२०८३ मंसिर १ सोमबार
२०८३ मंसिर १ सोमबार

काठमाडौं, २९ पुस ।

भारतको हिमाचल प्रदेशमा ग्यास सिलिन्डर विस्फोट हुँदा नौ जना नेपालीको मृत्यु भएको छ । आफुहरु सुतिरहेको कोठामा राखिएको ग्यास सिलिन्डर अचानक विस्फोट हुँदा भएको आगलागीमा परि नौ जनाको मृत्यु भएको संचारमाध्यले जनाएका छन् ।

विस्फोटपछि आगलागी हुँदा वरपरका घरहरू पनि जलेर ध्वस्त भएका छन् । मृत्यु हुने सबै सल्यान जिल्लाको सिद्धकुमाख गाउँपालिका–२ टाकुराका दुई परिवारका सदस्य रहेको पारिवारिक स्रोतले पुष्टि गरेको छ ।

दुर्घटनामा ज्यान गुमाउनेहरूमा ३३ वर्षीय धनबहादुर विक, उहाँकी ३२ वर्षीया श्रीमती कविता विक, १६ वर्षीया छोरी राधा विक, १० वर्षीया छोरी रेणुका विक र २२ महिनाका छोरा राजन विक छन् ।

यस्तै अर्को परिवारका ४६ वर्षीय काशीराम विक, उहाँकी ३२ वर्षीया श्रीमती टीका विक, ११ वर्षीया छोरी अनु विक र ७ वर्षीय छोरा किरण विक रहेको बताइएको छ ।

उनीहरू विगत दुई वर्षदेखि रोजगारीका सिलसिलामा भारतमा बस्दै आएका थिए र सोही क्षेत्रमा मजदुरी गर्दै आएका थिए । एकै गाउँका नौ जनाको मृत्यु भएपछि सिद्धकुमाख गाउँपालिका वडा नम्बर २ अहिले शोकमा डुबेको छ ।

पोखरा, २९ पुस ।

पोखरा अमरसिंह चौरमा १४ औं संस्करणको पोखरा महोत्सव सुरु भएको छ । युनाईटेड क्लब पोखराको आयोजनामा सुरु भएको महोत्सवको नेपाल सरकारका महिला बालवालिका तथा जेष्ठ नागरिक मन्त्री श्रद्धा श्रेष्ठले उद्घाटन गरिन ।

महोत्सवको उद्घाटन गर्दै मन्त्री श्रद्धा श्रेष्ठले पोखरा महोत्सवले पोखराको ब्राण्डलाई उच्च बनाएको बताइन । पोखरा महोत्सवले पोखरा आसपासको कला, संस्कृतिको प्रवद्र्धन र आर्थिक चलायमानमा समेत टेवा पु¥याउने उनको भनाइ रहेको थियो । आफुले पोखरामा अध्ययन गर्दा होस वा पोखरामा पर्यटन वोर्डको प्रमुखमा रहेर काम गर्दाको समयमा पोखरेलीहरु पर्यटन प्रवद्र्धनमा अग्रसर रहेको आफुले महशुस गरेको बताउदै मन्त्री श्रेष्ठले पोखरा महोत्सव समेत त्यसको एक उदाहरण रहेको बताइन । पोखरा महोत्सवको स्थापना कालीन समयमा समेत आफुले सहयोग गरेको मन्त्री श्रेष्ठले स्मरण गरिन । मन्त्री श्रेष्ठले आफु विशेष परिस्थितीबाट नेपाल सरकारको मन्त्री बन्न पुगेको र तोकिएकै समयमा निर्वाचन गर्न राजनैतिक दलहरु समेत तयार रहेको बताइन ।

सो अवसरमा वोल्दै गण्डकी प्रदेशका स्वास्थ्यमन्त्री कृष्ण प्रसाद पाठकले युनाईटेड क्लब पोखराले महोत्सवकै आयोजना गरि पोखरामा चिडियाखानाको अवधारणा लिएर काम गर्दै गर्दा उक्त योजनालाई हाल आएर प्रदेश सरकारले चिडियाखाना निर्माणको कामलाई अगाडी बढाइरहेको बताए । त्यसैगरी युनाईटेड क्लबले शिक्षा, स्वास्थ्य, खेलकुद र पर्यटन प्रवद्र्धन संगै हाल लेखनाथमा निर्माण भइरहेको छात्राबासलाई समेत प्रदश सरकारको तर्फबाट साथ र सहयोग रहने बताए ।

त्यस्तै गण्डकी प्रदेश सभा सदस्य भीम कार्कीले युनाईटेड क्लबले महोत्सवकै आयोजना गरि सामाजिक कामलाई निरन्तरता दिइरहेको सन्दर्भमा गण्डकी प्रदेश सरकारले समेत साथ र सहयोग गर्ने बताए ।

त्यस्तै गण्डकी प्रदेश सभा सदस्य बेद बहादुर गुरुङ श्यामले युनाईटेड क्लबले पोखरामा महोत्सवको आयोजना गरिर पोखरामा मात्र नभइ नेपालभर शिक्षा, स्वास्थ्य, खेलकुद र पर्यटनको क्षेत्रमा काम गर्दै आइरहेको आफुले नजिकबाट नियाल्दै आइरहेको र आफ्नो ब्याक्तिगत र प्रदेश सरकारको तर्फबाट सक्दो सहयोग गर्ने बताए ।

नेपाल पत्रकार महासंघ कास्कीका अध्यक्ष माधव बरालले युनाईटेड क्लबले महोत्सवकै आयोजना गरि सामाजिक कामलाई निरन्तरता दिएको र त्यसलाई पोखराका पत्रकारहरुले साथ र सहयोग गरिरहेको र आगामी दिनमा पनि साथ र सहयोग रहने बताउदै १४ औं संस्करणको पोखरा महोत्सवको सफलताको कामना गरे ।

