पोखरा, २३ माघ ।

नेपाल फोटो पत्रकार संघ (एनपिजेए) कास्कीले सञ्चालन गरेको ‘फोटो पत्रकार अक्षयकोष’ मा नागरिक अभियान्ता रामबहादुर पौडेलले आर्थिक सहयोग गरेका छन् । नागरिक अधिकार, सुशासन र पारदर्शिताका विषयमा आवाज उठाउने पौडेलले कोषमा नगद १० हजार रुपैयाँ सहयोग गरेका हुन् । पोखरा महेन्द्रपुलस्थित फल्चामा शुक्रबार भएको फोटो प्रदर्शनीमा अभियान्ता पौडेलले नेपाल फोटो पत्रकार संघ, कास्कीका अध्यक्ष राम गुरुङलाई उक्त रकम हस्तान्तरण गरे ।

सहयोग हस्तान्तरण पछि अभियान्ता पौडेलले जोखिम मोलेर कार्यक्षेत्रमा खटिने फोटो पत्रकारहरूका लागि स्थापित यो कोषले भोलिका दिनमा अप्ठ्यारो पर्दा सारथि बन्ने बताए । सहयोग ग्रहण पछि एनपिजेए कास्की अध्यक्ष राम गुरुङले अभियान्ता गुरुङलाई धन्यवाद ज्ञापन गरे । उनले विभिन्न दाताहरूबाट प्राप्त सहयोगले अक्षयकोषको लक्ष्य पूरा गर्न मद्दत पुग्ने बताउँदै कोषको रकम फोटो पत्रकारहरुको वृत्तिविकासमा खर्च गरिने जानकारी दिए ।

कोषमा विभिन्न क्षेत्रका समाजसेवी, बुद्धिजीवी र संघसंस्थाहरुबाट सहयोग जुट्ने क्रम जारी छ । यस कोषमा यसभन्दा अघि सामाजिक अभियान्ता सरिता गुरुङले १५ हजार, सल्लाहकार रमेश पौडेलले ५ हजार, अध्यक्ष राम गुरुङले १० हजार, सदस्य सञ्जय शाक्यले १० हजार रुपैयाँ सहयोग गरिसकेका छन् । यसैबिच, एनपिजेए कास्कीको आयोजना र सहरा क्लब पोखराको आयोजनामा शुक्रबार भएको फोटो प्रदर्शनी भव्यताका साथ सकिएको छ ।

प्रदर्शनीमा सहारा क्लबको आयोजनामा आहारारा पोखरा गोल्ड कपको सुरुदेखिका अविस्मरणीय क्षणहरू समेटेरे १ सय वटा फोटो प्रदर्शन गरिएको थियो । २०५८ सालमा क्याराभान गोल्ड कपबाट सुरु भएको प्रतियोगिता २५ वर्षमा आइपुगेको छ । यो वर्षको प्रतियोगिता माघ २७ गतेबाट पोखरा रंगशालामा सुरु हुँदैछ ।

प्रदर्शनीमा राखिएको फोटोहरु आहारारा पोखरा गोल्डकपको दौरान माघ २७ देखि फागुन ९ गतेसम्म पोखरा रंगशालामा पनि प्रदर्शन गरिने एनपिजेए कास्कीका अध्यक्ष गुरुङले जानकारी दिए । शुक्रबार प्रदर्शनीमा छुटेकाहरु प्रतियोगिता अवधिभर रंगशाला परिसरमा पुगेर उक्त फोटोहरु अवलोकन गर्न सक्ने उनले बताए ।

पोखरा, २३ माघ ।

गण्डकी प्रदेश प्रशिक्षण प्रतिषठानको आयोजनामा गण्डकी प्रदेश लोकसेवा आयोग, गण्डकी प्रदेशबाट २०८२ बैशाख ०१ गते पछी सिफारीस भई प्रदेश तथा स्थानीय तहमा स्वास्थ्य तथा इन्जिनियरिङ्ग सेवा तर्फ सहायकस्तर चौथोरपाँचौ तहमा कार्यरत कर्मचारीहरुको माघ १९ गते बाट संचालित ५ कार्य दिने सेवा प्रवेश तालिम, प्रतिष्ठानका कार्यकारी निर्देशक सुरेंद्रबाबू तिवारीको अध्यक्षता एव प्रदेश लोक सेवा आयोग, गण्डकी प्रदेशका माननीय अध्यक्ष बिष्णुप्रसाद नेपाल प्रमुख आथित्यतामा राष्ट्रीय परीक्षा बोर्डको सभाहलमा सम्पन्न भयो ।

