ।

दूतावासले यो कार्यक्रमले नेपालमा ‘रूपान्तरणकारी सोच’ भएका युवाको सञ्जाल निर्माण गर्ने लक्ष्य राखेको जनाएको छ । सहभागीहरूले विभिन्न क्षेत्रका विज्ञ, कूटनीतिज्ञ र उद्यमीसँग अन्तरक्रिया गर्ने अवसर पाउनेछन् ।

कार्यक्रममा सहभागी हुन २२ देखि ३४ वर्ष उमेर समूहको हुनुपर्ने दूतावासले जनाएको छ । इच्छुक नेपाली युवा पेशाकर्मी, सामाजिक अभियन्ता तथा विभिन्न क्षेत्रका व्यक्तिले आवेदन दिन सक्नेछन् । आवेदन फारम अंग्रेजीमा भरेर इमेल ठेगाना cnypnepal@163.com   मा पठाउन दूतावासले भनेको छ । आवेदन बुझाउने अन्तिम मिति सन् २०२६ को मे १७ तारिक ९२०८३ जेठ ३ गतेसम्म तोकिएको छ ।

दूतावासका अनुसार आवेदनहरू कार्यक्रमको उद्देश्यसँगको सान्दर्भिकता आधारमा मूल्यांकन गरिनेछ र अन्तिममा १० देखि २० जना उम्मेदवार छनोट गरिनेछ ।

छनोट भएकाहरू एक वर्षसम्म कार्यक्रमका विभिन्न तालिम, गतिविधि र नेटवर्किङ कार्यक्रमहरूमा संलग्न हुनेछन् । कार्यक्रम सम्पन्न भएपछि उनीहरू पूर्व–सदस्य सञ्जाल अल्मुनाइमा आवद्ध हुनेछन्, जसले निरन्तर अवसर र सहकार्यका माध्यम उपलब्ध गराउने बताइएको छ ।

कार्यक्रमले समुदायमा आधारित परियोजना सञ्चालनमा समेत सहभागीलाई प्रोत्साहन गर्ने काठमाडौंस्थित नेपाली दूतावासले जनाएको छ ।

दूतावासले यो पहलले नेपालका युवामा नेतृत्व क्षमता विकाससँगै दिगो सामाजिक तथा आर्थिक विकासमा योगदान पुर्‍याउने अपेक्षा गरेको छ ।

 

पोखरा, ०४ वैशाख ।

रारा तैयारी चाउचाउको मुख्य प्रायोजनमा हुने १० औं पोखरा स्पोर्टस अवार्डमा केल्मी नेपालले सह प्रायोजकमा रहेर साथ दिने भएको छ । स्पेनको खेलकुद ब्राण्ड केल्मेको नेपालका लागि आधिकारीक बिक्रेता केल्मी नेपाल र पोखरा स्पोर्टस अवार्ड आयोजक नेपाल खेलकुद पत्रकार मञ्च गण्डकी बीच १० औं पोखरा स्पोर्टस अवार्डमा एक अर्काबिच सहकार्य गर्ने गरि सम्झौता भएको हो । सम्झौतामा केल्मी नेपालका प्रवन्ध निर्देशक उत्तम न्यौपाने र नेपाल खेलकुद पत्रकार मञ्च गण्डकीका अध्यक्ष एमबी आस्थाले हस्ताक्षर गरे ।

सो अवसरमा वोल्दै केल्मी नेपालका प्रवन्ध निर्देशक उत्तम न्यौपानेले केल्मे नेपालले खेलकुदको क्षेत्रमा साथ, सहयोग र सहकार्य गर्दै आइरहेको र पर्यटकीय राजधानी पोखरामा आयोजना हुने १० औं पोखरा स्पोर्टस अवार्डमा समेत सहयोग रहने प्रतिवद्धता ब्यक्त गरे । गण्डकी प्रदेशका खेलाडीहरुलाई लक्षित गरि आयोजना गरेको अवार्डको सफलताको कामना समेत गरे ।