त्यस्तै संविधान सभा सदस्य राजकाजी गुरुङले पोखरा महोत्सव आयोजक युनाईटेड क्लब पोखरा संग आफु प्रत्यक्ष वा अप्रत्यक्ष रुपमा जोडिएर सहकार्य गर्दै अगाडी वढिरहेको बताए । पोखरा महोत्सवको आयोजना गरि सामाजिक काम मार्फत युनाईटेड क्लबले आफुलाई अब्बल साबित गरेको गुरुङको भनाइ थियो ।

बन्दीपुर केबुलकारकाका उपाध्यक्ष किरण पोखरेलले पोखरा महोत्सव आयोजक युनाईटेड क्लब संग सहकार्य गर्न पाउदा खुसी लागेको बताए । आफुहरुले बन्दीपुर केबुलकारको सपना देखेर काम गर्दै जाँदा सफलता प्राप्त गरेको र युनाईटेड क्लबले समेत महोत्सवको आयोजना गरि आफुले लिएको लक्ष्य प्राप्तीतर्फ अगाडी बढेकोमा सफलताको कामना गरे ।

प्रध्यापक डा. कृष्ण केसीले पोखरा महोत्सवको आयोजना गरि युनाईटेड क्लबले सामाजिक गतिविधी संगै पर्यटकीय गन्तब्य निर्माण गर्ने गरी अगाडी बढ्दै आजको दिन सम्म आइपुगेको बताए । १४ औं पोखरा महोत्सव पश्चात शिक्षामा जुन लक्ष्यका साथ काम गर्ने महोत्सव आयोजकको जमर्को छ त्यसमा सम्पूर्णको साथ र सहयोग समेत रहने उनको भनाइ रहेको थियो ।

अमरसिंह माविका विद्यालय ब्यवस्थापन समितिका अध्यक्ष कृष्ण प्रसाद कोइरालाले पोखरा महोत्सव आयोजक युनाईटेड क्लबले अमरसिंह माविमा अध्ययनरत विद्यार्थीहरुको लागि पठनपाठनमा सहयोग पुग्ने गरी शैक्षिक सामाग्री प्रदान गरी सहयोग गर्दै आइरहेको बताए । युनाईटेड क्लबले १३ औं संस्करणको पोखरा महोत्सव भब्य र सभ्य रुपमा सफल गरिसकेको बताउदै १४ औं पोखरा महोत्सवको सफलताको समेत कामना गरे ।

पोखरा महानगरपालिका वडा नं १० का अध्यक्ष राजेश गुरुङले पोखरा महोत्सव आयोजक युनाईटेड क्लबले सामाजिक काम गर्दै आइरहेको र १४ औं संस्करणको पोखरा महोत्सव पश्चात समेत सामाजिक कामलाईनै जोड दिने भएकाले आफ्नो र वडाको तर्फबाट महोत्सवको सफलताको कामना गरे ।

नेपाल उद्योग वाणिज्य संघका पूर्व अध्यक्ष आनन्दराज मुल्मीले पोखरालाई हेर्न र बस्न लायक शहर बनाउनका लागि युनाईटेड क्लबले प्रयत्न गरिरहेको बताए । मुल्मीले युनाईटेड क्लबले पोखरामा खुल्ला चिडियाखाना निर्माणका लागि चालेको कदम आज पनि चर्चाको शिखरमा रहेको बताउदै मुल्मीले उद्योग ब्यापारलाई समेत जोडेर महोत्सवको आयोजना गरि क्लबले आर्थिक चलायमानमा समेत टेवा पु¥याएको बताए ।

युनाईटेड क्लबका निवर्तमान अध्यक्ष राजु श्रेष्ठले युनाईटेड क्लबले पोखरामा खुल्ला चिडियाखानाको अवधारणा ल्याई काम गरिरहदा उक्त योजना गण्डकी प्रदेश सरकारले आफ्नो गौरवको आयोजना बनाइ काम अगाडी वढिरहेको बताए । शिक्षा, स्वास्थ्य, खेलकुद र पर्यटन प्रवद्र्धन संगै सेती नदी संरक्षण र विपदको कामलाई निरन्तरता संगै पोखरा २७ अर्चलेमा क्लबको आफ्नै जग्गामा छात्राबास निर्माणलाई मुख्य प्राथमिकतामा राखेर कामगर्ने उनको भनाइ रहेको थियो ।

सो अवसरमा सामाजिक सञ्जालको माध्यामबाट विभिन्न पर्यटकीय गन्तब्यहरुको पहिचान गराउन सफल मुना केसी मुना चिया र विश्वसाइकल यात्राको माध्यामबाट नेपाललाई विश्वमा चिनाउन सफल अजित बरलालाई सम्मान गरिएको थियो ।

त्यसैगरी नेपाली फिल्मका चर्चित कलाकार विपिन कार्की र बिजय बरालले आ आफ्नो प्रस्तुती संगै पोखरा महोत्सवको सफलताको कामना गरे भने पोखरा महोत्सवकै अवसरमा सञ्चालन गर्न लागिएको वी पोखरा एपको बारेमा जानकारीमुलक प्रस्तुती दिएका थिए ।

क्लबका अध्यक्ष तथा १४ औं पोखरा महोत्सव मुल समारोहकाका संयोजक लोक बहादुर थापाको अध्यक्षतामा सम्पन्न कार्यक्रममा वरिष्ठ उपाध्यक्ष गणेश तिमिल्सिनाले स्वागत मन्तब्य राखेका थिएभने कार्यक्रमको सञ्चालन दिनेश सुनारले गरेका थिए ।

यसैगरी महोत्सव पूर्र्व पोखरा रंगशालाबाट आयोजना गरिएको झांकी तथा र्यालीमा ३ सय वढी संघ संस्था तथा आमा समुहले झांकी तथा र्यालीमा सहभागीता जनाएका थिए । उक्त र्यालीमा सिमल मार्ग टोल बिकास संस्था पोखरा १० प्रथम, नयाँगाउँ प्रतिभा टोल आमा समुह पोखरा १५ दोश्रो, सानीमजुवा आमा समुह पोखरा १५ तेश्रो र सुनकोशी आमा समुह पोखरा १० र नेपाल मगर संघ कदम मार्ग पोखरा १४ ले शान्तवना स्थान हाँसिल गरे ।

