पोखरा, २८ मंसिर ।

पोखराको बाटुलेचौरमा रहेको प्रगति माध्यमिक विद्यालयले आयोजना गरेको खेल उत्सव आइतबार सम्पन्न भएको छ ।एक दिन विद्यालय र दुइ दिन पोखरा रंगशाालामा गरी तीन दिनसम्म संचालन भएको उत्सवमा बिभिन्न १३ वटा खेलमा विद्यालयका कक्षा १ देखि १२ सम्मका १ हजार बढी विद्याथीले सहभागिता जनाएका थिए ।

उत्सवको अन्तिम दिन आज भएको फुटवलको फाईनल खेलमा सन्देश खत्री टिम क्याप्टेन रहेको माछापुच्छे्र् सदनलाई पराजित गरी अर्मान गुरुङको नेतृत्वको अन्नपुर्ण सदन विजेता भएको छ ।निर्धारित र थप समयमा दुवै पक्षबाट गोल हुन नसकेपछि खेल ट्राईवेकरमा गएको थियो । जसमा माछापुच्छे्रलाई ६–५ ले हराउँदै अन्नपुर्ण विजयी भएको हो । उत्सवमा ५०,१००, २००,४००,८००, मिटर दौड, छात्र÷छात्रा रिले दौड ,हाइजम्प छात्र÷छात्रा, लङ्गजम्प,फुटबल ,ह्याण्डबल छात्र÷ छात्रा ,वास्केटवल छात्र÷ छात्रा , व्याडमिण्टन छात्र÷ छात्रा सिङ्गल एण्ड डवल लगायतका खेलहरु समावेश गरिएको विद्यालयका सुचना अधिकारी जयराम पौडेलले जानकारी दिए ।

कक्षा ४ र ५ को रिले छात्रा तर्फ आस्था गुरूङ,संस्कृति आचार्य,दिती बानिया, स्वस्तीका सुनार प्रथम,प्रार्थना राना,सम्भवी काफ्ले,अमना आले,युनिका परियार द्वितिय, देविना गुरुङ,सृष्टिका ढकाल,सुविना केसी,आरोही पुन तृतीय भए ।त्यस्तै कक्षा ६ र ७ को हाईजम्प छात्रमा सुवास राना प्रथम,प्रनिम गुरुङ, द्वितिय, र प्रभात गुरुङ, तृतीय, कक्षा ८,९ र १० तर्फ आर्यन सुनार प्रथम,सुजल गुरुङ द्वितिय,कुशल परियार तृतीय, कक्षा ४ र ५ को २ सय मिटर दौड छात्र तर्फ विवश सुनार प्रथम,प्याट्रिक बास्तोला द्वितिय,विश्वास भट्टराइ तृतीय भए । कक्षा ८, ९, १० को छात्र ८ सय मिटरमा समिर वरुवाल प्रथम,उमगं घर्ती द्वितिय,निर्जन चोचागे तृतीय भए ।

कक्षा ११ र १२ को हाईजम्प छात्रमा सोहन नेपाली प्रथम,प्रज्वल केसी द्वीतिय, आशिष घले तृतीय,कक्षा ८, ९, १० को२ सय मिटर दौड सलिना पुर्जा प्रथम,सजना पौडेल द्वितिय,समिक्षा नेपाली तृतीय, कक्षा ११ र १२ १ सय मिटर तर्फ सोहन नेपाली प्रथम,स्मिथ भट्टराई द्वितिय, प्रज्वल केसी तृतीय भए । कक्षा ४ र ५ को २ सय मिटर छात्राा आरोही पुन प्रथम,दिती बानिया द्वितिय,प्रिया राना तृतीय भए । त्यस्तै कक्षा ४ र ५ को रिले छात्रमा दिपेश कडेल,दिप्सन थापा,रिदम घले,विवस सुनार प्रथम,सोहित परियार,अनुराग न्यौपाने, कृष खत्री,पेट्रिक बास्तोला द्वितीय,प्रतिक पौडेल,प्रनिश कार्की,सार्थक क्षेत्री,मन्नत थापा तृतीय भए। सो अवसरमा कक्षा ४ देखि ६ का विद्यार्थीले पिटी डिल पनि प्रदर्शन गरेका थिए ।मार्च पासमा धौलागिरी सदन प्रथम, अन्नपुर्ण सदन द्वितीय र माछापुच्छ्रे तृतीय भए ।

विजयी विद्यार्थी र टिमलाई जिल्ला खेलकुद विकास समिति कास्कीका अध्यक्ष मीलन गुरुङ,पोखरा १९ का वडाध्यक्ष पुष्पेन्द्र पाण्डे,पोखरा रंगशाालाका कार्यालय प्रमुख डिवी नेपाली,प्यावसन कास्कीका पुर्व अध्यक्ष मथुराप्रसाद पौडेल, विद्यालय व्यबस्थापन समितिका अध्यक्ष दानबहादुर बाँनिया,विद्यालयका कार्यकारी निर्देशक दिनेशकुमार श्रेष्ठ लगायतले शिल्ड, मेडल र प्रमाणपत्र वितरण गरे । समापन कार्यक्रममा बोल्दै जिल्ला खेलकुद विकास समिति कास्कीका अध्यक्ष गुरुङले देशको खेलकुद विकासमा निजी क्षेत्रका विद्यालयको भुमिका महत्वपुर्ण रहेको बताए । उनले आधारभुत तह देखि नै खेल क्षेत्रमा लगानी गर्न सके मात्र त्यसले उत्कृष्ट परिणाम निकाल्ने बताए ।

