
एजेन्सी, १५ माघ ।
कोलम्बियामा विमान दुर्घटना हुँदा १५ जनाको मृत्यु भएको छ ।
उत्तरी क्षेत्र नोर्टे डे सान्तान्डर प्रान्तको ग्रामीण क्षेत्रमा १३ यात्रु र दुई जना चालक दलका सदस्य विमानमा रहेकोमा सबैको मृत्यु भएको हो । घटनालगत्तै उद्धारकर्ता घटनास्थलमा खटिएको भए पनि कोलम्बियाली अधिकारीहरूले कोही पनि जीवित फेला पार्न नसकेको नागरिक उड्डयन प्राधिकरणले जनाएको छ ।
सरकारी एयरलाइन्स कम्पनी साटेना यो उडान सञ्चालन गर्ने कम्पनी हो । विमान एचके ४७०९ उडान बुधबार बिहान ११ बजेर ४२ मिनेटमा राजधानी कुकुटाबाट ओकाना प्रस्थान गरेको प्राधिकरणले जनाएको छ ।
पोखरा, १५ माघ ।
पोखरा २९ लेखनाथमा जारी २६औँ संस्करणको आदर्श कप फुटबल प्रतियोगिताको उपाधिका लागि होराइजन क्लब स्याङ्जा र नेपाल प्रहरी गण्डकी प्रदेशको टोली भिड्ने भएका छन् । बुधबार सम्पन्न दोस्रो सेमिफाइनल खेलमा जिल्ला खेलकुद विकास समिति म्याग्दीलाई १–० गोल अन्तरले हराउँदै होराइजनले फाइनल यात्रा तय गरेको हो ।
खेलमा होराइजनको जितमा खेलाडी टीकाराम गुरुङ नायक बने । उनले खेलको ७३ औँ मिनेटमा गरेको गोल नै निर्णायक बन्यो । उत्कृष्ट प्रदर्शन गरेका गुरुङ खेलको ‘म्यान अफ द म्याच’ घोषित हुँदै ५ हजार रुपैयाँ पुरस्कार प्राप्त गरे ।
अब शुक्रबार (माघ १६ गते) हुने उपाधि भिडन्तमा होराइजनले पुलिसको सामना गर्नेछ । यसअघि पुलिसले तनहुँ जिल्ला फुटबल संघलाई पराजित गर्दै फाइनलमा स्थान सुरक्षित गरिसकेको थियो ।
आदर्श युवा क्लबको आय्प्जनामा सुरु भएको प्रतियोगिताको फाइनल खेल शुक्रबार दिउँसो १ बजे हुने भएको छ । खेलको विजेताले ४ लाख ९९ हजार ९९९ र उपविजेताले ३ लाख ३३ हजार ३३३ रुपैयाँ नगदसहित सिल्ड, मेडल र प्रमाणपत्र प्राप्त गर्ने आयोजकले जनाएको छ ।
पोखरा, १५ माघ ।
नेपाली कांग्रेस कास्की क्षेत्र नं. १ को प्रचार–प्रसार मूल समितिअन्तर्गत टोल समूह तथा टोल विकास संस्था समन्वय उपसमितिको बैठक सम्पन्न भएको छ। साथै बैठकले विभिन्न उपसमितिहरू गठन गरेको छ। उक्त कार्यक्रम उपसमिति संयोजक तथा नेपाली कांग्रेस महाधिवेशन प्रतिनिधि सदस्य शान्ति खनालको अध्यक्षतामा कास्की क्षेत्र नं. १ को क्षेत्रीय निर्वाचन कार्यालयमा सम्पन्न भएको हो। बैठकको मुख्य उद्देश्य प्रतिनिधि सभा उम्मेदवार तिलकबहादुर रानाभाटलाई विजयी गराउने रहेको थियो।