त्यस्तै झाँकी तर्फ ब्रह्मकुमारी इश्वरीय विश्वविद्यालय राजयोग प्रशिक्षण केन्द्र रामबजार प्रथम, डढुवा दुर्छा लमजुङ तमु समाज पोखरा १० दोश्रोर पैकु समाज सेतीनहर मार्ग पोखरा १२ तृतीय भएभने नेपाल मगर संघ रामबजार इकाइले सान्तवना स्थान हाँसिल गरे ।

महोत्सवको पहिलो दिन लोकदोहोरीतर्फ सम्झना लामिछाने, कृष्ण सुवेदी, माया गुरुङ लगायतको प्रस्तुती रहेको थियोभने सांझको लाइभ ब्याण्डतर्फ अन्तरवाणी, रोहितजंग एण्ड कलेक्टीभ लगायतको प्रस्तुती रहेको थियो ।

महोत्सवमा बुधवार लोकदोहोरीतर्फ रबि कार्की, पुरुषोत्तम न्यौपाने, चोलेन्द्र पौडेल, सबिना गुरुङ, केशब देवकोटा, टस गुरुङ, दुर्गा क्षेत्री, रमा गौतम लगायतकोे प्रस्तुती रहने महोत्सव प्रचार प्रसार संयोजक दिनेश सुनारले जानकारी दिए ।

 

 

 

काठमाडाैं, २९ पुस ।

मन्त्रिपरिषद् बैठकका निर्णयहरू सार्वजनिक गरिएको छ । सोमबार बसेको मन्त्रिपरिषद् बैठकका निर्णयहरू मंगलबार सार्वजनिक गरिएकाे हाे ।

सञ्चार तथा सूचना प्रविधिमन्त्री जगदीश खरेलले मंगलबार मन्त्रालयमा पत्रकार सम्मेलन आयोजना गरी निर्णयहरू सार्वजनिक गरेका हुन्। १९ वटा निर्णयमध्ये पाँचवटा विदेश भ्रमण स्वीकृतिसम्बन्धी छन् ।

यस्ता छन् निर्णयहरू

काठमाडौं, २९ पुस ।

नेपालमा भू–राजनीतिक खेल तीव्र भएकाबेला चिनियाँ उच्चस्तरीय टोली नेपाल आउने भएको छ । चिनियाँ कम्युनिस्ट पार्टीको अन्तर्रास्ट्रिय विभाग अन्तरर्गत नेपाल मामिला प्रमुख झेङ युया नेतृत्वको तीन सदस्यीय टोली नेपाल आउन लागेको हो ।

प्रतिनिधिमन्डल ३ दिने भ्रमणको लागि आगामी हप्ता नेपाल आउन लागेको हो । नेपालको राजनीतिक अवस्था तरल र जटिल मोडमा रहेको वेला हुन लागेको यो उच्चस्तरीय भ्रमणलाई महत्वकासाथ हेरिएको छ ।

जेनजी विद्रोहपछि नेपालमा पश्चिमा शक्तिको प्रभाव बढेको चीनको बुझाइ छ । चीनले नेपालका हरेक राजनीतिक दलहरुसँग समान व्यवहार गर्न चाहेको बताउँदै आएको छ ।

पोखरा, २९ पुस ।

गण्डकी प्रदेश र कोशी प्रदेशबीच पर्यटनमा सहकार्य गर्नेगरी ९ बुँदे समझदारी भएको छ । पर्यटनको राजधानी पोखरामा दुई प्रदेशबीच पर्यटनमा सहकार्य गर्ने सम्झौता पत्रमा हस्ताक्षर भएको हो ।

कोशी प्रदेश पर्यटन वर्ष २०८२ कै सन्दर्वमा कोशी प्रदेशका पर्यटन, वन तथा वातावरण मन्त्री भिम पराजुलीको नेतृत्वमा पोखरा आएको टोलीलाई गण्डकी प्रदेश सरकारले पोखरामा स्वागत गर्दै सोमबार स‌द्भावना भ्रमण तथा अन्तरक्रिया कार्यक्रम आयोजना गरिएको थियो । सोही अवसरमा पर्यटन, वन तथा वातावरण मन्त्रालय कोशी प्रदेश र उद्योग तथा पर्यटन मन्त्रालय गण्डकी प्रदेशबीच ९ बुँदे समझदारी पत्रमा हस्ताक्षर भएको हो ।

सम्झौता पत्रमा गण्डकी प्रदेशका उद्योग तथा पर्यटन मन्त्रालयका निमित्त सचिव टीकाराम पौडेल र कोशी प्रदेशका पर्यटन, वन तथा वातावरण मन्त्रालयका सचिव डा.ईन्द्रप्रसाद सापकोटाले हस्ताक्षर गरे । समझदारी अनुसार दुई प्रदेशबीच पर्यटन विकास, प्रवद्र्दन, पूर्वाधार, पहुँच बिस्तार, मानव संसाधन विकास तथा संस्थागत सहकार्यलाई सुदृढ बनाउन सहकार्य गरिनेछ ।

सम्झौतापत्रमा समझदारी अनुसार दुई प्रदेशबीच पर्यटन प्रवद्र्दनका लागि पोखरा–विराटनगर सिधा हवाई सेवा र पर्यटकीय स्तरका बस सेवा सञ्चालनका लागि संघीय सरकारसमक्ष संयुक्त पहल गरिनेछ । दुबै प्रदेशका सरकारी कर्मचारी तथा सामुदायिक विद्यालयका शिक्षकहरूलाई लक्षित गरी अन्तर–प्रदेश भ्रमण कार्यक्रम सञ्चालन गर्न सरकारी तहमा ईन्सेन्टिभ प्याकेज र नीजि तथा व्यवसायीक तहमा सुलभ प्याकेजका लागि पहल गर्ने उल्लेख छ । पर्यटन विकास र प्रवद्र्दनका लागि भएका असल अभ्यास आदानप्रदान गर्नेलगायतमा पनि समझदारी भएको छ ।

