
पोखरा, १८ भदौ ।
पोखरामा आर्म रेस्लिङ्ग प्रतियोगिता हुने भएको छ । आर्म रेस्लिङ्ग संघ, कास्कीले प्रतियोगिताको आयोजना गर्न लागेको हो । पोखरामा पहिलो पटक प्रथम पोखरा राष्ट्रिय आर्म रेस्लिङ्ग प्रतियोगिता–२०८२ गर्न लागिएको आर्म रेस्लिङ्ग संघ कास्कीका अध्यक्ष नविन गुरुङले जानकारी दिए ।
यही भदौँ २० र २१ गते प्रतियोगिता संचालन हुने छ । पोखरा महानगरपालिका वडनम्बर ६ लेकसाइडमा रहेको आइभिवाई क्लवमा प्रतियोगिता संचालन गरिने प्रतियोगिताका संयोजक खली थापाले जानकारी दिए । तौल समूह अनुसार चार विधामा प्रतिष्प्रर्धा गराइने छ । ६० केजी मुनि, ७० केजी मुनि, ८० केजी मुनि र ८० केजी माथी तौल समूहमा प्रतिष्प्रधा हुने छ ।
चार विधामा नै समान पुरस्कार राशी राखिएको आर्म रेस्लिङ्ग संघ, कास्कीका प्रथम उपाध्यक्ष एवं प्रतियोगिताका व्यवस्थापक रत्न बहादुर आलेले जानकारी दिए । प्रथम, द्धितिय र तृतीय हुनेले क्रमस ५० हजार, २५ हजार र १० हजार नगद, मेडल र प्रमाणपत्र प्राप्त गर्नेछन् । भने च्याम्पिन अफ च्याम्पिनले नगद एक लाख र प्रमाणपत्र प्राप्त गर्नेछ ।
यो नै अहिलेसम्मको सबैभन्दा ठुलो पुरस्कार राशी रहेको आयोजकको दावी छ । पुरस्कार राशीमा मात्रै ४ लाख ५० हजार माथि खर्च रहेको अध्यक्ष गुरुङले बताए । प्रतियोगिता सम्पन्न गर्न २३ लाख १९ हजार खर्च लाग्ने आयोजकको अनुमान छ ।
प्रतियोगितामा सहभागि हुन देशभरबाट करिब एक सय ५० बढि खेलाडी पोखरा आउने अनुमान गरिएको छ । प्रतियोगितामा सहभागि हुन चाहने खेलाडीलाई यही भदौँ १८ गतेसम्म आवेदन दिने समय रहेको आयोजकले जनाएको छ ।
पोखरा, १८ भदौँ ।
लेखथान उद्योग वाणिज्य संघले आगामी दुई वर्षका लागि जुझारु, क्रमवद्ध, वास्तविक व्यवसायीहरुको समावेशी टिमको यहि भाद्रको २० र २१ गते हुने २० औं साधारण सभा तथा १५ औं अधिवेशनले तय गर्ने छ ।
यहि अधिवेशनका लागि सस्थापक समुहका तर्फवाट हालका वरिष्ठ उपाध्यक्ष राजेन्द्र ओझाले समावेशी, क्रमवद्ध र सक्षम व्यवसायीक टिम सहित आफ्ने टिमको घोषणासँगै व्यवसायीहरुको घरदैलो अभियानमा छन् ।
पछिल्लो समयमा व्यवसायीहरुको निर्वाचनमा राजनीतिक हस्तक्षेप र नेता परिचालित भएपनि राजेन्द्र ओझाले सवै दल, सवै भेग, लिङ्ग, वर्ग र व्यवसायीहरुको टिम निर्माण गरि चुनावी मैदानमा छन् ।
उनको टिममा पोखरामा कास्कीमा कृयाशिल सवै दलको सहभागिता रहको छ । ओझा भन्छन्–“हामीले काम गर्ने भनेको सम्पन्न व्यवसायी र समृद्ध लेखनाथ वनाउन हो, त्यसैले हाम्रो टिम कुनै विशेष छैन वास्तविक व्यवसायी विशेष टिम हो ।”