समापन समारोहमा बोल्दै कार्यक्रमका प्रमुख आतिथि नेपालले प्रदेश लोक सेवा आयोगले सौद्धान्तिक र केही व्यवहारिक ज्ञानको परिक्षण गरेर हजारौ प्रतिस्पर्धीहरुबाट छनोट गरी सिफारिस गर्दछ, भने गण्डकी प्रदेश प्रशिक्षण प्रतिष्ठानलद्वारा दिइने तालिमले तपाईहरुसंग भएको सौद्धान्तिक ज्ञानलाई सिपमा परिवर्तन गर्नुका साथै कार्य क्षेत्रमा आवश्यक पर्ने ज्ञान र क्षमता विकास गरि जनता संग प्रत्यक्ष जोडिने सेवा प्रवालाई सहज, सेवामुखी, कार्यमा कुशलता एव पारदर्शिता कायम गर्न यो तालीम सहयोगी बन्ने कुरा बताउनुभयो ्र

प्रतिष्ठानका निर्देशक लक्ष्मण तिमिल्सिनाले यो तालिमले सार्वजनिक प्रशासन र खरिद व्यवस्थापन बिषयमा आधारित भएर तालिम प्रदान गरिएको हुँदा नेपालको निजामती प्रशासनको काम, कर्तव्य र अधिकारका समेत जानकारी प्रदान गरिएको वताउदै समग्र तालिमको संक्षेपीकरण र अतिथीहरुलाई स्वागत गर्नुभयो ।

प्रशिक्षण व्यावहारिक, सिपयुक्त र अभ्यासमुलक रुपमा भएको हुदाँ कार्यालयको दैनिक प्रशासनिक कार्य र खरिद व्यवस्थापनमा आईपर्ने समस्याहरुलाई सहज रुपमा समाधान गर्न सक्ने क्षमता विकास भएको कुरा सहभागीको तर्फबाट अंकित बोहोरा र अकिता कार्कीले आफ्ना अनुभव राख्नुभएको थियो ।

स्थानीय तहका कर्मचारीको लागी दैनिक काममा सहजता ल्याउने गरी व्यवहारीक कक्षा संचालन गर्नुका साथै प्रदेश तथा स्थानीय तहको काम कर्तव्य अधिकार, सार्वजनिक प्रशासन, निजामती ऐन, कानुन र व्यवस्थास खरीद प्रक्रीया, बजेट निर्माण एव व्यवस्थापन, योजना कार्यान्वयन अनुगमन मुल्यांकन, जिन्सी व्यवस्थापन, स्थानीय तहको राज्यस्व अधिकार र परिचालन, लेखा परिक्षण तथा बेरुजु फर्छौट, उपभोक्ता समितिको काम कर्तव्य र अधिकार, समाजिक सुरक्षा र पञ्जीकरण, अभिलेख व्यवस्थापन, टिप्पणी लेखन, दर्तारचलानी, शासन, सुशासन र सदाचार, समस्या केन्द्रित अभ्यास र प्रस्तुतीकरण जस्ता विषयवस्तुमा सहजीकरण गर्नुका साथै प्राविधिक तर्फका नब प्रवेशी सहायकस्तर कर्मचारीहरु दैनिक कार्यालय सञ्चालनको लागी प्राविधिक ज्ञान संगै प्रशासनिक ज्ञान पनि हुनु जरुरी भएकोले प्रविधिक र प्रशासनिक विषयवस्तुलाई समेत ध्यानमा राखि अभ्यासको मार्फत प्रशिक्षण गरिएको तालिमका संयोजक तथा व्यवस्थापन एवम प्रतिष्ठानका प्रशिक्षण तथा अनुसन्धान अधिकृत इन्जिनियर मनोज पौडेलले बताउनुभयो ।

मिति २०८२र१०र१९ गतेवाट सञ्चालित तालिममा कुल ६८ जना स्वास्थ्य तथा इन्जिनियरिङ्ग सेवा तर्फ सहायकस्तर चौथोरपाँचौ तहमा कार्यरत कर्मचारीहरुको सहभागी रहेको थियो । पाँच दिन सम्म संचालित सो तालिम सामाजिक विकास, युवा तथा खेल्कुद मन्त्रालय, शिक्षा विकास महाशाखाको हल र रास्ट्रिय परीक्षा बोर्ड, प्रदेश परिक्षा व्यवस्थापन कार्यालयको हलमा संचालन भयो । सोही तालिममा प्रतिष्ठानको लेखा अधिकृतको रुपमा कार्यरत रही योग्दान पुर्‍याउनुहुने सिर्जना गौतम सम्मानमा साथ बिदाई समेत गरिएको थियो । हाल उहाँ सरुवा भई प्रदेश लेखा नियन्त्रकको कार्यालयमा जानुभएको छ ।

समापन समारोमा बोल्नुहुदै प्रतिष्ठानका कार्यकारी निर्देशक सुरेन्द्रबाबु तिवारीले यो तालिमले प्रतिष्ठानको नारा “व्यवहारमा परिवर्तन, कार्यसम्पादनमा सुधार” ल्याउने कुरामा विस्वास रहेको र यो प्रतिष्ठान हजुरहरुको क्षमता विकासमा सधै लागिरहने भन्दै सम्पूर्णलाई बदाई दिई समापन गर्नुभएको थियो । उक्त समापन सत्रको सञ्चालन तालिमका संयोजक तथा व्यवस्थापन एवम प्रतिष्ठानका प्रशिक्षण तथा अनुसन्धान अधिकृत इन्जिनियर मनोज पौडेलले गर्नुभएको थियो ।

