निजी क्षेत्रका मागप्रति दुवै मन्त्री सकारात्मक
पोखरा,१९ कात्तिक ।

पोखरा उद्योग वाणिज्य संघका अध्यक्ष गोकर्ण कार्की नेतृत्वको प्रतिनिधिमण्डलले अर्थमन्त्री रामेश्वर खनाल र भूमि व्यवस्था,सहकारी तथा गरिबी निवारणमन्त्री अनिलकुमार सिन्हासमक्ष व्यावसायिक वातावरण निर्माण एवं अर्थतन्त्रलाई चलायमान बनाउन विभिन्न सुझावहरु पेश गरेको छ ।

अध्यक्ष कार्कीका अनुसार दुवै मन्त्रीसमक्ष जेन–जी आन्दोलनको क्रममा भौतिक र मानशिक क्षति व्यहोरेका व्यवसायीका निम्ति घोषित राहत प्याकेज तत्काल कार्यान्वयनमा ल्याउन, आन्दोलनको क्रममा आगजनी, लुटपाट र तोडफोडमा संलग्नहरुलाई कारवाहीको दायरामा ल्याउन विशेष जोड दिएको थियो ।

‘हामीले विशेष गरी आन्दोलनपछिको परिस्थिति, व्यवसायीहरुको गिरेको मनोवल,लगानी पलायनको चिन्ता,अर्थतन्त्र सुधारका उपायहरुबारे आफ्नोतर्फबाट सुझाव दियौँ,’अध्यक्ष कार्कीले भने,‘मन्त्रीज्यूहरु हाम्रो कुरामा सकारात्मक हुनुभयो र सरकार व्यावसायिक वातावरण निर्माणको दिशामा अगाडि बढेको जानकारी गराउनु भयो ।’

यस्तै प्रतिनिधिमण्डलले कोरोला नाकाको दीगो संचालनका निम्ति भौतिक पूर्वाधार निर्माण,पोखरा अन्तर्राष्ट्रिय विमानस्थलबाट अन्तर्राष्ट्रिय उडानका निम्ति सार्थक पहल,पोखरामा नयाँ औद्योगिक क्षेत्रको स्थापना तथा अहिलेको औद्योगिक क्षेत्रमा देखिएका समस्याको समाधानको विषयमा पनि ध्यानाकर्षण गराएको थियो ।

‘औद्योगिक क्षेत्र व्यवस्थापनमा भएको अति राजनीतिकरण र नियुक्तिबाट सिर्जित समस्याबारे पनि हामीले कुरा राख्यौँ,’अध्यक्ष कार्कीले भने,‘यस्तै न्यून बिजीकीकरण भन्सार छली,अवैध व्यापार भन्सार बिन्दुमै नियन्त्रणको कुरा पनि हामीले उठायौँ ।’

प्रतिनिधिमण्डलले कर्जा र चल्ती खाताको प्रावधानले कर्जा उपयोगमा परेको समस्याबारे पनि अवगत गराइएको थियो ।
 संघकी महासचिव शोभा गौतमका अनुसार सिद्धार्थ राजमार्गको स्तरोन्नति र पोखरामा सुख्खा बन्दरगाह निर्माणबारे पनि दुवै मन्त्रीको ध्यानाकर्षण गराइएको थियो । प्रतिनिधिमण्डलमा पोखराका विभिन्न व्यावसायिक संघ÷संस्थाका प्रतिनिधिहरुको सहभागिता रहेको थियो ।
 

प्रतिनिधिमण्डलमा रहेका पोखरा उद्योग वाणिज्य संघका पूर्वअध्यक्ष विश्वशंकर पालिखेले यो सरकारसँग जनताले ठूलो अपेक्षा राखेको बताउँदै सुशासन र व्यावसायिक वातावरण निर्माणका निम्ति निजी क्षेत्रले सरकारलाई सदा सहयोग गर्ने धारणा राखे ।