गणनाका आधारमा उनको टिममा वरिष्ठ उपाध्यक्षमा रहेका उपेन्द्र राज सुवेदी (राजु), सदस्यका उम्मेदवार सन्तोष हमाल, एशोसियट सदस्य प्रवेश वञ्जारा र सस्थागत सदस्य विरभद्र कंडेल प्रजातान्त्रीक धार समर्थित उम्मेदवार हुन् । लेखनाथ उद्योग वाणिज्य संघका क्रमवद्ध रुपमा आएका हालका प्रथम उपाध्यक्ष राजु राजेन्द्र समुहवाट वरिष्ठ उपाध्यक्षको उम्मेदवार छन् । प्रजातान्त्रीक धारको लेखनाथ उद्योग वाणिज्य संघमा क्रमवद्ध रुपमा आउने उनि नै सवै भन्दा वलियो उम्मेदवारमा करुपमा व्यवसायीहरु माझ परिचीत छन् ।
यस्तै अहिले अति नै चर्चामा रहेको वैकल्पिक राजनीतिमा होमिएको राष्ट्रिय स्वतन्त्र पार्टीवाट समेत ओझाको टिममा उपमहासचिवका उम्मेदवार लक्ष्मी प्रसाद ढुङ्गाना (एल पी) रहेका छन् भने केही राजनीतिक रुपमा नखुलेका स्वतन्त्र व्यवसायीहरु रहेका छन् ।
वैचारिक रुपमा सवैलाई समेट्ने अभियानका वारेमा अध्यक्षका प्रत्यासी ओझा भन्छन्–“लेउवा संघको निर्वाचन व्यवसायीहरु विच हुने प्रतिष्पर्धा हो त्यसैले यसमा राजनीतिक वा अन्य समुहको नेतृत्व गर्नु भन्दा पनि पुर्ण व्यवसायीको नेतृत्व गर्नुपर्छ भन्ने अभिप्राय हो ।”
ओझाको टिमका मुख्य एजेण्डाहरुमा एक कार्य काल एक महोत्सव अर्थात् एक वर्ष महोत्सव गर्ने अर्को वर्ष उद्योगहरुका उत्पादनहरु प्रर्दशन गर्ने तर विक्रि वितरण नगर्ने गरि निती नै वनाएर कार्यन्वयन गर्ने, कृषि र पर्यटनलाई जोडेर वृहत् योजना तयार गर्ने, वजारलाई डोके, पोके र अव्यवस्थीत व्यवसाय निरुत्साहित अभियानलाई कार्यन्वयन गर्ने, महिलाका लागि शिप विकास तालिम र उत्पादित वस्तुको वजारीकरणकका लागि कोशेली घर निर्माण, यूवाहरुका लागि स्टार्टअप ऋणमा सहजीकरण, व्यवसाय सहयोग कक्ष र समस्या समाधानका लागि हेल्प डेक्सको स्थापना लगाएतका विशेष १६ वटा एजेण्डा रहेका छन् ।
राजेन्द्र ओझा लेखनाथ उद्योग वाणिज्य संघको आगामी कार्यकालका लागि नेतृत्व लिनु कुनै लहडको वा कसैले उकासेको कुरा पनि होईन । निरन्तर अनि क्रमागत रुपमा संघ र व्यवसायीका हितमा काम गर्दै दशकौंको अनुभवका आधारमा उनि अध्यक्षमा उम्मेदवार वनेका हुन् । संघमा उनि साधरण सदस्य र विभिन्न उपसमितिमा वसेर काम गरेर आफुलाई अव्वल सावित गर्दै कार्य समिति सदस्य, कोषाध्यक्ष, द्धितीय उपाध्यक्ष, प्रथम उपाध्यक्ष वरिष्ठ उपाध्यक्ष हुँदै अहिले अध्यक्षमा उम्मेदवार वनेका छन् । उनको टिममा जो जती छन् सवै संघको हितमा लाग्ने र पुर्ण व्यवसायी रहेको पनि उनले दोहर्याए ।
