२०८३ मंसिर १ सोमबार
२०८३ मंसिर १ सोमबार

पोखरा, ०५ र्काित्र्तक ।

कास्की जिल्लाको विभिन्न स्थानहरुमा जुवातास खेलिरहेको भन्ने सूचनाको आधारमा मिति २०८२।०७।०४ गते अं.१६:३० बजेको समयमा वडा प्रहरी कार्यालय बगर कास्कीबाट खटिएको प्रहरी टोलिले जिल्ला कास्की पोखरा महानगरपालिका वडा नं.१६ माथिल्लो दिप स्थितमा जुवातास खेलिरहेका ७ जना मानिसहरुलाई ४ बुक तास र नगद रु.२,९५,६७५।– (दुई लाख पन्चानब्बे हजार छ सय पचहत्तर रुपैया) सहित नियन्त्रणमा लिई थप अनुसन्धान प्रकृया अगाडी बढाईएको । हालसम्म जम्मा २७ जना मानिसहरुलाई नगद रु.८,९७,७८०।- सहित पक्राउ गरिएको ।

पोखरा, ०५ र्काित्र्तक ।

कास्की जिल्लाको विभिन्न स्थानहरुमा पटकाहरु पड्काई रहेको भन्ने जनगुनासोको आधारमा जिल्ला प्रहरी कार्यालय कास्की र मातहतबाट खटिएको प्रहरी टोलिले विभिन्न स्थानबाट बरामद गरिएको निम्नानुसारको पटकाहरु खाल्डो खनी पानिले नष्ट गरी पुरिएको ।

निम्न :-

नेपाल संवतले नेपालीलाई एकतावद्ध रहन प्रेरणा दिउन्ः प्रदेश प्रमुख भट्ट

पोखरा, ०५ कात्र्तिक ।

गण्डकी प्रदेशका प्रमुख डिल्लीराज भट्टले नेपाल संवतले नेपालीलाई एकतावद्ध हुन प्रेरणा प्रदान गर्ने बताउनुभएको छ ।

नेपाल संवत् ११४६ को अवसरमा एक शुभकामना सन्देश जारी गर्दै प्रदेश प्रमुख भट्टले यस चाडले हामी सबैको एकतालाई मजबुत बनाओस् भनी कामना गर्नुभएको हो ।
 
प्रदेश प्रमुख भट्टको सन्देशमा नेपाल संवत् मौलिक संवत् भएको, नेपालबाट प्रचलनमा ल्याइएको र परोपकारका कामबाट सुरु गरिएको उल्लेख गरिएको छ । उहाँले सन्देशमा भन्नुभएको छ–  “नेपाल  संवतले  हामीलाई परोपकार तर्फ प्रेरित गरोस्, उज्यालो तर्फ जान प्रेरित गरोस् र यस चाडले हामी सबैको एकतालाई मजबुत बनाओस् । ”
 
नेपाल संवत्का प्रवर्तक शंखधर शाख्वाको स्मरण गर्दै प्रदेश प्रमुख भट्टले शाख्वाको योगदानको कदर गर्दै राष्ट्रिय विभूती घोषणा गरिएको उल्लेख गर्नुभएको छ । उहाँले भन्नुभएको छः ‘नेपाल  संवतको  प्रचलन र गरिवी उन्मूलनको अभियान थालनी गरेबाट समाजमा शान्ति स्थापना, नेपाली जनताको स्वतन्त्रता र स्वाभिमान बढाउन गरेको ऐतिहासिक योगदानले राष्ट्रको गौरव बढाएकोमा उहाँलाई राष्ट्रिय विभूति पदले सम्मानित गरिएको हो ।’
शंखधर शाख्वाले गरिबहरुको ऋण मोचन गरिदिएको खुशियालीमा यो संवत् सुरु गरेको स्मरण गर्दै प्रदेश प्रमुख भट्टले भन्नुभएको छ “शाख्वाले ऋणमा डुबेका नेपाली जनतालाई ऋण र दासत्वबाट मुक्त गराई स्वाभिमान र स्वतन्त्रतापूर्वक बाँच्ने अवस्था सिर्जना गर्नुभयो । त्यसै अभिप्रायलाई पछ्याउँदै हामीलाई विपन्ता विरुद्ध, गरिबी विरुद्धको लड्न नेपाल  संवतको  नयाँ बर्षले मद्दत पुर्‍याओस ।”
 