पोखरा, १९ कात्र्तिक ।

मिति २०८२।०५।२४ गते आन्दोलन, तोडफोड तथा आगजनीको क्रममा प्रहरी कार्यालयमा राखिएका सवारी साधन चोरी गरी चलाई रहेको भन्ने सूचनाको आधारमा वडा प्रहरी कार्यालय बैदाम कास्कीबाट खटिएको प्रहरी टोलीले जिल्ला ट्राफिक प्रहरी कार्यालय कास्कीको परिसरमा अनुसन्धान तथा कारवाहीको लागि राखिएको ईन्जिन नम्बर MC20AEKGK00393, चेसिस नम्बर MBLLDU0L0KCK00274 भएको ग १६ प १४५५ नम्बरको कालो रंगको X PLUS 200 मो.सा. चोरी गरी चलाई रहेको अवस्थामाजिल्ला कास्की पोखरा महानगरपालिका वडा नं. १७ दोविल्ला बस्ने वर्ष २४ को सुवास तामाङलाई मो.सा. सहित नियन्त्रणमा लिई थप अनुसन्धान प्रकृया अगाडी बढाईएको ।

पोखरा, १९ कात्र्तिक ।

विभिन्न मिति र स्थानबाट चोरी भएका मोटरसाईकल तथा स्कुटरहरु खोजतलास तथा अनुसन्धान गर्ने क्रममा यस जिल्ला प्रहरी कार्यालय कास्की मातहत ईलाका प्रहरी कार्यालय शिशुवा कास्कीबाट खटिएको प्रहरी टोलिले चोरी भएका ग ९ प ८७६१ नं.को स्कुटर र ग १५ प ५२३७ नं.को स्कुटर सहित चोरीमा संलग्न निम्न ४ जना अभियुक्तहरु र वडा प्रहरी कार्यालय रामबजार कास्कीबाट खटिई गएको प्रहरी टोलिले ग ४ प ७६८४ नं.को चोरी भएको स्कुटर सहित १ जना मानिसलाई नियन्त्रणमा लिई थप अनुसन्धान कार्य
अगाडी बढाइएको ।

निम्न :-

1. जिल्ला कास्की पोखरा महानगरपालिका वडा नं. ३३ बस्ने वर्ष २१ को शेर बहादुर पुन
मगर,
2. जिल्ला कास्की पोखरा म.न.पा. वडा नं. ५ बस्ने वर्ष २५ को अजय नेपाली,
3. जिल्ला कास्की पोखरा म.न.पा. वडा नं.१० बस्ने वर्ष २१ को सुशिल गुरुङ,
4. जिल्ला कास्की पोखरा म.न.पा वडा नं.११ बस्ने वर्ष २० को सुदिप परियार,
5. जिल्ला कास्की पोखरा म.न.पा. वडा नं. १३ काँहुँखोला बस्ने वर्ष २७ को रोशन
परियार

पोखरा, १८ कात्र्तिक ।

पोखरा न्युरोडका ब्यवसायीहरुले एकतर्फी पार्किङका कारण व्यवसायीहरु पलायन हुने क्रम बढेको भन्दै सम्बन्धित निकायको ध्यानाकर्षण गराएका छन । पोखरा सभागृह देखि बिपी चोक सम्म पश्चिम साइडका झण्डै २ सय व्यवसायीहरुले न्युरोडमा एकतर्फी पार्किङका कारण व्यवसाय सञ्चालनमा अफठेरो परेका कारण पलायन हुने क्रम बढेको भन्दै जिल्ला प्रशासन कार्यालय कास्की, जिल्ला ट्राफिक प्रहरी कार्यालय कास्की, पोखरा महानगरपालिका वडा नं ८ र ९ का कार्यालयमा पुगी ध्यानाकर्षण सहित ज्ञापन पत्र बुझाएका छन ।

