२०८३ मंसिर १ सोमबार
२०८३ मंसिर १ सोमबार

पोखरा, ०१ पुस ।

पोखरामा पौष ९ गतेदेखि हुने सोह्रौँ राष्ट्रपति रनिङ शिल्ड तथा पाँचौ मेयर कप विद्यालय खेलकुद प्रतियोगिताको तयारीमा तीव्रता दिइएको छ । पोखरा महानगर खेलकुद विकास समितिको आयोजनामा पौष ११ गतेसम्म चल्ने प्रतियोगिताको लागि व्यवस्थापन तथा निर्देशन समिति सहित विभिन्न उपसमिति निर्माण गरेर तयारीमा तीव्रता दिइएको पोखरा महानगर खेलकुद विकास समितिका अध्यक्ष दीपक बहादुर गोदारले जानकारी दिए ।

जस अनुसार व्यवस्थापन तथा निर्देशन समिति, संयोजकमा अध्यक्ष गोदार रहेका छन् । सदस्यहरूमा पूर्णचन्द्र न्यौपाने, तेज प्रसाद कडेल, डिबी नेपाली, हेम प्रसाद आचार्य, विजय गुरुङ, षडानन्द गौतम, भीम सुवेदी, सकुन्तला लम्साल, लेकमाया पुन, राम बहादुर लामिछाने, सागर भण्डारी, दिलिप लामा, गोप बहादुर अधिकारी, धन लामा, निरोज बहादुर नेपाली छन् ।

सचिवालय व्यवस्थापन उपसमिति संयोजकमा सुरज अधिकारी, सदस्यहरूमा शान्ता सुवेदी, भीम सुवेदी, सकुन्तला लम्साल, राजाराम पौडेल र भरत बानियाँ रहेका छन् । खेल तथा खेलाडी दर्ता उपसमिति अन्तरगत भलिबल संयोजकमा राम बहादुर लामिछाने, कबड्डी संयोजकमा सागर भण्डारी, एथलेटिक्स संयोजकमा गोप बहादुर अधिकारी, तेक्वान्दो संयोजकमा हर्क गुरुङ, उसु संयोजकमा शुकदेव रोक्का, कराते संयोजकमा धन लामा रहेका छन् ।

मार्चपास व्यवस्थापन उपसमिति संयोजकमा हरि जिसी, सदस्यहरूमा पुरुषोत्तम थापा र षडानन्द गौतम, सुरक्षा व्यवस्थापन तथा स्वयंसेवक परिचालन उपसमिति संयोजकमा पुरुषोत्तम थापा तथा सदस्यहरूमा किसान भण्डारी र लेकमाया पुन रहेका छन् ।

स्वास्थ्य व्यवस्थापन उपसमिति संयोजकमा प्रविण रानाभाट र सदस्यमा पोषण बहादुर थापा मञ्च निर्माण, सजावट तथा सांस्कृतिक व्यवस्थापन उपसमिति संयोजकमा प्रीति बराल, सदस्यहरूमा लेकमाया पुन, सकुन्तला लम्साल, सोमनाथ भण्डारी र मोना गुरुङ रहेका छन् ।

खेल मैदान, सरसफाइ तथा पानी व्यवस्थापन उपसमिति संयोजकमा लक्ष्मण कुँवर र सदस्यहरूमा विजय गुरुङ, परशी शेर्पा, गङ्गा थापा, श्याम बिक, सरोज पुन रहेका छन् ।

अनुगमन उपसमिति संयोजकमा हेम प्रसाद आचार्य, मिडिया प्रचार तथा प्रसार उपसमिति संयोजकमा राजाराम पौडेल, प्राविधिक उपसमिति संयोजकमा राजन पौडेल र सहसंयोजकमा सिद्धान्त अधिकारी रहेका छन् । जिल्ला छनोट निर्णायक समिति भलिबलमा बल बहादुर श्रेष्ठ, कौशिल्या खत्री, रमेश जिसी, लेखनाथ लम्साल, कबड्डीमा राजकुमार थापा, हरि जिसी, कविता आले, एथलेटिक्समा गोप बहादुर अधिकारी ,सिद्धान्त अधिकारी, गज बहादुर गुरुङ रहेका छन् ।

पोखरा महानगर खेलकुद विकास समिति खेलकुद विकास समितिका सदस्य सचिव सुरज अधिकारीका अनुसार प्रतियोगितामा उसु, कराँते, तेक्वान्दो, भलिबल, कबड्डी र एथलेटिक्स गरि ६ वटा विधामा प्रतिष्पर्धा हुनेछ । खेलकुदलाई व्यवसायिक बनाउन नगद पुरस्कारसहित यो प्रतियोगिता आयोजना गरिएको हो ।

पोखरा, ०१ पुस ।

लेखनाथ उद्योग वाणिज्य संघले यहि पुष ३ गते देखि १४ गते सम्म आयोजना गरेको २१ औ संस्करणको लेखनाथ महोत्सवको तयारी अन्तिम चरणमा पुगेको छ । ‘महोत्सव लेखनाथको संस्कृति, स्थानीय उत्पादन विकास र सम्मृद्धि’ भन्ने नाराको साथ आयोजना गर्न लागिएको महोत्सवको तयारी पुरा भएको मंगलबार आयोजित पत्रकार सम्मेलनमा आयोजकले जानकारी दिएको छ ।