लामो र निरन्तरताको अनुभवले नै संघ र आवद्ध व्यवसायीहरुले भोगेका वर्तमान चुनौतीसँग सामाना गर्न सक्ने लक्ष्य, योजना सहित आएका छन्, राजनीती भन्दा पर रहेर समावेशी टिम सहित उनि घरदैलोमा गईरहेका छन् आफ्ना एजेण्डा सहित ।
उनको समुहको वरिष्ठ उपाध्यक्षमा उपेन्द्र सुवेदी राजु, प्रथम उपाध्यक्षमा मेनुका श्रेष्ठ, द्धितिय उपाध्यक्षमा धिरज कुमार श्रेष्ठ, महासचिवमा जीवन तिवारी, उपमहासचिवमा एलपी ढुङ्गाना र कोषाध्यक्षमा टिकाराम सापकोटा रहेका छन् । यस्तै खुल्ला सदस्यहरुमा कृष्ण प्रसाद सुवेदी, घनश्याम ढुङ्गाना, किशोर अधिकारी, नवराज पौडेल, सन्तोष हमाल, शिवराज अधिकारी, सुरेन्द्र गुरुङ, भिमप्रसाद सुवेदी (सन्तोष), महिला सदस्यहरुमा लक्ष्मी ठाकुर सुनार, सपना सुवेदी, एशोसियट सदस्यमा प्रवेश वञ्जरा र सस्थागत सदस्यमा विरभद्र कंडेल रहेका छन् ।
अध्यक्षका प्रत्यासी ओझाले वर्तमान टिममा रहेका सदस्य तथा पदाधिकारीहरुले विधि पद्धती अनुभव र क्षमताका आधारमा एक पद माथी मनोनयन गरेको भए निर्वाचननै नहुने दावी गर्छन् । उनि भन्छन्–“आकांक्षी हुनु नराम्रो होईन तर जो आए पनि संघ र व्यवसायीहरुको हितमा लाग्ने सक्षम नेतृत्व आउनेमा हामी विष्वश्त छौं ।” संघमा २ हजार ८७ सदस्य छन् । संघमा ७ पदाधिकारी सहित ८ खुला सदस्य, २ महिला सदस्य, १ संस्थागत सदस्य र १ एसोसिएट सदस्य गरी १९ जना निर्वाचित हुने छन् ।
पोखरा, १८ भदौ ।
पोखरा–३३, आँपुभन्ज्याङस्थित कालिका माध्यमिक विद्यालय व्यवस्थापन समितिको अध्यक्षमा मोहनबहादुर थापा सर्वसम्मत चयन भएका छन् । गत भदौ ६ गते निवर्तमान विद्यालय व्यवस्थापन समितिका अध्यक्ष गङ्गाबहादुर पुनको अध्यक्षता, शिक्षा महाशाखाका शाखा अधिकृत रामप्रसाद तिवारीको प्रमुख आतिथ्य र वडा सदस्य दुर्गादेवी केसी थापाको विशेष उपस्थितिमा सम्पन्न अभिभावक भेला र वडा शिक्षा समितिबाट मनोनित भई आएका सदस्यहरूको बुधवार सम्पन्न बैठकबाट थापा सर्वसम्मत चयन अध्यक्ष भएका हुन् ।
समितिका सदस्यहरूमा खिमबहादुर खत्री, कृष्णकुमार श्रेष्ठ, ज्योति गुरुङ, अस्मिता नेपाली र सीता विक रहेका छन् । सोही बैठकबाट पोखरा महानगरपालिका, शिक्षा नियमावलीको नियम २९ (ङ) बमोजिम स्थानीय बुद्धिजीवी, चन्दादातामध्येबाट लोकनाथ पौडेललाई सदस्यका रूपमा मनोनयन गरिएको छ । समितिको सदस्य सचिवमा प्रधानाध्यापक रुपिन्द्र प्रभावी जोशी र शिक्षक प्रतिनिधिमा मानकाजी विक रहेका छन् ।
