काठमाडौं, ९ असोज ।
निर्वाचन आयोगले आगामी कात्तिक मसान्त (कात्तिक ३०) सम्म मतदाता नामावली सङ्कलन र अद्यावधिक गर्ने निर्णय गरेको छ । आयोगको बिहीबार बसेको बैठकले यस्तो निर्णय गरेको हो ।
आयोगले मतदाता नामावली सङ्कलनका लागि सुरु भैसकेको जनाएको छ । आगामी फागुन २० गतेसम्म १८ वर्ष पूरा हुने नागरिकले भोट हाल्न पाउने भएका छन् ।
आगामी फागुन २१ गते प्रतिनिधि सभा सदस्यका लागि निर्वाचन हुदैछ । सो का लागि आयोगले अध्यादेशमार्फत मतदाता नामावली सङ्कलन गर्न बाटो खोलिदिन सरकारलाई आग्रह गरेअनुसार सरकारले उक्त बाटो खोलिदिएको थियो ।