पत्रकार सम्मेलनमा संघका अध्यक्ष एवं महोत्सवकी मूल संयोजक जानुका पराजुली अधिकारीले जेनजी आन्दोलनबाट प्रभावित भएको उद्योग तथा व्यवसायलाई प्रबद्र्धन गर्ने उद्धेश्यले वर्तमान विषम आर्थिक अवस्थाका बीच व्यवसायी र आम उपभोक्ताको खस्किएको मनोबल उच्च बनाउँदै स्थानीय तथा राष्ट्रिय अर्थतन्त्रलाई चलायमान बनाउने उद्देश्यले महोत्सव आयोजना गरिएको वताईन ।

पराजुलीले महोत्सवलाई क्रेता, विक्रेता र उपभोक्ताबीचको साझा थलोका रूपमा विकास गर्ने अपेक्षा गरिएको उहाँले जनाउनु भयो । लेखनाथ महोत्सवलाई ‘अनौपचारिक विश्वविद्यालय’का रूपमा स्थापित गर्ने लक्ष्य रहेको पराजुलीले उल्लेख गरिन ।

विहिबार देखि सुरु हुने महोत्सवको विशेष आकर्षणका रूपमा जलपरी प्रदर्शन, कृषि, पर्यटन र उद्योग विषयक टक शो, टिकटक प्रतियोगिता, आर्ट एन्ड क्रिएटर प्रतियोगिता, शान्तिका दूत गौतम बुद्धको प्रतिमा, घरेलु तथा ग्रामीण प्रविधि प्रदर्शनी, महिला विशेष रत्यौली गीत कार्यक्रम, विद्यालयस्तरीय नृत्य, शैक्षिक प्रदर्शनी, साहित्यिक कार्यक्रम, विभिन्न जातजातिका मौलिक संस्कृति झल्कने झाँकी र्याली एवं साँस्कृतिक प्रस्तुति, ख्यातिप्राप्त हास्य कलाकारहरूको दैनिक प्रस्तुति, राष्ट्रिय लोकदोहोरी तथा युवा लक्षित पप र सुगम सङ्गीत कन्सर्ट समावेश गरिएको छ ।

त्यसबाहेक महोत्सवमा औद्योगिक तथा व्यापार, हस्तकला, कृषि तथा दुग्धजन्य उत्पादन, सुन्तला, माछा, मौरी, कफी, विउविजन, तरकारी, जैविक विविधता, फुड फेस्टिभल, अटोमोबाइल प्रदर्शनी हुने भएको छ । महोत्सवमा पर्यटन प्रवद्र्धन सामग्री तथा वित्तीय सेवासम्बन्धी समेत जानकारी प्राप्त गर्न सकिने भएको छ । महोत्सवमा उधोग, व्यापार, व्यवसाय, सेवामुलक एवं सुचना मुलक सहितका ३ सय ३५ वटा स्टलहरु रहने पत्रकार सम्मेलनमा जानकारी गराइएको हो ।

महोत्सव अवलोकन गर्न करिब २ लाख ५० हजार दर्शक आउने आयोजकले अपेक्षा गरेको छ भने करिब ९ करोड रुपैयाँ बराबरको आर्थिक कारोबार हुने अपेक्षा गरिएको महोत्सवका प्रचार प्रसार संयोजक धु्रवबाबु भट्टराईले बताए । महोत्सवबाट करिब ९५ लाख रुपैयाँ आम्दानी हुने र ८५ लाख रुपैयाँ खर्च भई १० लाख रुपैयाँ बचत हुने उनले जानकारी दिए ।
उक्त अवसरमा नेपाल पत्रकार महासंघ गण्डकी प्रदेशका अध्यक्ष रमेश पौडेल, महोत्सवका मुख्य प्रायोजक गृहलक्ष्मी ग्याँस कम्पनीका सञ्चालक धर्मराज बर्तौला लगायतले बोल्नुभएको थियो भने कार्यक्रमको सञ्चालन संघका महासचिव भरतराज ओझा र धन्यवाद ज्ञापन वरिष्ठ उपाध्यक्ष गोपिचन्द्र बाँस्तोलाले गरेका थिए ।

लेखनाथ उद्योग वाणिज्य संघ र नेपाल उद्योग वाणिज्य महासंघको संयुक्त आयोजनामा हुने महोत्सवमा उद्योग तथा पर्यटन मन्त्रालय गण्डकी प्रदेश र नेपाल उद्योग वाणिज्य महासंघ गण्डकी प्रदेशको सहआयोजना, पोखरा महानगरपालिका र नेपाल पर्यटन बोर्डको प्रवद्र्धन तथा विभिन्न संघसंस्थाको सहयोग रहने आयोजकले जनाएको छ । महोत्सवको टिकट दर विद्यार्थीका लागि ५०, साधारण प्रवेश १०० र कन्सर्ट टिकट २०० तोकिएको छ । जेष्ठ नागरिक, अपाङ्गता भएका व्यक्ति र एकल महिलालाई सामाजिक सुरक्षा भत्ता परिचयपत्रका आधारमा निःशुल्क प्रवेशको व्यवस्था गरिएको आयोजकले जनाएको छ।