प्रतिष्ठानको आयोजनामा यही २०८२ मंसीर १४ देखि हालसम्म सेवा प्रवेश तालिम तर्फ प्रशासन, इन्जिनियरिङ्ग, स्वास्थ्य, कृषी सेवा तर्फ विभिन्न समय समयमा गरि ७ वटा समुहमा तालिम सञ्चालन गरिएको र सोही तालिमबाट २२० जना भन्दा बढी दिक्षित भइसकेको लेखा अधिकृत प्रशान्त सुवेदीले जानकारी दिनुभयो ।

पोखरा, २३ माघ ।

बगैँचा मन्टेश्वरी प्री स्कुलद्वारा आयोजित बगैँचा स्पोर्टस् मिट २०८२ सम्पन्न भएको छ । यही माघ १८ गतेदेखि २३ गतेसम्म सप्ताहव्यापी रूपमा सञ्चालन गरिएको स्पोर्टस् मिट २०८२ मा मनोरञ्जनात्मक १० खेलका २६ वटा समूहमा ७९ जना बाबुनानीहरुले सक्रिय सहभागिता जनाएका छन् । विजेता बाबुनानीहरुलाई पोखरा महानगरपालिका वडा नं.१५ का कार्यवाहक वडाध्यक्ष बलराम पौडेल, पोखरा १० का वडा सदस्य पूर्ण न्यौपाने र बालबिकास विज्ञ प्रभा भुजेल लगायतले मेडल र प्रमाण पत्र प्रदान गर्नुभएको छ ।

सो अवसरमा कार्यवाहक वडाध्यक्ष पौडेलले खेलकुदले बाबुनानीहरुको शारीरिक, मानसिक तथा सामाजिक विकासमा महत्त्वपूर्ण र सकारात्मक प्रभाव पार्ने बताउनुभयो । यसले बालबालिकाको शारीरिक तन्दुरुस्तीमा वृद्धि, मांसपेशीको मजबुत विकास, रोग प्रतिरोधात्मक क्षमता वृद्धि हुनुका साथै सक्रिय जीवनशैलीको विकासमा मद्दत पुग्ने उहाँले बताउनुभयो ।

यस्तै वडा सदस्य न्यौपानेले बालबालिकाहरूमा एकाग्रता, आत्मविश्वास, अनुशासन र निर्णय क्षमता सुधार गर्न खेलकुदले सहयोग पु¥याउने बताउनुभयो । उनीहरूमा सहकार्य, सहिष्णुता, नेतृत्व र मित्रता जस्ता सामाजिक सीपको विकास सहित खेलकुद मार्फत बालबालिकाले हार–जितलाई सहज रूपमा स्वीकार गर्न सिक्ने भएकाले भावनात्मक सन्तुलन कायम राख्न पनि मद्दत पुग्ने उहाँले बताउनुभयो ।

बालबिकास विज्ञ प्रभा भुजेलले साना बालबालिकाहरूको पठनपाठन र खेलकुद विकासमा अभिभावकको भूमिका अत्यन्त महत्त्वपूर्ण हुने उल्लेख गर्दै बालबालिकालाई घरमै अध्ययनका लागि अनुकूल वातावरण सिर्जना गर्ने, बाबुनानीहरुको पढाइमा सहयोग र निगरानी गर्ने, शिक्षकसँग समन्वय राख्ने तथा बालबालिकालाई जिज्ञासु र आत्मविश्वासी बनाउने वातावरण बनाउन सहयोग गर्नुपर्ने बताउनुभयो ।

मन्टेश्वरीकी संस्थापक प्रिन्सिपल रञ्जता रेग्मीले पढाइ र खेलकुद दुवैमा सन्तुलन कायम गराउँदै बालबालिकाको सर्वाङ्गीण विकासमा विद्यालय मार्गदर्शक रूपमा रहने बताउनुभयो । स्र्पोट्स मिटका क्रममा बाबुनानीहरुले प्रस्तुत गर्नु भएको अनुशासन, धैर्यता र आत्मविश्वास निकै अनुकरिणय रहेको उहाँले बताउनुभयो । विद्यालयले बाबुनानीहरुको पठनपाठन सहित उनीहरूलाई सामाजिकीकरण र दैनिक जीवनयापनलाई सरल बनाउने आवश्यक सीपहरूसँग अभ्यस्त बनाइरहेको उहाँले बताउनुभयो ।