सन्देशमा उल्लेख छ “हामी कहाँ भएको असमानताको खाडल पुर्न र एकतालाई मजबुत पार्न मद्दत पुर्‍याओस् ।”

 
 

काठमाडौं, ५ कात्तिक ।

नेपाल सम्वत् ११४६ आजदेखि सुरु भएको छ । यस सम्वतलाई नेवार समुदायले नयाँ वर्षका रुपमा मनाउने गरेका छन् । 

सो अवसरमा देशभर विविध कार्यक्रम आयोजना गरी मनाइँदैछ ।

राष्ट्रिय विभूति शंखधर साःख्वाले विसं ९३७ (इ सं ८८०) मा गरिब जनताको ऋणमोचन गरी नेपाल सम्वत्को सुरुवात् गराएका थिए ।

नेपाल सम्वत्ले पृथ्वीनारायण शाहको शासनकालसम्म राष्ट्रिय सम्वत्को मान्यता पाएको जानकारहरु बताउछन ।

विसं २००७ सालमा प्रजातन्त्रको स्थापना भएपछि नै नेपाल सम्वत्लाई राष्ट्रिय मान्यताका लागि अभियान चलाइएको थियो । भने नेपाल सम्वत्लाई नयाँ वर्षका रुपमा काठमाडौँ, ललितपुर, भक्तपुर, बनेपा, धुलिखेल, बाह्रबिसे, दोलखा भीमेश्वरलगायत क्षेत्रमा बसोबास गर्ने नेवार समुदायले विशेषरुपमा मनाउने गरिन्छ ।

पोखरा, ०४ कात्र्तिक ।

कास्की जिल्लाको विभिन्न स्थानहरुमा जुवातास खेलिरहेको भन्ने सूचनाको आधारमा मिति २०८२।०७।०१ गतेदेखि जिल्ला प्रहरी कार्यालय कास्की तथा मातहत समेतबाट खटिएको प्रहरी टोलीले निम्न मिति, समय र स्थानबाट जुवातास खेलिरहेको अवस्थामा खेलाउने समेत गरी २० जना मानिसहरु नगद रकम, तास तथा अन्य जुवा जन्य सामग्री सहित पक्राउ गरी अनुसन्धान तथा कारवाही प्रकृया अगाडी बढाईएको ।

निम्न :-

तिहारले नेपालीबीच आपसी सद्भाव, सहिष्णुता र भ्रातृत्व भावना अभिवृद्धि गर्न उत्प्रेरित गरोस्ः प्रदेश प्रमुख भट्ट
पोखरा, ०४ कात्र्तिक ।

गण्डकी प्रदेशका प्रदेश प्रमुख डिल्लीराज भट्टले नेपालीहरूको दोस्रो महान पर्व तिहार, २०८२ को अवसरमा सम्पूर्ण नेपालीमा शुभकामना व्यक्त गर्नुभएको छ ।

प्रदेश प्रमुख भट्टले तिहार पर्वले सबैमा नयाँ उत्साह, जोश तथा जाँगर थप्दै नेपालीहरूबीच आपसी सद्भाव, सहिष्णुता र भ्रातृत्व भावना अझ अभिवृद्धि गर्न उत्प्रेरित गरोस् भन्ने शुभेच्छा व्यक्त गर्नुभएको छ ।

‘दीपावलीको माध्यमबाट प्रकट हुने उज्यालो प्रकाशले हामी सबैलाई सत्य र न्यायको मार्गमा अग्रसर रहन पथ प्रदर्शन गर्न सकोस् भन्ने कामना गर्दछु ।’ उहाँले भन्नुभएको छ ।