कार्यक्रममा बोल्दै नेपाली कांग्रेस कास्की क्षेत्र नं. १ का प्रतिनिधि सभा उम्मेदवार तिलक रानाभाटले समुन्नत नेपाल निर्माण कांग्रेसको एक मात्र उद्देश्य रहेको बताए। उनले पार्टीको नेतृत्व परिवर्तन भइसकेको उल्लेख गर्दै अब देश परिवर्तन गर्ने समय आएको धारणा राखे। “हामीमा केही कमजोरी होलान्, तिनलाई सुधार गर्दै अगाडि बढ्छौं,” उनले भने, “व्यक्ति होइन, पात्र महत्वपूर्ण हो। चुनाव चिन्ह रुख हो र कांग्रेस नै हाम्रो पहिचान हो।”उनले पार्टीको निर्देशनअनुसार सबै कार्यकर्तालाई संगठनात्मक रूपमा आ–आफ्नो स्थानबाट सक्रिय हुन आग्रह गर्दै कास्की क्षेत्र नं. १ कांग्रेसका लागि मजबुत क्षेत्र रहेको बताए।
त्यसैगरी नेपाली कांग्रेसका केन्द्रीय सदस्य कृष्ण केसीले कांग्रेस लामो इतिहास बोकेको पार्टी भएको उल्लेख गर्दै अघिल्ला केही समयअघि देखिएका अकल्पनीय राजनीतिक घटनाक्रमका कारण संसद् विघटन भई निर्वाचनमा जानु परेको अवस्था स्मरण गरे। उनले कांग्रेस हरेक समस्याको समाधान गर्ने पार्टी भएको बताए। पार्टीको विशेष अधिवेशन सम्पन्न भइसकेपछि अब पार्टीभित्र पक्ष–विपक्ष नरहेको स्पष्ट गर्दै उनले सबै एक भएर अगाडि बढ्नुपर्नेमा जोड दिए। विगतदेखि देखिँदै आएको राजनीतिक जटिलताको निकास चुनाव मात्र भएको भन्दै कास्की क्षेत्र नं. १ ले निष्कलंक उम्मेदवार पाएको र उहाँलाई विजयी गराउन सम्पूर्ण कार्यकर्ता तथा शुभेच्छुकहरूलाई आग्रह गरे।
कार्यक्रममा नेपाली कांग्रेस गण्डकी प्रदेश सह–महामन्त्री कोपिला रानाभाट, पार्टीका नेता, विभिन्न भ्रातृ संगठनका अध्यक्षहरू तथा सयौंको संख्यामा कार्यकर्ता र शुभेच्छुकहरूको उपस्थिति रहेको थियो।
पोखरा, १५ माघ ।
प्रेस सेन्टर नेपालको २२ औं स्थापना दिवसको अवसरमा पोखराको एक बिद्यालयलाई शैक्षिक तथा खेलकुद सामाग्रि सहयोग हस्तान्तरण गरिएको छ । प्रेस सेन्टर कास्की शाखाको आयोजनामा प्रेस सेन्टर गण्डकी तथा पोखरा महानगर कमिटिको समन्वयमा पोखरा १४–मझेरीपाटनस्थित सहिद स्मृति आवासिय माविमा विहिबार एक समारोहका बिच उक्त सहयोग गरिएको प्रेस सेन्टरले जनाएको छ ।
विद्यालयमा अध्ययनरत सहिद तथा वेपक्ता एवं विपदमा परेका र स्थानियका छोराछोरीको शैक्षिक तथा खेलकुद विकासमा सहयोग पु¥याउने उद्देश्यले सानो सहयोग बिद्यालयमा गरिएको प्रेस सेन्टर कास्कीका अध्यक्ष दिननाथ बरालले जानकारी दिए ।