गृहलक्ष्मी ग्याँस कम्पनी प्रा.लि.को मुख्य प्रायोजनमा हुने उक्त महोत्सवको सह–प्रायोजकमा बिएलसि गु्रप (नर्भिक हस्पिटल), पशुपति विस्कुट, हेटौडा डेरी रहेका छन ।

 
 
पोखरा, ०१ पुस ।
 

लामो समयदेखि पोखरामा रहेर हर्बल प्रोडक्ट मार्फत ग्राहकको मन जित्न सफल पोखरा हर्बल होम्सले नयाँ प्रोडक्टलाई ग्राहकसामु पस्केको छ । विशेषगरी कपालको समस्याबाट पीडित भएकाको लागि लक्षित गरेर ऋषि आदिवासी ब्रिङ्गामुलिका हर्बल हेयर आयल पोखरामा भित्राएको छ ।

भारतको कर्नाटकका आदिवासीले १ सय ८ वटा जडिबुटी मिसाएर हातले बनाएको यो तेललाई इम्पोर्ट गरेर बेच्न थालेको सञ्चालक कुमार प्रसाद बरालले जानकारी दिए । केही समयदेखि पोखरामा बिक्री भइरहेको यो तेलको प्रयोगकर्ताबाट सकारात्मक प्रतिक्रिया मिलिरहेको उनले खुलाएका छन् । फलस्वरुप सो रुमको रूप दिएर ग्राहकलाई सेवा दिन थालिएको उनले खुलाए । यो तेल पोखराका कस्मेटिक पसलमा पाइन्छ भने न्युरोडमा रहेका सो रुममा पुगरेर समेत खरिद गर्न सकिनेछ । कपालको समस्याको एउटै समाधान ऋषि आदिवासी ब्रिङ्गामुलिका हर्बल हेयर आयल हुने उनको विश्वास छ ।

यो तेलको मूल्य २ सय ५० एमएलको लागि एमआरपी १ हजार ५ सय रुपैयाँ रहेको छ भने  ५ सय एमएलको लागि २ हजार ८ सय रुपैयाँ एमआरपी रहेको छ । यसको स्याम्पु समेत राम्रो रहेको उनले बताए । झण्डै ६ महिनामा यसको पूर्ण रुपमा नतिजा देखिने भएकोले गुणस्तरीयता हिसाबले यसको प्रयोग गर्न उनको सुझाब छ । बजारमा पाइने सस्ता प्रोडक्ट भन्दा राम्रो प्रोडक्ट प्रयोग गर्ने हो भने नतिजा राम्रो आउने उनको दावी छ ।

त्रिलोकी इन्टरनेशनलका सञ्चालक योगेश बर्णवालले पोखरा सहित जनकपुर, वीरगञ्ज, चितवन, काठमाण्डौ, बुटबल लगायतका नेपालका ८ ठाउँमा यसको सो रुम खोलिसकेको बताए । यो प्रोडक्टले कपाल झर्न रोक्ने उनको दावी छ। आदिवासीले आफ्नो हातले बनाएको होम मेड प्रोडक्ट भएको र भारतको कर्नाटकबाट इम्पोर्ट गरेर नेपालभर वितरण गर्ने काम आफूहरूले गरिरहेको उनले बताए । एक वर्ष अगाडिबाट बजारमा आएको यो प्रोडक्टका अधिकांश प्रयोगकर्ता सन्तुष्ट रहेको उनको भनाइ छ ।

पोखराको सो रुमको औपचारिक उद्‌घाटन भने केही समय पछाडि गर्ने तयारी गरिएको सञ्चालक बरालले जानकारी दिए । उनका अनुसार पछिल्ला दिनमा हर्बल प्रोडक्टमा ग्राहकको आकर्षणमा थप वृद्धि भएको छ ।

 

पोखरा, ०१ पुस ।

यसपालीको पोखरा सडक महोत्सव विशेष हुने भएको छ । किनकी रेष्टुरेण्ट एण्ड बार एशोसियसन नेपाल (रेवान) पोखराको आयोजनामा पोखराको लेकसाईड क्षेत्रमा हुने पोखरा सडक महोत्सवमा यस वर्ष हिट्स अफ नाईन्टिज गुञ्जिने भएको छ । लेकसाईडको ३ किलोकिलोमिटर क्षेत्रमा हुने महोत्सवको मुख्य आकर्षणको रुपमा रहने लाईभ सांगीतिक कार्यक्रम पोखरा कोमागाने पार्कमा आयोजना हुनेछ । हिट्स अफ नाईन्टिज नाम दिइएको सो कार्यक्रममा ९० को दशकमा उदाएर स्थापित व्याण्डहरुको लाईभ प्रस्तुती रहने आयोजक अल टेक नेपालका सञ्चालक शेरबहादुर गुरुङले जानकारी दिए । ‘यो सडक महोत्सवको मुख्य आकर्षण हो’–उनले भने ।