त्यस्तै, पर्यटन प्रवद्र्दनका लागि समन्वय र सहकार्य गर्ने, हवाई भाडा सम्बन्धी विषयमा पनि आपसी सहकार्य र पहल गर्ने, संयुक्त पर्यटन दूत बनाउने पनि दुई प्रदेशबीच समझदारी भएको छ । दुबै प्रदेशले धार्मिक पर्यटन सर्किट विकास तथा प्रवद्र्दन गर्न आपसी समन्वय र सहकार्य गर्ने प्रतिबद्दता जनाएका छन् ।

जस अनुसार प्रथम चरणमा गण्डकी प्रदेशका मनकामना, मुक्तिनाथ र दामोदर कुण्ड तथा कोशी प्रदेशका पाथीभरा, बराहक्षेत्र र हलेसी लगायतका धार्मिक पर्यटन सर्किटका रूपमा विकास गर्न पहलकदमी लिने सम्झौता पत्रमा उल्लेख छ । गण्डकी र कोशी प्रदेशबीच अन्तर्राष्ट्रिय पर्यटन प्रवद्र्दनका लागि सहकार्य गर्ने, दुवै प्रदेशका होमस्टेहरुबीच भगिनी सम्बन्ध स्थापना गर्न पहल गर्ने पनि सम्झौता भएको छ । समझदारी कार्यान्वयनका लागि ‘गण्डकी–कोशी पर्यटन प्रवद्र्धन समन्वय समिति’ गठन गरिनेछ, जसको संयोजक दुवै प्रदेशका पर्यटन मन्त्री पालैपालो रहनेछन् ।

गण्डकी प्रदेशका उद्योग तथा पर्यटन मन्त्री मित्रलाल बस्यालले पर्यटनलाई अर्थतन्त्रको मेरुदण्डका रूपमा विकास गर्न दीर्घकालीन नीति र प्रदेशबीच भएका समझदारीको प्रभावकारी कार्यान्वयन आवश्यक रहेको बताए। कोशी प्रदेशका मन्त्री पराजुलीले भारतसँग नाका जोडिएको कोशी प्रदेशमा भारतीय पर्यटकको ठूलो सम्भावना रहेको उल्लेख गर्दै उनले अन्तरप्रदेश सहकार्यबाट पर्यटन विस्तार हुने विश्वास व्यक्त गरे। 

गण्डकी प्रदेशका प्रमुख सचिव डण्डुराज घिमिरे, गण्डकी प्रदेशको उद्योग तथा पर्यटन मन्त्रालयका उपसचिव महराम ढकाल, नेपाल पर्यटन बोर्डका निर्देशक रोहिणी खनाल, कोशी प्रदेशको पर्यटन मन्त्रालयका पर्यटन महाशाखा प्रमुख कृष्ण प्रसाद न्यौपान, पोखरा पर्यटन परिषद्का अध्यक्ष तारानाथ पहारी, नेपाल पर्यटन बोर्डका पूर्व केन्द्रीय सदस्य वासुदेव त्रिपाठी, होटल सङ्घ पोखरा नेपालका अध्यक्ष लक्ष्मणप्रसाद सुवेदी, टान गण्डकीका अध्यक्ष कृष्ण आचार्य, नाट्टा गण्डकीका निवर्तमान अध्यक्ष हरिराम अधिकारी, चिया व्यवसायी तथा मुद्रा सटही व्यवसायी सङ्घका अध्यक्ष रूपकराज मिश्रलगायतले अन्तरप्रदेश पर्यटन प्रवद्र्धनको को लागि कनेक्टिभिटीमा जाेड दिनुपर्ने बताए । विगतमा पोखरा–भद्रपुर, पोखरा–विराटनगर तथा पोखरा–भरतपुर हवाई सेवा सञ्चालनमा रहे पनि हाल ती सेवा बन्द हुँदा एक प्रदेशबाट अर्को प्रदेश पुग्न पर्यटकलाई कठिनाइ भइरहेको भन्दै गुनासाे गरेका थिए ।

पोखरा, २९ पुस ।

मान्छेलाई रोग लागे उपचारको लागि अस्पताल लगिन्छ । व्यवसाय र उद्योगलाई रोग लागे के गर्ने ? त्यसको पनि खोजी भएको छ । पोखरामा मंगलबारबाट उद्यम क्लिनिकको विधिवत् सुरुवात गरिएको छ । उद्यममा देखिएका अवरोध वा रोग हटाइ स्वस्थ बनाउने सो क्लिनिकको काम हो ।

पोखरा महानगरपालिकाअन्तर्गत रहेको व्यवसाय प्रवद्र्धन केन्द्रले पोखरा उद्योग वाणिज्य संघसँगको सहकार्यमा यो क्लिनिक सुरु भएको घोषणा गरेको हो ।

लगत्तै न्यूरोडका व्यवसायीको प्रतिनिधित्व गर्ने केपी शर्मा पाध्याको तर्फबाट व्यवसाय प्रवद्र्धन केन्द्रका प्रमुख नगराज अधिकारी र पोखरा उद्योग वाणिज्य संघका अध्यक्ष गोकर्ण कार्कीलाई समस्याको जानकारीसहितको फाइल हस्तान्तरण गरे ।

व्यवसाय प्रवद्र्धन केन्द्रले यसअघि पनि सोही प्रकृतिको काम गर्दै आए पनि निजी क्षेत्रसँग अझ बढी सामिप्यता बढाउनको लागि यो क्लिनिक सुरु गरिएको केन्द्रका प्रमुख नवराज अधिकारीले जानकारी दिए ।