कार्यक्रममा संविधान सभा सदस्य एवं विद्यालय व्यवस्थापन समितिकी सदस्य तेजकुमारी पौडेलले प्रेस सेन्टर नेपालको स्थापना दिवसको अवसरमा सहिद स्मृति बिद्यालयमा गरिएको सहयोग प्रशंसनिय कार्य भएको बताउदै प्रेस सेन्टर कास्कीलाई धन्यवाद दिइन् । समाजबादी प्रेस संगठनका उपाध्यक्ष श्रीराम सिग्देलले सहिद स्मृति बिद्यालयको शैक्षिक तथा खेलकुदको विकासमा यस्ता सहयोग थप टेवा पुग्ने बताए । प्रेस सेन्टरका केन्द्रीय सदस्य घनश्याम पाण्डेले स्थापनाकालदेखि नै प्रेस सेन्टरले जनपक्षीय भूमिका निर्वाह गर्दै आएको बताए ।
विद्यालयकी प्रधानाध्यापक कल्पना चिलुवालले विद्यालयमा हाल २ सय जना आवासीय रुपमा बिद्यार्थीहरु अध्ययनरत भएको उल्लेख गर्दै बिद्यालयमा जम्मा ४ सय २० जना बिद्यार्थीहरु रहेको जनाइन् । उनले जनयुद्ध तथा जनआन्दोलनका सहिद, कोभिड महामारी, भूकम्प, बाढी पहिरो जस्ता प्रकोपमा ज्यान गुमाएका तथा उत्पीडित वर्गका अभिभावक तथा स्थानियका छोराछोरीलाई कक्षा १२ सम्म निःशुल्क पठनपाठनको व्यवस्था गरिएको बताइन् । माघ १६ गते शहिद दिवसको अवसरमा बिद्यालयमा बृहत शैक्षिक प्रर्दशनी तथा सांस्कृतिक कार्यक्रम एवं फुड फेष्टिबल हुने भएको चिलुवालले जनाइन् ।
कार्यक्रममा नेपाली कम्यूनिष्ट पार्टीका केन्द्रिय सदस्य राजु क्षत्री, प्रेस स्वतन्त्रता सेनानी पदम रेग्मी, प्रेस सेन्टरका केन्द्रिय सदस्य कृष्ण दवाडी, समाजवादी प्रेस संगठनका केन्द्रीय सदस्य तथा पत्रकार महासंघ गण्डकीका सल्लाहकार गोविन्द सुवेदी, सेन्टरका पूर्व केन्द्रिय सदस्य द्धय सन्देस श्रेष्ठ, रामप्रसाद तिमिल्सिना, फोनिज कास्कीका अध्यक्ष विनु मसराङ्गी थापा, समाजवादी प्रेस संगठन कास्कीका सचिव भिम थापा, प्रेस सेन्टर कास्कीका कोषाध्यक्ष खगेन्द्र अर्याल, सेन्टरका नेता रवि दाहाल, बिद्यार्थीहरु लगायतको सहभागिता रहेको थियो ।
पोखरा, १५ माघ ।
पोखरा महानगरपालिका–२७, तालचोकस्थित त्रिवेणी इन्टरनेशनल कलेजमा स्नातकोत्तर प्रथम वर्षका नवआगन्तुक विद्यार्थीहरूका लागि एक अभिमुखीकरण कार्यक्रमका साथै स्वागत सम्पन्न भएको छ । कलेज सञ्चालक समितिका अध्यक्ष सुमन भट्टराईको अध्यक्षतामा सम्पन्न कार्यक्रममा नवप्रवेशी विद्यार्र्थीहरूलाई आत्मविश्वासको उज्यालो, लक्ष्यप्रतिको दृढता र विवेकपूर्ण मार्गनिर्देशन प्रदान गर्दै प्रमुख आमन्त्रित व्यक्तित्व तथा ग्रीन डेभलपमेन्ट बैंकका कार्यकारी अधिकृत सिइओ हरिबहादुर बुढाथोकीले ज्ञानको औपचारिक ढोका मात्र होइन जीवन बुझ्ने, दृष्टि विस्तार गर्ने र बौद्धिक यात्राको आरम्भका रूपमा उक्त कार्यक्रमले गहिरो सन्देश प्रवाह गरेको वताए ।