स्पोर्टस् मिटमा बल कलेक्टिङ गेम, फ्रग जम्प गेम, कलर म्याचिङ् गेम, स्विट गेम, चियर एरेन्जीङ् गेम, रेडी फर स्कुल गेम, बलुन व्यालेन्सिङ गेम, सेप गेम, हिट दि टावर, सेक रेस लगायतका मनोरञ्जनात्मक खेलहरू समावेश गरिएको थियो । समापन समारोहमा बाबुनानीहरुले नृत्य र योगा समेत प्रस्तुत गर्नुभएको थियो ।

सुशासन र विकास निर्माणमा जोेड दिन्छु–उम्मेदवार माधव बास्तोला
पोखरा, २३ माघ ।

नेपाली काँग्रेसको तर्फबाट कास्की निर्वाचन क्षेत्र नं २ का उम्मेदवार माधवप्रसाद बास्तोलाले आफूले जनताको समस्या र सुशासनको पक्षमा जोडदार रुपमा आबाज उठाउने प्रतिवद्धता व्यक्त गरेका छन् ।

पोखरा–११ फूलबारीस्थित नेपाली काँग्रेस कास्की निर्वाचन क्षेत्र नं २ को चुनाव प्रचारप्रसार सम्पर्क कार्यालयको शुक्रबार उद्घाटन कार्यक्रममा उनले आफ्नै वडावासीसामु यस्तो प्रतिवद्धता व्यक्त गरेका हुन् ।

राजनीति क्षेत्रमा लागेकै समयदेखि आफू सुशासन, विकास निर्माण र समृद्धिको पक्षमा उभिदै आएकाले कास्की २ का मतदाताले आफूलाई न्याय गर्नेमा विश्वास व्यक्त गर्नुभयो । आफ्नो सम्पूर्ण जीवन इमान्दारपूर्वक राजनीति र समाजसेवामा लागेकै कारण काँग्रेसले आफूलाई टिकट दिएका र चुनावमा होमिएको उनले बताए ।

पार्टीमा युवा सभापति भएकै कारण पार्टीका नेता तथा कार्यकर्तामा यतिबेला उत्साह थपिएको छ, उनले भने जेन्जी समुहले उठाएका माग पनि देशको अभिभावकीय पार्टी काँग्रेसले सम्बोधन गर्ने कुरामा विश्वस्त गराउँछु ।

कास्की क्षेत्र नं २ का मतदाताको सुझाव संकलन गर्ने क्रममा अनगिन्ती समस्या आएका छन् ति समस्या समाधानका लागि आफू सक्रिय भएर लाग्ने भनाइ उनको छ । युवा बेरोजगारी र मंहगी नियन्त्रण, पर्यटन, कृषि, सुकुम्वासी समस्या, सुशासन, खानेपानी, ढलनिकास, फोहोर व्यवस्थापन, सडक, पुल, तटबन्द जस्ता समस्या यहाँका मूल समस्याका रुपमा देखिएको पनि उहाँले जानकारी दिनुभयो । सो अवसरमा नेपाली काँग्रेसका नेता वीरेन्द्रनारायण विजुक्छे, केशर निर्दोषी लगायतले आफ्ना भनइ राखेका थिए ।

पोखरा, २३ माघ ।

सहारा क्लब पोखराको आयोजनामा हरेक वर्ष पोखरामा आयोजना हुँदै आएको आहा रारा पोखरा गोल्ड कपको २५ औं वर्ष अर्थात् रजत वर्षको अवसरमा फोटो प्रदर्शनी गरिएको छ ।

नेपाल फोटो पत्रकार संघ (एनपिजेए), कास्कीको आयोजना र सहारा क्लब पोखराको सहयोगमा भएको प्रदर्शनी पोखराको महेन्द्रपुलस्थित फल्चामा गरिएको छ । प्रदर्शनीको दक्षिण एसियाली फुटबल महासंघ (साफ) का महासचिव पुरुषोत्तम कट्टेलले उद्घाटन गरे । उनले तस्बिर प्रदर्शनीले आहारारा गोल्ड कपको इतिहासलाई स्मरण गराएको बताए । ‘हाम्रो देशले एक खालको स्ट्रगल गरिरहेको अवस्थामा सबै स्ट्रगलबाट मुक्त भएर हामीले गरिरहेको खेलकुदको फोटो प्रदर्शनी समृद्धिको संकेत हो,’ उनले भने, ‘यो काम अन्त्यन्तै सह्रानीय कार्य हो । यस्तो काम मैले अरु ठाउँमा देखेको छैन् ।’

प्रदर्शनीमा आहारारा पोखरा गोल्ड कपको सुरुदेखिका अविस्मरणीय क्षणहरू समेटेरे १ सय वटा फोटो प्रदर्शनी गरिएको नेपाल फोटो पत्रकार संघ कास्कीका अध्यक्ष राम गुरुङले बताए । आहाराराको २५ वर्षे इतिहास, सङ्घर्ष, उत्साह र गौरवलाई तस्बिरमार्फत् जनसमक्ष प्रस्तुत गरिएको हो । ५० भन्दा बढि फोटोमा फटबल मैदान भित्रका गोल, जित–हारका क्षण, खेलाडीको संघर्ष, समर्थकको भावना तथा मैदान बाहिरको फुटबल संस्कृतिलाई प्रस्तुत गरिएको छ ।