कार्यक्रममा विद्यार्थीले नेपाली लोक संस्कृति झल्कने गीत तथा नृत्य समेत प्रस्तुत गरेका थिए ।उत्कृष्ट सदनको रुपमा यसबर्ष पनि सगरमाथा सदन भएको छ । विद्यालय व्यबस्थापन समितिका अध्यक्ष दानबहादुर बाँनियाको अध्यक्षतामा भएको समापन कार्यक्रमको संचालन शिक्षक मीना भण्डारीले गरेकी थिईन् ।

पोखरा, २८ मंसिर ।

कास्कीको पोखरामा महानगर पालिका वडा नं. ३२ मा अवस्थित ज्ञानज्योति विद्याकुञ्ज माविमा बधाई कार्यक्रम आयोजना गरिएको छ ।

नेसनल प्याब्सन, कास्कीले आयोजना गरेको दोस्रो बृहत बाल प्रतिभा पहिचान महोत्सव तथा खेलकुद प्रतियोगिता – २०८२ मा विभिन्न विधामा उपाधी चुमेका विद्यार्थीहरुलाई विद्यालयले आईतबार एक कार्यक्रमको आयोजना गरि सम्मान तथा बधाई ज्ञापन गरेको हो ।

विद्यालयले सामूहिक लोकनृत्य प्रतियोगिता तर्फ प्रथम, क्रिकेट तर्फ तृतीय, हस्तकलाप्रतियोगिता (पातबाट बनेका सामग्री) तर्फ युगमाया विश्वकर्मा र सोफिया पुन प्रथम, हस्तकला प्रतियोगिता (चोयाबाट बनेका सामग्री) तर्फ समिर नेपाली र असिम नेपाली सान्त्वना र एकल अभिनय प्रतियोगिता तर्फ जेसिका गुरुङ सान्त्वना भएका थिए ।

विजयी विद्यार्थीहरुलाइ विद्यालयका संस्थापक प्रिन्सपल अर्जुन प्रसाद अधिकारी, एकडेमिक डिन टंकराज सुवेदी, संस्थापक मित्रबन्धु सुवेदीलो खादा अवरि लगाई बाधई तथा सम्मान गरेका थिए । त्यस अवसरमा सम्बन्धि विधाका शिक्षक र कोच लाई सम्मान गरिएको

प्रतियोगितामा विभन्न विधामा पुरस्कार प्राप्त गरी बिद्यालयको गरिमा बढाउन सफल भन्दै विद्यार्थीहरुलाई बधाई सहित सम्मान गरिएको विद्यालयका संस्थापक प्रिन्सिपल अर्जुन प्रसाद अधिकारीले जानकारी दिए । ‘विद्यार्थीका विभिन्न खालका प्रतिभा पहिचान गर्नका लागि गरेको लगानी सफल भएको महसुस गरेका छौ’ संस्थापक प्रिन्सिपल अधिकारीले भने, ‘आगामी दिनमा पनि अझै विद्यार्थीका प्रतिभालाई निखारता ल्याउँदै अगाडि बढ्ने छौं ।

यो ऐतिहासिक सफलतामा उल्लेख भूमिका निभाउनु हुने सम्बन्धि विधाका शिक्षक कर्मचारी, कोच नृत्य निर्देशक, एव अभिभावकहरु प्रती विद्यालयले हार्दिक आभार एवं कृतज्ञता व्यक्त गरेको छ ।

प्रतियोगितामा एन प्याब्सन कास्कीमा आवद्ध ४३ वटा विद्यालयका १ हजार ५ सय विद्यार्थीले विभिन्न विधामा प्रतिस्पर्धा गरेका थिए।

बाल प्रतिभा पहिचान अन्तर्गत सामूहिक लोकनृत्य, एकल गायन, चित्रकला, कविता वाचन, अभिनय, विज्ञान तथा प्रविधि, हस्तकला अन्तर्गत पात, पराल र चोयाबाट निर्मित सामग्रीहरु, र अंङ्ग्रेजी वक्तृत्वकला प्रतियोगिता रहेको थियो।

खेलकुद प्रतियोगितामा तर्फ कक्षा १ देखि १० सम्मका विद्यार्थीको क्रिकेट र कक्षा ११, १२ को फुटसल प्रतियोगिता भएको थियो ।

पोखरा, २८ मंसिर ।

पोखरा भ्रमण वर्ष २०२५ र आउँदै गरेको २७ औं पोखरा सडक महोत्सवको प्रचार प्रसार एवं प्रवद्र्धन गर्ने उद्येश्यका साथ पुर्वी नेपाल आएको पोखरेली पर्यटन व्यवासयीको टोलीले नेपालको पूर्वी शहर बिराटनगर र इटहरीमा पत्रकार सम्मेलन गर्दै पूर्वेलीलाई पोखरा घुम्न निमन्त्रणा गरेको छ ।