सल्लाहकार बाबुराम गिरीले उप–प्राध्यापकहरुका प्रेरणादायी विचार, अनुभवजन्य सन्देश र जीवनमुखी सुझावहरूले विद्यार्र्थीहरूमा आफ्नो शैक्षिक यात्रालाई केवल डिग्रीसम्म सीमित नगरी सोच, दृष्टि र चरित्रको रूपान्तरणसँग जोड्नुपर्ने चेतना जागृत गराएको अनुभूति भएको धारणा राखेका थिए । क्याम्पस प्रमुख डिल्लीराम पौडेलले सम्पूर्ण नव प्रवेशी विद्यार्थीहरुको समुज्ज्वल शैक्षिक भविष्यको कामना गर्दै स्वागत गरेका थिए । उपप्राध्यापक सुनिलदत्त बरालले सञ्चालन गरेको कार्यक्रममा ३७ नवागन्तुक विद्यार्थीहरूलाई अभिमुखीकरण कार्यक्रमका साथै स्वागत गरिएको थियो ।
पोखरा, १५ माघ ।
होटल एक्जुकेटिभ क्लब पोखराले पोखराका होटल व्यवसायी विश्वराज पौडेललाई सम्मान गरेको छ । क्लबको १२ औं वार्षिक साधारण सभामा पौडेललाई सम्मान गरेको हो । लामो समय देखी पोखरामा रेष्टुरेष्ट र होटल व्यवसाय गरेर रोजगारी सृजना गर्न महत्वपुर्ण भुमीका खेलेको भन्दै पौडेललाई सम्मान गरेको हो । पौडेललाई पर्यटन बोर्ड पोखराका प्रमुख मणिराज लामिछाने, होटल संघ पोखराका अध्यक्ष लक्ष्मण सुबेदी, पोखरा पर्यटन परिषद्का अध्यक्ष तारानाथ पहारी, होटल कार्यकारी क्लब पोखराका अध्यक्ष राजकुमार केसी, कार्यक्रमका संयोजक तुलसी लामिछाने लगाएतले सम्मानपत्र, दोसल्लाले सम्ममान गरे ।
लामो समय देखी पोखराको पर्यटन व्यवसायमा पौडेल संलग्न छन् । पहिलो रेष्टुरेष्ट व्यवसायबाट शुरु गरेका पौडेलले अहिले रेष्टुरेष्ट र होटल सञ्चालनमा छ । उनले चिल्ली बार एण्ड रेष्टुरेष्टबाट व्यवसायीक यात्रा थालेका थिए । उनका हाल ३६० स्काइ लाउन्च, हिमालयन ग्लोरी इन्, हिमालयन गेष्ट हाउस, टेम्पल बेल बुटिक होटल एण्ड स्पा लगाएतका व्यवसाय छन् । उनलाई भाई भिष्म पौडेलले साथ दिर्दै आएका छन् । हाल रेवान पोखराका अध्यक्ष रहेका विश्वराज पौडेल विभिन्न सामाजिक संस्था र निजी क्षेत्रका विभिन्न संस्थामा काम गरेको अनुभव छ । उनले हाल १ सय ३५ जनालाई रोजगारी दिएका छन् । यस अगाडी क्लबले होटल बाराहीका सञ्चालक हरि पौडेल, पोखरा रिर्सोटका सञ्चालक हरी गैरे, टेम्पल ट्रि का सञ्चाल बसन्त गौतमलाई सम्मान गरी सकेको छ ।
कार्यक्रममा नेपाल पर्यटन बोर्ड पोखराका प्रमुख मणिराज लामिछानेले पोखरा पर्यटनका लागि नेपालको नै सिकाइ स्थल रहेको बताए । उनले पर्यटन विकास र प्रवद्र्धन गर्न पोखराले ल्याउने कार्यक्रम अन्यत्र भन्दा नयाँ हुने गरेको बताए । उनले त्यस्तै मध्येको होटल एक्जुकेटिभ क्लब पनि भएको बताए । उनले पर्यटनको विकासका लागि पर्यटन बोर्ड लागि परेको बताए । उनले पोखरा विमानस्थललाई सञ्चालनका लागि पनि बोर्डले प्रयास गरेको बताउदै त्यसका लागि निजी क्षेत्र सँग सहकार्य गरेर अगाडी बढेको बताए ।