पोखरा महानगरपालिका वडाध्यक्ष दीपेन्द्र मर्सानीले फोटोमा देखिने हरेक विषयवस्तु सत्य हुने भएकाले पत्रकातिरामा फोटोको महत्वपूर्ण भूमिका हुने बताए । उनले नेपाल फोटो पत्रकार संघ, कास्की हरेक क्रियाकलापमा आफूले साथ र सहयोग गर्ने प्रतिवद्धता जनाए ।

नयाँ पुस्तालाई नेपाली फुटबलको इतिहाससँग जोड्नुका साथै पोखरालाई खेलकुद पर्यटनको केन्द्रका रूपमा प्रवर्धन गर्न प्रदर्शनीले सहयोग गर्ने सहारा क्बल पोखराका अध्यक्ष केशवबहादुर थापाले बताए । यसले पोखरालाई खेलकुद पर्यटनको केन्द्रका रूपमा प्रवद्र्धन गर्न समेत योगदान पु¥याउने अपेक्षा गरिएको उनले सुनाए ।

नेपाल पत्रकार महासंघ, कास्कीका अध्यक्ष माधव बरालले २५ वर्षको इतिहासमा कुनै पनि वर्ष नछुटाइ आयोजना हुनेले निरन्तरताको गतिलो सन्देश गएको बताए । ‘देशमा ठूला घटना र परिवेश आयो । ६२÷६३ को आन्दोलन, ७२ को भूकम्प र कोरोना महामारीको समयमा पनि आहारारा गोल्डकप रोकिएन,’ उनले भने, ‘प्रतियोगिताले अहिले २५ वर्षमा लागेको छ । अझै सयौं सयौं वर्ष सञ्चालन भइरहोस शुभकामना ।’ उनले प्रतियोगितालाई पत्रकारले प्रचारप्रसारमा कुनै कमी आउन नदिने प्रतिवद्धता जनाए ।

२०५८ सालमा क्याराभान कोल्ड कपबाट सुरु भएको प्रतियोगिता २५ वर्षमा आइपुगेको हो भने आहा रारा गोल्ड कपको २५ औँ संस्करण माघ २७ गतेबाट पोखरा रंगशालामा सुरु हुँदैछ । यो पटक ३ विदेशी, एडिभिजन क्लब, विभागीय, आयोजकसहित १२ टिमको सहभागिता रहनेछ ।

प्रदर्शनीमा राखिएको फोटोहरु आहारारा पोखरा गोल्डकपको दौरान माघ २७ देखि फागुन ९ गतेसम्म पोखरा रंगशालामा पनि प्रदर्शन गरिने एनपिजेए कास्कीका अध्यक्ष गुरुङले जानकारी दिए । शुक्रबार प्रदर्शनीमा छुटेकाहरुले प्रतियोगिता अवधिभर अवलोकन गर्न सक्ने उनले बताए ।

पोखरा, २३ माघ ।

पोखरा–२७, तालचोक स्थिति डानेण्ड सेकन्डरी स्कूलमा “च्भबम त्यमबथ, ीभबम त्यmयचचयध” भन्ने मूल नाराकासिता पढन मोहत्सव २०डद्द, माघ २२ गतेबाट सुरु भएको तीन दिने शैक्षिक, साहित्यकि तथा सांस्कको छ । दिन दिनसम्म चल्ने यस कार्यक्रम अन्तर्गत पढन मोहत्सव, डानेण्ड मेला ९ँययम, भ्मगअबतष्यल ७ ँगल० तथा ३ड औं वार्षिक उत्सव समेटिएको छ । पहेला दिन पढन मोहत्सव औपचारिक उद्धाटन समारोहसहि २२ गतेबाट सुरु गरिएको थियो,

जहाँ राष्ट्रगान, विद्यालय प्रार्थना, ध्यान, विद्यालय निर्देशकद्धारा स्वागत मन्तदव्य तथा प्रमूख अतिथिद्धारा कार्यक्रम उद्धाटन गरिएको थियो । त्यसपछि १० मिनेटको सामूहिक “च्भबम ब्यिगम क्भककष्यल” आयोजना गरिएको थियो । पहेला दिनको प्रमूख आकर्षणको रुपमा प्रख्यात साहित्यकार डा. नवराज लमसालको द्यययप त्बपि क्जयध तथा एबलभ िम्ष्कअगककष्यल सम्पन्न भएको थियो भने शिव त्रिपाठीद्धारा कविता वाचनले कार्यक्रमलाई थप अर्थपूर्ण बनाएको थियो ।

