पोखरा, २ असोज ।
जिल्ला प्रहरी कार्यालय कास्कीका प्रमुख प्रहरी उपरीक्षक (एसपी) श्यामबाबु ओलियाको सरुवा भएको छ । प्रहरी प्रधान कार्यालयले एकैपटक ४८ जना एसपीको सरुवा गरेको छ ।
ओलियाको केन्द्रीय अनुसन्धान व्यूरो अनुसन्धान महाशाखा लाजिम्पाट काठमाडौँमा सरुवा भएको छ । ओलियाले २०८१ असोज दोस्रो साताबाट कास्कीको कमाण्ड सम्हालेका थिए ।
कास्की प्रहरीको कामाण्ड सम्हाल्न काठमाडौँ उपत्यका प्रहरी कार्यालय योजना अन्वेषण तथा विकास शाखामा कार्यरत एसपी नवीन कार्कीलाई सरुवा गरिएको छ ।
गृहमन्त्री ओमप्रकाश अर्यालले पदभार ग्रहण गरेलगत्तै सरुवा प्रक्रिया अघि बढाएका छन् ।