कार्यक्रममा होटल संघ पोखराका अध्यक्ष लक्ष्मण सुबेदीले पर्यटन व्यवसायमा लागनी बढ्दै गरेको बताए । उनले नेपाली परम्परालाई विदेशी पर्यटक सम्म पु¥याउनका लागि स्वागत सत्कारको परम्परालाई छाड्न नहुने बताए । कार्यक्रममा सम्मानीत भएका विश्वराज पौडेलले पोखरामा होटल, रेष्टुरेण्ट थपिए पनि त्यसलाई आवश्यक जनशक्तिको अभाव रहेको बताए । कार्यक्रममा बसन्त गौतम, क्लबका अध्यक्ष राजकुमार केसी, संयोजक तुलसी लामिछाने, संचालक माधब बराल लगातले सेवामा गुणस्तरीता दिने उद्देश्यका साथ क्लब अगाडी बढ्नु पर्ने बताए ।
पोखरा, १५ माघ ।
थारू आयोग, नेपालले गण्डकी प्रदेश प्रमुख समक्ष वार्षिक प्रतिवेदन पेस गरेको छ । आयोगकी सदस्य शान्ति मोदीले बिहीबार एक कार्यक्रमबीच प्रदेश प्रमुख डिल्लीराज भट्टसमक्ष वार्षिक प्रतिवेदन पेस गर्नुभएको हो ।
नेपालको संविधानको धारा २९४ को उपधारा (३) अनुसार आयोगले आर्थिक वर्ष २०८१÷०८२ मा सम्पादन गरेको काम कारबाहीसमेत समेटेर तयार गरिएको सातौं वार्षिक प्रतिवेदन सदस्य मोदीले प्रदेश प्रमुख समक्ष भट्टलाई हस्तान्तरण गर्नुभयो ।
भट्टले संविधानले दिएको अधिकार उपयोग गर्न आग्रह गर्दै आयोगले काममा सक्रियता बढाउन आग्रह पनि गर्नुभयो । थारु जनप्रतिनिधि तथा सांसदले आफ्नो हक अधिकारका सवालमा आवाज उठाउनुपर्ने उहाँको सुझाव थियो ।
आयोगकी सदस्य मोदीले प्रतिवेदनमा थारु समुदायका समस्या, उत्थानको क्षेत्रमा देखिएका चुनौती, सम्पादन गरेका काम कारबाहीलगायत विषय समावेश गरिएको उल्लेख गर्नुभयो ।
पोखरा, १५ माघ ।
नेपाली कांग्रेस कास्कीले प्रतिनिधि सभा सदस्य निर्वाचनलाई लक्षित गरी तयारी अघि बढाएको छ । तयारी स्वरूप नेपाली कांग्रेस कास्कीका सभापति किशोरदत्त बरालको संयोजकत्वमा पाँच हजार एक सदस्य रहेको निर्वाचन परिचालन मूल समिति गठन गरेको सहसचिव नवीन सिग्देलले जानकारी दिए ।
कास्की काँग्रेसको बैठकले बाबुराम गिरीको संयोजकत्वमा ७ सदस्य रहेको निर्वाचन व्यवस्थापन सचिवालय गठन गरेको छ। जसको सदस्यहरूमा युवक लामिछाने, रामजीप्रसाद कोइराला, सीता शर्मा, विष्णु अधिकारी, भरतप्रसाद तिवारी र गणेश थापा रहेका छन् । साथै इन्जिनियर सागर मोहन भट्टराईको संयोजकत्वमा अर्थ समिति गठन गरिएको छ। जसको सदस्यहरूमा चौबहादुर गुरुङ, बुद्धिमान गुरुङ, सुरेन्द्र अधिकारी र श्याम गुरुङ रहेका छन् ।