अध्यक्ष चयन भएपछि थापाले विद्यालयमा भएका समस्याको समाधान गरी विद्यालयको चौतर्फी स्तर उन्नतिका लागि आफू लागिपर्ने प्रतिबद्धता जनाए । विद्यालय सबैको साझा सम्पत्ति भएको भन्दै उनले विद्यालयले विद्यार्थी खोज्दै जानुपर्ने अवस्थाबाट विद्यार्थीले विद्यालय खोज्दै आउने अवस्थामा पु¥याउने कार्ययोजना आफूसँग रहेको बताए ।
काठमाण्डाै – सरकारले सूचना जारी गरेर सामाजिक सञ्जाल सूचीकरणका लागि दिएको समयसीमा अन्तर्गत आज अन्तिम दिन हो । सरकारले यही भदौ १२ गते सार्वजनिक सूचना निकालेर अहिले नेपालमा चलिरहेका र नेपाल आउने तयारी गरिरहेका सामाजिक सञ्जाललाई अनिवार्य सूचीकरणका लागि भन्दै सात दिने सूचना निकालेको थियो ।
सूचना अनुसार आज राति १२ बजेअघि सूचीकरणका लागि सम्पर्कमा आइसक्नुपर्छ । तर आज दिउँसो पौने ५ बजेसम्म कुनै पनि सामाजिक सञ्जाल सम्पर्कमा नआएका सञ्चार तथा सूचना प्रविधि मन्त्रालयका प्रवक्ता गजेन्द्रकुमार ठाकुरले जानकारी दिनुभयो ।
मन्त्रिपरिषद्ले निर्णय गरेर सामाजिक सञ्जाल सूचीकृत नभएमा बन्द गरिदिने चेतावनी दिएको हो । सामाजिक सञ्जालले आज राति १२ बजेसम्म एउटा मेल मात्रै गरेमा पनि कारबाही प्रक्रिया अघि नबढाउने तर कुनै सम्पर्क नगरेमा मन्त्रिपरिषद्को निर्णय कार्यान्वयनमा जाने प्रवक्ता ठाकुरले बताउनुभयो ।
सरकारले यसअघि टिकटकमाथि प्रतिबन्ध लगाएकोमा नेपालमा सूचीकृत हुन आएसँगै पुनः सञ्चालनमा आएको छ । केही समयअघि सरकारले टेलिग्रामलाई नेपालमा निष्क्रिय गरेको छ । अहिले विशेषगरी मेटा कम्पनीका फेसबुकलगायतका सञ्जाल र ट्विटर भनिने ‘एक्स’ लाई लिएर धेरैले चासो राखेका छन् ।
सरकारले समयसीमा दिएपछि मेटा कम्पनीले सरकारसँग सम्पर्क गरेको छैन तर यही बीचमा कन्टेन्ट मनिटाइजेसन कार्यक्रम औपचारिक रूपमा सञ्चालनमा ल्याएको छ । कम्पनीले यो सेवा आधिकारिक रूपमा नेपालमा शुरू भएको जानकारी दिन थालेको हो ।
सरकारले बन्द गर्ने धम्की दिइरहेका बेला प्रयोगकर्तालाई पैसा कमाउन सकिने सुविधा दिएर सरकारप्रति उल्टो दबाव सिर्जना गरेको आईटी विज्ञहरू बताउँछन् ।
पोखरा, १८ भदौँ ।
एयरलाइन्सले पोखरामा चार्टर उडान गर्ने जनाएको छ । एयरलाइन्सले भुटानको पारो अन्तर्राष्ट्रिय विमानस्थलबाट पोखरा अन्तर्राष्ट्रिय विमानस्थलमा उडान भर्न लागेको हो । हाल भुटानबाट त्रिभवन अन्तर्राष्ट्रिय विमानस्थलमा भुटान एयरलाइन्सले सातामा चार वटा उडान गर्दै आएको छ ।
