काठमाडौं ।
दार्चुलामा झोलुङ्गे पुलको उद्घाटन गरेर काठमाडौं फर्किएका श्रम संस्कृति पार्टीका अध्यक्ष हर्क साम्पाङले आफूहरूले उठाएको पैसा एक रुपैयाँ पनि दुरुपयोग नभएको बताएका छन् ।उनले लोकतन्त्रमा कसैको मुख थुन्न नहुने भन्दै आफूहरूको अभियान जारी रहने बताए। उनले आफूहरूले उठाएको सहयोगको सबै हिसाब पारदर्शी भएको जिकिर गरे।
क्यूआर पार्टी भन्नेहरूलाई उनले , ‘त्यो भन्ने मान्छेले पनि सहयोग गरेको देखाओस् न। हावामा एक रुपैयाँ सहयोग गरेको छैन त्यसै भनेर हुन्छ। अब भन्दा सहयोग गरेको स्क्रिनसट राखेर देखाओस् न।’
उनले विरोध गर्ने अधिकार लोकतन्त्रमा सबैलाई हुने भएपनि प्रमाणसहित गर्नुपर्ने बताए। कसैले बिना प्रमाण आरोप लगाउन नमिल्ने उनको उनको भनाइ छ।