केल्मी नेपालले केल्मी ब्राण्डको फुटबल, फुटसल जुत्ता, खेलकुद कपडा जर्सी, ट्रयाकसुट, शर्ट, खेलकुदका सामाग्रीहरु ब्याग मोजाको बिक्री वितरण गर्दै आइरहेको र विशेषगरी नेपाली खेलाडी र क्लबहरुले बढी मात्रामा रुचाएको न्यौपानेको भनाई थियो ।

मञ्चका अध्यक्ष एमबी आस्थाले अन्तराष्ट्रिय ब्राण्ड केल्मीको आधिकारीक बिक्रेता केल्मी नेपाल संग सहकार्य गर्न पाउदा खुसी लागेको बताए । विभिन्न आठ विद्यामा आयोजना हुने पोखरा स्पोर्टस अवार्डमा केल्मी संग सहकार्य गरेर अगाडी बढ्न पाउदा खेलकुद क्षेत्रमा साथ र सहयोग गर्दै आइरहेको केल्मी प्रति आभार प्रकट गरे ।

आगामी वैशाख १८ गते पोखरा इभेन्ट सेन्टरमा आयोजना हुने १० औं संस्करणको पोखरा स्पोर्टस अवार्डमा विभिन्न आठ विधामा अवार्ड प्रदान गरिदै छ । जसमा लाइफटाईम एचिभमेन्ट अवार्ड, वर्ष उत्कृष्ट प्रशिक्षक, वर्ष उत्कृष्ट खेलाडी पुरुष, वर्ष उत्कृष्ट महिला, वर्ष उदियमान खेलाडी, वर्ष उत्कृष्ट खेल संघ संस्था, पिपुल्स च्वाइस अवार्ड र वर्ष उत्कृष्ट खेल पत्रकार रहेका छन । पोखरा स्पोर्टस अवार्डमा पिपुुल्स च्वाइस अवार्डका लागि गुरुङ गहना घर प्रालिले स्कुटर प्रायोजन गरेको छ ।

अवार्डका लागि गण्डकी प्रदेश सरकार,प्रदेश खेलकुद परिषद् गण्डकी, पोखरा महानगरपालिका, राष्ट्रिय खेलकुद परिषद काठमाण्डौ, केल्मी नेपाल, नेपाल खेलकुद पत्रकार मञ्च काठमाण्डौ, होटल क्राउन प्लाजा काठमाण्डौ, जिल्ला खेलकुद बिकास समिति कास्की, बुल्स मेन क्लबका संस्थापक इश्वर गुरुङ (हङकङ), रुपा गाउँपालिका, मादी गाउँपालिका, अन्नपूर्ण गाउँपालिका र माछापुच्छ«े गाउँपालिकाको विशेष सहयोग रहेको छ । त्यसैगरी सहयोगीहरुमा सहारा क्लब, टाइगर ग्रुप अफ पोखरा, तमु धिँ युके, मञ्चका पूर्व अध्यक्ष प्रेम नारायण न्यौपाने, पत्रकार महासंघ जापानका पूर्व अध्यक्ष तथा मञ्चका पूर्व अध्यक्ष मोहन घले, विनोद गुरुङ, जापानबाट युवराज गुरुङ, निशान रानामगर, रमेश कुमार गुरुङ, पूर्व राष्ट्रिय खेलाडी बसन्त गौचन, किरण थापा अष्टे«ेलिया र राइनो हस्पिटालिटी एण्ड होटल म्यानेजमेन्ट प्रालि (राइनो क्याफे एण्ड शवार्मा स्टेशन) रहेका छन । अन्य सहयोगी संघ संस्थाको सहयोग आउने क्रम जारी रहेको छ ।

 

पोखरा, ०४ वैशाख ।

स्कुल अफ इन्जिनियरिङ्ग पोखरा विश्वविद्यालयको आयोजना र संकाय र गण्डकी प्रदेश प्रशिक्षण प्रतिष्ठानको सहकार्य र सहजिकरणमा स्कुल अफ इन्जिनियरिङ्गको क्एज्भ्च्ब् हलमा दुई दिने क्षमता विकास तालिम सफलतापूर्वक सम्पन्न भयो ।