शुभकामना सन्देशमा उल्लेख छ – ‘तिहारको अन्तिम दिन मनाइने भाइटीका पर्वले दाजुभाइ र दिदीबहिनीबीचको आपसी स्नेह र प्रेमलाई थप प्रगाढ बनाउन मद्दत गरिरहेको छ । तिहार पर्वको अभिन्न अंगको रूपमा रहेको देउसीभैलो खेल्ने साँस्कृतिक परम्पराले आपसी मेलमिलाप, भ्रातृत्व, सामाजिक सद्भाव र सहिष्णुता अझ सुदृढ बन्नेछ ।’

काठमाडौं, ४ कात्तिक।

नेपाल विद्युत प्राधिकरणले तिहारको सार्वजनिक बिदाको दिन पनि उद्योगहरुले बक्यौता रकम तिर्न सक्ने जनाएको छ ।

प्राधिकरणका कार्यकारी निर्देशक मनोज सिलवालले तिहारको सार्वजनिक बिदामा पनि उद्योगको बक्यौता रकम तिर्न सक्ने गरी काउन्टरको व्यवस्था गरिएको जानकारी दिए ।

किस्ताको सुविधा लिएर पहिलो किस्ता तिरेमा जुनसकै समयमा काटिएको लाइन जोडिने उनले बताए ।

विद्युत् प्राधिकरणले दीपावली सकिएलगत्तै बिजुलीको लाइन काट्न सुरु गरिसकेको छ । डेडिकेटेड तथा ट्रंक लाइन विवाद कायमै रहेका बेला प्राधिकरणले आज बिहानै चार कम्पनीको बिजुलीको लाइन काटेको छ ।

प्राधिकरणका अनुसार घोराही सिमेन्ट (दाङ), अर्घाखाँची सिमेन्ट (लुम्बिनी), त्रिवेणी स्पिनिङ (परवानीपुर) र जगदम्बा स्टील (अमलेखगञ्ज)को बिजुलीको लाइन काटिएको हो ।

पोखरा, २ कात्तिक ।

सहारा क्लब पोखराले यस वर्ष च्यारिटी डिनर नाइट कार्यक्रम गर्ने भएको छ । क्लबद्वारा पोखरा–१७, दोबिल्लामा संचालित सूर्यबहादुर केसी स्मृति सहारा आवासीय फुटबल एकेडेमी सहयोगार्थ उक्त कार्यक्रम गर्न लागिएको क्लब अध्यक्ष केशवबहादुर थापाले जानकारी दिए ।

तिहारमा हरेक वर्ष आयोजित हुँदै आएको देउसी भैलो कार्यक्रम यसपालि स्थगित गरी च्यारिटी डिनर नाइट कार्यक्रम गर्न लागिएको उनले प्रस्ट पारे । कार्यक्रम कात्तिक १४ गते शुक्रबार पोखरा माटेपानीस्थित एस.आर.केसी ब्याङ्क्युटमा हुनेछ । जसमा स्थानीय कलाकारहरुले गायनका साथै हिमाली सांस्कृतिक परिवारले नृत्य प्रस्तुत गर्नेछ ।

एकेडेमी सहयोगार्थ भएकाले कार्यक्रममा सहभागी हुन चाहनेले जनही २५ सय बुझाउनुपर्नेछ । त्यसवापत् खाना, खाना तथा विभिन्न सांस्कृतिक कार्यक्रम अवलोकन गर्न पाइनेछ । कार्यक्रमबाट बचत हुन आएको रकम एकेडेमीमा खर्चिने क्लब अध्यक्ष थापाले बताए ।

सहारा एकेडेमीका हाल चौथो ब्याचमा १४ जिल्लाका कठिन परिस्थिति तथा विपन्न वर्गका ३० जना बालकहरु आश्रित छन् । उनीहरुलाई क्लबले निःशुल्क आवासीय सुविधासहित शिक्षादीक्षा तथा फुटबल प्रशिक्षण दिँदैआएको छ ।