पोखरा भ्रमण वर्ष २०२५ कार्य सम्पादन समिति र रेवान पोखराले संयुक्त रुपमा यि शहरहरुमा पत्रकार सम्मेलनमा गरेको हो । पत्रकार सम्मेलनमा बोल्दै भ्रमण वर्ष कार्यसम्पादन समितिका संयोजक गोपीबहादुर भट्टराईले पोखरा घुम्नका लागि यतिबेला उपयुक्त मौसम भएको बताउँदै सम्पूर्ण पुर्वेलीलाई पोखरा आउन आग्रह गर्नुभयो ।

उहाँले यतिबेल पुर्वी नेपाल र पोखरासंगको सडक सञ्जालपनि उत्कृष्ट रहेको बताउँदै बिगतमा बाटोमा हुने विभिन्न झण्झटहरु टरेको उल्लेख गर्नुभयो । पोखरालाई पर्यटकिय राजधानी शहर घोषणा गरिसकेपछि समितिले पर्यटन प्रवद्र्धनका लागि विभिन्न कार्यक्रमहरु गर्दै आएको उहाँले औल्याउनुभयो । मौसम लगायत सबै दृष्टीकोणबाट पोखरा घुम्न यतिबेल अनुकुल भएको जनाउँदै उहाँले पोखरा घुम्न आव्हान गर्नुभयो ।

पत्रकार सम्मेलनमा रेवान पोखराका उपाध्यक्ष एवं महोत्सव संयोजक बसन्त गौतमले पुष १३ देखि १७ गते सम्म हुन लागेको पोखरा सडक महोत्सवका आकर्षणबारे जानकारी गराउनुभयो । ‘सडकमै खाउँ, सडकमै नाचौं, सडकमै रमाउँ’ भन्ने नाराका साथ आयोजना हुँदै आएको महोत्सवले पोखरालाई आन्तरिक तथा बाह्य पर्यटकलाई अंग्रेजी नया वर्षको गन्तव्य स्थलका रुपमा विकास गरेको उहाँले जनाउनुभयो ।

गौतमका अनुसार महोत्सवमा मुख्य आर्कषणको रुपमा विभिन्न जातजातीका लोपोन्मुख साँस्कृतिक कार्यक्रम, मौलिक भेषभुषा प्रदर्शन, झाँकी प्रदर्शन प्रतियोगिता, राष्ट्रिय तथा अन्तराष्ट्रिय खानाको प्रदर्शन, लाइभ कन्सर्ट, खेलकुद तर्फ डुंगा दौड प्रतियोगिता, वेटर रेस, डोरी तान्ने प्रतियोगिता, मःम तथा ससेज खाने लगायत अन्य थप प्रतियोगिताहरु समावेस गरिने छ । सचेतनामुलक सडक नाटक, सेल्फी फोटो बुथलगायत रहनेछन् ।

सो अवसरमा पोखरा र पोखरा सडक महोत्सवको प्रवद्र्धनात्मक श्रव्यदृष्य सामग्री प्रस्तुत गरिएको थियो । त्यसअघि नेपाल पत्रकार महासंघ इटहरीले भ्रमणकारी पोखरेली पर्यटन व्यवसायीको टोलीलाई रुद्राक्षको माला अर्पण गर्दै स्वागत गरेको थियो ।

महोत्सवको मुख्य प्रायोजकमा गोर्खा व्रुअरी प्रालि र सह प्रायोजकमा यति डिष्ट्रिलरी, बोटलर्स नेपाल (तराई) र दि नेपाल डिष्टिलरी प्रालि रहेका छन् । प्रवद्र्धकमा नेपाल पर्यटन वोर्ड, पोखरा महानगरपालिका, गण्डकी प्रदेश सरकार, पोखरा भ्रमण वर्ष २०२५ र पोखरा पर्यटन परिषद् रहेका छन् । त्यस्तै सिद्धार्थ बैंक लिमिटेड बैंकिङ पार्टनरमा रहेको छ । म पानी, गृहलक्ष्मी ग्याँस, अन्नपूर्ण केवल कार, रेड बुल सहयोगी संस्थामा रहेको उहाँले जानकारी दिनुभयो ।

महोत्सवमा पोखरा सेरोफेरोको स्थानीय उत्पादित हस्तकला, चित्रकला, मुर्तिकला तथा कृषि, वनस्पती लगायतका कृषि उपजहरुलाई प्राथमिकता साथ प्रदर्शनी गरिने छ । त्यस्तै, पोखराका विभिन्न साहसिक गतिविधि समेटिएको वृत्तचित्र प्रदर्शन, पर्यटकीय गन्तब्यको प्रवद्र्दन गरिने छ । रेवान पोखराका महासचिव बीरेन्द्र शेरचनले कार्यक्रम सञ्चालन गर्नुभएको थियो ।

