२०८३ मंसिर १ सोमबार
२०८३ मंसिर १ सोमबार

पोखरा, ०४ फागुन ।

मनाङ मस्र्याङदी क्लब पोखरामा जारी राष्ट्रिय तथा अन्तराष्ट्रिय अन्तर क्लब आमन्त्रित आहा रारा पोखरा गोल्डकप फुटबल प्रतियोगिताको सेमिफाइनलमा प्रवेश गरेको छ ।

पोखरा रङ्गशालामा सोमबार भएको क्वाटरफाइनलको तेस्रो खेलमा पाहुना टोली भारत सिक्मिमको थण्डरबोल्ड नर्थ युनाइटेडमाथि १–० को कठिन जित निकाल्दै मनाङले अन्तिम चारमा स्थान बनाउन सफल भयो ।

खेलको ९० मिनेटको निर्धारित समयमा दुवै टोलीबाट गोल हुन सकेन । त्यसपछि ३० मिनेट समय थप गरिएको थियो । थप गरिएको समयको पहिलो हाफको इन्जुरी समयमा मनाङका आशिष श्रेष्ठले निर्णायक गोल गरे । कर्नरबाट आएको बललाई श्रेष्ठले हेड गर्दै बललाई जाली चुमाए ।

खेलमा दुवै टोलीले गोलका केही सुन्दर मौका खेर हालेका थिए । खेलमा निर्णायक गोल गरेका मनाङका श्रेष्ठ ‘म्यान अफ दी म्याच’ घोषित भए । उनले रु १० हजार पुरस्कार प्राप्त गरे ।

पाहुना टोली थण्डरबोल्डका प्रशिक्षक आशिष क्षेत्रीले मनाङजस्तो राम्रो टिमसँग आफ्ना खेलाडीले राम्रो खेल प्रस्तुत गरेको बताए । प्रतियोगिताको अन्तिम क्वाटरफाइनल मङ्गलबार प्लानिङ ब्वाइज युनाइेट र उज्वेकिस्तानको आभा फुटबल क्लबका बीचमा खेल हुनेछ ।

यही फागुन ९ गतेसम्म सञ्चालन हुने प्रतियोगिताको च्याम्पियन टोलीले  १४ लाख एक हजारसहित ट्रफी, मेडल र प्रमाणपत्र पुरस्कार पाउँदा उपविजेता टोलीले रु सात लाख एक हजारसहित ट्रफी पुरस्कार पाउने आयोजक सहाराले जनाएको छ ।

यसैगरी सर्वोत्कृष्ट खेलाडीले स्कुटर प्राप्त गर्ने अन्य पाँच विधामा उत्कृष्ट हुनेले जनही  २५ हजार र ट्रफी पुरस्कार पाउनेछन् ।

 

 

पोखरा, ०४ फागुन ।

प्रतिनिधि सभा सदस्य कास्की क्षेत्र नं. २ का उमेदवार रश्मि आचार्य ले नेपालको शिक्षा प्रणालीप्रति गम्भीर चिन्ता व्यक्त गर्दै वर्तमान शिक्षा सर्टिफिकेट थुपार्ने माध्यममा सीमित भएको बताएका छन्।

उनले अबको शिक्षा दराजको फाइलमा होइन, मानिसको हातको सीपमा देखिनुपर्नेमा जोड दिँदै व्यावहारिक र प्राविधिक शिक्षाले मात्र व्यक्तिको जीवनस्तर सुधार गर्न सक्ने बताए ।

शिक्षा सीपमूलक भए मात्र व्यक्तिको उन्नति सम्भव हुने र त्यसकै आधारमा देशको समृद्धि हासिल गर्न सकिने उनको भनाइ छ।

सामाजिक संजालजस्तै करबारे पनि जानकारी राख्नुस् ः प्रमुख कर अधिकृत ढुंगाना
पोखरा, ०४ फागुन ।

‘हामीलाई टिकटक र फेसबुक चलाउन कसैले सिकाएको हैन । मार्क जुकरवर्ग आएर फेसबुक यसरी चलाउने हो भन्या पनि हैन होला । त्यो चलाउन जान्ने तर आफूलाई चाहिने करको दाखिला गर्ने कुरा चाहिँ नजान्ने,भर्न जानेको छैन । बिल काट्न आउँदैन भन्न मिल्छ र रु’