पोखरादेखि भुटान र भुटानदेखि पोखराको सिधा उडानले दुवै देशको पर्यटन प्रवद्र्धन सहयोग पुग्ने पोखरा महानगरपालिकाका प्रमुख धनराज आचार्यले बताउनुभयो । पोखरालाई अन्तर्राष्ट्रिय बजारसम्म जोड्न यसले महत्त्वपूर्ण योगदान गर्ने उहाँले बताउनुभयो । यसको निरन्तरताका लागि विशेष पहल गर्न पर्यटन व्यवसायीहरूलाई समेत आग्रह गर्नुभयो ।
यसअघि गत असार ७ असारमा चीनको छेन्दु विमानस्थलबाट सिचुवान एयरलाइन्सको न्यारोबडी एयरबस ३१९ जहाजले पोखरामा चार्टर उडान गरेको थियो । पोखराबाटै छेन्डुमा हिमालयन एयरलाइन्सले पनि उडान भरिरहेको छ । पछिल्लो पटक सिचुवानले पोखरा–सिचुवान–अस्ट्रेलिया उडानको पहल गरिरहेको छ ।
काठमाडौं । सरकारले अब नेपाल आउने विदेशी नागरिकको ट्र्याकिङ सुरु गरेको छ ।
अध्यागमन विभागले सुरक्षा, सूचना आदानप्रदान, सम्भावित अपराध नियन्त्रण र नेपालको पर्यटन प्रवर्द्धनमा सहयोग गर्ने उद्देश्यले यो प्रणाली विकास गरेको जनाएको छ।
साथै, सुरक्षा निकाय, पर्यटन व्यवसायी र सरोकारवाला अन्य निकायबीच सूचना आदानप्रदान प्रभावकारी हुने र पर्यटन क्षेत्रको सुरक्षित तथा व्यवस्थित विकासमा सहयोग पुग्ने अपेक्षा गरिएको छ।
यो प्रणाली पहिलो चरणमा असोज १ गतेदेखि काठमाडौं उपत्यकाभित्रका तारे होटेलहरूमा अनिवार्य लागु गरिने विभागले जनाएको छ । दोस्रो चरणमा मंसिर १ गतेदेखि सबै तारे होटेल, विमान कम्पनी, टूर्स एण्ड ट्राभल्स कम्पनी र मनी एक्सचेन्जरहरूमा, त्यसपछि क्रमशः सबै प्रकारका होटेल, गेष्ट हाउस र अन्य सार्वजनिक तथा निजी संस्थाबाट सेवा प्रवाहमा लागु गरिनेछ।
अध्यागमन विभागले सबै विदेशी नागरिकलाई सेवा प्रवाह गर्ने सबै सार्वजनिक संस्था तथा निजी कम्पनीलाई प्रणालीमा अनिवार्य रूपमा आवद्ध हुन अनुरोध गरेको छ ।

काठमाण्डौ। प्रहरीले गोंगबुस्थित एक घरमा छापा मारेर ठूलो परिमाणमा पैसा र सुन बरामद गरेको छ । मंगलबार दिउँसो करिब तीन घण्टा चलेको अपरेशनमा प्रहरीले ३ करोड ७५ लाख रुपैयाँभन्दा बढी नगद र करिब दुई किलो सुनका गरगहना बरामद गरेको हो ।
विशेष सूचनाका आधारमा काठमाडौं उपत्यका प्रहरी कार्यालय र जिल्ला प्रहरी परिसरको संयुक्त टोलीले घरमा छापा मारेको हो ।
गोरखाका ७७ वर्षीय विनोदकुमार श्रेष्ठ नै उक्त घरको घरधनी रहेको र उनलाई प्रहरीले पक्राउ गरेको छ । हाल घटनाका सम्बन्धमा अनुसन्धान भइरहेको प्रहरीले जनाएको छ।