अंग्रेजी नया वर्षको स्वागतार्थ आयोजित ५ दिने महोत्सवको मूख्य दिन न्यू ईयर ईभ स्पेसल कार्यक्रम हुनेछ । जुन दिन एक्स नेपथ्य गुञ्जिने गुरुङले बताए । उनका अनुसार सो दिन एक्स नेपथ्यको ओरिजिनल भोकलिष्ट रविन श्रेष्ठ र गौतम गुरुङको विशेष प्रस्तुती रहनेछ । त्यस दिन अहिलेकी भाइरल डान्सर कार्टुन क्रुजकी आस्मा विश्वकर्माले माहोल तताउनेछिन् । उनले अहिलेको चिकिरीचिकिरीलगायतका गीतहरुमा प्रस्तुती दिने उनले जानकारी दिए ।

त्यस्तै, न्यू ईयर ईभकै दिन अहिलेका चर्चित गायक उज्जन शाक्य, डिमर्चा, लेकाली, देउराली र टुकी व्याण्डहरुले लाईभ प्रस्तुतीमार्फत ९० को दशकका हिटहिट गीतहरु गुञ्जाएर चिसो मौषममा स्टेज तताउनेछन् । सांगीतिक उत्सव अन्तर्गत पुस १५ गते गुरुङ समुदायको ल्होसार विशेष कार्यक्रम हुनेछ । उक्त दिन दिउँसोदेखि साँझ स्वप्न सुमन, केआर लिम्बु र चक्र व्याण्ड ब्लाष्ट हुनेछन् । तथा दिउँसो प्रिती आले, देउराली व्याण्डका पुराना गायक आनन्द बज्राचार्य र सन्तोष बस्यालको प्रस्तुती रहनेछ भने दीवा कार्यक्रमतर्फ लोकदोहोरी गायकहरु पुरुषोत्तम न्यौपाने, जीवन दाहाल, चोलेन्द्र पौडेललगायतको प्रस्तुती रहने उनले बताए ।

त्यस्तै, पुस १४ गते अन्तरविद्यालय खुल्ला नृत्य प्रतियोगिता हुनेछ भने दिउँसोदेखि साँझसम्म ईन्टर स्कुल व्याण्ड कम्पिटिसनको उपाधि बिजेता तथा उपबिजेताहरुको सांगीतिक प्रस्तुती रहने जनाइएको छ ।
अल टेक नेपालको आयोजनामा हुने हिट्स अफ नाईन्टिज कार्यक्रमको मुख्य प्रायोजकमा प्रोटोन गाडी रहेको छ भने राईड पार्टनरमा टिभिएस र एजुकेसन पार्टनरमा गण्डकी ईन्टरनेसनल एजुकेसन कन्सल्टेन्सी रहेका छन् ।

पोखरा, ०१ पुस ।

नेपाल परिवार नियोजन संघ कास्की शाखाले ११ वटा विद्यालय तथा क्याम्पसमा यौन तथा प्रजनन् स्वास्थ्य सचेतना अभियान संचालन गरेको छ । २४ वटा विद्यालय तथा कलेजमा अभियान संचालन गर्ने लक्ष्य सहित भदौ १७ गतेदेखि अभियान संचालन गरिएको सभापति नवीन सिग्देलले जानकारी दिनुभयो । पोखरा महानगरपालिकाका १६ र गाउँपालिकाका आठ वटा विद्यालय तथा कलेजमा अभियान संचालन गरिने छ ।

पछिल्लो समय पोखरा महानगरपालिका वडा नं ३२ स्थित गोगन मावि र पोखरा महानगरपालिका वडा नं २७ स्थित लक्ष्मी आदर्श बहुमुखी क्याम्पसमा अभियान संचालन गरिएको छ ।

गोगन माविमा आयोजित कार्यक्रममा बोल्दै पोखरा महानगरपालिका वडा नं ३२ का वडा सदस्य शोभा वि.कले यस्ता कार्यक्रमले जनचेतना फैल्याउन सहयोग गर्ने बताउनुभयो ।

कार्यक्रममा गोगन मावि व्यवस्थापन समितिका अध्यक्ष मेघराज पौडेल, लक्ष्मी आदर्श बहुमुखी क्याम्पस संचालक समितिका अध्यक्ष खगेन्द्र आचार्य र क्याम्पस प्रमुख हेमराज आचार्यले अभियान अत्यन्तै उपयोगी भएको बताउनुभयो ।

कार्यक्रममा नेपाल परिवार नियोजन संघ कास्कीका बरिष्ठ शाखा प्रवन्धक नब राज तिवारी, स्टाफ नर्स अनुषा भुजेल र कर्मचारी सुरज चौधरीले सहजिकरण गर्नुभएको थियो ।

नेपाल परिवार नियोजन संघ कास्कीका सभापति नवीन सिग्देललको अध्यक्षतामा भएको कार्यक्रम बरिष्ठ शाखा प्रवन्धक नब राज तिवारीले संचालन गर्नुभएको थियो ।