न्युरोड व्यवसायी समितिका संयोजक प्रदिप राज भण्डारीले पोखराको न्युरोडमा एकतर्फी पार्किङका कारण व्यवसाय पलायन हुने, सटर खाली हुने, सटर खाली रहने अवस्था आइपरेको बताए ।

भुकम्प, नाकाबन्दी, कोरोना महामारी पश्चातको आर्थिक मन्दीको चपेटामा परेका न्युरोडका व्यवसायीहरु एकतफी पार्किङका कारण धेरै व्यवसायीहरु पलायन हुने अवस्थामा पुगेको र त्यसलाई रोक्नका लागि सभागृह देखि बिपि चोक सम्म पश्चिम तर्फका घरबेटी र व्यवसायीको भेलाले दुवै साइड पार्किङका लागि सहज बातावरण बनाइदिन कास्कीका प्रमुख जिल्ला अधिकारी रुद्रादेवी शर्मा, जिल्ला ट्राफिक प्रहरी कार्यालय कास्कीका प्रमुख सुजित कुमार देवकोटा, पोखरा महानगरपालिका वडा नं ८ का अध्यक्ष रुद्रनाथ बराल र पोखरा महानगरपालिका वडा नं ९ का अध्यक्ष दिपेन्द्र मर्सानीलाई ज्ञापन पत्र बुझाएका हुन ।

व्यवसायीहरुले पोखरा महानगरका प्रमुख धनराज आचार्यलाई समेत ज्ञापनपत्र बुझाउने कार्यक्रम रहेको न्युरोड व्यवसायी समितिका संयोजक प्रदिप राज भण्डारीले जानकारी दिए ।

पोखरा, १८ कात्र्तिक ।

पोखरा महानगरपालिका वडा नं. १७, छोरेपाटनमा रहेको अनमोल वचत तथा ऋण सहकारी संस्थाको १५ औं स्थापनाको दिवसको अवसरमा सोमबार रक्तदान कार्यक्रम गरिएको छ ।

रक्तदान कार्यक्रममा २८ युनिट रगत संकलन भएको संस्थाका सचिव एकनारायण भण्डारीले वताए ।

सो अवसरमा पहिलो रक्तदातालाई कार्यक्रमका प्रमुख अतिथि नेपाल रेडक्रस सोसाईटी छोरेपाटन उपशाखाकाका सभापति हरि श्रेष्ठले व्लड व्याग हस्तान्तरण गरी कार्यक्रमको उद्घाटन गरिएको थियो ।

नेपाल रेडक्रस सोसाईटी कास्की जिल्ला शाखाको समन्वयमा भएको उक्त कार्यक्रममा प्रमुख अतिथि नेपाल रेडक्रस सोसाईटी छोरेपाटन उपशाखाकाका सभापति हरि श्रेष्ठ, अनमोल वचत तथा ऋण सहकारी संस्थाका अध्यक्ष खेमराज बराल, सचिव एक नारायण भण्डारी लगाएतले वोलेका थिए ।

पोखरा, १८ कात्तिक ।

नेपाल परिवार नियोजन संघ कास्की शाखाले मंगलबार पोखरा महानगरपालिका वडा नं १ स्थित राष्ट्रिय माविमा यौन तथा प्रजनन् स्वास्थ्य सचेतना अभियान संचालन गरेको छ ।

संघले किशोर किशोरी तथा युवालाई लक्षित गरी विद्यालय र कलेजमा अभियान संचालन गर्ने योजना अनुसार राष्ट्रिय माविमा कार्यक्रम गरिएको सभापति नवीन सिग्देलले जानकारी दिनुभयो ।

कार्यक्रमको उद्घाटन गर्दै पोखरा महानगरपालिका वडा नं १ का वडा सदस्य रामजी प्रसाद पौडेलले स्थानीय सरकारले ध्यान दिन नसकेको कार्यक्रममा संघले गरेको योगदान महत्वपूर्ण भएको बताउनुभयो ।