पोखरा उद्योग वाणिज्य संघका अध्यक्ष गोकर्ण कार्कीले उद्यम क्लिनिकले निजी क्षेत्रका समस्या समाधान र व्यावसायिक वातावरणमा सघाउने विश्वास व्यक्त गरे । पोखरा उद्योग वाणिज्य संघका वरिष्ठ उपाध्यक्ष उत्तममान बुद्धाचार्यको धन्यवाद ज्ञापन रहेको सो कार्यक्रमको संचालन संघका महासचिव शोभा गौतमले गरेकी थिइन् ।

सो अवसरमा सो अभियानमा सहकार्य गरेको पोखरा रिसर्च सेण्टरका तर्फबाट सुजन रेग्मीले व्यवसाय प्रवद्र्धन केन्द्रले प्रवाह गर्ने सेवाबारे प्रस्तुति दिएका थिए ।

पोखरा, २८ पुस ।

पोखरा महानगरपालिका प्रमुख धनराज आचार्यले बाटुलेचौरस्थित विन्ध्यवासिनी माविमा शैक्षिक अक्षयकोष स्थापना गरेका छन्।

विद्यालयको ७९ औं बार्षिकोत्सव एवं अभिभावक दिवस समारोहको अवसरमा १ लाख ११ हजार १ सय ११ रूपैयाँको अक्षयकोष स्थापना गरेका हुन्। आफ्ना बुबा र भाइ शिवराजले अध्ययन गरेको र उनीहरूको सम्मान स्वरुप अक्षयकोष स्थापना गरेको मेयर आचार्यले बताए। कार्यक्रमका प्रमुख अतिथि समेत रहेका मेयर आचार्यले सबै पक्षको सहकार्यबाट मात्र सामुदायिक विद्यालयलाई अब्बल बनाउन सकिने उदाहरण यस विद्यालयले पुष्टि गरेको बताए। उनले सामुदायिक विद्यालयमा विद्यार्थीको आकर्षण बढेको बताउँदै, कमजोर विद्यालयको शैक्षिक गुणस्तर वृद्धिमा सघाउन महानगर तयार रहेको स्पष्ट पारे। राष्ट्रिय परीक्षा बोर्ड प्रदेश कार्यालय पोखराका प्रमुख भाष्करराज पन्तले शिक्षक, अभिभावक र विद्यालय प्रशासनको समन्वयबाट मात्र सफलता प्राप्त गर्न सकिने बताए। कार्यक्रममा विद्यालयमा महत्वपुर्ण मानिएको अध्यक्ष अवार्ड प्रधानाध्यापक  कृष्णप्रसाद आचार्यलाई प्रदान गरिएको छ । व्यवस्थापन समितिको समन्वयमा अध्यक्षले चयन गर्ने सो अवार्ड पोखरा  महानगरपालिकाका प्रमुख धनराज आचार्य,प्रदेश परीक्षा व्यवस्थापन कार्यालय प्रमुख भास्कर दत्त पन्त,  वडाध्यक्ष अमृत शर्मा तिमिल्सीना, पुष्पेन्द्र पाण्डे,शिक्षा अधिकृत जीवन प्रसाद रेग्मीले अवार्ड र सम्मानपत्र सहित सम्मान गरे । विद्यालय व्यवस्थापन समितिका अध्यक्ष सन्दीप थापाले सो सर्वोत्कृष्ट अवार्डको घोषणा गरेका थिए ।

सम्मानित भएपछि प्रधानाध्यापक आचार्यले प्राप्त सम्मान आफ्नो मात्र नभई विद्यालयको समग्र शैक्षिक तथा भोतिक विकासमा अहोरात्र खट्टिने शिक्षक कर्मचारी प्रतिको सम्मान भएको बताए ।  यस सम्मानबाट आफुलाई भावुकसहित हर्षित  बनाएको भन्दै उनले अझै बढी काम गर्ने उत्प्रेरणा र उर्जा मिलेको सुनाए । एक वर्ष निजामती कर्मचारी,  ३ वर्ष  संस्थागत विद्यालयको  शिक्षण अनुभव संगालेका आचार्यले २०५२ सालमा जनचेतन मावि निर्मल पोखरीमा स्थायी नियुक्त भई २०६० सालमा  सरुवा भई त्यस विद्यालयमा पुगेका आचार्य विगत एक दशक देखि प्रधानाध्यापक भई कुशल निम्मेवारी निभाई रहेका छन् । यस अघि सोही विद्यालयमा शिक्षक अभिभावक संघमा ३ वर्ष,विद्यालय व्यवस्थापन समितिमा ३ वर्ष शिक्षक प्रतिनिधिका रुपमा , सहायक प्रधानाध्यापकमा ५ वर्ष कार्य गरेको अनुभव छ ।   २०७३ साउनबाट हालसम्म पनि निरन्तरप्रधानाध्यापकको जिम्मेवारी लिएका छन् । २०८० मा राष्ट्रिय शिक्षा पुरस्कार २०८१ म प्रदेश शिक्षा पुरस्कार प्राप्त गरेका आचार्यको कार्यकालमा विद्यालय २०७९ मा नेपाल सरकार गुणस्तर मापन केन्द्र, सानोठिमीको सर्वेक्षणमा नेपाल भरिका सामुदायिक विद्यालयमा प्रथम भएको ,शिक्षा विभागको सर्वेक्षण २०८० मा गण्डकी प्रदेश प्रथम भएको र विद्यालयको खेल मैदानको कमीका कारण नेपाल भरीमा दोस्रो भएको, प्रधानाध्यापक संघ नेपालबाट २०८१ मा  सामुदायिक विद्यालयमा गण्डकी प्रदेशको सर्बोत्कृस्ट विद्यालय सम्मान पाएको ,देशभरमा सामुदायिक विद्यालयमा आइसिटी अवार्ड २०२५बाट उत्कृष्ट ३ विद्यालय सम्मान पाएको ,आध्यमिक शिक्षा परीक्षाको नतिजामा लगातार २०८० र २०८१ मा  पोखरा महानगर जिल्ला, र प्रदेशबाट समेत सर्वोत्कृष्ट विद्यालय सम्मान पाएको ,कक्षा ८ को आधार भूत तह उत्तीर्ण परीक्षामा पोखरा महानगर भरिका सामुदायिक विद्यालयमा प्रथम भई विद्यालय सम्मानित भएको  थियो ।  