 
पोखरा, २९ मङ्सिर । 
 
सेकेन्ड इन्डिया–नेपाल टुरिज्म मिट अन्तर्गत भारतीय टुर अपरेटर र सोसल मिडियाकर्मीको सहभागितामा आजदेखि गन्तव्य प्रवद्र्धनका कार्यक्रम सुरु भएका छन् ।
 
पोखरा भ्रमण वर्ष २०२५ लाई सफल बनाउँदै भारतीय र बाह्य पर्यटकको संख्यामा बृद्धि गर्न पोखरा भ्रमण वर्ष २०२५, पोखरा पर्यटन परिषद्, उद्योग तथा पर्यटन मन्त्रालय गण्डकी प्रदेश, पोखरा महानगरपालिका र नेपाल पर्यटन बोर्डको सहकार्यमा गन्तव्य प्रवद्र्धन सुरु गरिएको हो ।
 
भारतीय टुर अपरेटर र मिडियाकर्मीको टोलीललाई पोखरा पर्यटन परिषद्का महासचिव जीवनराज सापकोटा नेतृत्वको टोलीले आज सुनौली नाकामा स्वागत गर्र्दै स्थल मार्गबाट चितवनको सौराहा ल्याइएको छ । 
 
भारतीय टोलीलाई होटेल संघ नेपाल चितवनका तर्फबाट स्वागत एवम् पर्यटकीय साझेदारी लगायतका विषयमा अन्तरक्रिया गरिएको पोखरा पर्यटन परिषद्का महासचिव सापकोटाले जानकारी दिनुुभयो ।
 
अन्तरक्रियामा होटेल संघ नेपालका केन्द्रीय सदस्य सुमन घिमिरे, पर्यटन व्यवसायी वासु ढुङ्गाना, नेपाल पर्यटन बोर्डका प्रेम भट्टराई, सन्कृत टुर्स भारतका अभिषेक सन्कृत लगायतले नेपाल र भारतबीचको पर्यटकीय साझेदारीका सम्भावना लगायतका विषयमा बोल्नुुभएको थियो । उक्त अवसरमा सौराहाको प्रवद्र्धनात्मक भिडियो समेत प्रस्तुत गरिएको थियो ।
 
महासचिव सापकोटाका अनुुसार भारतीय प्रवद्र्धनात्मक टोली भोलि पुस १ गते तनहुँको बन्दीपुर हुँदै बेगनास र पुस २ गते पर्वत र बाग्लुुङ तथा पुस ३ गते पोखराको पुम्दीकोट भ्रमण गरी होटेल पोखरा ग्रान्डमा हुने मिटमा सहभागी बन्ने छ । टोली ४ गते पोखराबाट पाल्पाहुँदै सुनौली नाकाबाट भारत फर्कने उहाँले जानकारी दिनुुभयो । 
 

पोखरा, २९ मंसिर।

पोखरा र पोखरा आसपार छरिएर रहेका फोटोग्राफर हरु द्वारा संचालित कैलाश बचत तथा ऋण सहकारी संस्थाले एक भब्य समारोहका बिच १४ औं साधारण सभा सम्पन्न गरेको छ । संस्थाले बार्षिकोत्सवको अवसर पारेर बिभिन्न बिधामा शेयर सदस्यलाई सम्मान गरेको थियो .

संस्थाका सस्थापक सचिव तथा पूर्व अध्यक्ष जीवन ढुंगानाको प्रमुख आतिथ्यमा भएको कार्यक्रममा बिशेष अतिथिमा फोटोग्राफर संघ गण्डकीका बरिष्ठ उपाध्यक्ष तुलसीराम सुवेदी र पोखरा फोटोग्राफर संघका अध्यक्ष भक्त तामाङ रहेका थिए । प्रमुख अतिथि ढूंगानाले सहकारीको स्थापनाकालको स्मरण गर्दै सहकारीले उद्योग स्थापना गर्नका लागी गरेको संघर्षका चर्चा गर्दै सानो पूजी भएको संस्थाले करिव ४० जनालाई रोजगार सिर्जना गर्नु चानेचुने कुरा नभएको बताउँदै राज्य पक्ष वाट यस्ता खालका सहकारीलाई सेवा सुविधा दिन नसक्नु दुखद कुरा रहेको बताए । आगामी दिनमा सहकारीले सेवामा जोड दिदै देशकै नमुना सहकारी बनाउनमा सबैजना हातेमालो गर्दै अघि बढ्नु पर्ने बताए ।

बिशेष अतिथि तुलसीराम सुवेदीले संस्थाको सेवा बिस्तार गर्दै गण्डकी प्रदेश भरि फैलाउनका लागी फोटोग्राफर संघ गण्डकी सदैव सहयोग गर्न तयार रहेको बताए । पोखरा फोटोग्राफर संघका अध्यक्ष भक्त तामाङले पोखरा फोटोग्राफर संघ र कैलाश सहकारी नङ र मासु जस्तै भएकोले संस्थामा रहेका सबै सदस्य सहकारीमा सदस्य हुनु पर्ने र सहकारीमा रहेका सदस्य सबै पोखरा फोटोग्राफर संघमा अनिवार्य आवद्ध हुनुपर्ने बताए ।