राष्ट्रिय माविका प्रधानाध्यापक इश्वरी प्रसाद सापकोटाले किशोर किशोरी तथा युवाका लागि अत्यन्त उपयोगी कार्यक्रम विद्यालयमा आएकोमा खुशी व्यक्त गर्नुभयो ।

कार्यक्रममा नेपाल परिवार नियोजन संघ कास्कीका कोषाध्यक्ष विष्णु प्रसाद दाहाल, बरिष्ठ शाखा प्रवन्धक नब राज तिवारी र कर्मचारी सुरज चौधरीले सहजिकरण गर्नुभएको थियो ।

नेपाल परिवार नियोजन संघ कास्कीका सभापति नवीन सिग्देललको अध्यक्षतामा भएको कार्यक्रम बरिष्ठ शाखा प्रवन्धक नब राज तिवारीले संचालन गर्नुभएको थियो ।

पोखरा, १८ कात्र्तिक ।

मिति २०८२।०७।१७ गते अन्दाजी २०:०० बजेको समयमा पोखरा तर्फ आउँदै गरेको हाईसमा लागू औषधको ओसार पसार भई रहेको भन्ने सूचनाको आधारमा जिल्ला प्रहरी कार्यालय कास्की र लागू औषध नियन्त्रण व्यूरो शाखा कार्यालय पोखराबाट खटिएको प्रहरी टोलिले जिल्ला कास्की पोखरा महानगरपालिका वडा नं.९ पृथ्वीचोक स्थितमा पोखरा तर्फ
आउँदै गरेको ग १ ख ४४९९ नम्बरको हाईसलाई रोकी चेकजाँच गर्दा उक्त हाईसमा सवार जिल्ला कास्की पोखरा महानगरपालिका वडा नं. ३२ बस्ने वर्ष ३७ को बिनोद ढकाल र जिल्ला मकवानपुर हेटौडा उ.म.न.पा. वडा नं. १२ सिक्रेनी बस्ने वर्ष ३८ को बिकाश लामालाई खानतलासी गर्दा निजहरुको साथबाट लागू औषध खैरो हिरोईन (ब्राउनसुगर)
जस्तो देखिने पदार्थ ३.८९ ग्राम बरामद भएकोले निजहरूलाई नियन्त्रणमा लिई सम्मानितकास्की जिल्ला अदालतबाट लागू औषध सम्बन्धी मुद्दामा दिन पन्ध्र (१५) म्याद थप गरी अनुसन्धान प्रकृया अगाडी बढाईएको ।

काठमाण्डौँ, १७ कात्र्तिक ।

तेलंगानाको रंगारेड्डीमा बस र ट्रकबीचको ठोक्किँदा १९ जनाको मृत्यु भएको छ। साइबराबाद कमिश्नरेटका एक प्रहरी अधिकारीले बीबीसीलाई मृत्युको पुष्टि गरेका छन्।

सोमबार बिहान रंगारेड्डीको चेभेला प्रहरी चौकीको खानापुर गेट नजिकै दुर्घटना भएको हो। समाचार एजेन्सी एएनआईका अनुसार तेलंगाना सरकारद्वारा सञ्चालित टीजीएसआरटीसी बस ट्रकसँग ठोक्किएको छ।

तेलंगानाका मुख्यमन्त्री कार्यालयले सामाजिक सञ्जाल पोस्टमा मुख्यमन्त्री रेवन्त रेड्डीले सडक दुर्घटनाप्रति दुःख व्यक्त गरेको बताएको छ।

तेलंगानाका सीएमओका अनुसार उनले आवश्यक राहत कार्य सुरु गर्न अधिकारीहरूलाई निर्देशन दिएका छन्।

प्रधानमन्त्री नरेन्द्र मोदीले पनि यस घटनाप्रति दुःख व्यक्त गर्दै क्षतिपूर्तिको घोषणा गरेका छन्।