पोखरा, ०२ कात्र्तिक ।

धारिलो हतियार देखाई विदेशी नागरिकलाई अभद्र व्यवहार गर्ने दुई जना युवालाई प्रहरीले पक्राउ गरेको छ । आइतबार बिहान करिब ९ः१० बजे पोखरा महानगरपालिका–२२, अनदु जंगल नजिक सार्वजनिक स्थानमा जर्मनी नागरिक ६७ वर्षीय एएनएस पिटर मार्टिनमाथि खुकुरी देखाउदै हातपात सहित दुव्यवहार गरेको आरोपमा दुई जना युवालाई पक्राउ गरिएको कास्की प्रहरीले पोखराक्लिकलाई जनाएको छ ।

पक्राउ परेकामध्ये कास्की माछापुच्छ्रे गाउँपालिका–८ का २४ वर्षीय नविन बिक र तनहुँ व्यास नगरपालिका–५ का २१ वर्षीय विशाल दर्लामी रहेका छन्। उनीहरूविरुद्ध सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर अन्तर्गत अभद्र व्यवहार मुद्दामा जिल्ला प्रशासन कार्यालय कास्कीबाट १० दिनको म्याद थप गरी अनुसन्धान अगाडि बढाइएको प्रहरीले जनाएको छ । मार्टिन एक्लै हिँडिरहेका बेला दुई युवाले खुकुरी देखाउँदै हातपात सहित दुव्यवहार गरेको जिल्ला प्रहरी कार्यालय कास्कीका सूचना अधिकारी हरिबहादुर बस्नेतले बताए । मार्टिनले उनीहरु बिरुद्ध प्रतीकार गरी भाग्न सफल भई प्रहरीलाई खबर गरे पश्चात वडा प्रहरी कार्यालय बैदामबाट खटिएको टोलीले ती युवकहरूलाई धारिलो हतियार सहित नियन्त्रणमा लिएको बस्नेले जनाए ।

प्रहरीले आम नागरिक सहित पर्यटकको सुरक्षालाई प्राथमिकतामा राख्दै पर्यटक वा सर्वसाधारणमाथि डर, धम्की, लुटपाट वा जबरजस्ती व्यवहार देखिए तुरुन्त प्रहरीलाई जानकारी गराउन सबैलाई आग्रह गरेको छ ।

उमा आलेमगर
पोखरा, ०२ कात्र्तिक ।
 
नेपाल विविधता र संस्कृतिले भरिएको देश हो। यहाँका पर्वहरूले केवल धार्मिक श्रद्धा मात्र होइन, सामाजिक एकता, पारिवारिक स्नेह र मानवीय भावनाको पनि अभिव्यक्ति गर्छन्। तीमध्ये तिहार सबैभन्दा मनमोहक, रमाइलो र अर्थपूर्ण पर्व हो। यो पर्वलाई दीपावली, यमपञ्चक वा स्वन्ती पनि भनिन्छ। हिन्दु पात्रोअनुसार कार्तिक महिनाको कृष्ण पक्षबाट सुरु हुने यो पर्व पाँच दिनसम्म मनाइन्छ।
 
तिहारको विशेषता के हो भने यसले मानव र जनावरबीचको सम्बन्ध, दिदीबहिनी र दाजुभाइबीचको स्नेह, र देवी लक्ष्मीप्रतिको श्रद्धा — यी सबैलाई एकैसाथ जोड्छ। तिहार उज्यालोको माध्यमबाट अन्धकारमाथि प्रकाशको विजयको प्रतीक हो।
 
🌼 पहिलो दिन : काग तिहार — सन्देशवाहकको सम्मान
 
तिहारको पहिलो दिनलाई काग तिहार भनिन्छ। कागलाई सन्देशवाहकको प्रतीक मानिन्छ। प्राचीन कथनअनुसार काग मृत्यु र समाचारको दूत हो, त्यसैले यस दिन कागलाई भोजन चढाइन्छ, माला लगाइन्छ, र घरको छानामा अन्न राखिन्छ। यसरी कागलाई सम्मान गरेर हामी जीवनका सन्देश र चेतनाप्रतिको सम्मान गर्छौं।
 