कार्यक्रममा संस्थाले वर्ष भरीमा उत्कृष्ट कारोवारी, असल कारोवारी,उत्कृष्ट वचत, उत्कृष्ट वाल वचत उत्कृष्ट कर्मचारी लाई सम्मान गरेको थियो ।कार्यक्रममा उद्योग तर्फ उत्कृष्ट ब्यवसाय गर्ने २० जनालाई प्रमाण पत्र तथा फ्रेमले सम्मान गरेको थियो । सहकारीमा उत्कृष्ट कारोवारीमा भगवति ढकाल ,हरिशरण ढुंगाना, उत्कृष्ट बचतकर्ता बिना ढुंगाना, बलराम शर्मा, राधाकृष्ण बराल उत्कृष्ट वाल बचतमा आरोही अधिकारी, शान्भी दाहाल,जेनिश तिवारी लाई सम्मान गरीएको थियो । यस बर्षका उत्कृष्ट कर्मचारीमा ईन्दिरा अधिकारी,सन्तोष बाँस्तोला,उमेश परियार लाई सम्मान गरिएको थियो ।

२०६८ सालमा स्थापना भएको सहकारीमा हाल सम्म १९५ शेयर सदस्य रहेका छन । संस्थाको शेयर पुंजी रु ३ करोड १० लाख २५ हजार बचत रु १० करोड ४५ लाख र ऋण लगानी ९ करोड ६४ लाख रहेको छ भने करिव ४० जना कर्मचारीलाई रोजगार दिएको छ ।

संस्थाले फोटो फ्रेम उद्योग तथा फोटोग्राफरहरुलाई आवश्यक पर्ने सबैखाले सेवा उपलब्ध गर्दै आएको छ । संस्थाले फोटोग्राफरहरुका लागी कलर ल्याव फोटो प्रिन्ट,फ्लेक्स प्रिन्ट मायाको चिनो, फोटो फ्रेमहरु,ब्यानर,फोटोग्राफी सामानहरु र बिभिन्न समयमा फोग्राफर हरुको शिप र दक्षता बृद्धिका लागी बिभिन्न कार्यक्रमहरु संचालन गर्दै आएको छ ।
पानसमा द्विप प्रज्वलन गरि समुद्धघाटन गरिएको कार्यक्रममा सहकारीका सात सिद्धान्त वाचन पूर्ण कुमारी थापा, सचिवको प्रतिवेदन विष्णुहरी अधिकारी, कोषाध्यक्षको प्रतिवेदन नविन ढुंगाना लेखासमितिको प्रतिवेदन विजय पहारी, अध्यक्षको प्रतिवेदन अध्यक्ष खडानन्द अधिकारीले प्रस्तुत गरेका थिए ।

कार्यक्रममा शेयर सदस्यहरुवाट ईन्दिरा शर्मा, भोलानाथ सुवेदी शिक्षा समिति संयोजक घनश्याम पौडेल,सल्लाहकारहरुमा परशुराम शर्मा , रविनाथ दाहाल पूर्व अध्यक्ष शिवहरी अधिकारी, दुर्गा प्रसाद पौडेल ले आ आफ्नो भनाई राखेका थिए । सहकारीका अध्यक्ष खडानन्द अधिकारीको अध्यक्षतामा भएको कार्यक्रममा स्वागत उपाध्यक्ष विनोदराज ढकाल र सञ्चालन सचिव विष्णुहरि अधिकारीले गरेका थिए ।

 

 

पोखरा, २९ मंसिर ।

पोखरा क्रिकेट मैदानमा जारी हिमालयन क्रिकेट एकेडेमी कप २०८२ यु–१६ अन्तर विद्यालय पुरुष टि–२० क्रिकेट प्रतियोगिता अन्तर्गत सोमबार सम्पन्न खेलमा प्रतिभा र हिमालयन बिजयी भएका छन ।

शनिवार सम्पन्न प्रतिभा र नबिनको बिचको पहिलो खेलमा नबिनले टस जितेर ब्याटि गर्दै २० ओभरमा ५ विकेटको नोक्सानीमा १३१ रन बनाउन सफल भयो । नबिनका ब्याटर साउददिन अनसारीले ५० बलमा ३६ रन बनाउन सफल भए त्यसैगरी ऋषि प्रजापतिले २० बलमा १८ रन बनाए । त्यसैगरी प्रतिभाका बलर रेबित शर्माले ४ ओभरमा २१ रन १ विकट तथा पुरन गुरुङले ४ ओभरमा ३४ रन १ विकेट लिन सफल भए । त्यसैगरी जवाफी ब्याटिङमा उत्रेको प्रतिभा सेकेण्डरीले १४.५ ओभरमा १ विकेटको नोक्सानीमा १३५ रन बनाउन सफल भए । प्रतिभाका ब्याटर साहबुद्धिन अनसारीले ४९ बलमा ७२ रन नट आउट रहन रहन सफल भए । त्यस्तै दीक्षान्त अर्यालले ३१ बलमा ३३ रन बनाउन सफल भए । यसैगरी नबिनका बलर सौरभ सिद्धिकीले ४ ओभरमा ५२ रन दिदै १ विकेट लिन सफल भए । उक्त खेलको म्यान अफदी म्याच प्रतिभाका साहबुद्धिन अनसारी घोषित भए ।