आन्तरिक राजश्व कार्यालय पोखराका प्रमुख कर अधिकृत शिवप्रसाद ढुंगानाले सोमबार पोखरा उद्योग वाणिज्य संघले आयोजना गरेको मूल्य अभिवृद्धि कर ९भ्याट० र करबारे आयोजना गरेको तालिम कार्यक्रममा प्रश्न तेस्र्याए । पोखरा उद्योग वाणिज्य संघ तथा कार्यक्रममा अध्यक्ष गोकर्ण कार्की मुस्कुराए, तालिममा सहभागीहरु मुखामुख गरे ।

प्रमुख कर अधिकृत त्यत्तिमै रोकिएनन् । उनले व्याख्यासहित भने,‘नेपालको कर प्रणाली भनेको स्वघोषणा गर्नेखालको हो । हाम्रो कर प्रशासनका ८० प्रतिशत काम अनलाइनबाटै हुन्छ । तपाईं कार्यालय आउनै पर्दैन । हाम्रो वेवसाइटमा जानुभयो भने त्यहाँ सधैँ सोधिने प्रश्नहरुका उत्तर छन् । अलिकति अध्ययन गर्नासाथ आफूले तिर्नुपर्ने राजश्व आफै भर्न सकिन्छ । भ्याट चाहिँ यहाँहरुले तिर्ने हैन । उपभोक्ताले तिरेको रकम राज्यलाई बुझाउने हो । त्यो पनि एक महिनासम्म तपाईंले बिना ब्याज चलाउन पाउनुहुन्छ ।’

प्रमुख कर अधिकृत ढुंगानाले दण्ड र जरिवानाबाट बच्नका निम्ति आफै जागरुक बन्नुपर्नेमा पनि जोड दिए । पोखरा उद्योग वाणिज्य संघले जर्मन सहयोग संस्था जीआइजेडको दीगो विकासका लागि राजश्व सुधार परियोजना ९आरएसआरएसडी० को सहयोगमा भ्याट र करसम्बन्धी तालिम संचालन गर्दै आइरहेको छ । यो कार्यक्रमअन्तर्गत विभिन्न क्षेत्रका उद्योगी÷व्यवसायीलाई तालिम प्रदान गरिने संघका अध्यक्ष गोकर्ण कार्कीले जानकारी दिए । हालसम्म ४ वटा तालिम प्रदान गरिएको र सोमबार एवं फ्लोरिङ तथा फर्निसिङ व्यवसायी संघ कास्कीसँगको समन्वयमा आयोजना २ दिने तालिम आयोजना गरिएको अध्यक्ष कार्कीको भनाइ छ ।

सो कार्यक्रममा बोल्दै संघका अध्यक्ष गोकर्ण कार्कीले कर तिर्नु व्यवसायीको धर्म हो भन्नेमा संघ प्रष्ट रहेको र प्रणाली चाहिँ अझै सरल हुनुपर्ने धारणा सुनाए ।

पोखरा उद्योग वाणिज्य संघकी महासचिव शोभा गौतमको संचालन रहेको कार्यक्रममा बोल्दै फ्लोरिङ तथा फर्निसिङ व्यवसायी संघ कास्कीका अध्यक्ष थानेश्वर तिवारीले कर प्रणालीबारे जानकारी प्राप्त हुँदा व्यवसाय गर्न सहजता प्राप्त हुने आशा राखे । सहभागीहरुलाई सिए विवेक श्रेष्ठले कर र भ्याटबारे सहजीकरण गरेका थिए ।

पोखरा, ०४ फागुन ।

फेयर ट्रेड कर्पाेरेसनले पोखरामा पाइलट ब्रान्डको पेनको आउटलेट संचालनमा ल्याएको छ। पोखरा महानगरपालिका वडा नम्बर ३, नदीपुरस्थित कोट्रयार्ड भवनमा (मीनमार्ट रहेको भवन) आउटलेट संचालनमा ल्याएको हो ।