नसरीद्धेटि कक्षा ३ सम्म का विद्यार्थीहरुका लागि छुट्टै कार्यक्रम र कक्षा ४द्धेटि कक्षा १२ सम्म का विद्यार्थीहरुका लागि अर्को कार्यक्रम संचालन गरिएको थियो । कक्षा स्तरअनुसार पुस्तक समीक्षा, कविता वाचन, प्रोजेकट प्रस्तुती, समाचथ वाचन, भाषा खेल, समूह वाचन तथा अभिभावक अनुभव आदन–प्रादन जस्ता गतिविधिहरु विद्यालय का विभिन्न स्थानहरुमा एबचबििभ िक्भककष्यल मार्फत संचालन गरिएको थियो ।

कार्यक्रमको दोस्रो दिन डानेण्ड मेला २०डद्द भनव्य रुपमा सम्पन्न भएको छ । ँययम, भ्मगअबतष्यल ७ ँगल लाई एकै ठाउँमा समेटेको मेलामा शैक्षिक, खेलकुद तथा मनोरन्जनात्मक स्टल हरु राखिएका थिए । मेला को सभापतित्व हरिप्रसाद लामीछानेले गर्नु भएको थियो भने वाटर फ्रन्ट रिसोर्टका रेसडिन्ट म्यानेजर अमरित बी. के। प्रमूख अतिथिको रुपमा सहभागी रहनु भएको थियो । स्वागत मन्तदव्य विद्याथी रतिक गुरुङले राख्नु भएको थियो भने कार्यक्रममाथि सन्जीव थापाले प्रकाश पान्नु भएको थियो । कार्यक्रम संचालन नारायण वाग्लेले गर्नु भएको थियो । मेलामा सांगीतिक प्रस्तुती अन्तर्गत न्ष्तिअज न्चययखभ बेण्डका तर्फबाट ड्रम मा सिसन क्षेत्री, गिटारमा आसिम आल्े र अ‍ेक्कार गुरुङ, बासमा रितेन गुरुङ, तथा विशाल पाण्डे लगायतको लाप प्रस्तुती रहेको थियो । त्यसका साथै म्ष्बmयलम द्यबलम र म्ष्बmयलम न्ष्चकि द्यबलम को प्रस्तुती पनि दर्शक को विशेष आकर्षण बनेको शिक्षक राजन परियारले जानकारी दिनु भएको छ ।

मेलामा कक्षा ११ र १२ का होटल म्यानेजम्ेन्ट सङका कला विद्यार्थीहरुले ममास्, चाउनमिन, जुजु धो, नेवारी खाजा, पेसट्री लगायतका परिकारहरुसहि तरा खादइल स्टल संचालन गरेका थिए भने विद्यार्थीहरुद्धारा संचालित खेल तथा हस्तकला तथा मनोरन्जनात्मक स्टर्लहरुले मेला लाई थप जीवन्त बनाएको थियो । कार्यक्रम समन्वय कार्ता अरजुन अधिकारीअनुसार मेलाबाट करिब ७ लाख ५० हजार रुपैयाँ बराबरको कारोबार भएको छ ।

विद्यालयले तेस्रो दिन ३ड औं वार्षिक उत्सव तथा पुरस्कार वितरण समारोह आयोजना गर्ने जानकारी दिनेको छ । विद्यालय प्रशासनले सबै अभिभावक, शुभवेछुक तथा समुदाय का सदस्यहरुलाई कार्यक्रममा उपस्थित भई विद्यार्थीहरुको उत्साहवद्र्धन गर्न हार्दिक निमन्त्रणा गरेको छ ।

पोखरा, २३  माघ ।

पोखरा महानगरपालिका वडा नं २७ रिठेपानी स्थित राईजिङ्ग स्टार युथ क्लबको भण्डारी टोल स्थित भलिवल कोर्टमा सुरु भएको नवौं राईजिङ्ग स्टार खुल्ला वडास्तरीय भलिवल प्रतियोगिताको आयोजक टिम फाइनलमा प्रवेश गरेको छ । यससँगै शनिवारको सेमीफाइनल खेल बागलुङ्गको ढोरपाटन समूह र पर्वत मोदीको बाजुङ्ग समूह मध्येको विजेतासँग आयोजक बी समूहले फाइनल खेल खेल्ने तय भएको छ ।

शुक्रवार विभिन्न आठ खेलहरु सम्पन्न भएका प्रतियोगिता संयोजक ईश्वर खत्रीले जानकारी दिए । क्लवका अध्यक्ष तिलबहादुर गुरुङ अनिलको अध्यक्षतामा भएको कार्यक्रम पूर्व अध्यक्ष विष्णुप्रसाद गुरुङले सञ्चालन गरेका थिए ।

शनिवारका फाइनल खेल सकिए लगत्तै क्लबका आजीवन संरक्षक पोखरा महानगरापालिका वडा नम्वर २७ का वडाध्यक्ष पूर्णकुमार गुरुङले समापन तथा पुरस्कार वितरण गर्ने कार्यक्रम रहेको आयोजकले जनाएको छ ।