मिति २०८३र०१र०३ गते देखि सञ्चालित सो तालिमको उद्घाटन सत्रमा उपकुलपति प्रा।डा। बेद राज केसी, रजिस्ट्रार सह(प्राध्यापक डा। अजय थापा, विज्ञान तथा प्रविधि संकायका डीन सह(प्राध्यापक इन्जिनियर बुद्धिराज जोशी, गण्डकी प्रदेश प्रशिक्षण प्रतिष्ठानका कार्यकारी निर्देशक श्री सुरेन्द्र बाबु तिवारी तथा इन्जिनियरिङ्ग संकायका निर्देशक प्रा।डा। विनय कुमार मिश्रज्यूको विशिष्ट उपस्थिति रहेको थियो । उहाँहरूले यस्ता तालिम कार्यक्रमहरूले संस्थागत

कार्यसम्पादनमा सुधार ल्याउने, शैक्षिक तथा प्रशासनिक कार्यबीच समन्वय मजबुत बनाउने तथा सेवा प्रवाहलाई प्रभावकारी बनाउने कुरामा जोड दिनुभयो ।
तालिममा अनुभवी विशेषज्ञहरूद्वारा अन्तरक्रियात्मक तथा ज्ञानमूलक सत्रहरू सञ्चालन गरिएका थिए । जसमा सुश्री टोलमाया थापाले शैक्षिक र प्रशासनिक कार्यबीचको अन्तरसम्बन्ध, इन्जिनियर मनोज पौडेलदले जिन्सी व्यवस्थापन तथा लिलामीरविक्री प्रक्रिया, कार्यसम्पादन मूल्यांकन र शैक्षिक भ्रमण व्यवस्थापनसम्बन्धी प्रशिक्षण गर्नुभएको थियो भने पुर्व सहसचिव केशव राज ढकालले लेखापरीक्षण बेरुजु र बेरुजु, इन्जिनियर नवीन गौतमले सार्वजनिक खरिद र श्री सुरेन्द्र बाबु तिवारीले समावेशी सञ्चार विषयमा प्रशिक्षण गर्नुभएको थियो ।

तालिम सत्रहरु अत्यन्तै अन्तरक्रियात्मक र व्यवहारिक बनाइएको थियो र सोही अनुसारको प्रतिक्रिया तालिममा सहभागीहरुको तर्फबाट समेत प्राप्त भएको थियो । जसले गर्दा सहभागीहरूको कार्यशैली र दक्षता अभिवृद्धि गर्ने लक्ष्य राखेको छ । पोखरा विश्वविद्यालय अन्तर्गतको इन्जिनियरिङ्ग संकाय, डेभलपमेन्ट तथा सामाजिक इन्जिनियरिङ्ग संकाय र विज्ञान तथा प्रविधि संकाय कार्यक्रमबाट गरी ३० भन्दा बढी प्राध्यापक ९मुख्यतः कार्यक्रम संयोजक० तथा कर्मचारीहरूको सहभागिता रहेको थियो ।

अन्तिम सत्रमा आर्ट अफ लिभिङ फाउन्डेसनको टोलीद्वारा योग कार्यक्रम सञ्चालन गरिएको थियो र समापन सत्रमा तालिममा सहभागीहरुलाई इन्जिनियरिङ्ग संकायका निर्देशक प्रा।डा। विनय कुमार मिश्र र गण्डकी प्रदेश प्रशिक्षण प्रतिष्ठानका कार्यकारी निर्देशक सुरेन्द्रबाबु तिवारीले सयुक्त रुपमा प्रमाणपत्र वितरण प्रमाण पत्र प्रदान गर्नुभएको थियो । कार्यक्रमको समापन इन्जिनियरिङ्ग संकायका निर्देशक प्रा।डा। विनय कुमार मिश्रज्यूले तालिमका मुख्य उपलब्धिहरूको समीक्षा सहित समापन गर्नुभयो । दुई दिन सम्म सञ्चालन गरिएको तालिमको सञ्चालन इन्जिनियरिङ संकायका उपप्रध्यापनक इन्जिनियर सञ्जय बरालज्यूले गर्नुभएको थियो ।