प्रधानमन्त्री कार्यालयले मृतकका परिवारलाई रु २००,००० र घाइतेहरूलाई रु ५०,००० दिइने बताएको छ। यो रकम प्रधानमन्त्री राष्ट्रिय राहत कोषबाट प्रदान गरिनेछ।

पोखरा, १७ कात्तिक ।

श्री लक्ष्मीनारायण मन्दिर, नारायणस्थानका पीठाधीश्वर अनन्त श्री विभूषित श्रीमज्जगद्गुरु श्री रामानन्दाचार्य स्वामी श्री रामकृष्णाचार्य महायोगी सिद्धबाबा सद्गुरुदेवको सत्संकल्पमा मिति २०८२ असार २२ गते हरिशयनी एकादशीदेखि प्रारम्भ भई कार्तिक १५ गते हरिवोधनी एकादशीसम्म चलेको चतुर्मास व्रत अनुष्ठान तथा हिमालयन सिद्धमहायोग ध्यान साधना कार्यक्रम अति दिव्य र भव्य रूपमा सम्पन्न भएको छ।

चार महिनासम्म निरन्तर रूपमा सञ्चालित यस आध्यात्मिक साधना एवं व्रत अनुष्ठानको समापन समारोहमा रामार्चन पूजा र अन्नकूट महोत्सव विशेष आकर्षण बनेका थिए। उक्त महोत्सवमा भगवानलाई ५६ भोग लगाइएको थियो भने अन्नको पर्वत निर्माण गरी पूजा पश्चात प्रसादको रुपमा बाँडिएको थियो । कार्यक्रमका क्रममा भक्तजनहरूले गहिरो भाव, भक्ति र श्रद्धासहित सहभागी भई यज्ञमण्डपमा वैदिक मन्त्रोच्चारणसहित पुष्पाअर्चन गरी यज्ञको दिव्य महिमा श्रवण तथा प्रसाद ग्रहण गरेका थिए।

महायोगी सिद्धबाबा सद्गुरुदेवको कृपा र सद्संकल्पमा सम्पन्न यस चतुर्मास व्रत अनुष्ठानले असंख्य भक्तजनहरूमा आध्यात्मिक चेतना, भक्ति भावना र सदाचारप्रति निष्ठा जागरण गराएको आयोजक समितिले जनाएको छ।

कार्यक्रममा सहभागी भक्तजनहरूले गुरु कृपाको अद्भुत अनुभूति गर्दै यो अवसरलाई जीवनका दुर्लभ आध्यात्मिक क्षणका रूपमा स्मरणीय बनाएको उल्लेख गरेका छन्।

दुःख बिर्साउने र खल्बलिएको व्यावसायिक वातावरणलाई लयमा फर्काउने उद्देश्य ः अध्यक्ष कार्की
पोखरा, १७ कात्तिक ।

पोखरा उद्योग वाणिज्य संघले यही आउँदो मंसिर १७ देखि २१ गतेसम्मको लागि घोषित ‘३४ औं राष्ट्रिय औद्योगिक व्यापार मेला–२०८२,पोखरा एवं १३ औं क्यान इन्फोटेक २०८२ को तयारी सुरु गरेको छ । 

संघका अध्यक्ष तथा मेला कार्यसम्पादन समितिका संयोजक गोकर्ण कार्कीका अनुसार पोखरा ९,प्रदर्शनी केन्द्रमा मेला आयोजना गरिने छ । संघले मेलालाई विशुद्ध स्वदेशी उत्पादन तथा सेवाहरूको बजार पहिचान, प्रवद्र्धन तथा प्रचार–प्रसार,पोखराको पर्यटन र व्यापार प्रवद्र्धन, उत्पादक र उपभोक्ताबीच प्रत्यक्ष सम्बन्ध स्थापना,पोखरालगायत सम्पूर्ण राष्ट्रको औद्योगिक, कृषिजन्य उत्पादन, हस्तकलाका उत्पादन, सूचना प्रविधि, शिक्षा, स्वास्थ्य, पर्यटनलगायत कृषिजन्य उत्पादनहरुलाई प्रवद्र्धन तथा बजारीकरणमा सघाउ पु¥याउने उद्देश्यमा समर्पित गरिएको अध्यक्ष कार्कीको भनाइ छ ।

