पोखरा, २८ फागनु ।
बजारमा खाना पकाउने ग्यासको अभाव हुन नदिन नेपाल आयल निगमले भोलि शुक्रबारदेखि आधा सिलिन्डर मात्रै बिक्री गर्ने भएको छ । निगमले शुक्रबार फागुन २९ गतेदेखि लागू हुने गरी ७.१ केजी तौल भएको आधा सिलिन्डर ग्यास बजारमा पठाउन लागेको हो ।
ग्यासको आपूर्तिमा समस्या देखिएपछि निगमले यस्तो निर्णय लिएको जनाएकाे छ । मध्यपूर्वमा जारी युद्धका कारण पेट्रोलियम पदार्थ र एलपी ग्यासको आपूर्तिमा विश्वव्यापी असर परेको छ ।
अर्को व्यवस्था नभएसम्म उपभोक्तालाई सोही अनुसार ग्यास खरिद गर्न निगमले अनुरोध गरेको छ ।