शनिबार आयोजित एक समारोहमा उक्त शोरूमको कम्पनीका तर्फबाट जापानी नागरिक मसो नाका र टामायुकी कावानाले संयुक्त उद्घाटन गरे । सो अवसरमा हाँस्य कलाकार सन्दीप क्षेत्रीको पनि उपस्थिति थियो।

कम्पनीले ४२ वर्ष पहिलेदेखि नेपालमा पाइलट पेनको बिक्री वितरण गर्दै आएको छ।

कम्पनी निर्देशक मीन अग्रवाल आफूकहाँ १० देखि एक लाख रूपैयाँसम्मका मूल्य बराबरका पेन रहेको बताउँछिन्। उनका अनुसार पाइलट ब्रान्डका बल पेन, जेल पेन र फाउन्टेन पेन, हाइलाइटर, मार्कर, पेन्सिल, इरेजरसहित  लेखेर मेट्ने पेनहरू पनि उपलब्ध छन् । प्रोडक्टमा १० प्रतिशत डिस्काउन्ट र विद्यार्थीहरूका लागि एक वर्षसम्म  ५ प्रतिशत  विशेष छुट दिइने व्यवस्था गरिएको छ।

काठमाडौंको न्यूरोड र कमलादीमा शाखा संचालित रहेकोमा छिट्टै विराटनगरमा समेत सञ्चालन गर्ने तयारी रहेको उनले जानकारी दिइन्। यसका डिलर भने धेरैवटा छन्।

पाइलट पेनलाई अरू पेनको तुलनामा उत्कृष्ट मानिन्छ।

पोखरा, ०४ फागुन।

पोखरास्थित कास्की जिल्ला अदालतले रवि लामिछाने विरुद्ध दायर संगठित अपराध र सम्पत्ति शुद्धीकरण मुद्दा तत्काल फिर्ता नलिने आदेश दिएको छ। महान्यायाधिवक्ताको कार्यालयले उक्त मुद्दा फिर्ता लिने निर्णय गरेपछि जिल्ला सरकारी वकिल कार्यालयले अदालतमा निवेदन दिएको थियो।

तर जिल्ला न्यायाधीश नितिश राईको इजलासले सर्वोच्च अदालतमा सो निर्णयविरुद्ध रिट परेकाले तत्काल मुद्दा फिर्ता नहुने आदेश गरेको हो। सर्वोच्च अदालतबाट हुने आदेश प्राप्त भएपछि मात्र थप निर्णय हुने अदालतले जनाएको छ। यसअघि रूपन्देही जिल्ला अदालतले पनि यस्तै निर्णय गरिसकेको छ।

महान्यायाधिवक्ता सविता भण्डारीले पुस ३० गते संगठित अपराध र सम्पत्ति शुद्धीकरण मुद्दा फिर्ता लिने निर्णय गरेकी थिइन्। सो निर्णयविरुद्ध युवराज पौडेल ९सफल० ले सर्वोच्च अदालतमा रिट दायर गरेका छन्।

चितवन, ०४ फागुन।

चितवन  भरतपुर महानगरकी निवर्तमान प्रमुख रेनु दाहाल को पक्षमा चितवन क्षेत्र नं. ३ मा जनसमर्थन बढ्दै गएको देखिएको छ। आगामी फागुन २१ गते हुने प्रतिनिधि सभा सदस्य निर्वाचनका लागि उम्मेदवार बनेकी दाहाल सोमबार भरतपुर–१६ मा घरदैलो अभियानमा सहभागी हुँदा स्थानीयवासीको उल्लेख्य उपस्थितिसहित स्वागत पाएकी हुन्।

दुई कार्यकालसम्म भरतपुर महानगरपालिकाको नेतृत्व सम्हालेकी दाहालले संघीय राजनीतिमा प्रवेश गर्ने उद्देश्यसहित उम्मेदवारी दिएको बताएकी छन्। जेनजी आन्दोलनका कारण निर्वाचनको मिति अगाडि सारिँदा दोस्रो कार्यकाल पूरा हुन करिब १५ महिना बाँकी रहँदै उनले प्रमुख पदबाट राजीनामा दिएकी थिइन्। “निर्वाचन समयअगावै घोषणा भएपछि राजीनामा दिनुपर्ने अवस्था सिर्जना भयो,” दाहालले भनिन्।