त्यस्तै हिमालय एकेडेमी र कुमुदिनी होम्सबीचको दोश्रो खेलमा कुमुदिनीले टस जितेर ब्याटिङ गर्दै १७.२ ओभर खेल्दै १० विकेटको नोक्सानीमा ५८ रन बनाउन सफल भयो । कुमुदिनीको इनिङमा सिद्धार्थ रावत २२ वलमा १७ रन र रविन्स पुनले १७ बलमा १३ रन बनाउन सफल भए । यसैगरी हिमालयका बलर आयुष पनेरुले ४ ओभरमा १ मेडेन राख्दै ८ रन दिदै ५ विकेट लिन सफल भए । यसैगरी हिमायलन सेकेण्डरीले १५.२ ओभर खेल्दै ३ विकेटको नोक्सानीमा ६२ रन बनायो ।

जसमा शिवम श्रेष्ठले ५६ बलमा २० रन र आयुष पनेरुले १५ बलमा १० रन बनाउन सफल भए । बलिङ तर्फ कुमुदिनी होम्सका सिद्धार्थ रावतले ३.२ ओभरमा १० रन दिएर २ विकेट लिन सफल भए । उक्त खेलको म्यान अफदी म्याच हिमालयनका आयुष पनेरु घोषित भए । प्रतियोगितामा पुष २ गते पहिलो खेल लभिन सेकेण्डरी स्कुल र टप्स सेकेण्डरी स्कुल र दोश्रो खेल डायमण्ड र ग्लोबल बीच हुनेछ ।

पोखरा, २९ मंसिर ।

मिस तामाङ पोखरा–२०२६ औपचारिक रूपमा सुरु भएको छ । बैदाम तामाङ सेवा समाजको आयोजनामा सोनाम ल्होसारको अवसरमा हरेक वर्ष मिस तामाङ पोखरा सञ्चालन हुँदै आएको छ । तामाङ समुदायका छोरी–चेलीलाई भाषा, संस्कार र संस्कृति सिकाउँदै उनीहरूको व्यक्तित्व, आत्मविश्वास र नेतृत्व क्षमता विकास गर्ने उद्देश्यले कार्यक्रम निरन्तर आयोजना गरिँदै आएको समाजका अध्यक्ष ज्याक तामाङले बताए ।

मिस तामाङ पोखरा–२०२६ अन्तर्गत सञ्चालन गरिएको तालिम तथा ओरिएन्टेशन कार्यक्रमको उद्घाटन तामाङ भाषाविद् अजितमान तामाङले गरेका थिए । उद्घाटन समारोहमा उनले तामाङ भाषा, संस्कार र सांस्कृतिक पहिचान संरक्षणमा युवा पुस्ताको भूमिका महत्वपूर्ण रहेको बताए ।

कार्यक्रमका अवसरमा बैदाम तामाङ सेवा समाजका अध्यक्ष ज्याक तामाङले मिस तामाङ पोखरा सौन्दर्य प्रतियोगिता मात्र नभई सांस्कृतिक चेतना र सामाजिक जिम्मेवारी विकास गर्ने अभियान भएको उल्लेख गरे । उनले भने तामाङ समुदायका छोरी–चेलीले आफ्नो भाषा, पहिचान र संस्कार बुझेर अघि बढून् भन्ने हाम्रो उद्देश्य हो । मिस तामाङ पोखरा समुदायको गौरव र भविष्य निर्माण गर्ने मञ्च हो ।

कार्यक्रम संयोजक रोशिला ब्लोन तामाङले प्रतियोगिता मार्फत युवतीहरूमा आत्मविश्वास, नेतृत्व र सामाजिक चेतना विकास गराउने लक्ष्य रहेको बताए । उनका अनुसार मिस तामाङ पोखराले तामाङ समुदायका छोरी–चेलीलाई आफ्नो मौलिकता चिन्न र समाजमा सक्षम रूपमा प्रस्तुत हुने अवसर प्रदान गर्दै आएको छ ।

तालिम संयोजक तथा रेडियो अन्नपूर्णका स्टेशन म्यानेजर सञ्जय मल्लले तालिमलाई केवल प्रतियोगिताको तयारीमा सीमित नराखी जीवन उपयोगी सीप, बोल्ने कला र सांस्कृतिक ज्ञानमा केन्द्रित गरिएको जानकारी दिए । कार्यक्रममा नेपाल जेसिसका पूर्व अध्यक्ष राजु कसी, नेपाल तामाङ घेदुङका पुर्व केन्द्रिय उपाध्यक्ष, नेपाल तामाङ घेदुङका गण्डकी उपाध्यक्ष रामबहादुर ब्लोन शिबु, डान्स कोरियोग्राफर राम लामा, कोरियोग्राफर जिता लामा लगायतले बोेलेका थिए । कार्यक्रमको सञ्चालन सुनिता लामाले गरेका थिए ।