पोखरा, १७ भदौं । नेपाल परिवार नियोजन संघ कास्की शाखाले मंगलबार देखि किशोर किशोरीहरुलाई लक्षित गरी यौन तथा प्रजनन् स्वास्थ्य सचेतना अभियान शुरु गरेको छ ।
पोखरा महानगरपालिका वडा नं. २५ कार्यालय हेमजाको सहयोग तथा समन्वयमा हेमजास्थित गौरीशंकर माध्यामिक विद्यालयबाट यो अभिायन शुरु गरेको हो । अभियान कास्कीका ४ वटा गाउँपालिका २÷२ विद्यालय तथा कलेज गरी ८ र महानगरका १६ गरी २४ वटा विद्यालय तथा कलेजमा यो अभिायन सञ्चालन गरिने नेपाल परिवार नियोजन संघ कास्कीका सभापति नविन सिग्देलले जानकारी दिए ।
‘यो अभियान स्थानीय सरकार तथा स्वास्थ्यसँग सम्बन्धित संस्थाहरुसँग मिलेर गर्ने हामीले लक्ष्य लिएका छौ’ सिग्देलले भने, ‘किशोर किशोरीहरुको यौन तथा प्रजनन् स्वास्थ्यका सवालमा यो अभियान सञ्चालन गरिएकोले पनि यो अभियानमा सवैलाई हातेमालो गर्न हामी आग्रह गर्दछौ।’
अभियानको पोखरामहानगर पालिकाका प्रवत्ता तथा वडा नं. २५ का वडा अध्यक्ष मोतिलाल तिम्सीनाले शुभारम्भ गरेका हुन् । कार्यक्रममा बोल्दै तिम्सिनाले यौन तथा प्रजनन् स्वास्थ्यका वारेमा किशोर किशोरीहरुले खुलेर जानकारी लिने थलो यो अभियान हुने बताए ।
‘किशोर किशोरीहरुका यौन तथा प्रजनन् स्वास्थ्यका सावलमा स्थानीय सरकार पनि गभ्भिर भएर लागेको छ’ उनले भने, ‘यो अभियानमा पनि स्थानीय सरकार समन्वय गरेर अगाडि बढ्न सधै तयार छ ।’
पोखरा महानगरपालिका स्वास्थ्य महाशाखाका प्रमुख भरतराज पौडेलले चासो र जिज्ञासा भएमा स्रोत अभाव नहुने बताउदै अभियानमा स्वास्थ्य महाशाखा हातेमालो गरेर जाने उल्लेख गरे ।
प्रदेश जनस्वास्थ्य कार्यालय कास्कीका प्रमुख राम बहादुर नेपालीले यौन तथा प्रजनन् स्वास्थ्यका विषयमा खुलेर कुरा राख्न नसक्दा कतिपय किशोर किशोरीहरु मानसिक रोगको शिकार हुने गरेको बताउँदै यस्ता खालका अभियान अहिलेको आवश्यकता भएको बताए ।
कार्यक्रममा नेपाल परिवार नियोजन संघ कास्कीका शाखाका कोषाध्यक्ष विष्णु प्रसाद दाहाल ‘आभाष’ र वरिष्ठ शाखा प्रबन्धक नबराज तिवारीले सहजिकरण गरेका थिए । सचेतना मुलक कार्यक्रममा गौरीशंकर माविका करिव १ सय विद्यार्थीको सहभागिता रहेको थियो ।
नेपाल परिवार नियोजन संघ कास्कीका सभापति नविन सिग्देलको अध्यक्षतामा भएको कार्यक्रममा नेपाली काँग्रेस पोखरा –२५ हेमजाका सभापति मधुसुदन त्रिपाठी, गौरीशंकर माविका सहायक प्रध्यानाध्यापक मानबहादुर कार्की, नेपाल परिवार नियोजन संघ कास्कीका शाखाका वरिष्ठ शाखा प्रबन्धक नबराज तिवारीले बोलेका थिए ।