समारोहमा बोल्दै होटल संघ चितनका अध्यक्ष ओम पाण्डेले पुष ११ देखि १३ गते सम्म हुन लागेको हात्ति महोत्सवका बारेमा जानकारी दिंदै अवलोकनका लागि आव्हान गर्नुभयो । २० सदस्यि उक्त भ्रमण टोलीमा पोखरा भ्रमण वर्ष–२०२५ कार्य सम्पादन समितिका संयोजक गोपीबहादुर भट्टराई, रेवान पोखराका उपाध्यक्ष एवं २७ औं पोखरा सडक महोत्सवका संयोजक बसन्त गौतम, महासचिव बीरेन्द्र शेरचन, पुर्व अध्यक्ष सूर्य भुजेल, सदस्य लोक गुरुन, पोखरा पर्यटन परिषद्का अध्यक्ष तारानाथ पहारी, नेपाल पत्रकार महासंघ कास्की अध्यक्ष माधब बराल रहेका छन् ।

त्यसैगरि टोलीमा पत्रकार बिनोद लामिछाने, राजु गिरी, नाट्टा गण्डकीका अध्यक्ष किशोर दाहाल, सडक महोत्सवका सह–संयोजकद्वय सुनिल भट्टराई र सुमन भट्टराई, नारा गण्डकीका अध्यक्ष बीरेन्द्र लामा, पोखरा भ्रमण वर्ष समितिका दामोदर भक्त थापा, कृष्णचन्द्र न्यौपाने, पोखरा नगरपालिका आर्थिक प्रशासन प्रमुख छवि शर्मा, व्यवसाय प्रवद्र्धन केन्द्रका प्रमुख नवराज अधिकारी, किरण रेग्मी, होटल चितवन होटल संघका ओम पाण्डे, पोखरा उद्योग वाणिज्य संघका उपाघ्यक्ष दिनेस वाँस्तोला, ना गण्डकीका अध्यक्ष अनिल केसी रहेका छन् ।

काठमाडौं ।

 नेकपा एमालेको ११औं महाधिवेशनअन्तर्गत आजदेखि बन्दसत्र सुरु हुँदैछ । महाधिवेशन शनिबार भक्तपुरको सल्लाघारीमा उद्घाटन भएको थियो । बन्दसत्र भने आज भृकुटीमण्डपमा सुरु हुँदैछ । मध्याह्न सवा १२ बजेपछि बन्दसत्रका कार्यक्रम सुरु हुने प्रचार विभागका प्रमुख राजेन्द्र गौतमले जानकारी दिए । बन्दसत्र सुरु हुनुअघि बिहान केन्द्रीय कमिटी बैठक बस्दै छ ।

गौतमका अनुसार बिहान ९ बजे केन्द्रीय कमिटी बैठक बस्दैछ । यसअघि बन्दसत्र बिहानै सुरु गर्ने तयारी गरिएको थियो । तर, त्यसअघि केन्द्रीय कमिटी बैठक बस्ने भएकोले पछि सरेको हो । नयाँ नेतृत्व चयन गर्दै एमाले महाधिवेशन सोमबार समापन गर्ने तयारी गरिएको छ । यसपटक अध्यक्ष केपी शर्मा ओलीसँगै वरिष्ठ उपाध्यक्ष ईश्वर पोखरेलले अध्यक्षमा दाबी गरेका छन् ।

पोखरा, २६ मंसिर ।

नेपाल आदिवासी जनजाति पत्रकार महासंघ (फोनिज) गण्डकी प्रदेशले सञ्चालन गरेको ‘निट पत्रकारिता पुरस्कार’ बाट पत्रकार भरत कोइराला सम्मानित भएका छन् ।

पुरस्कार स्थापना गर्ने निट डेन्टल केयर प्रालिको तेस्रो वार्षिकोत्सवका अवसरमा शुक्रबार पोखरामा आयोजित समारोहमा पोखरा महानगरपालिकाका मेयर धनराज आचार्यले पत्रकार कोइरालालाई नगद र सम्मानपत्र प्रदान गरे । उनलाई नगद २५ हजार ५५५ रुपैयाँसहित सम्मान गरिएको हो । फोनिज गण्डकीले सञ्चालन गर्ने गरी निट डेन्टलले पत्रकारिता पुरस्कारका यसै वर्ष ५ लाख रुपैयाँको अक्षयकोष स्थापना गरेको थियो ।

पुरस्कृत व्यक्तित्व कोइराला हाल समाधान मिडिया ग्रुपअन्तर्गतको समाधान न्युज डटकमका सम्पादक छन् । स्याङ्जा पुतलीबजारका कोइरालाले विसं २०५९ देखि काठमाडौंमा रहेर अन्नपूर्ण पोस्टबाट पत्रकारिता सुरु गरेका थिए । पत्रकारिता तथा आमसञ्चार विषयमा स्नातकोत्तर गरेका कोइरालाले विसं २०६५ देखि पोखरालाई कर्मथलो बनाएर सक्रिय छन् । पत्रकारिता तथा आमसञ्चार विषयमा स्नातकोत्तर गरेका कोइरालाले लेकसिटी कलेज र भद्रकाली माविमा अध्यापन समेत गराउँछन् ।

