काठमाडौं, २ कात्तिक ।
नेपाली बजारमा आज आइतबार सुनको मूल्य तोलामा ४ हजार ८०० रुपैयाँ घटेको छ । सुनको मूल्य साताको कारोबारको पहिलो दिन घटेर २ लाख ५३ हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार शुक्रबार हालसम्मकै उच्च बिन्दुमा कारोबार भएको थियो । सो दिन छापावाल सुन तोलामा २ लाख ५८ हजार रुपैयाँ पुगेको थियो ।
यस्तै चाँदीको मूल्य पनि आइतबार घटेको छ । आइतबार तोलामा ३ हजार २७५ रुपैयाँ कायम भएको महासंघको भनाइ छ । शुक्रबार तोलामा ३ हजार ३५० रुपैयाँ कायम भएको थियो ।