प्रधानाध्यापक आचार्यकै कार्यकालमा राष्ट्रिय पहिचान बनाउन सफल विद्यालयमा पछिल्लो  ३ वर्षमा  देशभरका ८ सय ७५  विद्यालय का प्र अ,शिक्षक , वि व्य स सहितको टीम र शिक्षा प्रमुख ,नगर प्रमुख सहित उल्लेख जनप्रतिनिधिले विद्यालयको असल अभ्यास अवलोकन समेत गरिसकेका छन् ।अधिकांश समय विद्यालयमा नै समय खर्चिने आचार्यले  कुनै तालिम दिने, वा आफूले लिन जानु भन्दा  आफ्नै विद्यालयलाई नै  समय दिई आफ्नै विद्यालयलाई तालिम केन्द्र ठान्दै विभिन्न शैषिक क्रियाकलाप संचालन गरी अन्य शिक्षकलाई पनि संलग्न गराएका छन् ।  व्यक्तिगत जीवन, घर व्यवहार र स्वास्थ्यलाई  समेत चटक्कै बिर्सेर बिहान बेलुका र बिदाको समयमा पनि विद्यालयमै बिताउने गरेका आचार्य केही कठोर भए पनि सहकर्मिका विच हितैषी र समन्वयकारी स्वाभावका छन् । आचार्यसँगै कार्यरत सहकर्मीका अनुसार  कहिले काँही आफ्ना शिक्षक कर्मचारीको गल्ती कमजोरी लाई प्याच्च भन्ने उहाँको  कमजोरी  छ, अन्यथा आफ्नो परिवारलाई पनि समय नदिई, विद्यालय बाहिर काजमा पनि नगई विद्यालयमा मात्र यति धेरै खट्टिने प्रधानध्यापक हामीले पाएका थिएनौ, थुप्रै विद्यालयका प्रअ व्यहोर्यौ तर उहाँ जस्तो पाएनौं ।  अध्यक्ष अवार्ड पहिल्यै पाउनु पर्ने हो बल्ल अहिले सही मूल्यांकन भएछ । प्रधानाध्याापक आचार्यले विद्यालयलाई जिल्ला,प्रदेश र राष्ट्रिय रूपमा उत्कृष्ट पहिचान बनाउनमा अहोरात्र खटने सहकर्मी शिक्षक कर्मचारी, अनुशासित र लगनसशल बिद्यार्थी, वर्तमान विव्यस, शि अ संघ ,विद्यालयका सल्लाहकार ,पूर्व विव्यस तथा सि अ संका अध्यक्ष एबम् सदस्यहरु ,वार्ड अध्यक्ष लगायत जनप्रतिनिधिहरु ,पूर्व प्रधानध्यापक एबम् पूर्व शिक्षक ,पूर्व विद्यार्थी, अभिभावकहरू र विद्यालयलाई सहयोग गर्नुहुने सम्पूर्ण स्थानीय शिक्षा प्रेमी व्यक्तित्वहरुको महत्वपूर्ण योगदान स्मरण गरे ।  

कार्यक्रममा विद्यालयले आधारभुत तहमा प्रथम हुन सफल विषयगत शिक्षक, माध्यमिक शिक्षा परीक्षामा उत्कृष्ट नतिजा प्राप्त विषयगत शिक्षक, कक्षा १२ मा सतप्रतिशत उतीर्ण शिक्षकलाई सम्मान गरेको छ। २५ वर्षिय दीर्घ सेवा सम्मानबाट कमलाकुमारी पौडेल,१५ वर्ष सेवा सम्मानबाट सिर्जना शर्मा सिग्देल, १० वर्ष सेवा सम्मानबाट यमकुमारी पौडेल,प्रतिभा राना र संगीत गायक, उत्कृष्ट तहगत शिक्षक सम्मानबाट मीना शाही, जमुना बस्नेत,लक्ष्मी गुरुङ, मान बहादुर केसी, कृष्ण प्रसाद पौडेल, कर्मचारी तर्फ सुकमाया सापकोटा, राजु सार्की सम्मानित भए। तहगत इन्चार्जमा आधारभुत तह इन्चार्ज महेन्द्र प्रसाद पौडेल, उत्कृष्ट अभिभावक मनहरी आचार्य, सृष्टि सुवेदी सहित ४ जना, उत्कृष्ट मनिटर निरन्जन देवकोटा, सह मनिटर स्मृति विक पनि सम्मानित भएको विद्यालयले जनाएको छ। उत्कृष्ट बर्ष विद्यार्थीबाट पुर्णिमा भट्टराई सम्मनित भईन् । एस इ इ २०८१ मा चार जिपिए ल्याएका विद्यार्थी सहज घिमिरेलाई नगद ५० हजार र कक्षा ८ को परीक्षामा ४ जिपिए ल्याउने अनुज आचार्यलाई नगद १० हजार सहित सम्मान गरिएको छ ।विज्ञान शिक्षक गोविन्द शर्मा पौडेललाई दुर्गा केसी अक्षयकोष पुरस्कार र तोयनाथ श्याम तारा अक्षयकोषको वर्ष शिक्षक पुस्कार शिवप्रसाद सापकोटा र संगिता शर्मालाई प्रदान गरियो । सोही अवसरमा आफ्ना छोराछोरीलाई आफु कार्यरत विद्यालयमा अध्ययन गराउने कर्मचारी अनिता बराल पौडेल, भीम गायक, धनमाया परियार लगायतलाई पनि सम्मान गरिएको छ।पुस्तकालयमा किताब उपहार दिने अभियानको शरुवात गरेकी विद्यार्थी कृतिका अधिकारी पनि सम्मानित भईन् ।सो अभियानबाट शिक्षक कर्मचारी मार्फत हाल ९५ थान पुस्तक संकलन भएको छ ।पठन पुरस्कार शिक्षक महेन्द्रमणि पौडेल र विद्यार्थीहरु सुस्मिता आचार्य, समिप गिरी प्रदान गरियो ।  