उनी संसदीय पत्रकार मञ्च गण्डकीका निवर्तमान अध्यक्ष हुन् भने गण्डकी प्रदेशका पूर्वमुख्यमन्त्री कृष्णचन्द्र नेपाली पोखरेलको प्रेस संयोजक भएर पनि काम गरेका थिए । यसअघि उनले पोखरा आर्थिक पत्रकारिता पुरस्कार र गजेन्द्र भण्डारी पत्रकारिता पुरस्कार प्राप्त गरिसकेका छन् ।

पुरस्कार ग्रहणपछि पत्रकार कोइरालाले निजी क्षेत्र सबल भए मात्र यस क्षेत्रले लोकतन्त्रको पहरेदार मानिने पत्रकारिताको महत्व बुझ्ने बताए । त्यसपछि पत्रकारिता क्षेत्रको सबलीकरण हुने उनको भनाइ थियो । ‘एक सबल र नैतिकवान् निजी क्षेत्रविना व्यावसायिक पत्रकारिताको आर्थिक मेरुदण्ड बलियो हुन सक्दैन,’ उनले भने, ‘निजी क्षेत्रको लगानीकै कारण रोजगारी सिर्जना भएको र सरकारको आम्दानी बढेको सकारात्मक पक्षलाई नजर अन्दाज गरिएको छ । जतिसुकै आदर्शका कुरा गरे पनि यो समय पुँजीवादी अर्थ व्यवस्थाकै समय हो ।’ निट डेण्टलले फोनिज गण्डकीसँग सहकार्य गरेर यो पुरस्कार स्थापना गर्नुलाई मैले निजी क्षेत्रको विवेकपूर्ण र सकारात्मक कदमका रूपमा लिएको उनले सुनाए ।

कार्यक्रममा उनले पत्रकारिता अहिले संक्रमणकाल र आर्थिक मन्दीको दोहोरो चपेटामा बताए । ‘विज्ञापन बजार खुम्चिएको छ। धेरै मिडिया हाउसहरू बन्द हुने वा जनशक्ति कटौती गर्ने अवस्थामा छन्’ उनले भने, ‘गण्डकीमा पनि अनलाइनहरूको संख्या बढेको छ, तर गुणस्तरीय र दिगो सामग्री पस्किने चुनौती यथावत छ ।’ यस्तो अवस्थामा पोखरामा रहेर पत्रकारिता गर्दा काठमाडौंका राष्ट्रिय मुद्दाको नक्कल गर्नुभन्दा पोखराका स्थानीय ’इश्यु’ लाई प्रधानता दिनुपर्ने उनको सुझाव थियो ।

कार्यक्रमका मेयर आचार्यले आदिवासी जनजाति पत्रकार (फोनिज) ले स्थापना गरेको पुरस्कारबाट अन्य समुदायका पत्रकारलाई सम्मान गरी फोनिजले समावेशीताको सन्देश दिएको बताए । जताततै खत्तम देखिरहेको समाजमा जनतालाई सही सूचना सम्प्रेषण गरी पत्रकारिता क्षेत्रमा योगदान पु¥याएका पत्रकारलाई सम्मान गरिएको उनले खुसी व्यक्त गरे । पत्रकारलाई हौसला प्रदान गर्न पत्रकारिता पुरस्कारका लागि अक्षयकोष स्थापना गर्ने निट डेण्टलले पनि उल्लेखनीय काम गरेका उनको भनाइ थियो ।

नेपाल पत्रकार महासंघ गण्डकीका अध्यक्ष रमेश पौडेलले फोनिजले स्थापना गरेको पुरस्कार पहिलोपटक गैरफोनिज पत्रकारमा प्राप्त गर्नुले सकारात्मक सन्देश दिएको बताए । पौडेलले भने, ‘पोखरामा वेलनेस टुरिजम विकास हुँदै गएको छ, विश्वमै महँगो मानिने दाँत उपचारमा निटले गण्डकीकै आफूलाई स्थापित गर्न सकोस् ।’

निट डेन्टलका प्रबन्ध निर्देशक वीरबहादुर राना (वीरेन) ले आफू खास धनाढ्य भएर नभई केही नयाँ गरौं भन्ने सोचले पुरस्कार स्थापना गरेको प्रस्ट पारे । रानाले पत्रकारको हितमा अक्षयकोष स्थापना गरेको बताए । उनले भने, ‘यसबापत पत्रकारिता क्षेत्रबाट आफूले त्यस्तो लाभ लिने सोच छैन ।’

प्रतिभा छनोटका लागि फोनिजका संघीय सचिव एमबि आस्थामगरको संयोजकत्वमा समिति गठन गरिएको थियो । समिति सदस्यमा फोनिज गण्डकी इन्चार्ज रुद्र श्रीस मगर, अध्यक्ष खिमा गुरुङ, अनुशासन समिति संयोजक मीना थापा मगर र महासचिव सुरज थापामगर थिए । संयोजक आस्थामगरले पुरस्कार वितरणको मापदण्ड र छनोट प्रक्रिया र पुरस्कृत पत्रकारबा बारेमा प्रकाश पारेका थिए ।