मिस तामाङ पोखरामा १२ जना तामाङ समुदायका युवतीहरु सहभागी छन् । जसमा रोज स्याङदेन लामा, कविना घिसिङ तामाङ, सोनी पाख्रिन तामाङ, माया दुम्जन तामाङ, खुसी मोक्तान तामाङ, सुप्रिया गोले तामाङ, सलिना स्याङदेन तामाङ, सोममाया मोक्तान तामाङ, एन्जेल लामा, सुमित्रा तामाङ, खुसी लामा, प्रभा तामाङ रहेका छन् ।

प्रतियोगिताको विजेताले ताज, ट्रफी, प्रमाणपत्र सहित रु १ लाख नगद तथा आकर्षक गिफ्ट ह्याम्परहरु प्राप्त गर्नेछिन । फस्ट रनरअपले ताज, ट्रफी, प्रमाणपत्र सहित नगद ५० हजार रुपैयाँ प्राप्त गर्नेछ । त्यस्तै सेकेण्ड रनरअपले ताज, ट्रफी, प्रमाणपत्र सहित नगद ३० हजार रुपैयाँ हात पार्नेछन् । भ्युवर्स च्वाइसका रुपमा एकजनाले नगद २० हजार पुरस्कार समेत प्राप्त गर्नेछन ।

आयोजकका अनुसार मिस तामाङ पोखरा–२०२६ अन्तर्गत विभिन्न चरणमा भाषा, संस्कृति, व्यक्तित्व विकास र नेतृत्वसम्बन्धी तालिम सञ्चालन गरिनेछ भने ग्रान्ड फिनाले सोनाम ल्होसारको अवसरमा यहि माघ ३ गते शनिबार हुनेछ ।

पोखरा, २९ मंसिर ।

अन्तर बिद्यालय स्तरिय खुल्ला चित्रकला प्रतियोगितामा न्यू मिलेनियम स्कुलका समृद्ध जंग गोदार प्रथम हुनु भएको छ । ड्यामसाइड क्लबको आयोजनामा आइतबार पोखराको माछापुच्छ«े प्रतिबिम्ब पार्क (ड्यामसाइड) मा सम्पन्न चित्रकला प्रतियोगितामा कक्षा १० का गोदारले उत्कृष्ट चित्र कोर्दै प्रथम स्थान हासिल गर्न सफल हुनु भएको हो ।

त्यस्तै एक्स–आर्मी स्कुल कक्षा ८ का शिसम श्रेष्ठले दोस्रो स्थान हासिल गर्नु भयो भने हार्वर्ड एकेडेमीका कक्षा १० का तेजस सुनारले तेश्रो स्थान हासिल गर्नु भयो । प्रतियोगितामा बालोदय सेकेन्डरी स्कुलकी कक्षा ८ की एनी राना र वेस्ट पोइन्ट चिल्ड्रेन एकेडेमीका कक्षा ९ का प्रिन्स रानाभाटले संयुक्त रूपमा शान्त्वना स्थान हासिल गर्नु भयो । प्रतियोगिताका प्रथम हुनेलाई ५ हजार, दोश्रो हुनेलाई ३ हजार ५ सय, तेश्रो हुनेलाई २ हजार ५ सय र शान्त्वना हुनेलाई जनही एक÷एक हजार साथमा प्रमाण—पत्र वितरण गरिएको थियो ।

बिजयी प्रतियोगिहरुलाई कार्यक्रमका प्रमुख अतिथि वरिष्ठ चित्रकार यादव चन्द्र भुर्तेल, सल्लाहकार केशवराज बराल, गोकुल सापकोटा, क्लवका महासचिव राकेश श्रेष्ठ लगायतले पुरस्कार वितरण गर्नु भएको थियो । प्रतियोगिताको प्रमुख निर्णायकमा विशेश्वर पराजुली, निर्णायक होग्रेथ भुर्तेल र अनुसुया बराल रहनु भएको थियो । क्लबले प्रतियोगिता मार्फत विद्यार्थीहरूको सिर्जनशीलता र कलात्मक क्षमतालाई प्रोत्साहन गर्ने उद्देश्यले उक्त प्रतियोगिता आयोजना गरेको क्लवका अध्यक्ष रमेश प्रसाद बरालले बताउनु भयो । कार्यक्रमको संचालन क्लवका सदस्य प्रकाश गुरुङले गर्नु भएको थियो ।

प्रतियोगितामा विभिन्न १३ बिद्यालयका करिब २० जना प्रतियोगिहरु सहभागि भएको क्लवले जनाएको छ । निर्णायक र बिद्यार्थीहरुले कोरेका चित्रहरु एक आपसमा साटसाट समेत गरिएको सचिव प्रवेन्द्र थापाले बताउनु भयो । उक्त प्रतियोगिताको लागि ग्रेस इन्टरनेश्नल प्रा.लि.ले नगद १० हजार सहयोग रुपैया सहयोग गर्दै आएको छ ।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।