उनीहरुलाई पोखरा महानगरपालिकाका प्रमुख आचार्य, राष्ट्रिय परीक्षा बोर्ड प्रदेश कार्यालय पोखराका प्रमुख भाष्करराज पन्त, शिक्षा विकास समन्वय इकाई कास्कीका प्रमुख लोकनाथ आचार्य, पोखरा १६ का वडाध्यक्ष अमृत शर्मा तिमिल्सिना, १९ का वडाध्यक्ष पुष्पेन्द्र पाण्डे, शिक्षा महाशाखाका अधिकृत जीवन रेग्मी, विद्यालयका प्रधानाध्यापक कृष्णप्रसाद आचार्य लगायतले सम्मान गरे। विद्यालय व्यवस्थापन समितिका अध्यक्ष सन्दीप थापाको अध्यक्षतामा भएको कार्यक्रममा शिक्षा विकास तथा समन्वय इकाई कास्कीका प्रमुख लोकनाथ आचार्य, सल्लाहकार वेनीबहादुर बस्नेत, शिक्षक अभिभावक संघका अध्यक्ष भीम प्रसाद पौडेल, वडाध्यक्ष अमृत शर्मा तिमिल्सिना, विद्यार्थी प्राप्ति आचार्य, अस्मिता क्षेत्री लगायतले बोलेका थिए।सो अवसरमा विभिन्न अक्षयकोषबाट प्राप्त छात्रवृत्ति वितरण पनि गरिएको छ।त्यस अवसरमा अक्षयकोषदातालाई पनि सम्मान गरिएको थियो।प्रधानाध्यापक कृष्णप्रसाद आचार्यले बार्षिक प्रतिवेदन पेश गरेको कार्यक्रमको सञ्चालन शिक्षक महेन्द्रमणि पौडेलले गरेका थिए।

उद्घाटन अघि मेयर आचार्यले विद्यालयका संस्थापक पण्डित मुक्तिनाथ शर्माको शालिकमा माल्र्यापण समेत गरेका थिए । कार्यक्रममा विद्यार्थीले पञचेबाजा र मार्च पास, शैक्षिक तथा विज्ञान प्रदर्शनी सहित बिभिन्न लोक नृत्य, भजन र नाटक प्रदर्शन गरेका थिए। वार्षिकोत्सवको अवसरमा विद्यालयले रक्तदान, सरसफाई र खेलकुद कार्यक्रम सञ्चालन गरेको थियो।

 

पोखरा, २८ पुस  ।

पोखराबेशी बहुद्देश्यीय सहकारी संस्था, पोखरा–२, बाग्लुङ बसपार्कको शनिबार ७ औं साधारण सभा सम्पन्न भएको छ । संस्थाका अनुसार सहकारीले आ.व ८१÷८२मा ४ करोड ९६ लाख २२ हजार ५ सय ७५ रुपैयाँ निक्षेप सङ्कलन गर्ने सफल भएको छ । २ करोड ८९ लाख ६० हजार ७ सय शेयर पुँजी रहेको सहकारीले ६ करोड ७० लाख ८५ हजार ९१ रुपैया कर्जा लगानी गरेको छ ।   

वार्षिक साधारणसभा अवसरमा संस्थाका अध्यक्ष नारायण पहारीले सहकारीको आव २०८१÷०८२ को वार्षिक प्रतिवेदन प्रस्तुत गर्दै उक्त कुरा जनाएका हुन् । 

कार्यक्रममा प्रमुख अतिथि पोखरा महानगर पालिका वडा नं–६का निर्वतमान वडाअध्यक्ष तथा सल्लाहकार जगत बहादुर पहारीले कार्यक्रमको उद्‌घाटन गर्दै सहकारीले वित्तीय अनुशासनमा रहेर काम गर्दै आएकाले कुनै शङ्का नगरी आर्थिक कारोबार गर्न शेयर सदस्यलाई आग्रह गरे । सेयर सदस्यहरूको सहकार्य नै सहकारी भएको उनको भनाइ थियो । उनले सबै सेयर सदस्यले आफ्नै सहकारीमा कारोबार गर्नुपर्ने धारणा राखे ।   

सल्लाहकार तथा सेयर सदस्य गोविन्दराज पहारीले संस्थाका गतिविधिमा शेयर सदस्यहरूले चनाखो भई आर्थिक पारदर्शितामा ध्यान दिनुपर्नेमा जोड दिए । उनले सहकारीले लगानी गर्दा सहकारीले ऐनकानुनको पालना गरी अगाडि वढ्नु पर्ने बताए । 

चेतना बचत तथा ऋण सहकारी संस्था बैदामका अध्यक्ष प्रशुराम पहारीले संस्थाले बचतकर्ताको विश्वास जित्ने गरी काम गर्नुपर्नेमा जोड दिए । सहकारी संस्था र सेयर सदस्यको सम्बन्ध नङ र मासुको जस्तै गरि अगाडि बढेमा सहकारीमा समस्या नआउने बताए । 

शेयर सदस्य चुडामणि पहारीले गण्डकी प्रदेशकै उत्कृष्ट सहकारीको रुपमा अगाडि बढाउने गरि गृहकार्यमा लाग्न आग्रह गरे ।  सभामा अध्यक्ष नारायण पहारीले सञ्चालक समितिको तर्फबाट प्रस्तुत गरेको प्रतिवेदन, सचिव दुर्गादत्त अधिकारीले पेस गरेको वार्षिक प्रतिवेदन, कोषाध्यक्ष सनोज पहारीले प्रस्तुत आर्थिक प्रतिवेदन र लेखा तथा सुपरीवेक्षण समितिका संयोजक प्रेमराज पहारीले प्रस्तुत गरेको प्रतिवेदन सभाले सुझावसहित पारित गरेको छ । 