फोनिज गण्डकी अध्यक्ष खिमा गुरुङको अध्यक्षतामा भएको समारोहमा स्वागत उपाध्यक्ष धनबहादुर गुरुङ र सञ्चालन महासचिव सुरज थापामगरले गरेका थिए । पोखरामा महेन्द्रपुल सञ्चालित नट डेन्टलले वार्षिकोत्सवका अवसरमा कम्पनीमा कार्यरत चिकित्सक तथा कर्मचारीहरूलाई सम्मान पनि गरेको थियो ।

पोखरा, २६ मंसिर ।

युनाईटेड क्लब पोखराले भदौ २४ गतेको जेन्जी आन्दोलनमा आगलागीबाट क्षती भएको राष्ट्रिय अनुसन्धान प्रदेश कार्यालय गण्डकी पोखरालाई कम्प्युटर हस्तान्तरण गरेको छ । क्लबले विपद ब्यवस्थापन कोष अन्तर्गत आगलागीबाट पूर्ण रुपमा क्षती भएका सरकारी कार्यालयहरुलाई सहयोग गर्ने क्रममा राष्ट्रिय अनुसन्धान प्रदेश कार्यालय गण्डकी प्रदेश पोखराको दैनिक कामकाजलाई सहज होस भन्ने उद्देश्यले एक थान कम्प्युटर प्रदान गरेको हो ।

युनाईटेड क्लबका अध्यक्ष लोक बहादुर थापा, निवर्तमान अध्यक्ष राजु श्रेष्ठ, वरिष्ठ उपाध्यक्ष गणेश तिमिल्सिना, कोषाध्यक्ष जयराम आचार्य, कार्यसमिति सदस्य बुद्ध कार्की लगायतको टोलीले राष्ट्रिय अनुसन्धान कार्यालय पोखराका प्रमुख अनुसन्धान निर्देशक प्रजेश सिंह हमाललाई कम्प्युटर हस्तान्तरण गरेका हुन । सो अवसरमा जिल्ला प्रशासन कार्यालय कास्कीका सहायक प्रमुख जिल्ला अधिकारी शिव लम्साल, राष्ट्रिय अनुसन्धान जिल्ला कार्यालय कास्कीका प्रमुख मोहन बहादुर कुँवर लगायतको उपस्थिती रहेको थियो ।

सो अवसरमा वोल्दै राष्ट्रिय अनुसन्धान प्रदेश कार्यालय गण्डकी पोखराका अनुसन्धान निर्देशक प्रजेश सिंह हमालले जेन्जी आन्दोलनको क्रममा भदौ २४ गते आगलागी र तोडफोडबाट आफ्नो कार्यालय पूर्ण रुपमा क्षती भइ कामकारबाहीमा अफ्ठ्यारो परिरहेको बेला युनाईटेड क्लबले आफ्नो विपद ब्यवस्थापन कोष अन्तर्गत कार्यालयलाई अतिनै आवश्यक रहेको कम्प्युटर प्रदान गरेकोमा धन्यवाद ब्यक्त गरे । साथै आगामी पुषको २९ देखि माघको ११ गते सम्म आयोजना हुने १४ औं संस्करणको पोखरा महोत्सवको पूर्ण सफलताको कामना गर्दै आफ्नो कार्यालयको तर्फबाट समेत महोत्सवलाई सभ्य बनाउनका लागि साथ र सहयोग रहने प्रतिवद्धता ब्यक्त गरे ।

सो अवसरमा वोल्दै युनाईटेड क्लबका अध्यक्ष लोक बहादुर थापाले युनाईटेड क्लबले पोखरा महोत्सवको आयोजना गरि शिक्षा, स्वास्थ्य, खेलकुद र पर्यटन प्रवद्र्धन संगै पोखरामा खुल्ला चिडियाखना निर्माणमा पहलदकमी, सेती नदी संरक्षणमा काम गर्दै आइरहेको र तिहारको बेलामा देउसी भैलो कार्यक्रमको आयोजना गरि संकलित रकमबाट स्थापित विपद ब्यवस्थापन कोष अन्तर्गत राष्ट्रिय अनुसन्धान प्रदेश कार्यालय गण्डकीलाई आवश्यक पर्ने सामाग्री सहयोग गरेको बताए ।

विपद ब्यवस्थापन कोष अन्तर्गत यसपटक जिल्ला प्रशासन कार्यालय कास्की, जिल्ला सरकारी वकिलको कार्यालय कास्की, पोखरा महानगरपालिका वडा नं १२, १० र १५ लाई समेत कम्प्युटर हस्तान्तरण गरिएको उनले बताए । युनाईटेड क्लबले विपद ब्यवस्थापन कोष अन्तर्गत पूर्वको उदयपुर देखि पश्चिमको कैलाली सम्म विभिन्न विपदमा परेकाहरुलाई सहयोग गर्दै आइरहेको छ ।