🐶 दोस्रो दिन : कुकुर तिहार — निष्ठा र सुरक्षाको प्रतीक
 
दोस्रो दिन कुकुर तिहार मनाइन्छ। कुकुर मानवको सबैभन्दा नजिकको र विश्वासिलो साथी हो। यस दिन कुकुरलाई टीका, माला र स्वादिष्ट भोजन दिइन्छ। यो दिवसले हामीलाई स्मरण गराउँछ कि प्राणीहरू पनि हाम्रो संसारका हिस्सा हुन्, र उनीहरूलाई माया र कदर गर्नुपर्छ। नेपाली सेनाको तालिमप्राप्त कुकुरहरूलाई पनि विशेष सम्मानका साथ पूजा गरिन्छ।
 
💰 तेस्रो दिन : लक्ष्मी पूजा — धन र समृद्धिको आराधना
 
तिहारको तेस्रो दिन सबैभन्दा झिलिमिली र रमाइलो मानिन्छ — लक्ष्मी पूजा। यो दिन घरघरमा सरसफाइ गरिन्छ, घरको ढोका, झ्याल र आँगनमा रङ्गोली बनाइन्छ, र दियो–बत्तीले घर झलमल पारिन्छ। देवी लक्ष्मीलाई घरभित्र स्वागत गर्न “आओ लक्ष्मी आओ” भन्दै प्रवेशद्वारमा तेलका दियोहरू बालिन्छ।
 
यस दिनको साँझ बजारहरू उज्यालोले सजिन्छन्, बालबालिकाले देउसी खेल्छन् र युवाहरूले देउसी–भैलो गाएर हर्षोल्लास प्रकट गर्छन्। आर्थिक दृष्टिले पनि यो दिन महत्वपूर्ण हुन्छ, किनकि व्यापारीहरू आफ्नो लेखापोत्रको नयाँ सुरुवात गर्छन्। लक्ष्मी पूजाले केवल धनको मात्र होइन, परिश्रम र श्रमको पनि सम्मान गर्छ।
 
🐄 चौथो दिन : गो पूजा, गोरू पूजा र म्ह पूजा
 
चौथो दिन विभिन्न समुदायमा फरक–फरक रूपमा मनाइन्छ। हिन्दु परिवारमा यो दिन गाई पूजा वा गो पूजाको रूपमा मनाइन्छ। गाईलाई आमा समान मानिन्छ — किनभने उसले दूध दिन्छ, कृषिमा उपयोगी हुन्छ र धार्मिक दृष्टिले पनि पवित्र प्राणी हो। त्यसैले यस दिन गाईलाई माला लगाइन्छ, टीका लगाइन्छ र मीठा परिकार खान दिइन्छ।
 
कृषक समुदायमा यो दिन गोरू पूजाको रूपमा मनाइन्छ। खेत जोत्न सहयोग गर्ने गोरूलाई सम्मान गर्न यो चलन बनेको हो। यसले श्रम र कृषिप्रतिको आदरको भावना व्यक्त गर्छ।
 
नेवार समुदायमा भने यो दिनलाई म्ह पूजा भनिन्छ, जसको अर्थ ‘आत्माको पूजा’ हो। यस अवसरमा मानिसले आफ्नै शरीर र आत्माको आराधना गर्छन्, र आफ्नै अस्तित्वप्रति कृतज्ञता व्यक्त गर्छन्। यो दिन आत्म–पहिचान र आत्म–समर्पणको प्रतीक मानिन्छ।
 
👩‍❤️‍👨 पाँचौँ दिन : भाइटीका — दाजुभाइ र दिदीबहिनीको स्नेहको पर्व
 
तिहारको अन्तिम दिन सबैभन्दा भावनात्मक र प्रतीकात्मक दिन हो — भाइटीका। यो दिन दिदीबहिनीहरूले आफ्ना दाजुभाइको दीर्घायु र सुख–समृद्धिका लागि पूजा गर्छन्। दाजुभाइको निधारमा सप्तरङ्गी टीका लगाइन्छ, माला र फूलले सजाइन्छ, र मिठा परिकार खान दिइन्छ।
 