सहकारी अध्यक्ष पहारीको अध्यक्षतामा भएको कार्यक्रममा स्वागत कार्यसमिति सदस्य रिता नापित र सात सिद्धान्त वाचन कार्यसमिति सदस्य लिलावती अधिकारी कोइराला ले गरिन् । सो अवसरमा असल बचतकर्ता तर्फ कुसुम बहादुर शाही, असल कारोबारी तर्फ विष्णु गौतम र उत्कृष्ट कर्मचारी प्रतिमा तमाङ्ग सम्मान गरिएको थियो ।

सो अवसरमा सहकारीको रिक्त रहेकोका उपाध्यक्ष र कार्यसमिति सदस्य पदमा क्रमश रिता नापित लाई उपाध्यक्षमा र सदस्यमा ममता पराजुलीका साथै लेखा समितिको रिक्त सदस्य पदमा सुशीला पौडेल पहारी र तेज प्रसाद तिमिल्सिनालाई मनोनित गरिएको निर्वाचन मण्डलका संयोजक कृष्ण तिमिल्सीनाले जानकारी दिए । 

पोखरा, २८ पुस ।

बिश्वकर्मा समुदायको पहिचान, संस्कृति र प्रतिभा उजागर गर्ने उद्देश्यले आयोजना गरिएको ‘मिस्टर एन्ड मिस बिश्वकर्मा गण्डकी सिजन–३’ कार्यक्रम भव्य रूपमा सम्पन्न भएको छ। बी ब्रोज इन्टरटेन्मेन्टको आयोजनामा सम्पन्न उक्त कार्यक्रममा समुदायभित्र रहेका युवायुवतीहरूको आत्मविश्वास, व्यक्तित्व विकास र सामाजिक चेतनालाई केन्द्रमा राखिएको थियो।

विभिन्न प्रतिस्पर्धात्मक चरण पार गर्दै मिस्टर बिश्वकर्मा तर्फ निश्चल सुनार र मिस बिश्वकर्मा तर्फ स्वेक्षा बि.क. ले उपाधि हात पार्न सफल भएका छन्। विजेताहरूले उपाधिसँगै निर्णायक मण्डल तथा दर्शकको प्रशंसा पनि बटुलेका थिए।

त्यसैगरी प्रतियोगितामा फस्ट रनरअप तर्फ संगिता ल्वागुन, सेकेन्ड रनरअप तर्फ संगिता सुनार तथा अर्गनाइजर च्वाइस अवार्ड बिबिसा बिश्वकर्मा ले प्राप्त गरेकी छन्। विजेताहरूले मिस्टर एन्ड मिस बिश्वकर्मा राष्ट्रिय प्रतियोगितामा सिधै सहभागिता जनाउने अवसर, नगद पुरस्कारसहित आकर्षक उपहारहरू प्राप्त गरेका छन्।

कार्यक्रमका प्रमुख अतिथि पोखरा महानगरपालिकाका मेयर धनराज आचार्यले बिश्वकर्मा समुदाय ऐतिहासिक रूपमा सीप, कला र श्रमसँग जोडिएको समुदाय भएको उल्लेख गर्दै यस्ता कार्यक्रमले समुदायको आत्मसम्मान र पहिचान मजबुत बनाउने बताए। 

कार्यक्रमका विशेष अतिथि लोकप्रिय गायक प्रकाश सपुतले विजेता तथा सहभागीहरूलाई शुभकामना दिँदै बिश्वकर्मा समुदायको संघर्ष, प्रतिभा र सम्भावनाको खुलेर प्रशंसा गरे।

कार्यक्रमको अर्को आकर्षणका रूपमा बिश्वकर्मा समुदायको मौलिक पोषाक सार्वजनिक गरिएको थियो, जसले समुदायको संस्कृति र पहिचानलाई थप उजागर गरेको सहभागीहरूको भनाइ थियो।

प्रतियोगिताको मूल्यांकन अनुभवी तथा प्रतिष्ठित निर्णायक मण्डलद्वारा गरिएको थियो। निर्णायकको भूमिकामा डिजाइनर अमित बराल, सामाजिक अभियन्ता सारिका गुरुङ, मिस्टर एन्ड मिस बिश्वकर्मा नेशनल सिजन–४ का विजेता शौरव बिश्वकर्मा तथा डिजाइनर शुष्मा गुरुङ रहेका थिए। निर्णायकहरूले सहभागीहरूको व्यक्तित्व, प्रस्तुति, आत्मविश्वास र सामाजिक दृष्टिकोणका आधारमा मूल्यांकन गरेका थिए।

कार्यक्रममा मञ्जु बि.क., बिपास सुनार र समिर रामदामले सांगीतिक तथा मनोरञ्जनात्मक प्रस्तुति दिएका थिए।

काठमाण्डौँ, २८ पुस ।

नेपाली कांग्रेसको दोस्रो विशेष महाधिवेशन मंगलबारसम्म लम्बिने भएको छ । महामन्त्रीद्वय गगनकुमार थापा र विश्वप्रकाश शर्माको प्रतिवेदनमाथि छलफल चलिरहँदा महाधिवेशन मंगलबारसम्म लम्बिएको हो ।

आइतबारदेखि चलेको महाधिवेशन मंगलबारसम्म लम्बिएको विशेष महाधिवेशन प्रचार-प्रसार उपसमितिका सदस्य सचिव माधवप्रसाद चम्लागाईंले जानकारी दिएका छन् ।

उनका अनुसार ‘महामन्त्रीद्वय गगनकुमार थापा र विश्वप्रकाश शर्माले पेस गरेका प्रतिवेदनमाथिको छलफल घनिभूत रूपमा चलिरहेको छ ।

यो क्रम मंगलबार पनि चल्नेछ । त्यसपछिमात्र नेतृत्व चयन प्रक्रिया अगाडि बढ्ने बताइएकाे छ ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।