पोखरा, २६ मंसिर ।

कास्की जिल्ला टेनिस संघको आयोजनामा पोखरा स्टेडियमस्थित टेनिस कम्प्लेक्समा जारी आइटीएफ जे३० वल्र्ड टेनिस टुर पोखरा सर्किट–२ अन्तर्गत नेपाली खेलाडी शिभाली गुरुङले उत्कृष्ट प्रदर्शन गर्दै गल्र्स सिंगल्सतर्फको फाइनलमा स्थान बनाएकी छन् । साथै उनले शुक्रबार भएको गल्र्स डबल्स फाइनलमा ताइपेकी के–चि सुसँग जोडी बनेर उपाधि जितेकी छन् ।

जारी प्रतियोगिता अन्तर्गत ब्वाइज सिंग्लसमा ताइपेइका टिङ–हो याङले चिनका जियालियाङ गुओलाई ६–२ ६–२ ले पराजित गर्दै फाइनल यात्रा तय गर्दा युल हो जुङ (दक्षिण कोरिया) ले गनुका फर्नान्डो (श्रीलंका) लाई ६–३ ६–० ले सहज जित हात पार्दै टिङ हो याङसँग फाइनल भिडन्त पक्का गरेका छन् ।

त्यस्तै नेपालकी शिभाली गुरुङले भारतकी कर्थिका पद्मकुमारलाई संघर्षपूर्ण खेलमा ६–३ ५–७ ६–३ ले पराजित गर्दै फाइनलमा प्रवेश गरेकी छन् । उनले जारी प्रतियोगिताको सर्किट १ मा समेत उपाधि जितेकी थिइन् । उनले फाइनलमा सर्किट १ कै उपविजेता रहेकी ताइपेकी के–चि सुसँग भेट पक्का गरेकी छन् । के–ची सुले सेमीफाइनलमा भारतकी शतक्शिका सहायकलाई ६–१ ६–४ ले हराउँदै फाइनलमा स्थान सुरक्षित गरिन् ।

यता ब्वाइज डबल्स फाइनलमा कोरियाली जोडी ह्यो जिन हा र युल हो जुङको जोडीले भारतीय जोडी प्रतीक शेओरन र अनुज अभिजित तशिलदारलाई ६–३ ७–६(४) ले पराजित गर्दै उपाधि जिते भने नेपालकी शिभाली गुरूङ र ताइपेईकी के–ची सुको जोडीले फाइनलमा भारतकी तेजस्वी मन्नेनी र न्युजिल्यान्डकी बोइदेही उकिललाई ६–२ ६–१ ले सोझो सेटमा पराजित गर्दै उपाधि आफ्नो पक्षमा पारे ।

सिंगल्सतर्फका फाइनल खेलहरु भोली (शनिबार) हुने कास्की टेनिस संघका सचिब भिष्मराज पौडेलले जानकारी दिएका छन् ।

दुई साता सम्म लागतार सञ्चालन भएको प्रतियोगितामा १६ देशका ८० खेलाडीहरुको सहभागिता रहेको थियो । आठौं सस्करणको उक्त प्रतियोगिता सम्पन्न गर्न १८ लाख ७० हजार खर्च हुने अनुमान कास्की टेनिसले गरेको छ ।

पोखरा, २६ मंसिर ।

जिल्ला प्रहरी कार्यालय कास्कीले पैदल यात्रीलाई लक्षित गरी पैदल यात्री सुरक्षार्थ एसएलसी (स्टप, लुक, क्रस) कार्यक्रम शुरु गरेको छ ।

सामुदायिक सेवा केन्द्र एवम् सामुदायिक प्रहरी सेवा पोखरा–१ बगरको सहकार्यमा पैदल यात्रीले बाटो पार गर्दा कसरी सुरक्षित तरिकाले पार गर्ने विषयमा पोखराको बाग्लुङ वसपार्कमा कार्यक्रम आयोजन गरिएको थियो ।

विशेष गरी पोखराको जिरो किमि देखि हेमजा सम्मको बाटोमा पैदल यात्रीले बाटो क्रस गर्द बढि दुर्घटना हुने गरेको कारण यस क्षेत्रलाई लक्षित गरेर यो कार्यक्रम शुरु गरिएको जिल्ला प्रहरी कार्यालय कास्कीका प्रमुख प्रहरी उपरीक्षक नविन कार्कीले जानकारी दिए ।

उनका अनुसार कास्कीमा हुने दुर्घटनाका कारण मृत्यु हुनेको संख्या मध्ये ४० प्रतिशत पैदल यात्रीको रहेको र त्यो मध्ये पनि जिरो देखि हेमजा सम्म ५० प्रतिशत पैदल यात्रीको मृत्यु भएकोले पनि यस क्षेत्रमा पैदल यात्री सुरक्षार्थ एसएलसी कार्यक्रम आयोजना गरिएको हो ।

‘जिल्ला प्रहरी कार्यालय कास्कीले समग्र दुर्घटनाका बारेमा वुझ्दा धैरै जसो दुर्घटनाका कराण पैदल यात्रीको मृत्यु भएकोले तथ्याड्ढ पाइयो’ उनले भने ‘यो अभियानले पैदल यात्रीलाई सुरक्षित तरिकारले बाटो क्रस गर्न सिकाइयो भने क्षती न्यूनिकरण हुन्छ भन्ने मान्यताले यो अभियान चलाएका हौं ।’ उनले यो अभियानलाई सवैको साथ सहयोग लिएर निरन्तरता दिने बताए ।