घरदैलो अभियानका क्रममा मतदाताबाट सकारात्मक प्रतिक्रिया पाएको उल्लेख गर्दै उनले महानगर प्रमुखका रूपमा कार्यरत रहँदा सबैलाई समान व्यवहार गर्दै विकास निर्माणका काम अघि बढाएको दाबी गरिन्। “कसले के भन्यो भन्नेभन्दा पनि कहाँ कति काम गर्नुपर्छ भन्ने कुरामा केन्द्रित रहेँ,” उनले भनिन्, “विकासका काममा कहिल्यै पक्षपात गरिनँ।”

उनले स्थानीय तहमा हासिल अनुभवलाई संघीय संसद्मा नीति निर्माण तहमा उपयोग गर्ने प्रतिबद्धता व्यक्त गरिन्। चितवनको समग्र विकासका लागि अझ प्रभावकारी भूमिका निर्वाह गर्ने अवसर दिन मतदातासँग आग्रहसमेत गरिन्।

एजेन्सी, ०४ फागुन ।

इजरायल र प्यालेस्टाइनबीचको जारी युद्धमा परी हालसम्म कूल मृतकको संख्या ७२ हजार ६१ पुगेको छ। सोही युद्धमा परी गत ७ अक्टोबर २०२३ देखि हालसम्म १ लाख ७१ हजार ७ सय १५ जना घाइते भएका हुन् । गाजा स्वास्थ्य अधिकारीले युद्धविराम लागू भएदेखि ६ सय १ प्यालेस्टिनी नागरिकको मृत्यु भएको र १ हजार ६ सय ७ घाइते बताएका छन्। इजरायलले गरेको हवाई आक्रमणमा परी गाजा पट्टीका विभिन्न स्थानमा आइतबार मात्रै ११ जनाको ज्यान गएको हो ।

नागरिक रक्षा निकायका अनुसार उत्तरी दक्षिणी गाजाका शरणार्थी शिविर र विस्थापितहरूको आश्रयस्थलमा यी आक्रमणहरू भएका हुन् । यसअघि नौ जनाको मृत्यु भएको बताइए पनि पछि मृतकको संख्या परिमार्जन गरिएको थियो । नागरिक रक्षा प्रवक्ता महमुद बसलले इजरायली लडाकु विमान र ड्रोनले बिहानदेखि मध्याह्नसम्म विभिन्न क्षेत्रमा आक्रमण गरेको बताउनुभयो । गाजा शहरको पश्चिममा पर्ने तेल अल–हावामा भएको ड्रोन आक्रमणमा सामी अल–दहदोह नाम गरेका एक व्यक्तिको मृत्यु भएको छ । जो इस्लामिक जिहाद समूहका सदस्य रहेको बताइएको छ ।

त्यस्तै, उत्तरी गाजाको बेत लाहियामा भएको अर्को आक्रमणमा तीन जना गम्भीर घाइते भएका छन् । यसअघि जबालिया शरणार्थी शिविर र खान युनिसमा भएका दुई छुट्टाछुट्टै आक्रमणमा १० जनाको मृत्यु भएको थियो । प्रत्यक्षदर्शीका अनुसार इजरायली सेनाले जबालियाको उत्तरमा रहेको शेख जायद क्षेत्रमा घरहरू समेत भत्काएका छन् । गाजा शहरको पूर्वी भागमा पर्ने अल–तुफाह क्षेत्रमा पनि आर्टिलरी गोलाबारी भएको खबर छ ।

पोखरा, ०१ फागुन ।

पोखरा महानगरपालिका अन्तर्गत लेखनाथको मुटु पावरहाउसमा अवस्थित गुरुकुल विद्याश्रमको १९ औँ जन्मोत्सव एवम् अभिभावक दिवस, पुरस्कार वितरण, सांस्कृतिक कार्यक्रम साथमा श्रष्टा सम्मान कार्यक्रम भव्य र सभ्य रुपमा सम्पन्न भएको छ । उक्त कार्यक्रममा शैक्षिक सत्र २०८०÷२०८१ मा सर्वोत्कृष्टता प्राप्त गर्ने विद्यार्थीहरुलाई विभिन्न विधामा पुरस्कृत गरिएको थियो ।