अध्यक्ष कार्कीले यो पटकको मेला गएको भदौ २३ र २४ गते भएको जेनजी आन्दोलन र त्यही उपक्रममा भएको ध्वंशात्मक गतिविधिले पीडित निजी क्षेत्रलाई थोरै भए पनि ढाडस दिन,उद्योग÷व्यवसायलाई पुनः लयमा फर्काउन एवं आम नगारिकको दुःख बिर्साउने उद्देश्यमा समर्पित रहेको बताए ।

‘जेन–जीको पवित्र आन्दोलनमा अवान्छित तत्वबाट निजी क्षेत्रमाथि भएको आक्रमणले खस्किएको निजी क्षेत्रको मनोवल उकास्न तथा क्षतिपूर्तिका लागि सरकारबाट भएका प्रयत्नले उत्साह जगाएको छ । नीतिगत निर्णय गर्ने काम सरकारकै हो तर हामी हात बाँधेर बस्न सक्दैनौँ,’उनले भने,‘आम नागरिकको दुःख भुलाउन,उद्योग÷व्यवसायलाई लयवद्ध तुल्याउन केही त गर्नैपर्छ । यही भावनाले अभिप्रेरित हुँदै तथा सशस्त्र द्वन्द्वकालको परिस्थिति सम्झँदै पोखरा उद्योग वाणिज्य संघले आउँदो मंसिर १७ देखि २२ गतेसम्मको लागि मेला तय गरेको हो ।

उनले यो मेला दुःख बिर्साउन, निजी क्षेत्रको एकता र शक्ति प्रदर्शन गर्न एवं ध्वंशात्मक गतिविधिलाई सदाको लागि निषेधको आह्वान गर्ने यज्ञ हुने जिकिर पनि गरे । ‘ध्वंश भएको छ तर हामी उठ्ने सामथ्र्य राख्छौँ र कर्मबाट च्यूत हुँदैनौँ भन्ने सन्देश प्रवाह गर्र्नु पनि हाम्रो यो मेलाको पुनितः उद्देश्य रहने छ,’उनले थपे ।

मेलाका प्रायोजक व्यवस्थापन उपसमिति संयोजक तथा संघका उद्योगतर्फका उपाध्यक्ष दीनेशचन्द्र बास्तोलाले मेला सफल बनाउन उद्योग÷प्रतिष्ठानहरुबाट सहयोगको प्रतिवद्धता आउन थालेको बताए । उनका अनुसार पोखरा महानगरपालिकाको संरक्षकत्वका आयोजना हुने मेलाले व्यवसाय प्रवद्र्धनको अवसरसमेत सिर्जना गर्ने भएकाले सहयोगीहरुले सहकार्यको हात अगाडि बढाएका हुन् ।

संघकी महासचिव शोभा गौतमका अनुसार ३४ औं संकरणको मेलामार्फत् उद्योग व्यवसाय क्षेत्रको समुचित विकासका साथै स्वदेशी उत्पादनहरुको निर्यात प्रवद्र्धन एवं आन्तरिक बजार सुदृढीकरण र आयात प्रतिस्थापन गरी समग्र गण्डकी प्रदेशको उद्योग व्यवसायको प्रवद्र्धन र उद्यमशिलता विकासको लक्ष्य पनि लिइएको छ । मेलालाई मनोरञ्जनात्मकभन्दा पनि उद्यमशिलता विकासको थलो बनाउनकै लागि यसपटक समयावधि घटाएर ५ दिनको बनाइएको उनको भनाइ छ ।