त्यसैगरी नेपाली कांग्रेस क्षेत्र नम्बर १ कास्कीले चुनावी अभियान अन्तर्गत बिहीबार पोखरा महानगरपालिका वडा नम्बर १३ मा सम्पर्क कार्यालय स्थापना गरेको छ। सम्पर्क कार्यालयको कास्कीको तत्कालीन थुमाकोडाँडा गाविसका पूर्व अध्यक्ष कर्णबहादुर गुरुङले उद्घाटन गरे । कार्यक्रममा बोल्दै कांग्रेसको तर्फबाट कास्की क्षेत्र नम्बर १ का उम्मेदवार तिलक बहादुर रानाभाटले मतदाताबाट प्रेम र सद्भाव पाइरहँदा खुसी मिलेको बताए ।
नेपाली काँग्रेसका केन्द्रीय सदस्य समेत रहेका उनले जनताको बीचमा रहेका समस्या समाधान र विकास योजना आफ्नो प्राथमिकता भएको बताए । नेपाली कांग्रेस कास्कीका सभापति किशोरदत्त बरालले समाजमा रहेका बेथितिहरूको अन्त्य काँग्रेसले मात्रै गर्न सक्ने बताए ।
नेपाली कांग्रेस पोखरा महानगरपालिका वडा कार्यसमिति १३ का सभापति माधव प्रसाद सिग्देलको अध्यक्षतामा भएको कार्यक्रममा वडा अध्यक्ष किरण बराल, विद्यार्थी नेता दीपक पौडेल र कार्यसमितिका सचिव बुद्धिराज बरालले बोलेका थिए ।
पोखरा, १५ माघ ।
त्रिभुवन आर्मी क्लबले छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लव च्याम्पियनसिपमा रोमाञ्चक जित निकोलेका छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको तेस्रो तथा अन्तिम खेलमा पुरुषतर्फ आर्मीले सशस्त्र प्रहरी बल ९एपीएफ० विरुद्ध ३–२ सेटको रोमाञ्चक जित निकालेको हो ।
पहिलो सेट २५–१९ ले जितेको आर्मीले दोस्रो सेट २२–२५ र तेस्रो सेट २१–२५ ले एपीएफलाई सम्पियो । चौथो सेटमा आर्मीले पुनः २५–१७ को जित निकाल्दा खेल पाँचौं सेटमा धकेलिएको थियो । पाँचौं सेटमा १८–१६ ले जित निकाल्दै आर्मीले खेल आफ्नो पक्षमा पारेको हो । आर्मी र एपीएफले समान ७ अंक जोडेका छन् । सेटका आधारमा अघि हुँदा आर्मीले तेस्रो स्थानका लागि प्रतिष्पर्धा गर्न पाउनेछ ।
यसअघि भएको पुरुषतर्फ खेलमा नेपाल पुलिस क्लबले माल्दिभ्स भलिबल एसोसियसनलाई ३–० को सोझो सेटमा पराजित गरेको थियो । यो जितसँगै पुलिसको फाइनल खेल्ने सम्भावना कायमै छ । यस्तै आजै भएको महिलातर्फको खेलमा सशस्त्र प्रहरी बल एपीएफलाई हराउँदै थाइल्याण्ड क्विन्स तेस्रो बनेको थियो । तेस्रो बनेसँगै थाइल्याण्डले २ लाख ६ हजार ६६६ रुपैयाँ हात पा¥यो ।