कार्यक्रममा विद्यार्थी हरुका नृत्य र साङ्गीतिक प्रस्तुतीले रोचक बनाएको थियो । सशस्त्र प्रहरी बलबाट आएको बैण्ड बाजाले अतिथि सत्कार गरेको र कार्यक्रमलाई थप रौनक बनाएको थियो । राष्ट्रिय लोक तथा दोहोरी गीत प्रतिष्ठान नेपालका पूर्व अध्यक्ष, वर्तमान संरक्षक, सर्जक प्रजापति पराजुलीको प्रमुख आतिथ्यतामा उद्घाटन भएको उक्त कार्यक्रमको सभापतित्व गुरुकुल विद्याश्रम एवम् गुरुकुल कलेज अफ म्यानेज्मेन्ट, होटल म्यानेज्मेन्टका प्राचार्य मिलन के.सी. ले गर्नुभएको थियो । कार्यक्रममा वोल्दै प्रमु अतिथी पराजुलीले विद्यार्थीहरुले विद्यालय स्तरवाटै कला र सस्कृतीको क्षेत्रमा सिक्ने र सिकाउने कार्यमा लाग्नु पर्नेमा जोड दिए ।

उक्त कार्यक्रममा विद्यालयकी सल्लाहकार निलिशा ठकुरी के.सी. ले सम्पूर्ण अतिथि लगायत विभिन्न उपस्थित महानुभावहरुलाई शब्दद्वारा स्वागत गर्नुभएको थियो । उक्त कार्यक्रममा शिक्षिकाहरुका नृत्य, विद्यार्थीहरुका नाटक र होटल म्यानेज्मेन्टको फुड फेस्टिभलले कार्यक्रमको अझ शोभा बढाएको थियो ।

कार्यक्रममा विशेष अतिथिको रुपमा आमन्त्रित राष्ट्रिय लोक तथा दोहोरीगीत प्रतिष्ठान गण्डकी प्रदेशको पूर्व अध्यक्ष र वर्तमान अध्यक्ष क्रमशः राजन कार्की र माया गुरुङ लगायतका कलाकारको साङ्गीतिक प्रस्तुतीले कार्यक्रमको शोभा बढाएको थियो भने उक्त कार्यक्रममा आमन्त्रित प्रमुख अतिथि प्रजापति पराजुली, कार्यक्रमका सभाध्यक्ष एवम् विद्यालयका प्रिन्सिपल मिलन के.सी., सह प्राचार्य नारायण बराल, कलाकार माया गुरुङ, राजन कार्की, सल्लाहकार निलिशा के.सी. लगायतले पुरस्कार प्रदान गर्नुभएको थियो भने विद्यालयमा कार्यरत शिक्षक एवम् कर्मचारी पनि सम्मानित हुनुभएको थियो ।

यसपटक लोक कला तर्फको विधालाई आधार मानेर श्रष्टा सम्मान गरिएको उक्त कार्यक्रममा विशेष अतिथिको रुपमा आमन्त्रित शैक्षिक व्यक्तित्व एवम् विद्यालयका अभिभावक सुरेशराज ढकालले विद्यालयको प्रशंसा गर्दै शुभकामना मन्तव्य राख्नुभएको थियो भने कार्यक्रमको सञ्चालन विद्यालयका मा.वि. संयोजक बाबुराम जि.सी., शिक्षिकाहरु राधा लामिछाने, सोनम खत्री लगायत विद्यार्थी भाइबहिनीहरुले गरेका थिए ।

 

पोखरा, ०१ फागुन ।

गण्डकी प्रदेश सरकारका सामाजिक विकास, युवा तथा खेलकुद मन्त्री विन्दुकुमार थापाले बालमैत्री गण्डकी प्रदेश निर्माणलाई साझा लक्ष्यका रूपमा अघि बढाउन सबै सरोकारवालालाई आह्वान गरेका छन्।

