काठमाडौं, ३० भदौ ।
प्रधानमन्त्री सुशीला कार्कीले मन्त्रिपरिषद् विस्तार गरेकी छन्। जस अनुसार रामेश्वर खनाल अर्थ मन्त्रालय, कुलमान घिसिङ ऊर्जा, जलस्रोत तथा सिंचाइ; भौतिक पूर्वाधार तथा यातायात; सहरी विकास र ओमप्रकाश अर्याल गृह; कानून, न्याय तथा संसदीय मामिला मन्त्रीको जिम्मेवारी पाएका हुन्।
नवनियुक्त तीन मन्त्रीलाई राष्ट्रपति रामचन्द्र पौडेलले शीतल निवासमा आज आयोजित विशेष समारोहका बीच शपथ गराएका छन्।
यसैबीच मन्त्रीहरुले सपथ ग्रहण लगत्तै सिंहदरबार पुगेर पदभार ग्रहण समेत गरेका छन । उनीहरुको नियुक्ति पनि आजै भएको थियो ।
अर्थमन्त्री खनाल पूर्वअर्थसचिव हुन्। यसैगरी ऊर्जा मन्त्री घिसिङ नेपाल विद्युत प्राधिकरणका पूर्वकार्यकारी निर्देशक हुन् भने गृहमन्त्री अर्याल कानुनविद् हुन्।
