पोखरा, १३ कात्र्तिक ।
मिति २०८२।०७।१२ गते अन्दाजी २०:५० बजेको समयमा जिल्ला कास्की पोखरा महानगरपालिका वडा नं.१७ छोरेपाटन स्थितमा लागू औषधको बिक्री बितरण भई रहेको भन्ने सूचनाको आधारमा लागू औषध नियन्त्रण ब्युरो शाखा कार्यालय पोखरा र जिल्ला प्रहरी कार्यालय कास्कीबाट खटिएको प्रहरी टोलिले जिल्ला कास्की पोखरा महानगरपालिका वडा नं. १२ बस्ने वर्ष २२ को राहुल घले र जिल्ला कास्की पोखरा म.न.पा. वडा नं. १८ बस्ने वर्ष ३१ को सुदिप विश्वकर्मालाई खानतलासी गर्दा निजहरुको साथबाट डाईजापाम- १४९ एम्पुल, फेनारगन- १४७ एम्पुल, नुर्फिन- १४७ एम्पुल गरी जम्मा- ४४३ एम्पुल लागू औषध र मोबाईल २ थान समेत बरामद भएकोले निजहरूलाई नियन्त्रणमा लिई सम्मानित कास्की जिल्ला अदालतबाट लागू औषध सम्बन्धी मुद्दामा दिन पाँच (५) म्याद थप गरी अनुसन्धान प्रकृया अगाडी बढाईएको ।