शुक्रबार सामाजिक विकास, युवा तथा खेलकुद मन्त्रालय अन्तर्गत सामाजिक विकास महाशाखाको आयोजनामा सम्पन्न भएको “बालबालिका सम्बन्धी नियमावली, २०८२” को मस्यौदामाथि विस्तृत छलफल तथा अन्तरक्रिया कार्यक्रममा उनले यस्तो बताएका हुन् । प्रदेश बाल अधिकार समितिको बैठकसमेत बसेर बाल अधिकार संरक्षण, प्रवद्र्धन र कार्यान्वयनका विषयमा महत्वपूर्ण निर्णयहरू गरिएको उनले उल्लेख गरे ।

“बालबालिका भविष्यका मात्र होइन, वर्तमानका संवाहकसमेत हुन् । उनीहरूको अधिकार सुनिश्चित गर्ने, सुरक्षित तथा सम्मानित वातावरण निर्माण गर्ने र नीति–कार्यक्रमलाई प्रभावकारी बनाउने दायित्व सरकारको प्राथमिकतामा छ ।”, उनले भने । सहभागी सबैलाई रचनात्मक सुझाव र सक्रिय सहभागिताका लागि धन्यवाद दिँदै प्राप्त सुझाव समेटेर नियमावलीलाई थप सुदृढ र व्यवहारिक बनाइने प्रतिबद्धता उनको छ ।

कार्यक्रममा मन्त्रालयका सचिव डा. शेष नारायण पौडेलले प्रदेश स्तरमा बालअधिकार प्रचार–प्रसार नीति तथा कार्यक्रमलाई प्राथमिकतामा राख्दै संघ, प्रदेश र स्थानीय तहबीच समन्वय आवश्यक रहेको धारणा राखे। उनले बालगृहहरूलाई व्यवस्थित बनाउन स्पष्ट मापदण्ड र प्रभावकारी अनुगमन जरुरी रहेको बताए।

जिल्ला समन्वय समिति तनहुँका प्रमुख शान्तिरमण वाग्लेले बालगृहहरूको नियमित अनुगमनमा विशेष जोड दिनुपर्ने, नेपाल बाल संगठनसँग तादम्यता बढाउनुपर्ने तथा जिल्ला समन्वय समितिलाई स्पष्ट जिम्मेवारी दिएर अघि बढ्नुपर्ने सुझाव दिए। उनले गुम्बा, छठ र मन्दिरजस्ता स्थानमा रहेका बालबालिकाको संरक्षणमा समेत विशेष ध्यान दिन आग्रह गरे।

जिल्ला प्रहरी कार्यालय गण्डकीका प्रहरी वरिष्ठ उपरीक्षक तुल बहादुर कार्कीले संरचनागत कमजोरी सुधार गर्न प्रदेश र स्थानीय तहमा बालबालिका सम्बन्धी छुट्टै ‘डेडिकेटेड टिम’ गठन गर्नुपर्ने आवश्यकता औंल्याए। माछापुच्छ्रे गाउँपालिकाकी उपाध्यक्ष सीता अधिकारीले विद्यालय स्तरमै हुने बालबालिका दुव्र्यवहार नियन्त्रणका लागि नीतिगत सुदृढीकरण र प्रभावकारी कार्यान्वयन पक्षमा जोड दिनुपर्ने धारणा व्यक्त गरिन्।

छलफलका क्रममा मनोविज्ञको व्यवस्था कसरी गर्ने, समाजमा बाल दुव्र्यवहार रोकथामका उपायहरू, समस्यामा परेका बालबालिकालाई जीवनउपयोगी सीपसँग कसरी जोड्ने भन्ने विषयमा समेत गहन बहस भएको थियो। कार्यक्रममा गैरसरकारी संस्था प्रतिनिधि, सामाजिक महाशाखा प्रमुख तथा अन्य सरोकारवालाहरूले आ–आफ्नो धारणा राखेका थिए।

कार्यक्रमले बाल अधिकारसम्बन्धी नीतिगत तथा कार्यान्वयन पक्षलाई थप सशक्त बनाउने विश्वास व्यक्त गरिएको छ।