च्याम्पियनसिपअन्तर्गत भोलि शुक्रबार दुई खेल हुनेछन् । पहिलो खेल महिलातर्फ उपाधिका लागि न्यू डायमण्ड स्पोट्र्स क्लब र नेपाल पुलिस क्लब खेल्नेछन् । उक्त खेल बिहान ११ बजेबाट सुरु हुनेछ । त्यसपछि पुरुषतर्फको खेल हुनेछ । पुरुषतर्फ समूह चरणको अन्तिम खेल पर्वत जिल्ला भलिबल संघ र गण्डकी प्रदेशबिचको खेल दिउँसो एक बजेबाट सुरु हुने तालिका छ । उक्त खेलले फाइनल खेल्ने टोलीको टुंगो लाग्नेछ ।
५ खेलबाट पुलिसले १० अंक जोडेको छ । समान ४ खेल खेलका गण्डकी प्रदेश र पर्वत जिल्ला भलिबल संघको समान ९ अंक छन् । गण्डकी र पर्वतले शुक्रबार एकआपसमा भिड्नेछन् । कुनै एक टोलीले सिंगो ३ अंक प्राप्त गर्ने गरी जित निकालेको अवस्थामा जित्ने टोली र पुलिस फाइनलमा पुग्नेछन् । उक्त खेल पाँचौं सेटमा पुगेको अवस्थामा भने सेटमा आधारमा फाइनल खेल्ने टोलीको टुंगो लाग्नेछ ।
टाइगर ग्रुप अफ पोखरा नेपालको आयोजनामा जारी च्याम्पियनसिपमा पुरुषतर्फ ६ र महिलातर्फ ५ टोली सहभागी भएका थिए ।
पोखरा, १५ माघ ।
छैटौं टाइगर कप राष्ट्रिय तथा अन्तर्राष्ट्रिय आमन्त्रित क्लव च्याम्पियनसिपमा नेपाल पुलिस क्लबले माल्दिभ्स भलिबल एसोसियसनविरुद्ध सहज जित निकालेको छ । पोखरा रंगशालास्थित भलिबल कोर्टमा जारी च्याम्पियनसिपअन्तर्गत आजको दोस्रो खेलमा पुरुषतर्फ पुलिसले माल्दिभ्सलाई ३–० को सोझो सेटमा पराजित गरेको हो । पुलिसले पहिलो सेट २५–११, दोस्रो सेट २५–९ र तेस्रो सेट २५–१५ ले आफ्नो पक्षमा पा¥यो । जितसँगै पुलिसले फाइनल पुग्ने सम्भावना कायमै राखेको छ ।
५ खेलबाट पुलिसले १० अंक जोडेको छ । समान ४ खेल खेलका गण्डकी प्रदेश र पर्वत जिल्ला भलिबल संघको समान ९ अंक छन् । गण्डकी र पर्वतले शुक्रबार एकआपसमा भिड्नेछन् । कुनै एक टोलीले सिंगो ३ अंक प्राप्त गर्ने गरी जित निकालेको अवस्थामा जित्ने टोली र पुलिस फाइनलमा पुग्नेछन् । उक्त खेल पाँचौं सेटमा पुगेको अवस्थामा भने सेटमा आधारमा फाइनल खेल्ने टोलीको टुंगो लाग्नेछ ।
अब पुरुषतर्फ त्रिभुवन आर्मी क्लब र सशस्त्र प्रहरी बल एपीएफ खेल्नेछन् । दुवै टोली फाइनल दौडबाट बाहिरिसकेका छन् । यसअघि आजै भएको महिलातर्फको खेलमा सशस्त्र प्रहरी बल एपीएफलाई हराउँदै थाइल्याण्ड क्विन्स तेस्रो बनेको थियो । तेस्रो बनेसँगै थाइल्याण्डले २ लाख ६ हजार ६६६ रुपैयाँ हात पा¥यो । महिलातर्फको उपाधिका लागि भने न्यू डायमण्ड स्पोट्र्स क्लब र नेपाल पुलिस क्लब भिड्नेछन् । उक्त खेल शुक्रबार हुनेछ ।