१५ टिमको सहभागिता रहेको प्रतियोगिताको बिजयी समूहले एक लाख ११ हजार एक सय ११, उप विजेता समूहले ५५ हजार पाँच सय ५५ र तृतीय हुने दुई समूहलाई १०÷१० हजार प्रदान गरिने छ भने अन्य उत्कृष्ट खेलाडीलाई विधा अनुसारको पुरस्कार प्रदान गरिने वताइएको छ ।

पोखरा, २३ माघ ।

प्रतिभा सुपर लिग क्रिकेटमा सेमीफाइनल समीकरण पूरा भएको छ । लिगको अन्तिम खेलमा शुक्रबार गुरुकुल विद्या सदनलाई पराजित गर्दै मदरल्याण्ड सेमीफाइनलमा प्रवेश गरेसँगै प्रतिभा सुपर लिग क्रिकेटको सेमीफाइनल समीकरण पूरा भएको हो । यसअघि आयोजक प्रतिभा माविसँगै छोरेपाटन मावि र बाल मन्दिर मावि प्रतियोगिताको सेमीफाइनलमा प्रवेश गरिसकेका छन् ।

प्रतियोगिताको सेमीफाइनल खेलहरु शनिबार हुनेछन् । सेमीफाइनलको पहिलो खेलमा मदरल्याण्डबिरुद्द छोरेपाटन मावि तथा दोस्रो खेलमा बाल मन्दिर माविबिरुद्द आयोजक प्रतिभा मावि प्रतिष्पर्धामा उत्रिनेछन् ।

प्रतियोगिता अन्तर्गत शुक्रबार भएको खेलमा मदरल्याण्ड सेकेण्डरीले गुरुकुल विद्या सदनलाई ६४ रनको फराकिलो अन्तरले पराजित गर्दै सेमीफाइनल यात्रा सुनिश्चित गर्यो । टस जितेर गुरुकुलले फिल्डिङ रोजेपछि पहिले व्याटिङ गरेको मदरल्याण्डले १९.५ ओभरमा सबै विकेट गुमाएर १२१ रनको योगफल तयार गर्यो । मदरल्याण्डका लागि शुभम गिरीले ४४ बलमा ३७ रन, अनुराग भण्डारीले १६ बलमा २६ रन र भुवनबहादुर भण्डारीले १४ बलमा १४ रनको योगदान दिए ।

मदरल्याण्डलाई विशाल लक्ष्य बनाउनबाट रोक्ने क्रममा गुरुकुलका सुदीप सुनारले ४ ओभरमा २ मेडन फाल्दै ३ रन खर्चेर ३ विकेट तथा एलन भट्टले ४ ओभरमा १ मेडन फाल्दै ३६ रन खर्चेर ३ विकेट र युवराज घर्ती मगरले २.५ ओभरमा १४ खर्चेर २ विकेट लिए ।

१२२ रनको चुनौतिपूर्ण लक्ष्य पछ्याउँदै जवाफी व्याटिङमा उत्रिएको गुरुकुलले ११.१ ओभरमा सबै विकेट गुमाएर ५७ रनमा सिमित भयो । गुरुकुलका लागि विवेक बानियाले २० बलमा २८ रन र देवेन्द्र खड्काले ८ बलमा ६ रन बनाउनुबाहेक अन्यको व्याट चलेन । गुरुकुललाई सस्तैमा समेट्न मदरल्याण्डका विलोभ मल्लले ४ ओभरमा केवल १० रन खर्चेर ६ विकेट तथा गौरव, सद्रिस र रमेशले थप १÷१ विकेट लिए ।

खेलमा मदरल्याण्डका ६ विकेटधारी विलोभ मल्ल प्लेयर अफ द म्याच घोषित भए ।

त्यस्तै, शुक्रबार भएको अर्को खेलमा टप्स माविले कुमुदिनी होम्स माविलाई ४ विकेटले पराजित गर्दै सान्त्वना जित हात पार्यो । सेमीफाइनल पुग्ने बाटो बन्द भएर सान्त्वना जितका लागि मात्र भएको प्रतिष्पर्धामा कुमुदिनी होम्सले टस जितेर पहिले व्याटिङ गर्दै १९.५ ओभरमा सबै विकेट गुमाएर १२५ रनको योगफल तयार गर्यो । चुनौतिपूर्ण रन बनाउने क्रममा कुमुदिनीका मोहम्मद अलीले ४३ बलमा ३७ रन, लोचन राजवंशीले २० बलमा २० रन र लकी गुप्ताले १० बलमा ११ रनको योगदान दिए । कुमुदिनीलाई दवाबमा राख्न टप्सका जेसिस शाहले ३.५ ओभरमा २१ रन खर्चेर ४ विकेट, अनुज शर्माले ४ ओभरमा १४ रन खर्चेर ३ विकेट र सौरभ तिमिल्सिनाले ४ ओभरमा १३ रन खर्चेर २ विकेट लिए ।