पोखरा, ०१ फागुन ।

नेपाली कांग्रेस कास्की क्षेत्र नम्बर १ का उम्मेदवार तिलक रानाभाटले घरदैलो अभियानलाई तीव्र पारेका छन् । उनले बिहिबार र शुक्रबार मादी गाउँपालिका वडा नम्बर ८ र ९ मा घरदैलो र मतदाता भेटघाट कार्यक्रम सम्पन्न गरेका छन्।

आम मतदातासँग मतसँगै सुझाव माग्दै उनले दुवै वडामा विकासको खाका कसरी बनाउने र समृद्ध मादी बनाउनको लागि कसरी काम गर्ने भनेर स्थानीय मतदाताहरूसँग सुझाव समेत मागेका छन्। उनले वडा नम्बर ८ अन्तर्गतका पाखुरीकोट, नागिधार,रबैडाँडा पोश, परक्यु लगायत वडा नम्बर ९ का गहते च्याङ्ग्दी मिजुरे, गोर्जे मोग्री मोग्रिबेसी पालुवा बेसी लगायतका ठाउँहरूमा मतदाताहरूसँग भेटघाट गरेका छन् ।

मादी गाउँपालिका वडा नम्बर ८ र ९ मा चुनाव प्रचारप्रसार सचिवालय उद्घाटन गर्दै नेपाली कांग्रेसका नेता एवं पूर्वमन्त्री यज्ञबहादुर थापाले समय अनुकूल जनताको मागअनुसारको विकास गर्न नेपाली कांग्रेस सदैव तयार रहेको धारणा व्यक्त गरेका थिए। त्यस्तै नेपाली कांग्रेसका केन्द्रीय सदस्य कृष्ण केसी, कास्की जिल्ला सभापति किशोर दत्त बराल, जिल्ला सचिव भानुभक्त ढकाल, मादी गाउँपालिका सभापति यमबहादुर गुरुङ, क्षेत्रीय सचिव ओम प्रकाश गुरुङ वडा नम्बर ८ सभापति राजेन्द्र अधिकारी, वडा नम्बर ९ सभापति प्रभात अधिकारी क्षेत्रीय प्रतिनिधिहरू आशा गुरुङ कमलमणि अधिकारी सञ्जय गुरुङ चेतबहादुर गुरुङ जनकदत्त अधिकारी महेन्द्र शाही सुचिता तामाङ कृष्ण न्यौपाने स्थानीय नेताहरू तुलबहादुर गुरुङ शंकर तामाङ दिपाल गुरुङ लगायतले उम्मेदवारलाई सफलताको शुभकामना र विकासमा सहयोग गर्ने प्रतिबद्धता समेत व्यक्त गरेका थिए। सोही कार्यक्रममा बोल्दै नेपाली कांग्रेस कास्की क्षेत्र नम्बर १ का उम्मेदवार तिलक रानाभाटले सबैसँग मिलेर विकासमा हातेमालो गर्ने प्रतिबद्धता समेत व्यक्त गरेका छन्।

आफू राजनीति सिक्दै गरेको अवस्थामा आफू जन्मेको र हुर्केको मादी गाउँपालिकाका स्थानीयहरूले सल्लाह सुझाव दिएर नै आफू अगाडि बढ्ने व्यक्त गरेका छन्।
साथै नेपाली कांग्रेस पोखरा महानगरपालिका कार्यसमितिले निर्वाचन केन्द्रित कार्यक्रम सुरु गरेको छ । वडा कार्यसमितिहरूलाई लक्षित गरी चुनावी रणनीति र मतदाता प्रशिक्षण कार्यक्रम गरेको हो ।

कार्यक्रममा नेपाली कांग्रेस का निवर्तमान सह महामन्त्री जीवन परियार र नेता प्राध्यापक डाक्टर कुशमाकर न्यौपानेले सहजीकरण गर्नुभएको थियो। नेपाली कांग्रेस पोखरा महानगरपालिकाका सभापति सुरेन्द्रमान बिजुक्छेको अध्यक्षतामा भएको कार्यक्रममा निवर्तमान सभापति बजिरमान श्रेष्ठ, महिला नेत्री माया बराल, उपसभापति प्रयागराज भण्डारी, सचिव टुबराज बास्तोला र परमेश्वर कार्कीले बोल्नुभएको थियो।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।