पोखरा, १६ कात्र्तिक ।
जिल्ला कास्की पोखरा महानगरपालिका वडा नं.२४ हेम्जा स्थितमा जुवातास खेलिरहेको भन्ने सूचनाको आधारमा जिल्ला प्रहरी कार्यालय कास्की मातहत वडा प्रहरी कार्यालय बगर कास्कीबाट खटिएको प्रहरी टोलीले मिति २०८२।०७।१५ गते अं.१२:३० बजेको समयमा जुवातास खेलिरहेको अवस्थामा खेलाउने समेत गरी ७ जना मानिसहरुलाई नगद रकम रू.७३,२०५।- र ४ बुक तास तथा अन्य जुवा जन्य सामग्री सहित पक्राउ गरी जिल्ला प्रशासन कार्यालय कास्कीबाट सार्वजनिक हित, स्वास्थ्य, सुरक्षा, सुविधा र नैतिकता बिरुद्धको कसूर अन्तर्गत जुवा खेल्न वा सट्टेवाजी गर्न नहुने मुद्दामा दिन सात (७) म्याद थप गरी अनुसन्धान प्रकृया अगाडी बढाईएको ।