कार्यक्रममा जिल्ला ट्राफिक कार्यलय कास्की, वडा प्रहरी कार्यालय बगर, जनप्रतिनिधि, सामुदायिक सेवा केन्द्र बगर, विन्ध्यवासिनी मावि बरपाटन र सगरमाथमा विद्यार्थीहरुको सहभागिता रहेको छ ।

उनीहरुले बाटो क्रस गर्दा मोबाईल फोन प्रयोग नगरौं, हतारमा सडक पार नगरौं, फुटपाथ नभएको स्थानमा सडको दाहिने किनारबाट पैदल यात्र गरौं, बाल बच्चालाई सडकमा एक्लै नछाडौं, सडक पार गर्दा दाँया बाँया टाढा सम्म सवारी साधन हेर्ने गरौं लगायतका प्ले कार्ड बोकेर सडक पार गर्न सिकाएका थिए । यस अघि पनि जिल्ला प्रहरी कार्यालय कास्कीले सामुदायिक सेवा केन्द्र एवम् सामुदायिक प्रहरी सेवा हेमजाको सहकार्यमा हेमजाको मिलनचोकमा यस्तै खालको अभियान सञ्चालन गरेको थियो ।

सामुदायिक सेवा केन्द्र एवम् सामुदायिक प्रहरी सेवा बगरका अध्यक्ष रामप्रसाद अधिकारीको अध्यक्षतामा भएको कार्यक्रमको सञ्चाल सचिव कृष्ण बहादुर तामाङले गरेका थिए ।

पोखरा, २६ मंसिर ।

पोखरा क्रिकेट मैदानमा जारी हिमालय क्रिकेट एकेडेकी कप २०८२ यु–१६ अन्तर विद्यालय पुरुष टि–२० क्रिकेट प्रतियोगिता जारी रहेको छ । हिमालय क्रिकेट एकेडेमीको प्रायोजन, पोखरा महानगरपालिका क्रिकेट संघको संयोजन तथा कास्की जिल्ला क्रिकेट संघको आयोजनामा जारी उक्त प्रतियोगिताको दोश्रो दिन पहिलो खेलमा जनप्रकाश माविले टस जितेर फिल्डिङमा उत्रियो । जसमा टप्सले पहिलो ब्याटिङ गर्दै १६.५ ओभरमा १० विकेटको नोक्सानीमा १ सय १० रन बनाउन सफल भयो । उक्त खेलमा टप्सका आयुष सुनारले ३१ बलमा २९ रन, शिव सुवेदीले ३१ बलमा २२ रन बनाउन सफल भएभने जनप्रकाशका हिमाल आचार्यले ३ ओभरमा १६ रन खर्चेर ४ विकेट लिन सफल भए । त्यसैगरी संसार दर्जीले ४ ओभरमा २८ रन खर्चेर २ विकेट, निश्चल आचार्यले ४ ओभरमा १८ रन दिदै ३ विकेन लिन सफल भएका थिए ।

यसैगरी जनप्रकाश माविले १४.५ ओभरमा ७ विकेटको नोक्सानीमा १ सय ११ रन बनाउन सफल भयो । जसमा अभिशेक कुमालले २८ वलमा २८ रन, संसार दर्जी ३० वलमा ३६ रन बनाउन सफल भएभने टप्सका बलर शिव सुवेदी ३ ओभरमा ८ रन दिएर ३ विकेट लिन सफल भए । खेलमा जनप्रकाशका हिमाल आचार्य म्यान अफ दी म्याच घोषित भए । त्यसैगरी ग्लोबल कलेजियट र त्रिवेणी सेकेण्डरी स्कुल बीचको खेलमा त्रिवेणीले टस जितेर ग्लोबल कलेजियटलाई ब्याटिङको निम्तो दिए । ग्लोबलले १७.४ ओभरमा १० विकेटको नोक्सानीमा ८२ रन बनाउन सफल भयो । जसमा आयुषमान गौतमले १८ वलमा १० रन र सम्राट कुँवर ९ वलमा १७ रन बनाउन सफल रहे ।

यसैगरी त्रिवेणीका वलर युवराज कँडेल ४ ओभरमा १ मेडेन राख्दै १८ रन दिएर ४ विकेट लिन सफल भएभने अरुण नियोरले ४ ओभरमा १३ रन दिएर २ विकेट लिन सफल भए । जवाफी ब्याटिङमा उत्रेको त्रिवेणी सेकेण्डरी स्कुलले ८.६ ओभरमा १ विकेटको नोक्सानीमा ८३ रन बनाउन सफल भयो । जसमा वकिल पुनले २९ वलमा २३ रन र सौगात रसाइलीले ४२ वलमा ३० रन बनाउन सफल भए । उक्त खेलको म्यान अफ दी म्याच त्रिवेणीका युवराज कंडेल घोषित भए । प्रतियोगिताको तेश्रो दिन नविन मावि र हार्वड बिच पहिलो खेल र डायमण्ड र त्रिवेणी बीच दोश्रो खेल हुने प्रतियोगिता संयोजक विरेन्द्र पुनले जानकारी दिए ।