कथनअनुसार, यमराजले आफ्नी बहिनी यमुनाको घरमा गएर टीका लगाएको दिनबाट नै भाइटीकाको चलन सुरु भएको हो। त्यसैले यसलाई यम द्वितीया पनि भनिन्छ। यो दिन दाजुभाइले दिदीबहिनीलाई उपहार दिन्छन् र पारिवारिक स्नेह अझ गहिरो बनाउँछन्।
 
🎶 देउसी–भैलो र सांस्कृतिक एकता
 
तिहारको अर्को सुन्दर पक्ष भनेको देउसी र भैलो खेल्ने परम्परा हो। गाउँ–शहरका बालबालिका, युवायुवती समूह बनाएर घर–घरमा गएर देउसी–भैलो गाउँछन्, नाच्छन् र मनोरञ्जन गर्छन्। “भैलो भैलो रानीको भेलो” र “देउसी रे” जस्ता गीतहरूले वातावरण झनै रमाइलो बनाउँछ। यसरी देउसी–भैलोले समुदायबीच सहकार्य र एकताको सन्देश फैलाउँछ।
 
🪔 तिहारको सामाजिक र आध्यात्मिक सन्देश
 
तिहार केवल धार्मिक पर्व होइन; यो मानवीय मूल्यहरूको उत्सव हो। यसले हामीलाई सफाइ, सहकार्य, प्रेम, दया र कृतज्ञता सिकाउँछ।
 
काग तिहारले सन्देश र चेतनाको सम्मान गर्न सिखाउँछ।
 
कुकुर तिहारले निष्ठा र मित्रताको महत्त्व सम्झाउँछ।
 
लक्ष्मी पूजाले परिश्रम र अनुशासनको मूल्य दर्शाउँछ।
 
गो पूजाले मातृत्व र श्रमको सम्मान गर्छ।
 
भाइटीकाले पारिवारिक प्रेम र एकताको भावना बलियो बनाउँछ।
 
तिहारको उज्यालोले हामीलाई भित्रको अन्धकार हटाएर मनमा सकारात्मकता ल्याउन प्रेरित गर्छ।
 
🌏 आधुनिक युगमा तिहारको रूपान्तरण
 
आजको आधुनिक जीवनशैलीले तिहारको स्वरूप केही परिवर्तन गरेको छ। बिजुलीका बत्तीहरूले परम्परागत तेलका दियोहरूलाई विस्थापित गर्दैछन्, र डिजिटल माध्यमहरूले देउसी–भैलोको ठाउँ केही हदसम्म लिएका छन्। तर यसको मूल आत्मा — उज्यालो, स्नेह र सम्मान — अझै उस्तै छ।
 
आज पनि घर–घरमा दीप झलमल हुन्छ, पारिवारिक भेटघाटहरू हुन्छन्, र सामाजिक सन्देशहरू फैलाइन्छ। वातावरणमै उज्यालो, संगीत र मिठास भरिन्छ।
🌟 निष्कर्ष
 
तिहार उज्यालो मात्र होइन, सम्बन्धहरूको उज्यालो हो। यो पर्वले हामीलाई सम्झाउँछ कि साँचो समृद्धि धनमा होइन, मनको प्रकाशमा हुन्छ। परिवारको माया, साथीको साथ, प्रकृतिप्रतिको कृतज्ञता र आत्माको सम्मान — यही तिहारको साँचो सन्देश हो।
 
यस वर्ष पनि हामीले दियो बाल्दा केवल घर होइन, मन पनि उज्यालो बनाऔं। यही हो तिहारको वास्तविक अर्थ — अन्धकारमाथि प्रकाशको विजय, र विभाजनमाथि प्रेमको जय।

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।