१२६ रनको चुनौतिपूर्ण लक्ष्य पछ्याएर जवाफी व्याटिङमा उत्रिएको टप्स माविले १७.१ ओभरमै ६ विकेट गुमाएर लक्ष्य भेट्टायो । लक्ष्य भेट्टाउने क्रममा टप्सका संयोग तिवारीले १९ बलमा २० रन, अनुज शर्माले ९ बलमै १३ रन र सौरभ तिमिल्सिनाले २३ बलमा १४ रनको योगदान दिए । टप्सको व्याटिङ अर्डर ध्वस्त बनाउने क्रममा कुमुदिनीका लकी गुप्ताले ४ ओभरमा २२ रन खर्चेर २ विकेट, विद्वान देवकोटाले ४ ओभरमा २५ खर्चेर २ विकेट नै लिए ।

सो खेलमा टप्सका अनुज शर्मा प्लेयर अफ द म्याच घोषित भए ।

प्रतियोगिताको फाइनल खेल आईतबार हुनेछ ।

पोखरा, २३ माघ ।

नेपाली काँग्रेस कास्की क्षेत्र नं. ३ ले विभिन्न ठाउँमा सम्पर्क कार्यालय स्थापना सँगै घरदैलो र भेटघाट कार्यक्रमलाई तीव्र पारेको छ । यसैबिच शुक्रवार कास्की क्षेत्र नं. ३ को पोखरा महानगर पालिका वडा नं. २५ हेमजाको मिलन चोक र सुइखेतमा चुनाव प्रचार प्रसारका लागि सम्पर्क कार्यालय स्थापना गरिएको छ । सम्पर्क कार्यालयको क्षेत्र नं. ३ कास्कीका प्रतिनिधि सभा सदस्य उम्मेदवार मनोज गुरुङ र समानुपातिक उम्मेदवार आई बहादुर गुरुङले संयुक्त रूपमा गरेका थिए ।

कार्यक्रममा बोल्दै प्रतिनिधि सभा सदस्य उम्मेदवार मनोज गुरुङले यस क्षेत्रको बृहत्तर विकास र जनताका आवाजलाई संसदमा लैजान रुख चिन्हमा मतदान गर्न आग्रह गरे। ‘काँग्रेस अब अलमलिने बेला छैन, हिजो गरेका काम र अब गर्ने कामका बारेमा जनतामाझ जानुपर्दछ’ उनले भने, ‘हरेक सुख दुःखमा काँग्रेस सँगै छ भन्ने आभास जनतालाई दिनुपर्ने छ।’

उनले हेमजाको विकास निर्माणमा बजेट ल्याउनका लागि आफूले पनि पहल गरेको जानकारी दिँदै अबका दिनमा पनि यहाँको आवश्यकता अनुसारको विकास निर्माणमा आफूले पहलकदमी चाल्ने विश्वास दिलाए ।

समानुपातिक उम्मेदवार आई बहादुर गुरुङले पार्टी बदलिएसँगै देश बदल्ने अठोट लिएर काँग्रेस आएको बताउँदै अबको परिवर्तनका लागि रुख चिन्हमा मतदान गर्न आग्रह गरे । ‘विगतका कमीकमजोरी समीक्षा गर्दै पार्टीसँगै देश बदल्ने जोसका साथ नेपाली काँग्रेस निर्वाचनमा होमिएको छ’ उनले भने, ‘काँग्रेसले लिएको लक्ष्य प्राप्ति र सुशासन कायम गर्न नेपाली काँग्रेसको रुख चिन्हमा मतदान गर्नुहोस् ।’

निर्वाचन परिचाल समितिका संयोजक तथा नेपाली काँग्रेस कास्कीका उपसभापति युवराज कुँवरले नयाँ सोच नयाँ चिन्तनका साथ काँग्रेस अगाडि बढेको बताउँदै देश बदल्ने जिम्मा पनि काँग्रेसले नै लिने बताए ।

नेपाली काँग्रेसका नेता महासमिति सदस्य रामचन्द्र त्रिपाठीले परिवर्तनलाई आत्मासाथ गर्ने पार्टी काँग्रेस भएको बताए । दलित परिचालन समितिका संयोजक मन बहादुर विकले सबैले तन मनका साथ रुख चिन्हमा मतदान गर्न सबैलाई आग्रह गर्नुपर्ने बताए ।

निर्वाचन परिचालन समितिका सहसंयोजक खिमलाल बास्तोलाका अनुसार आन्तरिक घरदैलो र चुनाव प्रचार प्रसार सँगै सम्पर्क कार्यालय स्थापना गर्ने कामलाई तीव्रता दिएको बताए । नेपाली काँग्रेस पोखरा–२५ हेमजा वडा समितिका सभापति मधुसूदन त्रिपाठीको अध्यक्षतामा भएको कार्यक्रमको सञ्चालन सहसचिव सन्तमान श्रेष्ठले गरेका थिए ।