काठमाण्डौं, १३ फागुन।
निर्वाचन आयोगले राजनीतिक दल र उम्मेद्वारका बारेमा मत सर्वेक्षण नगर्न आग्रह गरेको छ । मतदान सम्पन्न नहुँदासम्म मत सर्वेक्षण गर्न र त्यसको नतिजा सार्वजनिक गर्न नपाइने भन्दै आयोगले त्यसो गरेमा कारवाही हुने चेतावनी दिएको हो ।
निर्वाचन आयोगले मतदान हुनुअघि नै मत सर्वेक्षण गरी नतिजा सार्वजनिक गर्दा मतदाताको स्वतन्त्र निर्णय दिग्भ्रमित हुने र यसले उम्मेदवारहरूलाई हतोत्साही बनाउने तथा प्रतिस्पर्धाको वातावरणमा खलल पुर्याउने जोखिम रहेको बताएको छ । साथै निर्वाचन आचारसंहिता २०८२ को पूर्ण पालना गर्न सबै पक्षलाई आह्वान गर्दै प्रविधिको दुरुपयोगप्रति पनि गम्भीर बन्न आयोगको आग्रह रहेको छ ।
पछिल्लो समय आर्टिफिसियल इन्टेलिजेन्सको प्रयोग गरी तयार गरिएका दिग्भ्रमित सामग्री सामाजिक सञ्जालमा प्रसारण भएको हुदाँ उक्त कार्य नगर्न र नगराउन समेत आग्रह गरेको छ ।
